العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
صيفنا بالجنوب و بالشرقيهـ >> ريحة واحد معرق .. وذكريات 3 نفر .. مدعمهـ بالصور ..
( يمكنك إرسال رسالة إلى 5 أعضاء في الوقت نفسه.
إفصل بين الإسم والآخر بالعلامة ';' مثال: ضيف المهاجر ; نبض المعاني ) نبض المعاني مع الببسي ينبلع بس ضيف المهاجر .. >> تسمعون بالتشبيه ياقصيمي .. ^ ^ تدرون وش الهدف من الكلام اللي فوق .. بعلمكم إني ماقدرت اضبط حجم الصور اللي بالموضوع .. وأرسلت لبنت عاديهـ عالخاص وقيل إنها (فتحيهـ) وفي روايهـ أخرى (عايشة الكيلاني) علشان تضبط لي الصور وترجعهن .. البنت ماقصرت بيض الله وجهها وجمل الله حالها .. وقبل كم يوم نزل الفارس الهلالي موضوع عن رحلتهـ للعمرهـ .. كنت ناوي أنزل الموضع هذا داخل موضوع الفارس بعد ما أخذت الأذن منهـ .. يعني يصير 2x1 .. لكن جاني نشاط مدري وش يبي وقررت أحطهـ بموضوع مستقل >> ويتنفس الفارس الصعداء.. طبعآ رحلتي هذي بدايتهآ للعمرهـ وبعدين للتمشي وتغيير الجو والوناسهـ .. والرحلهـ ابتدت من العاصمهـ >> مافيها والله إلا الحر اللي يخليك تفوووح تقول جالس بقدر ضغط .. امتدت لشرق المملكهـ .. عاد الشرقيهـ سبق ونزلت موضوع عن الصور اللي صورتها فيها .. هذيك حقت الفيران الإيرانيه والبس الشيرازي وباقي الشلهـ >> تقول من أخوياهـ ...خخخخخخ بس شسمهـ فيهـ كذا صورهـ صورتها بالشرقيهـ مع شروق الشمس >> عز الله اللي راح ملح كشكول مع هالإسم ومانزلتها بوقتها بسبب ضيق الوقت والكسل الله لايبلاكم بهـ.. وهذي الصور .. فكوا الجلنط ودحدروووووا .. أدري غطيت على سبيلبرغ بس للحين ماشفتوا شي .. هاهـ وش قلتوا ؟إإ >> للبيع لأعلى سعر .. بس لو أعرف أضبط لي حركة الختم وأحط بوسطهـ لقبي وأطبعهـ على الصور .. علشان محد يلطشهن ويقول أنهـ هو اللي مصورهن أنت يالكاوبوي خربت الصورهـ وبعصت أبو المنظر كلهـ بقبوعك يارعي البقر >> أخوي اللي طالعن طرفهـ بالصورهـ عاد ماتركت ديرهـ بالشرقيهـ مارحت لها .. الجبيل بنوعيها ( الصناعيهـ والبلد ) والدمام والخبر والظهران وصفوى والقطيف والأحساء .. وصارت لي مواقف كثيرهـ بس 90 % منها مشفر .. والــ 10 % الباقيهـ مالأمها داعي .. وبعد كذا رجعت للرياض وجلست بها يومين .. وبعدها رجعت القصيم .. اشتقت لأم فواز .. ( لا والله إلا الميزانيهـ صار فيها عجز ورحت تمولها من البنك الدولي ) وجلست اسبوعين تقريبآ وبعد زواج ولد جيرانا >> ياحظهـ السربوت سواها وأعرس ومن يوم جاء القصر وسلمت عليهـ هو وثوبهـ مسوي قلابي بالياقهـ حقتهـ >> أبوك يالمزاج قمت بالواجب أهم شي .. وبعدها طلعت ودقيت سلف وعاحايل .. أنا وولد خالتي كشكول .. >> تراهـ عضو بقصيمي .. وأخذنا ولد خالي وتوكلنا على الله .. فالبدايهـ رحنا مكهـ للعمرهـ .. وحنا بالطواف شفت لي منظر فطست ضحك عليهـ .. تخبرون الحجر الأسود إذا جيت قبالهـ ترفع يديك وتكبر .. كان فيهـ بنت قدامي يوم جت قبالهـ رفعت يدها وأرسلت لهـ بوسهـ بالهواء .. فاهمهـ غلط الأخت ذكرتني بواحد من الشباب كل ماشفنا بعض بمواقف الكليهـ أيام الدراسهـ قعدنا نرسل لبعض بوسات بالهواء .. عاد أنواع الحركات نسويها .. أحيانآ أطبعها بيدي وأشوتها برجلي لهـ ومن قو الشوتهـ يطيح عقالي>> أمش يالرومنسيهـ .. وهو يستقبلها بصدرهـ ويرسلي ثانيهـ بعكب رجلهـ وأوخر عنها أخليها تصك بالسيارهـ اللي وراي وتمتلي سعابيل السيارهـ.. خخخخخخخخخ المهم خلصنا طواف ورحنا أخذنا فوق تحت سبع مرات عالصفاء والمروهـ وبعد كذا عالشقهـ ونسحبها نوووومهـ ومن بكرهـ نروح للطايف ..ماطولنا فيهـ بس حلقنا ومشينا .. دبلوا تسبودنا كلش عوايل ..لدرجة إني قلت لهم أبنتحر .. قالوا ماعليش عوايل .. الـــــــجـــــــنــــــــــوب .. ^ ^ كل شي عندهم يلونونهـ حتى الكباري ماسلمت منهم .. وهذي بعض مصطلحاتهم : (لسني أحب اللسلسه ) >> لازمنا مترجم لغة فارسية.. (في تيه تلقفها تاك ) >> هذي واحد قالها عند الجبل بيسمع الصدى حقها .. قال الصدى : هاهـ (زحلطني ) >> اسألوا مفرح وغرم الله عنها .. بداية الرحلهـ للجنوب .. كانت بالباحهـ كل شي فيها راحهـ ..>> مسوي سجع ..خخخخخخخ حتى عسكرهم فللللهـ .. يسولفون معك لحصلوك مضيع الشقهـ >> مجرب وشفت فيها المسطحات اللي على الجبال لأول مرهـ عالطبيعهـ بحياتي .. جلسنا فيها يوم واحد بس .. لكن قبل نطلع صورت كذا صوره وهذي وحدهـ منها .. قسم تحس إنك بأحد الدول الأوربيهـ اللي مانشوفها إلا بالتلفزيون >> ولا عمرك بتشوفها ..خخخخخخخ بعد كذا طلعنا لأبها .. ومرينا بالطريق .. بلجرشي .. سبت العلايا .. بلقرن .. النماص .. بللسمر .. بللحمر .. >> تكتب ولا تنطق .. تصدقون ماعرف أنطقها وآخيرآ دخلنا أبها البهيه والسياحه النقيه >> وأنا أشهد .. جلسنا فأبها ثلاثة تيآم.. وطلعنا عالسودهـ .. عاااااد الحين أترككم مع المناظر الخلابهـ اللي التقطتها عدسة الجوال .. على فكرهـ الجوال نوعهـ N73 >> لايجي نواف الحين ويسأل عن نوعهـ لا يجي واحد يفضحنا ويقول : ليش جوهم مغبر ؟إإ ترهـ سحاب .. مثل اللي تشوفونهـ فوق بالسماء بس هذا قريب اللي يشتري صورهـ من اللي فوق تجي هذي معها هديهـ .. تم مسح المعالم الشخصيهـ مراعاهـ للذوق العام .. وخوفآ على مشاعركم الجياشهـ شفتوا المكان اللي وراى ؟إإ .. هذا نتغدى فيهـ كل يوم الساعهـ تقريبآ 3 الظهر .. والسحاب يشطفنا وحنا جالسين .. قال كشكول : بفتح فمي علشان يدخل فيهـ السحاب .. قلت : لو إنك بالديرهـ كان أمتلاء فمك ذبان هذي جلسهـ خارجيهـ بمطعم اسمهـ ( المطل) بالسودهـ .. ويظهر بالخلف ( التلفريك ) شوفوا اللمبات مولعهـ .. مع إن الوقت تقريبآ 4 العصر أي واحد يسوي حركهـ لا أخلاقيهـ ترى أشوفهـ( تركت فتحهـ للعين منها أشوف الشاهي ومنها أشوفكم ) هذي مثل ماهو واضح .. خلية نحل .. صورتها علشان شهد الكون .. قمت أدورها بين هالنحل .. بس أكتشفت إنها الملكهـ .. وماتطلع إلا بمرسوم ملكي .. شوفوا وين وصلنا بس تراها قريبهـ تسان ماخاب ضني مكان هاللوحهـ بمحايل عسير .. وبعد كذا طلعنا من أبها العصر الساعهـ 5.30 ومرينا .. محايل عسير .. المظيلف .. الليث مركز الشعيبهـ .. ومنها للعاصمهـ المقدسهـ ويوم وصلنا لمكهـ سيدآ عالبيك >> محرومين منهـ .. رحنا وتعشينا فيهـ .. صار لي موقف فيهـ .. ** بعد العشاء طلعنا ليثرب المنورهـ ..وصلناها الساعهـ 5.30 بعد الفجر .. يعني 12 ساعهـ متواصلهـ بالطريق .. جلسنا يوم فيها .. وطلعنا للقصيم من بكرهـ .. ( شـــــي مــــاشــــفـــتــــوهـــــ ..) * وحنا راجعين يوم وصلنا المظيلف (عطونا مخالفهـ) .. الليث ( برضوهـ عطونا مخالفهـ) .. مركز الشعيبهـ اللي قبل مكهـ >> كمان مخالفهـ .. وش حيث المظيلف والليث يعطونا وهم لا .. لابارك الله بمن جمعهم هالجحلط .. أجل 3 مخالفات بظرف ساعتين بس ؟إإ >> يعصب آحيآنآ بدون سبب مقنع .. ماعليهـ رجعت طبيعي .. عاد الحين .. الله لايهينكم أبي حق المخالفات ** يوم كنت بالبيك أنتظر طلبي يوصل .. جلس جنبي واحد اسمر (يعني أبدهـ ) وكلنا أبيدن لله ..أبد تسنك تشوف حمد المنتشري يومهـ بالمتوسط ..خخخخخخخ سألني وقال : بالله كم رقم طلبي >> اثرهـ مايعرف للأرقام الإنجليزيهـ .. وعلمتهـ برقمهـ .. أخذ شوي وقال : أنت ترجع زهراني ولا شهري >> يخرب بيت السؤال قلت ؟ لا ذا ولا ذاك .. ليهـ تسأل ؟ قال : لا بس أنا أرجع >> ليتك سكت بعدين سكت شوي .. وقال : بالله حذيانك بكم شاريهن >> شكلها بداية شحادهـ عاد أنا يوم شفتهـ كذا .. قمت أصلخ عليهـ قلت لهـ : أصلآ هن بعشرهـ وكاسرتهـ وخلاهن بثمانيهـ وريالين شريت بهن كروسان وحمضيات..(علشان مايشحدني >> ذهين ..خخخخخخ قال : تصدق حذياني شريتهن بـ 30 بس ماعطيتهم إلا 10 وقلت لهم الباقي بعدين >> ياعيشة الشر حتى الحذيان فيها دين .. ولا يفوتكم يوم مد رجلهـ يبيني أشوف حذيانهـ .. قسم بالله يالساق كنها صاير لها حادث .. شين أصفر وشين أخضروشين بني .. الله العالم إنهم العصر يلعبون ببلكهـ مو بكورهـ .. قلت : كيف سمحوا لك شكلك ناوي تسحب عليهم ؟إإ قال : لا خالي هو المحاسب >> أثر السالفهـ كلها علشان يعلمني إن خالهـ محاسب بمحل >> شف طموح .. ماقلت لكم ياعيشة الشر .. *** قطعنا برحلتنا من حايل للغربيهـ للجنوب إلين مارجعنا للقصيم 3400 كيلو متر .. وعليها كسور .. إلـــى هــنـا .. أصل وإياكم إلى نهاية الموضوع .. والذي أرجوا أن يحوز على رضالكم .. لكم مني جل الإحترام والتقدير .. أخوكم / رحمالوف ..
|
#2
|
||||
|
||||
ولك يصمر بمسمار كبر راسك يالبلغاري
|
#3
|
||||
|
||||
ياليتني ولد انتسان لاقطه صيارتي ورايحه ادوج
ولك يالبلغاري راجعه اقتبس وارد بس اروق>>>ولك اقلبي وجهتس اجل كشكول ولد خالتك >>مهبله به
|
#4
|
||||
|
||||
يسلموووووووو خيووووووووو
وترى توني ماقريت الموضوع بس شفت الصور بس لي عوده ان شاء الله ملاحظه:: كنك شبح بذا الابيض خخخخخخخخخخخخخخخخخخ
|
#5
|
|||||||||||||||||||||||||
|
|||||||||||||||||||||||||
ولك جعلك تطيحين بالجنهـ على مسامير .. >> ودهـ يمدح بس مايعرف ثانكيو ملي طشت مس قوطي مدعوس على هيك تسمير ..
|
#6
|
||||
|
||||
فسقان ذا المنتدى .. الظاهر عندهم زود حبر .. بس يكررون الردود
|
#7
|
|||||||||||||||||||||||||
|
|||||||||||||||||||||||||
عادي .. القطي لتس أقرب شماغ وعقال وأركبي السيارهـ ولايردتس إلا السريع .. لأن الشكل ما أعتقد بيكون مشكلهـ بالنسبهـ لتس لا ويمكن يوقفونتس ويقولون .. وين الإقامهـ صديق ؟إإ أما كشكول .. تراهـ أخذن موقف منتس .. يقول الشرههـ على اللي يرد على مواضيعها مرتن ثانيهـ
|
#8
|
|||||||||||||||||||||||||
|
|||||||||||||||||||||||||
يكفي تجريح ياعالم ترى شفت الحركهـ اللي سويتيها .. لا عاد تتعودينها حياتس .. أختي ..
|
#9
|
||||
|
||||
قسم قسم قسم موضوع جوووووووونان
والله يعينكم عالمخالفات تبيني اكلم لك سواق الباص اللي ودانا لمكة، ولا اخاف بديوا تشتمون حالكم هالمخالفات مثله هههههه بس وراك شاطبون الصورة، نبي نكحل عيونا بشوفة خشتك هع هع والله يعينك على نواف الحين يجي طاير كل همه يعرف وش نوع جوالك خخخخخخ يسلمووووو خيو وبعدين يا شيخ موضوعي يفداك، كان خطيته هناك وبلاش تستأجر منهم هالمكان وتخط فيه موضوعك خخخخخخ يسلموووو مرتن اخرى
|
#10
|
||||
|
||||
وقسم يالجووونان إنهـ أنت .. أما الصورهـ .. خلها مستورهـ يارجال .. ونواف داري إنهـ بيسألني مثل ما سألك .. قلت خلني أختصر عليهـ المسافهـ لا يعقدني
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |