ذهبت الحفيدات الى جدتهن ام علاوي
ههههههههههههههههههها ي يازين هالايقونه
الحفيدات
سلامن ياجدة
هلا وغلا ببنياتي وشلونكن؟
الحفيدات: بخير ياجدة مير ذبحن القهر من الدراسه
ماعليكن وانا جدتكن خلنها على الله
الحفيدات جدة نبي تسولفين علينا؟؟
ايه جده ايه
الجدة: يقولون الله يكفينا شر مايقولون فيه رجلن اسمه مسمار
شيخه وهي تضحك: جدة وش ذا الاسم اجل اسم اخوة مطرقه؟؟
شيطونه: شيخه لاتقاطعين جدتي لصكك ببياله الشاهي , جدة
كملي؟؟
شيخه دايم كذا >>>> فرحه
الجدة ام علاوي: اقول اسكتن كلكن لصككن الحين بالدله
هذا وانا اقولها اسكتي
شيخه : لاحول ولاقوة الابالله ماعاد اسال خلاص, الواحد
وشلون بيتعلم لو مايسال؟
مو لازمن يتعلم
الجدة : مسمار هذا يبنياتي ضاع بالصحراء وبغى يموت لامعه
لاماء ولاجمل لولا ان الله سخر له رجل يقاله نجر
شيطونه وهي تضحك: جدة هو وراى اسمه كذا اجل اخوة فنجال
ههههههههههههههههههههههههه
المغزله: اقول اسكتي توك مسكته شيخه
شيخه تكست بس انا دلوعة جده >>>ثقه
الجدة ام علاوي: تبني اكمل والا اسكت
الحفيدات: كملي ياجدة
والله هالايقونه تجنن
كان مع نجر جمل, نجرخلا مسمار يركب على جمله
اليوم الاول ضرب مسمار الجمل بيدة عشان يبيه يمشي وقال:
حي الله جمل خويي
اليوم الثاني وهم يمشون بالصحراء ضرب مسمار الجمل
وقال: حي الله جملنا
اليوم الثالث ضرب مسمار الجمل و قال : حي الله جملي !!!
استغرب نجر من كلام مسمار المتدرج ,وكيف يقول ان الجمل لوة
نجر سكت
وبعدين جده >>>تحمست
لونلي وهي معصبه: وراة يسكت هو ابلم؟؟
دايم هالبنت عندها حكم
الجدة ام علاوي: نجر خاف على نفسه يابنيتي
اها
يامحلاالفنجال مع سيحه البال
في مجلسن مافيه نفس ثقيله
الله ع جدتنا احسن جده صح لسانك
شيطونه: جدة تبين نسوي لك قهوة؟؟
الجدة : ايه سون قهوة
ذهبت كلا من شيطونه والمغزله وشيخه ولونلي يسون قهوة
سونها وكانت المفاجاة
المغزله اتت تركض: ياتيته شيخه وشيطونه خلن دلالك فحمه !
شيخه مو انا هذي شيخه
الجدة: الله يصلحكن خلاص مانبي قهوة
لونلي : جدة وين وصلنا؟
الجدة: قال مسمارلنجر: الديرة وينهي اللي بتروح الها؟
قال نجر ليه تسال هالسوال؟؟
قال مسمار: عشان اوصلك لاهلك, وتابع انا طريقي لاهلي بالجمل !!
قال نجر: الجمل لي مب لك؟
واخيرا نطق
مسمار: احمد ربك اني ماخليتك بهالصحراء
بعد بعد
نجر مستغرب: هل جزاء الاحسان الا الاحسان
نجر استسلم للامر الواقع وتركه يوصله لاهله
نجر راح لجماعته وعلمهم باللي صار
جماعه نجر لحقوا مسمار وجابوة
يوم شاف مسمار نجر
قال مسمارلنجر: سويتها يانجروعلمت جماعتك ليتني تركتك
بالصحراء تاكلك الذيابه !!
شيطونه:من جد يقهر مسمار ذا شراني وقوي عين
كش عليه
شيخه: ارتفع ضغطي منه
لونلي : وش كان رد نجر ياجدة؟؟
قال نجر لمسمار: الذيابه ماهيب اللي تعيش بالصحراء
الذيابه هي اللي لاتعرف المعروف ولاتصون العشرة وصدق
الشاعر يوم قال:
ومن يصنع المعروف في غير اهله
يكن حمدة ذما عليه ويندم
بالنهايه عطوا مسمار درس بالاخلاق وخلوة يروح لديرته
وتوته توته انتهت الحتوته
هاة يابنياتي اعجبتكن القصه
تجنن
شيطونه: ايه اعجبتن, الانسان يسوي المعروف ويحتسبه لله
مايدورة عند الناس
لونلي: بعض الناس تسوين فيهم معروف وتكون ردة فعلهم العكس
بس من يسوي المعروف والخير للناس عند الله مايضيع عمله
شيخه: الانسان ماتزينه الا اخلاقه لولا اخلاقه ماحد يحبه
المغزله: الله يهب لكن عافيه على القصه يقولون صنائع المعروف
تقي مصارع السوء
الجدة ام علاوي: يازين كلام حفيداتي الله يسلمهن ويسمنهن
تم كتابه الموضوع اليوم 15-10-1429
وتم كتابته تحت تاثير الطفش من ان السبت اول ايام الدراسه
قصه اليوم من قصص كان يحكيها جدي لنا الله يحفظه
فمان الله مع قصه جديدة من سوالف جدتكم ام علاوي
مع حفيداتها
(شيخه المزايين,لونلي,, شيطووونه,,المغزله لهم دليلوا )