العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
الحظ الليله كريم .. محبوبتي معزومهـ من ضمن المعازيم ..
على طآري المقآلب ..
جميع الأحداث في هذهـ القصة حقيقة مآ عدآ الأسماء .. مستعآرة .. قبل تقريبآ 3 سنوآت ونص .. كنت أنا ومعي 4 من العيآل ندرس ترم صيفي بأحد المدن بالسعودية المهم من يوم جينآ لهالديرة ,, ومعنآ وآحد من العيآل أشغلنآ شغلة .. خآووني للسوق بنرقم .. يآبن الحلال تعوذ من إبليس .. وش ترقم مآترقم ؟إإ فوضى الدعوآ ..يبي لهآ تكتيك وكل يوم على هالموآل .. هو يقول وآحد يخآويني للسوق برقم .. وحنآ ننصحة .. هالطعس طلع من ديرتة ويحسب كل شي مسموح لهـ .. دآمهـ بعيدن عن وجية الجمآعة .. يسمع بالمثل اللي يقول ( الديرة اللي مهيب ديرتك ....... وأنت وآقف ) ومرة من المرآت .. كنت جالس أنا واثنين من العيآل .. نتفرج على التلفزيون .. وينقز وآحد منهم قال يآعيآل مآتلاحظون إن زيآد أزعجنآ يبي يرقم بنآت خلق الله ؟ وش رآيكم نبي نسوي بهـ منكح مآينسآهـ طول عمرهـ قلنآ قدآآآم>> جآهزين للشر .. و دورنآ مقلب منيهـ منآك.. لين جزمنآ على إن وآحد منآ يسوي إن لهـ حبيبة والثآني يصير حبيبتة ويقآبلهآ قدآم زيآد .. قال لي خوينآ أنت خلك البنت .. قلت معصي والله .. لثلاثة أسباب .. أول شي إني أطول منك أنت ويآهـ عآد تخيل أوقف جنبكم بعبآتي وأنا أطول منكم .. وبالعآدة البنت أقصر من الرجال .. ثاني شي أنت زولك زول حرمة خصوصآ لا أقفيت أما أنا جلد وعظم .. حتى لو كنت حرمة ماش ما أحمس الشباب.. وثآلثآ أنا ما أعرف أقلد صوت بنت لو أنعمهـ من هنآ لبكرة مآيزبط معي .. أمآ أنت خبرة بالتقليد ماشاء الله عليك .. واتفقنآ إن راشد >> شريكي بالمقلب .. يكون حبيبتي وأنا الشآكوش حقة .. قصدي البوي فريند تبعهـ واتفقنآ إنهم يلمحون لزيآد إني متعرف على بنت بالجوآل من هالديرة اللي حنآ فيهآ .. وبنفس الوقت أنا أكثر طلعآت من عندهم لصآروآ متجمعين وآخذ جوالي معي كآني أكلم يعني .. زيآد أكل الطعم وشك إني أكلم بنت وجاء يصآرحني الأخو قلت لهـ بقولك بس مآتقول لأحد قآل والله ما أقول سرك ببير ولو .. قلت كفو قلت لهـ : أنا أعرف البنت هذي من اسبوعين تقريبآ وبتطلع معي >> قال اسبوعين وبتطلع معك ؟ قلت أنت وش عرفك يالخبل .. عندي خبرآآآآآآآآآآآهـ لو أبي من اسبوع نقزتهآ بعد قال طيب وشلون ؟ قلت هي تقول إن فيهآ زوآج بتحظرهـ هي وأهلهآ وأنا بجي للقصر وبآخذهآ منهـ قال والله إنك تسذوب ربآدي >> أبية يقولهآ من أول.. قلت طيب واللي يمرك ومعهـ البنت وش تقول ؟ قال أتحدآآآك .. قلت اسمع عآد .. هي تقول إن الزوآج يوم الثلاثاء .. أنت باليوم هذآ اقنع العيآل إنهم يروحون للمنتزة وأنا ببقى بالشقة وإذآ رحتوآ .. بطلع لهآ وبآخذهآ ولقربت من عند المنتزة بدق عليك وأطلع وأركب معنآ .. بس لاتطول طس .. خلني أشوف شغلي قآل تم .. ومن يوم أتفقت معهـ وننقز أنا ورآشد ( الحبيبة ) للسوق نشتري أغرآض الطلعة ونمر نشتري بلوزة وبنطلونهآ (طقم) لونهم وردي .. >> إغراءات ونمر نشتري دعآمآت حقت التجوري حق البنآت .. يوم نشتريهن رحنآ لأخر محل مآنبي أحد يشوفنآ ولا اثنين شبآب دآخلين محل ملابس نسائية وش يبون ووجيههم مفآرقهآ البراءة بعد ؟ ونشتري كحل .. وحلاقة >> علشآن يحلق شعر يدهـ >> تكتيك على كيف كيوفك الكلام هذآ كآن الاثنين .. ويوم جاء الموعد طلعوآ العيآل ومعهم زيآد للمنتزة وأنا جلست ورآشد سواء نفسهـ يبي يروح لرجآل عآزمة .. المهم يوم طلعوآ لقطنآ أنا ورآشد العدة وطلعنآ ورحنآ لمخطط إسترحآت علشآن يلبسهآ لأنهـ صعب يلبسهآ بالشقة ويطلع .. لأن الشقق كلهآ عزوبية وأكثرهم عسكر بعد ولا فيةعوآيل .. والله مايمدية يطلع إلا حريسآن قد تخطفوة ومن شقة لشقة ..(والساعة بخمسة جنية والحسابة بتحسب ) وأنا لي النص لأني جبتهـ لهم المهم رحنآ للمخطط ورآح ورى السيآرة يلبس .. قلت لهـ بسرعة لحد يشوفنآ والله إن يجرمون بنآ حقين الإسترآحآت .. يحسبوننآ شوآذ ويوم لبس وخلص طلع المآخوذ نآسي هذيك شسمهـ اللي تنلبس فوق التجوري .. قلت وليييييييهـ .. الحين كيف نجيبهآ قال رح للشقة ووقف بآخر شي واطع جبهآ وبلبسهآ بالسيآرة عآدي .. بس أنزل البلوزة والبسهآ والبس البلوزة وأمر الله من سعة .. ورحنآ للشقة وطلعت جبت هذيك .. قسم ماقدرت أمسكهآ بيدي حطيتهآ بكيس ولفيتهآ وحطيتهآ بمخبآتي وجيت أركض .. وعطيتهآ رآشد .. لبس الرجآل ومشينآ للمنتزة ودقيت على زيآد قلت بثقل شوي ( تعآل أبيك أنا بسيآرتي قدآم المنتزة ) طلع أبو الشبآب يركض ويوم وصلنآ قعد يمشي >> مسوي إنهـ مو مستعجل يشوف البنت ويوم أقبل علينآ وينزل رآشد بعبآتة ويركب ورى >> أموووت بالذوق يآنآس ويركب أبو الشبآب ويسولف معهـ رآشد بصوت بنت قسم بالله مشت عليهـ سلام سلام ونقعد نفرفر شوي ولاأبو الشباب يطش الميآنة ويحط يدة على فخذ رآشد قآل رآشد ( ولد قليل أدب ) ويضربهـ بيدة .. ولا الضربة مهيب ضربة بنت هذي دبجة ولد ويمد زيآد يدة بسرعة ويسحب البرقع ولا مآغير شنب رآشد يومي وهو يقول : لعن الله آبوووو اللي انتم تسلابة يالتسلاب .. وهآت يآسب فينآ وحنآ عجزنآ نرد علية متسدحين من الضحك .. وليهآ تسوون كذآ.. وكنت شاك من هالكلام .. المهم لبس رآشد برقعهـ .. ومشينآ شوي إلا هذي نقطة تفيش قلت أنتبهـ لا تسوي أي حركة مريبة ترى محنآ نآقصين .. قسم لويمسكونآ إن نفصل .. وعدينآ من النقطة الحمدلله .. يوم مشينآ شوي تذكرت إن فيهـ مول تجآي عندهم .. قد جينآ بندخلهـ قالوآ عوآيل قلت وش رايك ندخل فيهـ .. قآل راشد: قدآآآم .. قلت كفو .. هذي الحبيبة المطيعة تسمع كلام حبيبهآ ونزلنآ من السيارة وحطيت يدهـ بيدي ومشينآ للمول .. ودخلنآ من عند السيكيورتية ولا عندنآ من الشيطآن طآري وقعدنآ نتشمى شوي بالمول ورآشد يمر من عند البنات ولا يوخرن عنهـ >> وقتهآ بس تمنيت إني أنا اللي لاعب دور الحبيبة المهم طلعنآ من المول وبعدهآ رحنآ للمخطط هذآك .. وبدل ملابسة ورجعنآ للشقة ومن يومهآ وزيآد ماعمرهـ جآب طآري الغزل والترقيم .. الظآهر صارت عنعدهـ عقد وصآر يشك بكل بنت يشوفهآ بس عز الله إنهـ كفو .. مازعل وتقبل المقلب بكل صدر رحب .. ومآكتبت هالقصة إلا بعد مآ أخذت اذن خطي منهم ورجآء إذآ فيهـ أحد ملزم يسب .. يبعد عن أخوياي ويحطهآ بظهري يعني مثلآ يقول : يآخي حركة رآشد مالهآ داعي الله لايعطيك عآفية يآرحمآلوف .. منهآ يشفي غليلة ومنهآ يبعد عن أخوياي تمت كتآبتة فجرآ والعيون تنعس .. لذلك لحد يتشرهـ على المفردآت والأخطاء
|
#2
|
||||
|
||||
قصه روعه بس خويكم مرررره ذكي
|
#3
|
||||
|
||||
السلام عليكم ورحمةالله وبركاته<<القصة جنان وحلوووووه كثييييريسلموووالله يعطيك العافية
|
#4
|
|||
|
|||
ماراق لي المقلب صراحه
عموماً يعطيكم العافيه برايفت .. طلعناكم من البطوله وخذيناها
|
#5
|
|||
|
|||
هههههههههه
مقلب رووووعه يسلمو
|
#6
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
يؤ وش هالصديق .. ياخزياه بس
ههههههههههههههههههههههههههههه احسبك بتنصحه اجل تبي تكتك
نبي المثل كله بدون تشفير
تخيلت الشكل .. حسيته يبي يقول رقموا ناس صاحيه ولا لاعمركم ترقمون الله يعافيكم
سبحان الله غصب الجفاسه تطلع
والتخيلات تعصف بك يمنتن ويسره
هههههههههههههههه خل عظيماتك ينفعنك اجل ترك سالفة الترقيم ... خيره والله ... منتاز خويك هذا اللي استفاد من الدرس وماصار درو ..زين انه فهم المغزى ومن ناحية العقده .. لاتخاف تراه انفكت >>على كيفه يعطيك العافيه على هالسوولافه ... >>>مدري وراه اتذكر الذبان لاشفت الفيس هذا تقبل شخطتي: قصمنجيه وهـ بس الا ماقلت لي ماشريتوا شي يوم دخلتوا المول
|
#7
|
||||
|
||||
!
|
#8
|
||||
|
||||
هههههههههههههههههههههههههههههههههههههههههههههههههه ه مقلب روووووووووووووووووووووووووووعه بس من جد كيف طرت ع بالكم هالفكره ههههههههههههههههههههههههههه
يسلمو ع الموضوع الناااااااااااااااااااااااااااااااايس[/b]
|
#9
|
|||
|
|||
ههههههههههههههههههههههه
جنااااااااااااااان القصه |
#10
|
|||
|
|||
حلو المقلب
يسلمو رحمالوف
|
مواقع النشر (المفضلة) |
الكلمات الدلالية (Tags) |
<يعني وشو هع, أتاري, مقلب, بنت.بلاي ستيشن, ولد |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |