العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
وأخيـــراً ..... تعلمنا السواقـــة
السلام عليكم كيف الحال جميعا ؟ من طحنا بسالفة القروبات وأنا ماأذكر نزلت لكم موضوع يوسع صدوركم >>> ياشين الثقة الزايدة اخلصي المهم أبدخل بالموضوع بدون مقدمات وخرابيط لأني أكتب وأنا في عجلتن من أمري >>>وش وراتس يالتبن هذا سلمكم الله كنا طالعين البر .. كاشتين طلعنا الظهر .. طبخت الغداء بالبيت من ضحى رب العالمين لأني ذاك اليوم متحمسة للطلعة .. كان الجو يخقق >>> الله يجيب المطر المهم جهزنا الأغراض وركبنا بعد صلاة الظهر مباشرة وتوجهنا للبر .. وقعدنا نلفلف ندوّر لنا متسان زين يجي لنا ساعتين وحنا على هالحال>>> كالعادة المهم وندور وندور إلين لقينا ذاك المتسان اللي ماهنا أزين منه .. أهم شي حولنا الطعس لزوم اللعب المهم أول مانزلنا .. وطبعا عقب أراء متعددة زين ماهو زين زين ماهو زين>>> هذا عن المكان <<<< مالهم راي أبد نزلنا على بركة الله .. طقينا الرواق وفرشنا البساط ونزلنا الأغراض وشبينا النار .. وأنا وخواتي ولمنا العدة نبي نغرف الغداء وغرفناه وتغدينا وشلنا السفرة وبما إني اللي طابخته حشرت أختي تغسل المواعين >>>> فكة والله .. عاد ببر وغسل ماأطيق .. بيمتلن تراب ويضيق صدري المهم بعدها صلينا العصر وجلسنا واللي راح يتمشى واللي مدري وين يبي >> هذا مالكم دخل بوه مانب قايلتن وين المهم .. طقت ببالي فكرة .. قلت ورا مانتعلم السواقة >> أنا وأختي المهم وأنا أركض أدور أختي بالطعوس تلعب >>> ترا ماهيب بزر ولأنها بعيدة عني ماتسمعن قعدت أمثل لها وش أبي وأقعد ألفلف بيديني تسني أسوق دركسون وهي تفهمن وتجي طايرة قلت له ع الخطة .. نبي نروح نطلب من أبوي هو اللي يعلمنا لو طلبت من اخواني شي طبيعي بيعوون المهم جينا بنقولها وحنا نقعد قدامه وكل وحده تدف الثانية إنتي قولي لا إنتي قولي .. لا لا إنتي اللي تبين .. لا أصلا هي فكرتس >>>> هذي كله مناوشات على الصامت بيني وبين أختي وأبوي تسنه ماهو لمنا وأتاريه سامع كل أبو شي قال .. وش عندتس إنتي وياه .. قلت ماعندنا شي يبه سلامتك .. وأنا أقوم >>> انهزامية من يومه قالت أختي بأسلوب خطافي نبي نسوق قال أبد أبشرن ... ياااااااااااا ...... >>>> يصوت لأخوي يوم جا وعرف وش يبي قال لا لا ماعندنا بنات يسوقن أنا تحطمت قلت وش فيها السواقة لاتكون حرام ولا حرام قال لا بس وشو له .. هنا أنا بدا الخيال عندي .. قلت فرضا فرضا لا قدر الله أحد سرقنا ولا ضعنا ولا شي ونبي ننحاش .. ولا لا قدر الله اضطرينا ونبي شي وإنتم من غير شر منتم فيه وماعندنا إلا السيارة بالله نبي نطلب من اللي مانعرفهم يودوننا .. >> ياشينه لا تفلسفت ودك تصكها المهم قال أبوي .. قم قم علمهن يالله وشوي شوي>>> أحس أبوي تأثر بحتسيي المهم ركبنا وكانت السيارة قير عادي >>أصعب شي عالمبتدئين قالت أختي أنا بالروحة وإنتي بالجية قلت زين أنا آخر شي أبي على راحتي >>> ماتوافق عبث المهم عجزت لاتسوي شي كل ماتشغلها تمشي شوي وتطفي قلت انزلي انزلي وخلينن وأنا أرتسب وأدق اللطمة>>> قصدي اللثام بس طبعا ماحولنا أحد إلا بعد خمسة كيلو >>>> وتبن إيقاله تعرف وأنا أشغل السويتس .. وأخوي بالمقعد اللي جنبي وأختي ورا وشوفن التعليمات وطبقنهن يابنات دوسي برجلتس على الكلتش قبل ماتشغلين السيارة ( فهمتن شي) وبنفس الوقت حطي رجلتس اليمين على البنزين ودوسي شوي شوي >>>> أنا هنا دست بسرعة ماعندي وقت أبمشي إلا طفت السيارة وأنواع المسخرة والضحك وهالنقطتين اللي فوق يجي خمس مرات وأنا أسويها ويالله ضبطت >>> احلفي إنهن بس خمس المهم مشت السيارة وهنا بدا التعقيد .. حطيها بالأول ياليل الليل وشو الأول .. أتاريه بالقير تحركينه مدري وشولن للحين عجزت أتقنه المهم حطيناه ومشينا ياسلاااااااااااااام شي وبالبداية كنت أمشي شوي شوي مابي أسرع .. وصارت هالتعليقات أنا .. هيه ماربطت حزام الأمان >>> قائدة مثالية أخوي ... أٌول انتبهي لطريقتس بس لا تخمين طلحة >>> أخوي كان على أعصابه ويده ماغير حول الدركسون عشان يلف بسرعة لا توهقت بشي عاد كل شوي يهوشن وأنا قلت .. شف ترا إن طفشتني نزلتك>>>> ماأقلده ............... أنا .. أقول وش تسمعون أشغل لكم ؟>>> والله راااايقة وأختي ميتة من الضحك .. يتبــع ... .
|
#2
|
||||
|
||||
المهم وقعدت أسوق .. والله ونااااسة بالذات لاصرت واثق >>>> لاتلومونه أول مرة وأقعد أستهبل وأبعد يديني عن الدركسون تسني واثقة وأخوي : هيييييييييه يالخبلة انتبهي >>>> قسم إن قلبه يرجف من الخوف هالمسيكين وأنا مستانسة أضحك المهم وكل شوي أختي يالله خلاص دوري يالله .. الحين تغيب الشمس وحنا تونا العصر بس من العجلة المهم نزلت وركبت وخذت دورته عقب ماطلعت عيون أخوي .. عاد قلت له .. خلن خلن أنا أعلمه >>>> تسني.. نست إن توها متعلمه ويوم جينا بنرجع قلت انزلي انزلي أبطبق اللي تعلمت وحنا راجعين لمهم .. وأشوا ماقالت شي نزلت وأنا أرتسب .. قلت وخر لو سمحت أنا أعرف .. وأخوي قسم ماغير ساااااااااكت .. خايفن أنزله >>>>> تكفين طسي المهم رجعنا .. وأنا بازتن قدام أخوتي تسني أعرف ألبق وأضبط السيارة إلا يوم قربنا أشوفهم يأشرون .. وقفي بعيد بعيد وانتهت المغامرة بسلاااام المهم يوم رجعنا البيت .. ومن بكرا وحنا قاعدين العصر نتقهوا بالبيت ومع أبوي وأمي .. ونسولف عن السواقة وإننا تعلمنا قالت أختي ... أقول قلت وشو ؟ .. تعرفين الريوس ؟ أنا هنا لا شعوريا >>>> ضربتها مع كتفها بقووووووووة قلت توك تحتسين يالخبلة قالت وش دراني قلت .. أهم شي الريوس .. بالله جانا حرامي ولا شي .. ولا حط قدامنا شي ومانقدر نمشي قدام شلون نريوس ؟ قالت عادي .. نصدمه >>> حنا اللي نروح به ... المهم قلنا لأبوي وقعد يضحك لين تمزع من الضحك قال خلاص المرة الجاية بنعلمكن الريوس .... والحمد لله .. تم كل شي بخير .. بس للحين ماتعلمنا .. لاتعلمنا بنزل موضوع وأعلمكم وش صار والحين خلاص طفيت .. >>>> ماعمري نزلت موضوع هالطول تف تف ماشاءالله اذكروا الله يالله أشوفكم على خير إيه صح دوكم .
|
#3
|
|||||||||||||||||||||
|
|||||||||||||||||||||
لا لا الفوزان يقول حلال السواقهـ خخخخخخخخخخخخخخ برجع .. أنتظريني ..
|
#4
|
||||
|
||||
هع
هع آهـ يابطني واللهـ ياشهد ذكرتيني باللي صار لي يومـ علمني أخوي السواقةـ هع
|
#5
|
||||
|
||||
هههههههههههههههههههههههههههههههههههههههههه
رووووووووووووووووووووووووووعه روحتكم للبر .. لعبتي باعصاب اخوتس...احمدي ربتس ماصكتس باقرب شي عنده..خخخخخخخخخخخخخخ لا انا الحمدلله من يوم ماحطيت رجلي بالسياره وانا ادوس واطاعس..<<<<اعجبتس عالعموم حبيبتي الحمدلله على سلامتس وسلامة اخوتس واختس وانا اقرى الموضوع حاطتن ايدي على قلبي.. اقول بنفسي...شكل نهايتهم على ايدتس...خخخخخخخخخخخخخخخخ والله انتس قطعتي تسبدي من الضحك.. لاعدمنا يمناك يالغلا دمتي بود اخيتس...
|
#6
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
والنحله ولك ياتبن سايقه ولاخذتيني معتس
قصمن قصمااااااات ان السياااقه فله بس في البر تجلسين تلففين وتحوووسين ام الدنيا
اناااااااني مااحب اللي كذا>>وانتي وش دخلتس
كلالالالالالام منطقي يالنحله عساهم يقتنعون بالحتسي ويسمحون لنا نسوق
ايه دزد جربته والتوماتيك لا مابعد تطورت
اجل تسنكم اياناا يوم يخليناجدي نسووق مره لي دوور ومره لبنت خالتي دور ومره لمرت خالي دور وانا وجهي صاير مثل ذا على سياقتهم طاحت تسبدي منكثر ماينتعون بالموتر
انحش وخرواعن النحله بتسوووووق
فيه ثلاثه مدري اثنين اي واحدتقصدين>>>>بتطلع تطبق في الحووش
طيب بس وشلون نفرقه عن الكلتش صوريهن يالنلحه وحطي عند كل واحد اشاره واكتبي وشو له
ايه عرفته بس معرف له
النلحه وشو له
اكيد خايف تكون نهايته على يدكم
يختي هذي صعبه مدري وشلون يلبقونها >>>>لواسوق احتمال اوقفها في براحهبلا تلبيق بلا تبن
وتبن ورى ماتعلمتيه حتى انا فاتتني هالنقطه والاانتسان افيدتس احسب السياااقه بس على قداااااام ناسيه الرجعه ورى النحله موضوع مهنااطلق منه حرام عليتس ابي اسووووق لو شوووي >>قنوعه تقيييييييييييم لعيوونتس بس سؤاااااااااال وش حطيتي الغدا يالنحله عسى موب عسل
|
#7
|
||||
|
||||
(j )
(j ) (j ) دوووووووووتس بعد نتي
|
#8
|
||||
|
||||
النحلهـ أنا الحين عند اهلي وبكرهـ رآجع للعمل ..
بما إنتس تعلمتي السيآقهـ توديني ؟إإ أنا بنآم وأنتي سوقي .. الله يستر كان ماصحيت ولا قدآمي لوحهـ ( أبها 30 كيلو ) خخخخخخخخخخخخخ ولا أقولك أنا بستقدمك سوآقهـ عندي بس على أي دولهـ أقدم ؟إإ على بنقلادش ولا الفلبين ؟إإ
|
#9
|
|||
|
|||
واااااووك جان شد عضلي بعييوني من طووول الموضوع يا كثر قرقكن بالببات كل هالقرق اقد اختصره
بـ قلت لابوي ودي اسوق قال يافلان علم خواتك وعلمنا وسقنا وخلصت وملصت وايدين العجوز صفقت >>>> الله من التسسذب وانا اأقرأ حاسن اني طابن معكم ومتغدي معكم ومحلي وحنا نتغدا عند باب السيارة وانتي تسووقيين حاس بنفس شعور اخووتس ما تسنه علم بعض ناس السواقة وقلب طابن بين رجله من الخوووف اسلوب جداً حلو ويخليك تعيششه بكل تفاصييلة
|
#10
|
||||
|
||||
هههههههههههههههههههه يعني هالحين صرتي تعرفين تسوقين
ماشاء الله .... والله ياانك نشبه سويتي اللي براسك وتعلمتي لكن مااقول الا الله يعين اخوك عليك>>بيتكفخ ههههههههه سردن رائعن وحلون >>يازين الحتسي بس وكثري من هالسواليف ترى احب هالمواضيع هذولي>>برااااااااااا تقبلي مروري ودمتي...
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |