العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
زوجي يحبني زعلانه...!!!!! ماهو تفسير هذه الظاهره؟ (أرجو المساعده)
السلام عليكم ورحمة الله وبركاته...
معليش العنوان شوي قوي بس صراحه هذا الواقع... وأنا والله قررت أعرض هذي المشكله عليكم لعلكم تساعدوني في الحل.. أو أقل شي يمكن أحد يعرف تفسيرها..... المشكله هي.... أن زوجي يحب يشوفني زعلانه... يعني إذا صرت فرحانه وأسولف واَضحك يصير مكشر وكأنه مو عاجبه الوضع .. وأشوف في عينه نظرات النقد والإزدراء وحتى إذا رد على سالفة أقولها له مثلاً.. يرد بدون نفس وكنه مغصوب على الكلام .... مع ان والله مو مدح لنفسي أغلب مجتمعي يقولون ياحظ زوجك فيك لأنك أجتماعيه ومرحه وسواليفك ما تمل وأمور ثانيه يشوفونها تميزني عن غيري... إلا أن زوجي الله يهديه يارب يحاول يحطمني في كل شي مدري يخاف اصير مغروره أو مدري وش السالفة !؟ أو ما يبيني أصير أحسن منه بصرااااحه ماقدرت أفسر الموضوع هذا !!!! وحده من زميلاتي تخصصها علم إجتماع وفاهمه في مشاكل الزواج.. بعد ما قلت لها بعض مشاكلي مع زوجي (وأتمنى أن مقراط ماينط في حلقي يقول تفضحين زوجك.. لأني ما قلت لها إلا لأني ابغا منها حل) ... قالت لي زوجك والله أعلم من النوع اللي يستمتع بشوفتك وأنت حزينه يعني تعجبه المرأه الحزينه أكثر من المرأه البشوشه والمرحه ( يعني عكس الأوادم الحمد لله) وهذا يرجع لطبيعته وذوقه في المرأه... وفي المقابل إذا شافني زعلانه أو إذا هو بالأصح زعلني.. يحب يسولف ويعطيني وجه ويقعد يضحك و كأنه ماسوى شوي!!.. والأعظم من ذلك أنه يحب حتى ممارسة الجنس وأنا على هالحاله!! وأحياناًإذا كانت المشكله كبيره مره وأنا مثلاً قاعده ابكي أو شي.. يجيني بالغصب وهو معصب يعني استغفر الله كأنه أغتصاب مو زواج!!! فالشي هذا أثر على نفسيتي كثييييير وكرهني في شي أسمه زوج و زواج... بل أني إذا شفت أي وحده بتتزوج وشفتها فرحانه ومبسوطه في قلبي أرحمها وأقول مسكينه.. ما تدري وش اللي بيجيها من العذاب النفسي.... يعني صرت أقيس الجميع علي وعلى وضعي.. وصارت نظرتي للزواج سوداويه بشكل فضيع... أحياناً أوسوس أقول يمكن عين... ليه كل من شافني يحبني وينبسط وهالناس مغير يمدحون فيني إلا زوجي؟؟!!! مع أنه مره من المرات أول ما تزوجت قال لي: فلانه..... تصدقين أحس أنك كثيره علي يعني المفروض تتزوجين واحد أحسن مني!!! (أنا استغربت من اعترافه ليش يبين لي نقصه !! ) والله الموضوع هذا تعبني مرررررره ... ويمكن كتابتي الآن للموضوع من كثر ما نفسيتي تعبانه منه..... وأتمنى ان محد يفهم غلط ويحسبني كاتبه الموضوع للإثاره ولفت النظر وعشان أمدح نفسي قسم بالله العظيم هذا الواقع وربي هو اللي يعلم بصدق كلامي والهم اللي أعيشه الآن.... الله يفرج همي وهم كل مسلم... وشاكره لكل من حاول مساعدتي في الحل الله لايحرمه الأجر...
|
#2
|
||||
|
||||
هلا حبيبتي مطنشه ...انا اقترح عليك اول شي انك تغيرين اسمك لانك منت مطنشه ....
الشغله الثانيه والله ثم والله ان زوجي مثل ماكتبتي ويمكن ازود .... واقسم بالله انه حتى كلمته انت كثيره علي ....ان زوجي قايلها ...واوقات يجيبها بالمزح اذا شافني منضبطه في مواعيدي وهو طبعا الله بالخير ..انه يقولي انت المفروض تتزوجين دكتور ...انت كثيره علي ....او اذا زعلت وقمت اصيح ...بسبب طبعا ..انه يقولي انا ما أستاهلك ..... بصراحه انا في حيرة مع ذا الرجل .....ان سولفت سكت وان سكت سولف وضحك ...وعلى قولتك حليت بعينه وانا دموعي اربع اربع... بصراحه ماكنت اتوقع انه في احد عنده نفس الحاله ...بس زين خلنا نستفيد .....والله يفرجها لنا ثنتينا......
|
#3
|
|||
|
|||
مطنشه
السلام عليك ورحمه الله وبركاته الاخت مطنشه لاتزعلين مني العيب فيك وحدك لانك تسمعين كلام صديقاتك ومنهن مدرسه علم الاجتماع قالت ان زوجك يحب المرأه الحزينه واصبح كلامها معك مثل الوسواس احمدي الله على نعمة الزوج وعليك بذكر الله ممكن تكونين مقصره فإن ذكر الله نعمة كبرى ومنحة عظمى به تستجلب النعم، وبمثله تستدفع النقم ما أشد حاجة العباد إليه لا يستغني عنه المسلم بحال من الأحوال.
|
#4
|
|||
|
|||
طويله السلام عليكم ورحمه الله وبركاته احمدي الله واشكري الله على نعمة الزوج نصيحه إن رأيت خيراً انشريه وإن رأيت شراً ا ستريه
|
#5
|
||||
|
||||
مقراط ....وش انا قايلتلك ...انت ماتفهم ....؟؟؟؟؟
|
#6
|
|||||||||||||||||||||||||
|
|||||||||||||||||||||||||
هلا باختي طويلة العمر واشكرك من الأعماق على محاولتك التخفيف عني وآمين الله يفرجها علينا عاجلاً غير آجل... أما من جهة الأسم ... والله اني مطنشه لوني ماني مطنشه كان صارت علوووم... الحين اللي يشوفني يقول هذي ماشالله عليها مبسوووطه و ماخذه الدنيا وناسه وسعة صدر... وانا عندي من الهموم مالله به عليم بس احاول أطنش ولااهتم ولكن كل شي له حد وكل إنسان له قدره على التحمل وتجيه لحظه ينفجر فيها ساعتها تتغير نظرته للحياة... ويمكن هذا الشي اللي صاير لي الحين وانت على أساسه حكمتي علي اني ماني مطنشه... وعلى فكره انت تقولين اذا صحتي يقول انا ما أتستاهلك.. تدرين أنا وش يقول لي؟...يقول لي أنت تكذبين بدا التمثيل... مع اني والله نااادراً ما اصيح قدامه... مدري شكل احد مفهمه ان الحرمه تصيح كذا كذب عشان تخلي زوجها يسوي اللي تبي يعني زي ما يقولون دموع التماسيح ومسكت معه السالفه وصار ما يفرق بين الصدق والكذب.... الله يصلح الحال بس... وأكرر لك مني جزيل الشكر والعرفان على ردك المريح...
|
#7
|
|||||||||||||||||||||||||
|
|||||||||||||||||||||||||
أخوي مقراط .... تراني والله ضايق صدري ولا تزيدني الله يخليك..... أما بالنسبه لسالفة اللي قالته لي مدرسه علم الإجتماع أولا هي ماهي مدرسه.. ثانيا كلامها هذا جديد ومشكلتي مع زوجي من تزوجت يعني مالها اي تأثير... مع اني والله عارفه لو أقعد اقنعك من الحين للصبح عشان افهمك وش الوضع بالضبط منت فاهم لأني للأسف اكتشفت من كثر حواري معك أني قاعده انفخ في قربه مشقوقه (واسمح لي على صراحتي صرت مثلك) ما تطيع تقتنع وتطلعني انا الغلطانه بالطول بالعرض أنا الغلطانه يعني أنا الغلطانه.... ولكن لن أقول لك أكثر من جزاك الله خير وجعل جهدك هذا في موازين حسناتك
|
#8
|
||||
|
||||
مطنشة هههههههههههه مادمتي مطنشة ليش زعلانة -------------------بالعكس زوجك هذا حبيب ومافيه أطيب من هذولا إللي يتكاثر الحرمة السنعة على نفسه بس تدرين أيش الحل أنا زوجي دايم كذا بس مولهدرجة بس إذا قال لك انتي تستاهلين واحد احسن مني قولي له والله لو يحطون رجال العالم كله قدامي ويخيروني والله ما أختار غيرك ولاأبي أحد غيرك وأرفعي أنت معنوياته يمكن يكون حاس إنه مقصر معك في شيء ولاان اللي هو يسويه عشانك مو مسعدك كفاية اي شيء بسيط يسويه حاولي تكبرينه في عينه وتحسسينه بأهمية أي شيء يسويه وان انتي بدونه مثل السيارة بدون بانزين هههههههههههه
وجربي الوصفة ومثل ما قلت لكم كل رجل وله مفتاح بس اذا عرفتي مفتاحه لاتستعملينه كثير عشان ما ينكسر وتقعدين بدون مفتاح تحياتي للجميع لوليتا
|
#9
|
||||
|
||||
يمكن غيران منك لان الرجل بطبيعته مايحب ان تكون المراه افضل منه والله اعلم
|
#10
|
|||
|
|||
والله امر غريب
يعني الغالبية يحبون يشوفون الضحك والوناسه بس اعتقد عنده مشكلة نفسيه مع الضحك لكن انتي عامليه بمثل ما يعاملك وشوفي ردة فعله
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |