العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
تابع السلسلة ..... يوم طلبت من جدها إني أشوف المحروسه - الحلقه رقم (2)
السلام عليكم ياحبايبنا تكلمنا بالحلقه الأولى عن بداية قصة زواج ربعي من الخارج واللي ماقراها يتابعها على هالرابط عشان يفهم السالفه من بدايتها الحلقة (1) وصلنا يوم يرجع رفيقي بالليل وهو مبسوط مرررررره قلت يابوفلان وش العلم قال أبشرك الأمور تسرك حيييل رحت لهم اليوم وشفتها وبغى عقلي يطيييييييير قلت لاتسوّي لي فيها ألغاز احتس بسرعه قال لي اللي شفته معي ياسوّاح مأذون أنكحه تعرفت عليه قبل فتره بأحد الأماكن وذكر لي انه مأذون وانه مستعد يخدمني بأي وقت قلت له أنت صادز ولا تستهبل يابو فلان قال توّنا جايين من العايله اللي ذكرها لي وواعدوني بزيارة ثانية قلت له أفاااااااا يابو فلان ورى حتسيك تغير بهالسرعه قال وش قصدك ؟ قلت له تذكر يوم تجيبون عيالكم ذيك الفتره ما قلت لي ان زوجتك وعيالك ودهم يجلسون عندك بذ ا قال إيه بس تعرف ظروف دراسة بناتي وعيالي قلت تذكر انت تحمست مره وقلت أبدرّسهم عشان اضرب عصفورين بحجر منها انهم يدرسون على حساب الدوله ومنها ياخذون لغه ! قال صدقت بس شفت لي شوفة ثانية قلت عطني سالفتك مع المأذون ياعريس الغفله قال جاني المأذون وقلت له عطني كم عايله عشان اختار على كيفي والرجال ماقصر جاء طاير لعنّا وحدد كم بيت واليوم رحنا لوحده منهن وهي من جنسيه عربيه معروفه يقول يوم طقينا الباب طلع لنا ذاك الختيار اللي بدت عليه تجاعيد السنين ورحب بنا وقال تفضلوا الله يحييكن>> صاروا حريم وحنا ماندري هههه يقول سألت المأذون من يكون هذا قال جد البنت قلت وابوها وينه قال متوفى رحمه الله يقول دخلنا بالمجلس وقعد يسولف معنا الجد شوي ويسأل عن بعض الأمور من وين أنت وشو بتعمل ومن امتا هون ومتجوز ولا لأه وخذ من التحقيق اللي له أول ولا له تالي ههههه يقول عطيته اجابات دبلوماسيه توافق اللي يبي قلت مثل ايش يابو فلان ؟!! قال سألني عندك عيال قلت ايه .. كم عددهن ؟ قلت اربعه قلت له انا اخس يالنصاب بدينا باللف والدوران قال أنا أقصد الذكور بس والبنات مالهن حق يعني ؟ قال مالك شغل اسمع وانت ساكت >> ينفخ علي عشاني كبر عياله قلت له كمّل وش صار بعد نصبك هذا ؟!! قال لاتقول نصب هذي توريه قلت طيب كمّل قال انه قال يوم يقول انه قال لاتقول لين أقول >>فاصل لرفع الضغط يقول رفيقي طلبت منه اني أشوف المحروسه بناء على الاتفاق المبرم مع المأذون قال الجد لكن مااتفقنا بعد قلت ان شاء الله بنتفق بس بعد مانشوف البنت طلع الجد الله يحرسه وكلم اهل الدار يتجهزون يقول رفيقي بدا قلبي يرفرف مثل الطير المرشوش بالماء >> لا والله التشبيه يقول وانا قاعد احتري واحتري واحتري واحتري لين بغيت احتري من شدة حرّة الاحتراء اللي حرّن يقول شوي ولاّ أسمع صوت يخرفش قريب منّا وبدا قلبي يدق بسرعة 240 كلم بالثانية مدري هو خوف ولا شوق قلت أكيد وصلت المحروسه الله يحرس ابو اللي جابه عندي يقول دقيقه ولاّ تدخل المحروسه واااااااااااااااااو وهي شايله معها صينيه بها عصير مدري أشوف العصير من زينه ولا أشوفها هي ووجهها >>> رومنسية شيبان يقول والله واتمعن بالوجه زييييين ويضيق صدري وانغث مرررره التفتُ على المأذون وقلت له بهمس هذي البنت اللي تقول ؟!! قال نعم هي والبنت جالسه قدامي وانا استرق النظر لها كل ثانيتن ونص < >تراه دقيق مررره والتفت رفيقي على المأذون مره ثانية وقال متأكد انها هي قال نعم نعم يقول همست بإذن المأذون وسألته وين الأوصاف اللي تقول انها بالبنت ؟!! هذي عاديه جدا جدا جدا ومافيها مسحة جمال أبد أحرجتنا مع الناس وش أقول لهم الحين يقول والله ماقدرت اتكلم أبد وصارت العين على العصير يقول دخل علينا الجد وجلس جنب البنت وقعد يسأل وأنا ماني معه أبد أفكر وشلون أصرف السالفه بأي طريقه وبقلبي حقد مابعد صار دفين على هالمأذون يقول البنت اللي قدامي بها حياء مو طبيعي صراحه مارفعت راسها لي أبد قلت له يمكن مهب حياء الظاهر متوحشه من شكلك قال صراحه انا جالس على أعصابي ودي أمشي.. قاطعته وقلت طيب وراك تقولي انك شفتها وطار عقلك من جمالها مهب هذا تناقض ولا انت ماتفرق بين اللحمه والشحمه ؟! قال لاتصير عجل خلني أكمّل السالفه قلت سم قال وانا ادردش مع الجد الا زول مقبل علينا بالمجلس >> مهب سوداني يالدبا وترددت اشوف ولا اغض البصر >> اخس يالورع يقول وينغزن ابليس ويقول التفت بس ولا يكثر يقول التفت بناء على طلب ابليس الله يخزيه ولاّ بنت جاية لنا تتمخطر في مشيتها وش أشوف يالربع شي مو طبيعي وعلى طول اهمس في أذن المأذون وودي اصفقه من القهر هذي البنت ولا بلاش قال المأذون مباشرة نعم هذي هي البنت قلت ياشيخ أنت تستهبل علي مرة تقول ذي ومره تقول ذي تراك رفعت ضغطي صراحه أي البنات اللي تقصد ؟!! قال المأذون هي هذه ؟ طيب ومن الثانية؟ قال أمها !! قلت أمهااااااااااااا يقول والله وترد لي روحي من جديد وابدأ ابلع ريقي زي الناس وصارت اللي قدامي خالتي هلا والله وذي بنتها هلاوين والله قلت هذا الزين ولا بلاش يقول خلاص قلت لهم الحين أي طلب تبونه انا مستعد أنفذه وانا مغمض قلت وانت متى فتحت أصلا يقول جلست البنت جنب جدها من اليسار تناظرني شوي وتنزل راسها وانا اقول يارب انها معجبه بي >>> ولا بالحلم بدا جدها يسأل عشان يسمّعها نبذه عن حياة فارس الأحلام يقول رفيقي شي أجاوبه وشي أصرفه وكل ماسألوا سؤال غثيث على طول أقول أنا مستعد أسوي وأسوي عشان أصرف الموضوع سألت البنت كم عمرك ؟ يقول ضاعت علومي وش أقول وش أقول وش أقول كم أنقص 10 سنين ولا 15 قلت انا ماني كبير ! قالت : يعني كم عمرك ؟ قلت لها قريب من 28 سنه ! قلت له أنا يالنصاب أي 28 تقصد قرن ولا عقد قال كأنها مااقتنعت بعمري على طول قلت لها لكن أبوفر لك كل شي تبينه ووووو قالت انا عارفه انك متزوج لكن كم أولادك قلت انا علمت البابا ان عندي 4 أولاد >> نصب مع سبق الإصرار يالدلوع قالت كتير 4 قلت بنفسي لو درت عن البنات بتموت قدّامي قلت لها ماعليكِ منهم أنت لك بيت لحالك وبتعيشين براحه تامه بإذن الله قالت أبفكر وأرد لجدي منشان يخبرك يقول الأم ماعندها مانع أبد لكن قالت انت عارف ان البنت صغيره وهلاّ بتدرس في التانويه واحنا بدنا نحاول معها وبتوافئ بإذن الله وهذاني جيتك مبسوط مررررررره وانتظر ردهم وش رايك سوّاح باللي سويت وتتوقع يوافقون علي ؟! قلت اسمع وانا أخوك أنت ماشاورتني من البداية ..! عشان كذا شوري لك مابه فايده الحين ! قال وضح أكثر ! قلت ياخيي أنت عارف ان الزواج مهب لعبه وانت بطريقتك ذي طبيت على غير سنع قال بس والله اني جازم آخذها معي بعدين .. قلت عموما أنت أحسن من غيرك كونك تفكر بهالشي لكن حسن المقصد مايكفي لحاله بهالأمور لازم تفكر بالمخراج قبل المدخال ولازم تفكر بأم عيالك وعيالك وش بيصير وضعهم بعدين لازم تسأل عن البنت من كل الجوانب وانت عارف ان البنات خارج بلدك منفتحات زياده عن اللزوم ومو معنى كلامك اني انتقصهن أبد لكن الوضع يختلف قال بس انا ناوي اخليها تتأقلم مع الوضع هناك قلت الأمر مهب سهل مثل ماتتصور خاصة وحنا الحين ببلد غاية بالانفتاح وهم متأقلمين مع وضع معين .. قال طيب تتوقع يوافقون >> يعني كلامي معه مثل أمس هالحزّه قلت الله أعلم لكن يمكن يرفضون عشانك متزوج وعندك عيال وشكلك فنتاستك جاء الموعد الثاني اللي حدّدوه وراح لهم وهو كاشخ مررره مع رفيقه المأذون ياترى: وش ردوا عليه ؟ هل قبلته زوجا لها ؟ وش شرطها اللي ماتنازلت عنه ؟ وش وضع رفيقي بعد رجوعه منهم ؟ وش طلب رفيقي مني عشان يوافقون عليه ؟ هذا وأكثر ماستقرأونه في الجزء الثالث بإذن الله محبكم / سوّاح |
#2
|
||||
|
||||
واخيـــــــــرن ..
نشوفك بعد القراءه
|
#3
|
|||
|
|||
والله اني ودي اقول شي بس اخاف يسطرونن
تقول سواح وين هوبوه بيتكم
|
#4
|
||||
|
||||
سوّاح كملهـا لو من خلف الكواليس ..مااحب اصبرررررررر ..
عليك اسلووووووب يرفع الضغط هههههههههههه .. ننتظر الحلقه الثالثــه ..
|
#5
|
|||
|
|||
اشوا ماغطن الحلقه شوي هالمره فأدرك شر زاد الصباح وسكتت عن الكلام المباح يالله ننتظر الحلكه الجاية يا حملت الله
|
#6
|
|||||||||||||||||||||||
|
|||||||||||||||||||||||
هلا والله وغلا بالأستاذه غوغو مابطلتيه الى الحين |
#7
|
|||||||||||||||||||||||
|
|||||||||||||||||||||||
وراك خايف خذ راحتك بحدود |
#8
|
|||||||||||||||||||||||||
|
|||||||||||||||||||||||||
هلابكـ ..لا عجزت اتركه ادعيلنا هههههههههههه لا وقاهرني صديقك الي بيعرس ذا انواع الاحرااااااااق .. سوّاح تهقاه يعرس والا لا ..؟؟
|
#9
|
|||||||||||||||||||||||
|
|||||||||||||||||||||||
هههههههههههه بالعكس قرايتك هي الرايقه غوغو الله يعافيك من كل شر |
#10
|
|||||||||||||||||||||||
|
|||||||||||||||||||||||
الخوف مليح ياغالي انتظر قراءتك الناقده |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |