|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
19-04-09, 05:20 PM
|
||||
|
||||
,,لآلآ للمدرســـــــــ,,ــــــــهـ ,,
 مدخـــل : ايــــــآگوالدراسـہ..’’ فإنهآ تلهي المرء عن" الونآسـہ" في يوم من الايام بينما انا مفهيه بحصة الرياضيات وداجتن مدري وين ربي حاطن والتفت ع صديقتي اللي جنبي اللي هي مفهيتن مثلي وتشخبط ع الطاوله وانا الف ع ورى الا تذكار واللي جنبه كل وحده ادج من الثانيه بهالحظه ايقنت ان مامنا رجا والله يعين اهالينا علينا ومصيرنا البيت لان مافيه جامعه راح تستقبلنا الا جامعة المطبخ  وبينما انا اتلفت الااسمع تذكار تقول شوفي السوريه اللي هناك يانه تشلخخخخخخخخخخخخخخخ التفت لتذكار واطالعه بنص عين فضحتنا واقول له اذكري ربتس انت كل ماشفتيه قلتي هالكلمه ارضي بالامر الواقع منتي صايره زيه><ماتعرف تحطم >< وهي تبلع العافيه وانا اكمل تلفت وتقزقز  فاضيه ماعندي شغل الا الابله قومت البنت اللي قدام عشان تجاوب الا الشله اللي ورا قامو يتناغزون ويتضاحكون ومن هذا المنطلق طرى ع بالي الموضوع هع هع >>يعني كل هالحتسي وانا مابديت بالموضوع  نبذه عن فصلنا >>ثالث علمي <<امحق علم 21 طالبه داجه كل شله بحاله "الشله الاولى" شلة جمس الهيئه .. عددهن سته دوافير + لازقات عند غرفة المديره باي مصيبه تصير هع هع بالعربي غثه ولايعتن تسبودنا منهن "الشله الثانيه " شلة المفهيات عددهن اربعه لايهشون ولا ينشون فيهم عرق دافور بس الحمدلله مافيهم عرق حرشه هع هع "الشله الثالثه" شلة خبز وجبن عددهن سبعه بالزاويه اللي هناك ايوه اللي ع اليمين زااااااااااحفااااااااات أكل + ضحك +سوالف وفطورهم خبز طيبه وجبن البقره الضاحكه ومربى وبعض الاحيان يجبن ليمون وملح مدري سكر الموهم حاجه بيضاء وقهوه وحلاو جواهر مدري كيف يجتمعن بس اللي متعجبه منه هاليمون قصم انهن غريبات هع هع "الشله الرابعه " عرابجة حايل من يتحداها عددهن اربعه فديييييييييييييييييت خششهن  تذكار _ مجرد احساس_ هيوف _ خلود مانعرف الا الهياط والخنقه ع الفسحه >>مشفوحات ولعب وتصبيخ لهالطاولات >>مجربه البداااااااااااااايه >>الله يستر اربطوا جزام الامان  شلة خبز وجبن متخانقين مع جمس الهيئه وكل يوم مسويات مناحه بالفصل طبعا الحصه الرابعه ماثر عليهن الجوع لاننا مانتفسح الا السادسه خبز وجبن \يملا التبن لكن الله يعينكن ع اشكالكن وشعوركن المتجعده الله لا يبلانا جمس الهيئه\مالت عليكن يالنفسيات ماعليكن شرهه نفسيات خبز وجبن\نفسيه بعينك انتي وياه اذا فيه نفسيه فهو انتن وتستمر الخنقه الين ماتدخل عليهن مدرسه وتهزئهن ويروحون للاداره ويكتبن تعهد ويرجعن يكملن يعني مافيه فايده وطبعا حنا متشققات من الضحك بس نتفرج ونضحك ونعلق >>الله من الشماته ><ومبسوطات ع الوضع جت الحصه السادسه وتبدا خنقتنا ع الفسحه هيوف سرقت مني الفول السوداني وتذكار وخلود يتخانقن ع البطاطس وهذي حالتنا وطبعا يوم لك ويوم عليك مره اسرق مره انسرق ههههههههههههههههههههه وخلودوه من زود الشفحه طيحت دفاتري وانا انزل بجيبهن واصبخ الطاوله هكالصبخه الا الدنيا تدووووووووور قدام عيوني واحس اني انعميت ع اني فاتحه عيوني ع كبرهن وصديقاتي متسدحات علي من الضحك يقلن رجيتي الفصل من صبختك بالطاوله >>قاعدات يتشمتن بدال مايواسني هههههههههههههههههههههه وطبعا لما صحيت بنفسي قمت اهزئهن حشا ماعندكن احساس واتذكر شكلي واقعد اضحك والمس جبهتي قلت يمكن فيه جزء نشب بالطاوله وانا مدري ههههههههههههههههه وخلود استغلت الوضع وتسرق بطاطس هيفاء وتجي هيوف تاخذ عبايته اللي منظفتن به شوارع الحي كله هههههههههههههه وترميه علينا وحنا نقعد نصارخ ونهرب><قنبله مو عبايه>< ماطاح به الا تذكار خمت الدرج اللي ورى يحول يوم رجعت للبيت لقت كتفه مجروح هههههههههههههههههههههههه ><حوبتي ماحد قاله تضحك علي ><وحنا نقوم قلنا نبي نغير الروتين من الصبح وحنا لازقاات بهالفصل ونطلع عند الباب ونقعد نهبل بالمدرسات ونويق عليهن وتجينا ابله باربي ><هذي معيارته لانه تشبه باربي ><وش عندكن وحنا نقوله انتي اللي ليش جالسه لحالتس >< شين وقواة عين وش رايتس نجي ونسولف معتس ابله باربي \ اقول ارجعن واجلسن بكراسيكن هيوف \ ابله بقولتس سالفه تعجبتس ابله باربي \ وش عندتس >< مصدقه يحول>< تذكار \ ابله مره طلعوا للبر ><خاشه عرض قاطتن خشمه هي ووجهه ههههههههههههه>< ابله باربي \ اقول ادخلن بس ><تصرف>< مجرد \ ابله نبي نونستس مايصير ستذا جالسه لحالتس ابله باربي \ لا مابي احد يونسني >< عز الله نفسيه مو منتس من شعرتس اللي نصه اسود ونصه اصفر هههههههه>< وهي تروح وكل شوي نفتح الباب ونتركه هسترنا به شعره صار ابيض بدال ماهو اصفر  جت الحصه السابعه قلنا بماان ماعندنا احد خلونا نسير ع الادبي وندقه حنك معهم ونقعد معهم وسالفه تنطح سالفه  الا جت مدرسة الدين عند فصلنا واعطتهم درس ونص شلة خبز وجبن جايين معنا هاربين من الحصه قلنا ماراح نرجع والله لا يعوق بشرماحد قاله تجينا بحصة احتياط وتصفر طلعه ونطلع مستانسات ع بالنا مسويات انجاز الا استقبلونا جمس الهيئه يبشرون المدرسه ماخذه شناطكن وعباياتكن وحاطتهن عند غرفة المدرسات وحنا نقعد نضحك ونروح ومن زود الفلاحه نبي ناخذهن ونهرب >>ماتابن  وتمسكنا الابله فرس النهر >>معيارته ههههههههههه>< وتقعد تخانقنا ليش تهربن من حصتي >>من زين حصتك ونقعد نعطيه من الرخيص مثل >مادرينا – ماسمعنا – فاضين ماعندنا احد ......< ومن الحتسي وقالت ماراح تحضرن حصتي الا امهاتكن جايات بكره >>زين شكلي وامي جايه معي بس  وحنا نطلع وقلنا ماراح نعلم امهاتنا ونبي نشطفه مالت عليه فرس النهر هع هع>شين وقواة عين < وجينامن باتسر قلت بنات من علمت امه طبعا الكل علم >>عكسنا الاتفاق مجرد \ انا قلت له مشوين >قصدي الصبح قبل ماروح للمطرسه <وقلت له مامي بليز لا تجين انا بتفاهم مع المديره >مهايطيه الاخت هع تذكار \انا قلت له اول مارجعت من المدرسه قالت لو يفصلونتس ماجيت خلود \ انا اختي هالدلخ علمت امي وقالت ماراح اجي ابد دبري عمرتس هيفاء هي الوحيده اللي ماعلمته امه ><خارشته امه هههههههههههههه>< وتجي مرشدتنا وتنادينا طبعا المرشده عسللللللللللل وطيبه مررررررررررررررررررهوحنا مستغلينه ابشعععع استغلال وقالت خلاص انا قلت للمدرسه راح اكتبهن تعهد بس بسكت مدرستكم وبعدين بشققه >>ووه بس يابعدي هي حنا ايه ابله يابعد حيي انتي الابله اكتبن تعهد على ماانادي مدرستكم عشان تعتذرن له حنا\OK واتفقنا كل وحده تالف له اسم اللي كتبت اسم اخته واللي اسم بنت جيرانهم وكل وحده قامت تخيرله عائله هع هع عشان لو صار هيك ولا هيك الا ماحد كاشفنا >>هذولي المدرسات مالهن امان مهما يكن هع >< وتجي فرس النهر يمل السم وتودينا عند الادبي وتصفنا ع السبوره يازين اشكالنا بس وتقعد تهزئنا وغير التعهد اللي كتبتنه راح انقصكن بالمشاركه اربع درجات >>ومن قالتس به درجات عشان تنقصين ههههههههههه ورجعنا للفصل نضحك وقلنا نبي نعيده مره ثانيه >مانتوب  ومر ذاك اليوم ع خير وكل يوم طالعات بسالفه جديده يعني سميرا هي سميرا مافادبنا تعهدات ولا تهزيء ولاشيء ههههههههههههههههههه THE END ملحوظات \ 1-شلة خبز وجبن صاروا يجيبون جبن بوك بدال البقره الضاحكه >>اشوى تطوروا شوي 2-جمس الهيئه صاروا يستشورون شعورهم بعد مافشلوهم شلة خبز وجبن 3-المفهين صاروا يوقفون عند الباب بزعمهم يسوون حركه هع 4-فرس النهر نقلت وطست عساه ماترجع 5-عرابجة حايل مازالوا يهايطون ويضحكون ويتخانقون ع الفسحه ورافعات ضغط المدرسات 6-انصح اللي يدرسون ثالث ثانوي يخربونه لانه أخر سنه ><اللي بيسمع نصيحتي ماراح يضيع واخيرا خلصت ووه بس يديني تكسرن وانا اكتب>>هالموضوع له اسبوع وانا كاتبته كل ماجيت بنزله صار شي الله يستر من تاليته ههههههههههههههههههه مخرج : .ْ.ْ. ياحلوالمدرس لاحس على دمه ـوقال أطلع.ْ.ْ{ برآآآ
|
|
#2
19-04-09, 05:34 PM
|
||||
|
||||
|
اول طش
|
|
#3
19-04-09, 05:38 PM
|
||||
|
||||
|
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههه هههههههههههههههههههههههههههههههههههههههههههههههههه هههههههههههههههه هههههههههههههههههههههههههههههههههههههههههههههههههه ههههههههههه والله رووووووووووووووووووووووعة شكلي ابي ادرس عندكم بس خساااااارة قت تخرجت والله فلة يسلمو خييييييييييييييييييييييتو على البدااااااااااااااااااااااااااااع الحلو ونتظر جديييييييييييييييييييييييييييييييدك وتقبلي مررررررررررررررررررررررررررروري
|
|
#4
19-04-09, 05:38 PM
|
||||
|
||||
|
ههههههههههههههههههههههههههههه
ياحليلكم تلحلحون يالعلمي حنا العلمي بمدرستنا الصبح بس يحفظون وبالفسحه معهن دفاترهن يكملنهن وبالطلعه ماتشوفين إلا غباارهن وحنا يالأدبي فالينه هجات وضحكـ وهستره شيبنا بطالبة الكليه اكاليوم وطلعت وهي به الصيحه ههههههههههههههه تقول آخر يوم أجيكم تكفووون يابنات اعقلوا قالت وحده من البنات وش جايبتس لنا وأنتي كيمياء قالت وش تبيني أسوي ماأقدر أرفض حصص الإحتياط وهـ ياجمس الهيئه ياكثرهم كثرااه .. الله يقطع بذرهم .. ويفكنا من شررهم عوااااافي ياقمر برااايفت .. تكفييين إذا دخلت تذكار بموضوعتس احشريه لين أجي
|
|
#5
19-04-09, 05:42 PM
|
||||
|
||||
|
والله عرابجه من جد<لا أحسن من خال
هههههههههههههه المالكي
|
|
#6
19-04-09, 06:02 PM
|
||||
|
||||
|
هههههههههههههههههههههههههههههههههههههههههههههه
ههههههههههههههههههههههههههههههههههههههههههههههه هههههههههههههههههههههههههههههههههههههههههههههههه باقي ضحكه اصبري ههههههههههههههههههههههههههههههههههههههه الا قبل انسى وش قصة سالفة خبز وجبن لايكون المادة البيضاء ........!! خوفي ماتصير لاسكر ولاملح الا وطي هههههههههههههههههه ياحليلك مجرد قسم فالينه بقووووة ولا الفصل احزاب ههههههههههههههههههههههههههههه يسلموا وربي وناسه ... استانست وانا اقرا موضوعك ذكرتيني بايام الدراسه والمراييل <<< هههههههههههههههه عوافي وسلامتك من الصبخه عادي تعيشين وتاكلين غيره هههههههههههههههههههههههههههههههه..
|
|
#9
19-04-09, 07:09 PM
|
||||
|
||||
|
..ينثبت ولــي بآك..
|
|
#10
19-04-09, 07:53 PM
|
||||
|
||||
|
بـرٍب  لي بـآڪ اِن شـآءاللـﮧ =)
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
.gif){kind=icon}
العرض العادي
