|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
16-02-09, 01:56 AM
|
||||
|
||||
قصتي يوم انا حسوده
قصتي يوم انا حسوده السلام عليكم بلخير شخباركم كلكم طيبين ...انا بخير ربي يعافيكم...لا لا ابد ماعندي خلاف ايه واهلي كلهم طيبين بس جدتي تعبانه شوي...الشر مايجيكم يارب المهم نبدا القصه كنت ماره من عند السيب الطويل هذاك عرفتوه؟ اييه بناظر نتيجة مادتي اليوم طلعت وكنت متشققه من الوناسه ادري اني اخذه 30/30 لإني واثقه من نفسي حاله زين المهم واناظر ادور اسمي اممم فلانه فلان الفلان اممممم وينك وينك يافلانه ايوه هذي انا ووه بس ياملح اسمي البنات كلهم وع اسمائهم ناظرت نتيجتي وطلع زي ماتوقعت 30 على 30 مررررره استانست لان محد جاب 30 الا انا بس بس الي ضيق خلقي ان صديقتي نهى اخذه 30 من 30 الكلبه وراه تجيب 30؟ هي اصلا المفروض تحمل الماده لإني أنا الي خليته تغش من ورقتي الكلبه تشوف والله اعلم عليه المسؤلات وهمن اروح للمسؤله واقوله اني شفت نهى الفلاني تغش بقاعة الاختبار المهم وبعد ايام اتصلت عليه انا:الو هلا نهى شخبارك؟ نهى:اووف شقولك اخباري زفت زززفت انا:وراه نهى:تخيلي تذكرين الماده ذيك الي غشيت من ورقتك واجاباتي زي اجاباتك طلعت علي محمول انا:اوف خساره ماعليش تنجحين به السنه الجايه نهى:وراه انتي متفاوله علي اني اعيد السنه انا:لا بس ان صار وعدتي يارب تنجحين به<<<وجلست استغفر لإني قلت يارب خساره يمكن تستجاب الدعوه وتنجح نهى:لا ان شاء الله مااعيد السنه انا:وراه تبين تخرجين هالسرع ترا مابعد التخرج الا العرس وانتي خابره وش يعني العرس هم وشقى نهى:لا بس ماابغى اعيد وش بيقولون الناس عن اني غبيه انا:لا شدعوى غبيه محد بقايل كذا وبعد ماسولفت شوي سكرت الجوال ونمت:اووخ اشششش اوووخ اشششش<<حشى ذا مب شخير ذا نهيق خخخخخخخ قمت الصباح وانا اتمغط الله وناسه اليوم بعد العصر بنسافر مكه<<اييه ماقلت لكم امس علشان ماتصكوننا بعين هههههه وبعد صلاة العصر جهزنا قشنا<<مب حلوه قشنا!! امممممم اقصد جهزنا عفشنا<<ولا ذي حلوه بعد!<<اجل اغراضنا<<ايه حلوه ذي هههههه المهم لبست عباتي وطلعت مقلعه لأن اهلي ينتظرونن بالسياره وانا داخله السياره ناظرت لجيراننا الي قدام يحزمون اغراضهم فوق السله ركبت السياره وسكرت الباب:يبه ابوي:نعم انا:وراه ابو يوسف وين هو له رايحين ابوي:يقولون بيخيمون بالتنهات انا:ايييييييييييييييييييييييه!!!!(تعرفونه ذي حقت الحسد خخخخخ)يااحظهم ابوي:وراه ياحظهم انتي احسن منهم انتي بتروحين لمكه انا:ادري اني احسن بس ماودي يطلعون لشيء ابوي:استغفر الله وش الحسد انا:لا مب بحسد بس اخاف يضيعون بالتنهات امي:يابنيتي والله الحسد مو زين ياكل حسناتك انا:اففف وانا وش قلت اكلتونن خلاص بنطم هه وصلنا لمكه فجأه لإني كنت نايمه وماصحيت الا والبابا يهز كتفي:يله قومي انزلي انا:ااااااخ وناسه وصلنا صعدت فوق لشقتنا وكانت قريبه من الحرم دخلت الشقه:يمه انتي وابوي بأي غرفه بتنامون؟ امي:هذي الي نافذته على ساحة الحرم انا:وراه مافيه الا هالغرفه نافذته على الحرم امي:ايه مافيه الا هي انا:يووووه خساره كان ودي انام به انا<<حسد حتى على الوالدين اللهم لاشماته ههههههه امي:الله يطهر قلبك يابنتي انا:وراس انتي علي من اليوم الي يسمعك يقول قاتله اهل القصيم كلهم<<<جد الحين الي يقرون الموضوع بيعصبون علي هههههه امي:اذكري الله يابنيتي ناظرت لإبوي وهو يدخل الشقه:يبه انا اخترت الغرفه هذي(واشرت على الي تبغاه امي)وشرايك؟ ابوي:حلوه يله ام سلطان تعالي لغرفتنا ذيك امي:بس انا قلت ذي ازين علشان نافذته على الحرم ابوي:الله يهديك ام سلطان ماتشوفين بنتك اخذته انا:ايه يمه روحي لذيك ازين هذي ازعاج راحت امي مكسورة الخاطر وده بهالغرفه بس ماش الحسد ماكل قلبي دخلت غرفتي وسكرت علي الباب وفتحت النافذه اشم هواء الحرم:اااااااه الله اطهر وانقى هواء شميته بعد هواء القصيم ومزارعها جلست اتمقل خلق الله وناظرت واحد يطلع من جيبه فلوس يعطي فقير:لا حرام ليش يعطيه فلوس يمكن ولده الصغير المدلل يشتهي حلاوه وشلون يشتري له الحين<<هههههههه ياربي ملل متى نروح الحرم طلعت برا الغرفه ورحت لغرفة عمر اخوي:عمر وش رايك نعتمر انا وانت الحين والباقين بكيفهم عمر:وراه انتي وش مستعجله عليه؟ انا:امممم بس كذا ودي اروح الحرم عمر:طيب استأذن من الوالد اول<<مؤدب اخوي طلع انا:طيب وافق ابوي ورحت انا وعمر للحرم علشان نعتمر نزلنا تحت وكان الحرم مب قريب بالمره يعني لازم نركب باص وكانت فيه باصات للشقه الي حنا به اول مادخلت ركبت بكرسي وسيع شوي علشان اتمدد وبعد كم دقيقه بدا الباص يتزاحم بعدد الركاب وانا ضاق خلقي ماودي اوسع لحد علشان يجلس وحده عجوز:يابنيتي من بيجلس جنبك؟ انا:وراه انتي مالس مكان؟ العجوز:لا انا:اففف طيب اجلسي بالارض اريح لك العجوز:ماسألتك وين اجلس اقول عندك احد الكرسي وسيع كبرت ووسعت جلستي وحطيت شنطتي بجنبي:اففف لا ماعندي احد اجلسي ولاتلصقين جنبي اجلست العجوز من غير تتكلم المهم اعتمرنا واعتمروا الاهل وطلعنا لجده رحنا على طول الكورنيش وبسطنا فرشتنا قبيل الغروب ناظرت ناس راكبين قارب ويصفقون مستانسين انا:عمر ذولاء ليش مستانسين؟ عمر:بعد ليش اكيد من الفرحه انا:اففف وراهم فرحانين عمر:لايكون ماخذين من فرحك فرحانين الله مفرحهم وش تبين بهم انتي ؟ انا:ااا امممم تبغى الصراحه عمر:وشو انا:ودي يغرقون كلهم عمر:انتي شوي شوي ترا حسناتك كلهم راحوا ماعمري شفت حسد مثل حسدك انا:طيب ركبن القارب ولا احسد احد عمر:يله مشينا حتى انا ودي انا:يبه بنروح نركب قارب انا وذا<<مستحقرته بعد ابوي:يله جينا معكم حنا انا:وراه يبه انتم اقعدوا هنا مب لازم تجون اختي :وراه انتي ماتبغين الفرحه الا لخشتك؟ انا:اففف خلاص بس لاركبتوا غمضوا لاتناظرون شي ابوي:هاه وراه؟ انا:اخاف يدخل الموج بعيونكم<<ههههههه ابوي:خلاص اجل بلبس نظارتي الشمسيه انا:وشو نظاره!!!! وراك انت تلبس و انا ولا؟ ابوي:تبين تلبسينه انا:ايه عطن اياه ومير اخذ النظاره ونركب القارب وحنا نتأمل الزوارق والقوارب الي حوالينا وفجأه ناظرت واحد يلعب بالدباب البحري ميت من الضحك والوناسه وانا عاد تعرفون ضااق صدري بالحيل:عمر وراه يضحك ذا عمر:انتي وش تبين بالناس خليهم على راحتهم انا:بس قهر يضحك وانا لا عمر:الله يشفيك انا:يبه بركب الدباب البحري ماعلي منك يبه:عيب بنيتي وش الكلام انا:طيب وراه ذاك يضحك اكيد انه مستانس افففف يارب يغرق ويموت ولا عاد يركب مره ثانيه امي:يابنيتي طهري قلبك طهريه اختي:يبه مشتهيه ايس كريم انا:ايه صح حتى انا مشتهيه ابوي:خلاص الحين ننزل ونشتري انا:بس اممم ابوي:وشو؟ انا:انا ابغى ثنتين وانتم على وحده عمر:هههههههههههههههه والله حسوده حسووووده انا:لا بس انتم برد عليكم مايصلح تاكلون ثنتين المهم وبعد السفر رجعنا القصيم وقبل ماندخل البيت ناظرت لبيت ابو يوسف:افففف للحين مارجعوا اكيد مستانسين وش اسوي ياربي دخلت البيت ورميت نفسي على الكنبه من التعب مسكت الجوال لإني تذكرت بنت خالتي روان ودي اعلمه اني رحت اعتمرت واستانست وهي لا!! انا:هلا روان شخبارك؟ روان:الحمد لله وش اخباركم انا:حنا ترانا رحنا لمكه واستانسنا بالحييييل روان:والله ماشاء الله الله يوسع صدوركم دايما ويارب تسافرون لمكه كل شوي انا:طيب انتي شخبارك روان:اممم احم انا واخوي خالد بنتزوج في ليله وحده مادريتي؟ انا:!!!!!!!!!!ليييه؟ ليه تتزوجون من قالكم؟ روان:كيف يعني؟! نتزوج زي العالم انا:افففففف ويضيق صدري لاخر شيء ومير اسكر الجوال بوجهه واتعب ثلاث ايام وكلما جيت اصلي ادعي ان الله مايوفقهم المهم وبعدما طلعت من حمى الحسد رحت لغرفة اخوي واناظره مستانسه لإنه شاري لاب توب جديد انا:عمر وراك فرحان؟ عمر:ماتشوفين الي قدامك اشتريت لاب توب جديد من توشيبا ومب اي كلام بعد انا:بكم شريته؟ عمر:ب8 الاف انا:وراه انت توشيبا وانا ايسر؟ عمر:اللهم لاحسد الحين بدل ماتباركين لي تحسدينن؟ انا:طيب خذ حقي ايسر وعطن حقك وابارك لك عمر:الصراحه انتي مب حسوده وبس لا تخلين الواحد يضحك من قوة الحسد الي عندك طلعت من الغرفه وانا اتحسر:افففف يارب يحترق جهازه ترررن ترررن تررررررررن رن التلفون رديت:هلا عمتي:هلا شخبارك وش اخبار اهلك ها بشري متى وصلتوا؟ انا:من اربع ايام عمتي:الحمد لله على السلامه بس حبيت ابشركم انا سكنا ببيت جديد وبكرا العزيمه انا ولع قلبي نار من شدة القهر وسكرت السماعه بوجهه انا:يبه بع بيتنا واشتر لنا بيت جديد ابوي:وراه بيتنا وش زينه مالنا كم شهر ساكنينه انا:اجل وراه اختك ماجده تسكن ببيت جديد ابوي:والله؟ هي سكنت ماشاء الله على البركه انا:الله يخليك يبه قل له لاتسكن فيه ترا به جن ابوي:هاه وشو؟اي جن ذا توه مخلص جديد ماامدا احد يسكنه انا:اففف يارب يحترق ابوي:لا انتي بك شي ولازم نقرا عليك الحسد عندك مو طبيعي انا:هههههههههه لا والله يبه مابي شيء بس اسولف مع اعضاء المنتدى ابوي:ايه ! يعني ماانتي بحسوده اصلا؟ انا:لا افا عليك وراه احسد الناس دام الي عطاهم يعطينن من فضله وماله داعي احرق حسناتي على شيء فاضي ابوي:عوافي عليك يابنيتي انا:الله يعافيك يايبه ابوي:وان شاء الله اعضاء المنتدى مصدقين انك مب حسوده وان قصتك خرابيط انا:ايه يدرون يبه اني اخربط عليهم والدليل اني حطته بقسم السواليف وتوسعة الصدر يعني كله سواليف خيال ههههههههه كتبت هذه الشخابيط:بنت الشيحية بتفكير فتاة حسود.. وتقبلوا ازكى التحايا واصدقها..الى اللقاء في شخابيط ثااانيه كانت هنا همن راحت: بنت الشيحية
|
|
#2
16-02-09, 02:41 AM
|
||||
|
||||
أنتي مره تبين أشرآف ومره حسووده
 أقوول هات من الاخير ترى أسلوب اللف والدوران هذا ما يمشي قولي وش تبين انتي بالظبط هههههههههه أمزح امزح معاك .. لسى ما قريت موضوعك كامل وأكيد لي رجعه له وتعليق عليه .. بررب
|
|
#3
16-02-09, 03:07 AM
|
||||
|
||||
|
ههههههههههههههههههههههههههههههههه
ههههههههههههههههههههههههههههههههه ههههههههههههههههههههههههههههههه هههههههههههههههههههههههههههههههه قسم فطست من الضحك ياربيه قلت وشبه ماتبي الخير للناس>>>عارفه انتس تمزحين  موضوعتس مهنا مثله يابنت الشيييييحيييييه  دايم اكتبي لنا الله يوسع صدرتس بالعافيه
|
|
#4
16-02-09, 03:40 AM
|
||||
|
||||
|
ياربيـه اثريك حسودة وانا اقول وشفيها زعلت علي بموضوعها ذآك اثرك حاسدتني عالاشرآف تبينه خوذيه بس لآيجيني شي  <<< ازعجتنا ذي بالاشراف طيب هذاني ثبته عشان ماتطالعين المثبت فوق وتحسدينهم همن تطيح مواضيعهم من فوق قد1111111م يالشيحية بداية قوية 
|
|
#5
16-02-09, 04:05 AM
|
||||
|
||||
|
..ياربيييييييييييه دخيلك وانا اقرا اقول اعوذ بالله منه حسود
شكله تحسدني بعد انا<<على وشو ... هههههههههههههههههههههههههههههههههه<<متسدح من الضحك.. ..موضوع رهيب يابت الشيحيه.. ..ولتس فايف ستارز.. ..تقبلي شحطتي..
|
|
#7
16-02-09, 10:43 AM
|
||||
|
||||
|
لحظه بقرى المعوذات ههههههههههههههههههههههه
والله ليش رايحه لمكه وماقلتيلي بروح معكم هههههههههههههههه موضوعك نااااااااااااايس >>الله يكفينا شر الحسودين هههههههههه<<
|
|
#9
16-02-09, 02:00 PM
|
||||
|
||||
|
ماشاءالله ماخليتي احد ماحسدتيه ..
هههههههههههههههههههههههههههههه يعطيك العافيه خيتو ع الموضوع الفنتاستك..
|
|
#10
16-02-09, 04:02 PM
|
||||
|
||||
|
ياااااااااااانااااااااااااااااااااااااس والله مب حسوده انا والله مزح هذا
<<<<قاعده تصيح
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
عاشت بنت الشيحية
ـب واغليته؟!
....!! 
.gif){kind=icon}
العرض العادي
