العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
يسمونها " الشيخه " لجزالتها
ياخوي لك عندي وصاة مصيبه = ترى وصاتي تلمس العقل وتصيب ترى وصاة أخوك مابه معيبه = مادام أخوك مكمل العقل ومنيب لا بد أموت ولا ذرى تتقي به = وأخشى توازى للدروب الضنابيب سمر الليالي ماتعلم بغيبه = ولا يعلم إلا صاحب العلم بالغيب ودي تحرص عن بلا كل ويبه = ويصير بك عرف وكمال وتأديب ولا المقدر صار ماينحكي به = ما ينمحي هذا من الله مكاتيب أول وصاتي بالفروض الوجيبه = صوم وصلاة وأد كل المواجيب وثاني وصاتي للأمور الصعيبه = إصبر وبأمر الله تهون المصاعيب جرح عبي له ما يكلف طبيبه = ولا فيه شي إلا مضاله تجاريب وثالث وصاتي تلعة ينعدي به = تلقا عليها بينات المساريب واللي عدابه ذيب من بطن ذيبه = ولا واحد عدا بها غير هو ذيب ترى هذاك العرف من غير ريبه = راعيه مايطلب ولا له مطاليب ورابع وصاتي كثرة الهرج خيبه = هرج بلا معناه مسموج وايخيب لا صار ماعندك علوم غريبه = وسط الرجال ترتب الهرج ترتيب وخامس وصاتي خفة الرجل عيبه = من كثر الدوجات يركض له العيب إن كان ماعندك لوازم تجيبه = تنحر لزومك كان ماجاك واتجيب وسادس وصاتي لك معزه وهيبه = عليك بسفن البر حرش العراقيب ولا يعجبك زبد الغنم والرويبه = ترغب لحوش الضأن وتخلي النيب راع الغنم يشيب من قبل شيبه = والبل معزه تجلي الهم والشيب الي اشلهب الوقت لو هو حليبه = يوصلك لديار الهنا والتعاجيب وسابع وصاتي كان صابتك سيبه = وتقدر على كثر الثمن والمطاليب بنت الحموله والأصيل العريبه = اللي اقتناهن نال لذه وترغيب واللي اقتنى بنت الردي والهليبه = اصبح بهم وجنب الربح تجنيب والعوز يرث لك مذله وريبه = أردى الرجال اللي يسمونه السيب عليك بالسقمه ولو هي تعيبه = ما دام بك حيل تنط المراقيب ترى كثير المال كلن حبيبه = ينقال له فت جاي لو ما فعل طيب ومن قل ماله صار شن أروي به = لو كان طيب يكثرن به شواذيب وثامن وصاتي علمها ينحري به = ترى الدروب الفاسدة فعلها ريب درب الدنس والعايزه والقريبه = ترى هذيلن من كبار العذاريب ثنتين من داخى عليهن احكي به = والعلم يظهر من أذان الأعاريب مداخي على عرضه مثل شق جيبه = ومداخي على وجهه تعيبه معاييب وتاسع وصاتي عن مناقر شريبه = لا صار ما هو من وساع المساريب خله ويلقا بالموارد لعيبه = عند الموارد يكثرون اللواعيب ومن دور العيلات غربل نصيبه = حسب حسابه من حساب المذاهيب ومن ترك للشيطان حقه غدي به = ومن هاب طبات الملاعيب ماهيب عن واحد يبلاك أو تبتلي به = حديكم يناحر ديار الأجانيب وعاشر وصاتي كان حلت مصيبه = وبلاك ربك وابتلوك المغاصيب احذر تمضي ماتسمى غليبه = امض وتبين عن لحاق المشاعيب أزبن على حصن الرجال الصليبه = اللي يحلون العقود المناشيب اللي زبنهم مايجي له طليبه = عده بعيطا عن سموم اللواهيب وعندي وصايا للعقول اللبيبه = للي يضمه بالضلوع المحاديب الضيف ضيف الله وصابه حبيبه = استقبل ضيفك في تهلي وترحيب قلط له الميسور وما هان جيبه = وأحلف عن المذخور دين المعازيب وخويك اللي بالخلا تبتلي به = خيال ولا فوق عوج المصاليب أو من مشى رجلي ولا له نجيبه = أو عورة يبلا بها عالم الغيب اصبر وراع الصبر مشكور طيبه = عند اللي يدور الفخر والمراتيب وقصيرك اللي مايصيبك يصيبه = وصابه الله له كرامه وتوجيب والعبد لابد ما كتب له يصيبه = واللي تجنب تايح الرمي ما صيب الشيوخ والحكام زمل منيبه = بهم عمار وقضي لازم وتخريب ما ينومن من شان منهم حليبه = عقب الصداقه ينقلب كنه الشيب أهل خفايا وغيبهم ما دري به = يتحدرجون بدون عيب وتذنيب عشرانهم أهل العلوم العجيبه = وصدقانهم مروين حد المغاليب وان كان ما حدا الثلاثه تجيبه = مالك بهم والدرب شرق وتغاريب خويهم ما يشتهي نفض جيبه = حكاي وجهين يقص العراقيب هذي يوديها وهذي يجيبه = وهذي يسويها بين صدق وتكذيب واللي حكى بين الصحيب وصحيبه = مخرب ويخرب بين ناس أصاحيب سوالفه دايم نميمه وغيبه = ولا يستحي كوبان من كلمة العيب راعي النقيلي لا توارد قليبه = خل الردي مافاد قربه ولا ايثيب حذراك لا تنزل جوانب شعيبه = وبالك تحطه ياابو زعزوع بالجيب الشاعر محمد بن حسين الدسم رحمه الله رحمة واسعه وجميع موتانا وموتى المسلمين
|
#2
|
|||
|
|||
صح اللسان الشاعر
والله يرحمه ويغمد روحه الجنه ومشكور على النقل ال مستحيل والله يعطيك العافيه ومن هذه الحظه ومن هذه الصفحه اعلن رحيلى الى الابد وسمحوا لى على كل ماصار والله يوفقنا ويوفقكم اجمعين ومع السلامه
|
#3
|
||||
|
||||
|
#4
|
||||
|
||||
صح لسان قايلها وناقلها
شكرا لك ال مستحيل وعودا حميدا للخيمة
|
#5
|
||||
|
||||
لاحول لاو قوة الا بالله ليش تطلع عسى ما شر
|
#6
|
|||||||||||||||||||||||||
|
|||||||||||||||||||||||||
|
#7
|
||||
|
||||
يسمونها " الشيخه " لجزالتها
:::::::::::: والجزل مايجيب الا الجزااالة صح لسانه وعلاااشانه :: وتسلم يمينك وذوقك الجزل وافر الغلااااا
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |