العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
الحلقه الرابعه من زواج ربعي ... قالوا له امسك الباب ومع ذلك عينه على ذاك الباب !!
حياكن الله جميعا اللي ماتابعنا من البداية يتفضل هون شفتها اليوم وبغى عقلي يطيييييييير - الحلقة (1) يوم طلبتْ من جدها إني أشوف المحروسه الحلقه (2) الجــ 3 ـــزء الثالث من السلسلة .... طق عليهم الباب وعطاهم هالرساله !! نكمل الجزء الرابع من سالفتنا يامال العافيه وصلنا يوم ان المحروسه طردت ابو فلان طرد معنوي وصار يهيم على وجه زي ماقلت لكم ولا توقع ابد انه بيلقى وحده زيّها مع ان جمالها على وصف ابو فلتان مايتعدى 20% وصرت انا وابو فلتان نحاول ننسيه سالفة المحروسه قصدي اللي بغت تصير محروسه له رجعنا إجازة للسعوديه بعد هالسالفه بأسبوعين تقريبا اتصل علي ابو فلان وقال سوّاح بتحج هالسنه ؟! قلت والله ودي بس مشغول شوي قال انا يمكن اروح للحج قلت الله يوفقك ويرجعك بالسلامه ونشوفك بعد الحج بإذن الله عشان نروح جميع لديرة المحروسه التقينا بعد الحج بأسبوعين ورحنا جميع ومعنا رفيدزنا ابو فلتان كنا بجنب بعض بالطياره << مع اننا مالين من بعض لفت انتباهي حركات يسويها ابو فلان كل نص ساعة يشوف وجهي ويسوي هالحركه وانا والله ماعطيته بال >> مسوي ثقل المهم ارتفع ضغط الرجال وقال لي مالاحظت بي شي ؟!! قلت لا والله مالاحظت شي >>> والله التحطيم قال صدق سوّاح مالاحظت شي ؟!! قلت ابد وش سالفتك أنت ؟ شكلك ماتغير ابد ..! الشين شين لو حط احمر الشفاه هههههههه >> ماأقصده والزين زين لو قام من النوم وشعره شوشه قال ماش انت منتب شديد الملاحظه او انك تستهبل قلت ياخيي ماشفت شي يثير انتباهي >> ترى الولد ثقل قال ياخيي ماتشوف سنوني ..!! كل هالزين ولا انتبهت ضحكت صراحه وقلت ماانتبهت آسف وش هالحركات يابو فلان ؟ من ورانا ؟!! اقولها له محاولة ترقيع طبعا قلت ماشاء الله وش انت ناوي يابو فلان ؟!! ولاّ تتوقع ان المحروسه بتتراجع اذا شافت سنونك وتقبلك قال السالفه غيييييرياسوّاح قلت وشلون ؟! قال ابشرك بديت انسى ذيك البنت والحين حنا عيال اليوم قلت شي طيب يابو فلان الله يبشرك بالخير لكن وش قصة السنون اللي اشغلتن بهن ؟! قال ابو فلتان أكيد يابو فلان عندك بلاء ..! قال ابو فلان ان شاء الله خير وتجيكم السالفه قلنا سم كلنا آذان صامغه تفضل يابعدي وش عندك ..! قال تذكر سواح يوم اتصل بك وقت الحج قلت تسيف اذكر ونص قال بعد ماصكيت السماعه خطر ببالي امر وعلى طول بديت افكر فيه بجد ..! قلت وش هالأمر يابو فلان ؟! ثم بدا يسرد لي اللي صار له .. ياترى وش هالأمر اللي يفكر فيه ابو فلان ؟ هل تحقق له مايصبو اليه ؟ ماموقف ابو فلتان منه ؟ وش مصير سوّاح بعد سالفة ابو فلان ؟!! هذا وأكثر ستقرأونه في هذي الحلقه بإذن الله تصدقون خفت يجين فنجال طااااااير من ورى شاشة الكمبيوتر من بعض الناس المهم قال شف ونا اخوك بعد ماكلمتك هاك اليوم فكرت بجد اني انقز لحدى الدول القريبة عشان ادور لي محروسة ثانية قلت يعني ماطاح اللي براسك الى الحين ؟ ياخي والله غير بنت البلد ماتلقى لو تطير خل عنك هالسوالف وجب عيالك ويادار مادخلك شر وبعدين يابو فلان ام فلان تمزهلت وضحت بكل شي عشانك ليش ماتقدر العشره وتضحي علشانها ؟!! صدقني بابو فلان ان الزواج من الخارج سهل لكن الخروج منه صعب مرررررررره قال وش قصدك ؟! قلت ودي تلقي نظره سريعه وتشوف اللي تزوجوا مشاكلهم اتوقع 100% انك بتغير رايك على طول وان كنت معزم والله ماراح تلقى مثل ربعك أبد مو تنقص من غيرنا لا والله لكن الطبايع تختلف وانا اخوك والموت يجيك ان كان الحب غير متبادل بمعنى انها مااخذتك الا لقريشاتك بس او لضغط ابوها عليها او شي من هالقبيل قال اقول اسمع السالفه بعدين تكلم .. ! قلت سم احتس قال رحت لهاك الدولة والكلام له انا ماليش دعوى واسأل عن عيادة اضبّط به سنوني قبل ماتشوفن المحروسه اللي بذا واروح غلطه يقول ماقصروا دلوني على عياده منتازه ورخيصه > هذا اهم شي طبعا واقعد انا وياهم كم يوم عشان يرممون سنوني يقول شالوا البنيه التحتيه للسنون وغديت شيفه مرررره لدرجة اني ماعرفت نفسي تغيرت مررره >> طبعا للأسوأ المهم مرت الايام على خير وضبطوا السنون زي منت شايف وقلت لنفسي الحين صرت فارس الأحلام المنتظر ويابخت اللي بتاخذني >> أي والله يابخته يقول وابدأ اناقز من بيت لبيت ومن خطابه لخطابه قلت له يعني رحت تتفرج على بنات خلق بحجة الزواج قال ايه انا مارحت العب انا رحت لقصد شريف وانت عارف هالشي .. قلت كمّل سالفتك .. قال من يد خطابه ليد خطابه ومن حي لحي وماش مالقيت اللي بالخاطر مره يكرشونن ومره اكرش نفسي هذي زينه بس العايله مهب محافظه وذيك شينه والعايله منيحه وذولاء فقراء مررررررره مايصلحون وذولاك عيالهم حلوين بس البنات ماحولك أحد >> هو اللي يقول والخطابه وراي وراي تحاول تقنعني بأي طريقه عشان تلهف فليساتي وتدورغيري يقول ابو فلان جلست عندهم عشرة أيام على هالحال الوقت قرّب ولا لقيت اللي أبي .. قلت لنفسي لازم اتنازل لو شي بسيط عن شروطي مو معقول ارجع بخفّي حنين على الأقل بخف واحد يقول وانا اجتهد واجتلد واشمر عن ساعد الجد واقول للخطابه شدّي حيلتس ولا ترى مافيه فلوس يقول وتنشب لي هالخطابه وتقول كل بيت رحنا له محسوب قلت انا : الله يبيض وجهه مدزديه بك والله قال ابو فلان مهب حق هذا ابد قلت له تبي الناس يخدمونك ببلاش ؟!! قال بس مالقيت اللي بخاطري قلت مهب شغله هي المهم الحرمه عطتك عدّة خيرات وانت متشنج يقول ابو فلان وتصير بيني وبينها مشكله ماانتهت هالمشكلة لين طيّحت نص القيمه اللي طلبت هي وانا كاره بعد يقول طابت نفسي منها واروح اسأل عن خطابه ثانيه قال ابو فلتان وهو مرتفع ضغطه : يابو فلان انت رجال بتدفع زي الناس ولا ماراح تلقى أحد يعطيك وجه قلت صدق ابو فلتان صدقني يابو فلان اللي حد هالناس على قبول الزواج منك وأمثالك الفقر والعيش المر ولاتتوقع ان شبابهم شويين فلازم ترخي يدك شوي عشان تحقق مرادك .. يقول ابو فلان لقيت خطابه ثانية كذا وعلى طول على الميدان الوقت يداهمنا والقلب مشتاق يقول ونبدأ نطامر من جديد لين حطيت العين على بيتين قلت للخطابه شدّي حيلك وترى العين على أم 17 واذا ماوفقت نشوف ام 19 قالت وهو كذلك راحت لهم واقنعتهم واخذت شروطهم وجت طايره لابو فلان تبشره على موافقتهم صراحه مافيه شروط تذكر اهم شي يعطيهم مهر زين والباقي يجي بالطريق طبعا البنت ماتقدر تخالف شور ابوها فوافقت على طول لانها شايفه الوضع المادي السيئ اللي يعيشه ابوها يقول ابو فلان وانا اطير لهم عشان اعقد اجتماع عاجل مع ابوها ومعها ان حصل وبعد ماتأكدت ان الأمور تمام رحت ادور على مأذون يخلصنا بسرعه ابشرك ياسوّاح مشت الأمور تمام عقدت عليها هناك وتم الزواج على مايرام وزارتني الأم في الفندق وهي تصيح مرررررره قلت لها يام فراس ليش البكاء المفروض تفرحي بهاليوم قالت صحيح لكن الفراق صعب يابو فلان يقول ضيقت صدري ذاك اليوم كننا بمناحه والبنت شاركت امها بالمشاعر وانا الضحيه >> يصير خير قلت طيب يابو فلان كم جلست بعد الزواج هناك ؟ قال ثلاثة ايام تقريبا وسألته . . البنت وينها الحين ؟ قال بديرتها .. قلت وش الفايده من زواجك ياللي مانيب قايل ؟! قال تجيكم السالفه .. يوم بغيت ارجع للسعوديه قلت لابوها انا عندي سفر خارجي زي ماتعرف وإجراءات استخلاص اوراقها للسفر تبي لها وقت وش رايك يابوفراس تجهزها للسفر عشان تروح معي ..! ولاّ اقول وش رايك يابو فراس تجيبها لي هناك بنفسك قال ابو فراس شووووو ؟!! قال ابو فلا ن اسمع اول ثم احكم .. انا مستعد اطلع لك تذكره انت وياها واتكفل بكل مصاريف السفر << المشتهي يقطع المستوي وتجي انت والمحروسه مكرمين معززين ابو فراس ارتفع ضغطه من هالكلام ؟ ياترى وش رد ابو فراس على ابو فلان ؟!! هل وافق ولا لا ؟ هل تفركش الزواج ؟ وش موقف الأم ؟ ليش ابو فلان عصّب على ابو فراس ؟!! وش موقف البنت من الأحداث ؟!! ام فلان تبارك لابو فلان بعد عودته من الحج سالما !! وغيرها من الأحداث الشيقه والمثيرة تابعونا في الحلقة القادمة تجدون مايسركم بإذن الله . محبكم سوّاح |
#2
|
||||
|
||||
أولي هــــــــــــع
|
#3
|
||||
|
||||
طنب في جبهة سواااااحوه
|
#4
|
||||
|
||||
واتكفل بكل مصاريف السفر << المشتهي يقطع المستوي صدقت والله ياهو يرفع الضغط ابو فلان ذا ودك من يمصع أذانه الثنتين آآآآآآآآخ بس << مابرح مرتفع ضغطها ننتظر البقيه ياسوااح على أحر من جمر |
#5
|
|||||||||||||||||||||||
|
|||||||||||||||||||||||
سبقتــــس ياالدبه خففي لجل تسبقيني مرة أخرى |
#6
|
|||||||||||||||||||||||
|
|||||||||||||||||||||||
هلا بك اختي ترى مابه أكل |
#7
|
|||||||||||||||||||||||||
|
|||||||||||||||||||||||||
هذا وانا ماتعشيت
|
#8
|
||||||||||||||||||||||||||||||||||||||||
|
||||||||||||||||||||||||||||||||||||||||
يوم شفت 20% تذكرت الــ 5%
خخخخخخخخخخخخخخخخخ الا قل ياقرادة حظه
|
#9
|
|||||||||||||||||||||||
|
|||||||||||||||||||||||
ترى ألم الطنب الأول الى الحين هههههههه ماقصرتي والله |
#10
|
||||
|
||||
نتشرف جدا بقراءتكم ونأسف لإزعاجكم <<< حفريات |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |