العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
|||
|
|||
@’’ رحـلـتـي لـمـكـه أم الـرخـآ و الـشـده ’’@
سلاااااااااااااااااااامو عليييييييييييييكوووووووم طــبــعــاً أنا رحت لمكه << أحلفي نبدأ بالسالوووفه على طوووووووووووووول في يوم السبت الموافق 29/8 / 1429 هـ قررنا الذهاب لمكه اللي بيروح هم ::.. عمي ’ زوجة عمي ’ بنت عمي الكبيره ’ أختي الكبيره ’ أنا ’ بنت عمي الصغيره ’ أختي الصغيره و أخواني و عيال عمي قعدوا عند أبوووي و أمي كانت السفره بدون ورااعين لا إزعااج و لا هم و كلنا بنات ما عادا عمي رجااال عمي قال السفره يوم السبت عااد احنا طرنا من الفرحه مر السبت و ما سافرنا مر يوم الاحد و الاثنين جاء يوم الثلاااثاء و هو يقول بكرا ..!! بنت عمي الصغيره قعدت تصيح عليه أبي أعتمر أبي أعتمر حن عليها و قال خلاااااااااااااااااص قرار نهاائي اليوم الساعه وحده بمنتصف الليل يوم الاحد الموافق 2/9/1429 هـ ركبنا السياااره و هي عباره عن فورد أكسبلورر <<< أتوقع هذا اسمها طبعاً اللي قدام عمي و زوجته و اللي وراهم بنت عمي الصغيره و أختي الصغيره و آخر شي أنا و بنت عمي و أختي الكبيره قعدنا وراء أنوااع السوااالف و الضحك جات تقريباً الساعه ثلاث و نص الفجر وقت السحوووور وقفنا عند المحطه و نزلنا تسحرنا أختي الصغيره كانت لاهيه تآآكل ما همها أحد إلا نلقى في عبايتها نمله كبيره و تصارخ نمله نمله عمي قالها أسكني فضحتينا و أنا و بنت عمي متنا ضحك عليها المكان كان كله نمل كبار مدري شسمه ..!! و حركنا السياره و صلنا طريق الرياض شفت لوحه مكتوب فيها (( ضاحية لبن )) ههههههههههه و الله فطست ضحك قلت يمكن المراعي مسويه دعااايه هع هع وصلنا (( القويعيه)) أو (( القويقعيه)) و الله عجزت انطقها و عمي قال بستريح فيها كانت الساعه 6 ونص و لقينا لنا شقه ييييييييع ليتني ما نمت فيها كلها صراصير صغااار لا تروى بالعين المجرده أنا الصراصير الكبار أعرف لهم لأنهم ينشاافون أما الصغار ييييع بنت عمي الكبيره شافت صرصور و أخذت النعله وذبحته << كرمكم الله نمنا فيها و ما صحينا إلا الساعه 5 العصر و فطرنا بالطريق وصلنا الطاايف يمكن الساعه 12 جااء وقت الميقااات عمي قال بآخذ غرفه للأيجار و نتروش فيها قعدنا فيها و تروشنا و مشينا الساعه 2 و نص رحنا لمسجد الميقات صلينا ركعتين و مشينا و عمي كان يقول ادعوا ,أستغفروا , هللوا , كبروا, سبحوا، و كان يقول بصوت عااااااالي :. لبيك اللهم لبيك لبيك لا شريك لك لبيك أن الحمد و النعمة لك و الملك لا شريك لك لبيك .. وصلنا مكه زحمممممممممممممممممممممممممه و أظاهر ان ممنوع تدخل السياره عشان الزحمه ..!! و اظاهر فيه (( بـارك )) مواقف لسيارات عاد الشرطي معصب كان يصارخ على عمي يقول له : بسرعه حرك عمي يقول : كل اللي معي حريم الله يرحم والديك خلني ادخل بسيارتي جانا الثاني صدق قهرني كان يصااارخ بقوه على عمي يقوله : بسرعه حرك يلا عمي سلم أمره لله و مشينا الحمد لله كان فيه شرطي ثاني لأن أظاهر فيه ممر يودي لمكه جنب البارك عمي فتح باب السياره و قال لشرطي : قوول آآمين الشرطي انحرج و كأنه ما يشوف عمي عمي قال له : قول آمين الله يدخلك الجنه الشرطي أشر له يعني أصفط على جنب عمي طاار من الفرحه و قام يدعي له و أحنا البنات نصفق و نقول هووه هووووووه عمي قال أسكتوا لا تفضحونا و الشرطي أشر مره ثانيه و قال يلا و دخلنا مكه بسلااام و أماان كانت زحمممممممممممممممممممممممممممممه و سياره وراء سياره .. !! فيه باص صغير كان يصدم سيارة عمي من وراء عمي سكت و هذاك يصدمها يبي يمشي و عمي ساكت آآخر شي عمي عصب فتح باب السياره << الدريشه ما تنفتح خخخ و قال لراعي الباص : قال ما تشوف اللي قدامي شلون تبيني أمشي ..!! مدري وش قاله راعي الباص رد عليه عمي : وش أسويك أبني لك جسر تمر عليه ..!! و مدري وش قاله راعي الباص ..!! قال عمي : ترانا نوينا على الصياام الله يهديك و الشرطي اللي كان واقف يقول اذكروا الله أذكروا الله عمي قال : لا إله إلا الله أنا و الصبايا متنا ضحك عليهم و زوجه عمي قالت خلاااص شو تبى فيه << زوجة عمي إماراتيه و رحنا الفندق قبل الآذان و كان أمة محمد راايحه للحرم و عمي راح يحط سيارته ...... مدري وين ..!! لآن ممنوع في هذا الشارع توقف السيارات يشيلونا الامن ..!! و بعد ما جاء عمي قال يلا مشينا صلينا بالفندق و رحنا للحرم دخلنا من عند الصفى و المروه لأن الشرطي يقول هذاك الطريق مسكر و الله ما فهمت وش يقصد الشرطي بس هو اللي قال لنا أدخلو من الصفى و المروه أنا يوم شفت كل هذي العالم في المسعى و الله خفت و في الطواف زوجة عمي ماسكه عمي و بنت عمي و أختي الصغار ماسكين زوجة عمي من عبايتها و أنا و بنت عمي و أختي الكبيره متمسكين و الله لو تشوفونا كأننا قطار سريع خخخخخخخ و اللي يدوس رجلي و اللي يدفني و اللي و اللي .....إلخ أنوااع العذاااب في الطوااف و عمي كل شوي يلتفت و يشوفنا وين و نكون ورااااااااااااااااء خلصنا الطواف بعد عناااء شاااااق طبعاً كنا صاايمين بعدين رحنا لماي زمزم عمي قالي أغسلي و جهتس فيه و أغسل خشتي و يدي و أشوف وحده إيرانيه عجبتني عيونها خضرااااء عجوز ..!! تتكلم معي بالايرااني ما فهمت شي بس اللي فهمته انها تقول صبي لي ماااي زمزم و أصب لها مااي و فيه وحده باكستانيه لااااصقه عند برادة المويه كان عندها غرشة ماي عبتها بعدين طّلعت الثانيه و تطلّع الغرشه الثالثه مدري من وين تجيبهم ...!! و رحنا المسعى و سعينا بس كان زحممممممه لما الف من الصفى للمروه و من المروه لصفى زحممممممممممممممممممممه أمة محمد هنااااااااك سعينا و خلصنا الساعه 8 و ربع و أنا أمشي من الحرم للفندق كنت أون أنوااع الونااات (( يا ونّتي كأنها ونة بعير منحااش )) و بنت عمي الكبيره قامت توّن معي قلت لها : (( يأ ونّتي مع ونّتتس كلها ونااااات )) هههههههههههه أنوااع الخبال فينا هع هع وصلنا للفندق ما كان فينا نوم عمي و زوجة عمي ناااموا بقى أنا و الصبايا ما نمنا بنت عمي الصغيره ودها تسوي جو في الغرفه قالت : وش راايكم كل وحده فينا تقول بيت شعر << الله من الفلاحه الزايده قلنا طيب ..!! قالت :: يقول الشاعر : أخذيني اذا عجبتتس .. و اذا ما عجبتتس بس لا ترديني .. هذي قصيدة الشعر سعد علوش (( أخذيني )) بس هي مخربه أم القصيده أحنا متنا عليها ضحك أسلوبها يضحك قالت يلا يا دلع أبدعينا << من زين خشتي بيت واحد ما أعرف اكتبه قلت لها طيب أبدع لكم أبداعاتي المتنوعه و المثيره قلت : يا غزال العارضيه ودّيني للبرازيلو .. خليني أعيش الطبيعه مع ناقتي <<<<<<<<< أصلح أكون شاعره صح ..!! و بعدين نمنا و رحنا للحرم العشاء عشان نصلي التراويح و صلى فينا العشاء أظاهر الشيخ ماهر المعيقلي و التراويح صلاها نصها و النص الثاني الشيخ السديس و طلعنا تعشينا و بعدين تسحرنا و رجعنا للحرم الساعه 3 الفجر و قعدنا ننتظر صلاااة الفجر .. و أحنا قاعدين جو ثنتين حريم كبار من تركيا إلا تقعد بيني و بين بنت عمي !! غصب تقعد و أنا أأشر لها أقول ما يكفي و انا الصادقه ما يكفي لأن احنا قاعدين قدااام و هي تبي تقعد جنبنا عدت السالفه على خير لآن وحده من العاملاات في الحرم قالت لها قووومي و قبل ما يذن بعشر دقايق جاء واحد من تركيا يقول: زمزااااااام ’’ أحنا نقول زمزم و هو يقول زمزااام هههههه كان يعبي من الترمس موية زمزم و يوزعه على اللي قاعدين و محد أخذ منه و كان يقولي زمزاام و أنا أصلاً عندي مويه و أخذت منه كاسين أستانس و وراح يجيب لي مويه ثانيه جاب كاسين و يعطيني و أنا مدري شسوي فيهم و أقوم أوزعه على الحريم اللي وراي و نصهم يقولون مشكوره عندنا الزبده اني شربت لي 3 كاسات زمزاااااام و بنت عمي تقول تستاهلين من قالك تآخذين منه و جااب مويه كثير و حطها على طاوله فيها القرآن و أنا أقوله ثآنكيو بس شكله ما فهمني ...!! صلينا و خلصنا و قعدنا بالحرم ندعي و دعينا و خلصنا و زهقنا قعدت أنا و بنت عمي و أختي الكبيره نسولف و نضحك و وحده أردنيه أستانست مننا تقول أنتوا خوات ..؟؟ قالت أختي لا هذي اختي و هذي بنت عمي و لفت عليها أختي و تسولف وياها و بنت عمي كانت تقرا قرآن و أنا قعدت بلحالي محد معي جيت بآخذ القرآن إلا وحده إيرانيه كبيره تسولف معي بالايرااني مدري وش شايفتني العنقليزي ما أعرف له تبيني أعرف للإيراني اللي فهمته منها انها تقول انتي ساكنه هينا أنا حسبالي تقصد مكه قلت لها : نو بعد قالت : كويت ’ قلت : نو سأودي أريبيا بعدين قلت لها انا ساكنه بالشرقيه مو في مكه عرفتي و هي تهز راسها << أفلقوني ان فهمت شي مني و بعدين رحنا للفندق و نمنا بعدين رحنا لجده بعدين الطايف بعدين الشرقيه و تمت الرحله بسلاااااااااام آآسفه على الأطاااااااااله ترى بكرا بروح البرازيل من يجي معي <<<<<< أيه هين انتي حدك دول الخليج و تخب عليك
|
#2
|
||||
|
||||
اولى
|
#3
|
||||
|
||||
هههههههههههه
والله استانست بموضوعك اوووووما عجبتك عيون الايرانيه كان فعتيها وانحشتي بس بيني وبينك الصراصير الصغار اطعم من الكبار، لانهم توهم بريئين مشكورة كلي دلع
|
#4
|
||||
|
||||
عندي سوال
الحين ام الرخا والشدة جدة؟؟؟!! صح ولالا؟؟ لي رجعه اقرا الموضوع
|
#5
|
|||
|
|||
ههههههههههه
اسلوبتس روعة
|
#6
|
||||
|
||||
هههههههههههههههههههههههه مبدعة طرقة سردك للاحداث روعة
احسن مافالموضوع ان مرت عمك امراتية خخخخخخخ امزح كل السولافة جنان وماشاء الله شكل الرحلى فلة |
#7
|
||||
|
||||
قيموا معي الموضوع
وموضوع الجوري بعد قيموه
|
#8
|
||||
|
||||
احلى تقييم لكلى دلع
|
#9
|
||||
|
||||
موضوع روعه
وناسه الرحله مع مجموعه بنات تقبل الله منكم عمرة مقبوله يسلموا دلوعه تم وضع النجووووووووووووووم
|
#10
|
||||
|
||||
هههههههههههههههههههههههههه
اما العيون الخظراء اي والله يازين العيون الخظراء ههههههههههههه وانتي جالسه تقصدين وتقولين الغزاله العارضيه بالله ماتذكرتين ههههههههههههههههههه ياملح الصوارير تلقين وانتي نايمه يفحطن عليتس اسم النمل الكبار قعر بس عسى ماقرصنتس مالومتس ان ونيتي صايمه وتطوفين وحر بعد وني الين تقولين بس عساتس سبحتي من رحتي لجده وعساتس جبتيلنا رمان من الطايف عمره مقبوله دلوعتنا موضوعك جنان وقيمت الموضوع لعيون دلوعتنا
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |