سكري بعد التقاعد شغال مشاوير في اوبر وكريم

[الموج القادم]

اقتباس: المشاركة الأصلية كتبت بواسطة سكري حالي     اربطوا الاحزمه : بدايه الرحله توجهت الى مكان الموقع المحد في شقه طريق ابو بكر الدمام وقفت السياره ويطلعون لي عائله من الشام ومعهم ابوهم يوم اركبوا اشوف الموقع الوصول إلى رحيمه راس تنوره قلت ابتأكد اشوق هو نفس الوجهه قلت لهم خلاص امشي علي رحيمه قال ايووه ... ومسكت طريق الجبيل واقعد اسولف مع الرجال قلت بتروحون زياره لراس تنوره (رحيمه ) قال لا بنروح للكورنيش حقها بمدحونه ومكان للسباحه ومادري ايش عقبها هديت من السرعه قلت الحين من جدك تبي تروح هناك قلت تعرف الكورنيش قد رحت من قبل قال لا زميل لنا قد راح ومدحه لنا قلت انت من وين جاي قال انا عندي مطعم هنا في الدمام وعائلتي جايه من الرياض وابغى امشيهم قلت تبغون تنبسطون لاتروح لكورنيش رحيمه روح لهاف مون احس وهناك فيه مكان للسباحه وجو حلو مرره وكل العالم يروحون هناك صحيح مافيه شي جمالي مافيه الا رمل بس احلى واحسن مكان الواحد يريح فيه وبعدها اقتنع الرجال وتم تحويل الرحله الى شاطي نصف القمر عاد انا في الطريق قلت ليش تلقفت يمكن الشاطي مايعجبهم واكون انا السبب فيها ... قلت لهم ترا الشاطي احلى مافيه انكم تطبخون هناك نرجع للشقه نجيبون القدر واغراض الطبخ قالوا ليش قدر قلت عشان تكبسون الكبسه علىالشاطي ويقعدون يضحكون ..... قالوا لا بناخذ اغراض المشاوي ... كبسوك ياسكري هادول كيبه وزعتر ومشاوي يابو الشباب قال ابوهم لا روح للمطعم الي يشتغل فيه ابجيب الاغراض منه قلت كويس تمام ... غيرت الوجهه مره ثانيه للمطعم وخذا جواله وكلم واحد في المطعم حقه وقال جهز لنا اغراض المشوي والحركات حق عدد 7انفار عاد انا جلست اعدهم اشوف هو حسبني معهم ولا لا طمعان الاخ سال لعابه من المشاوي يالليل مطولك ياسكري ويوم وصلنا لهو جاهز اغراض المشوي والحركات خذيناه ومشينا قصدي خذوه ومشينا باقي الاخ طمعان في المشوي حقيقه طيبين الشوام وانا وابوهم قاعدين نسولف قلت كم لك في الدمام قال تقريبا عشره شهور يقول كنت في الرياض عندي مطعم وعقب ماقفلوا الكباري قفلوا علينا كل شي ومعاد فيه زباين ولا شي وبعدها نقلت للدمام وفتحت مطعم هنا والحمدلله وصلنا لهاف مون عاد كان العصريه واول ماشافو البحر كلهم جلسوا يتكلمون الله ويش حلاوه البحر من بعيد وتحمسوا كثير وكان الجو رائع المهم وصلنا الى مكان حلو وكابينه فاضيه قال الرجال يالله تفضل معنا قلت الله يعطيك العافيه والله انو قعد يلزم علي خلاص على وشك اوافق وعشان هو بعد كان يتعشم اني ارجعهم لانو مافيه مواصلات صعبه جدا لانو مكان بعيد واقصي مكان في الشاطي قال عشان نرجع معك قلت اسمع ابيكم تاخذون راحتكم لانو احتمال يعجبكم الجو وتجلسون اكثر من خمس ساعات ومابغى افسد عليكم البصطه اكيد انتم بتاخذون راحتكم وتسبحون وكل شي بس اذا خلصتم دقوا على واجيكم عطيتهم رقمي وخذيت رقمهم عشان نتواصل ابي اخدمهم بس كل بحقه قال كم تاخذ قلت اسمع ترا مافيه والله فايده انا بجي من الدمام من هناك والطريق طويل والمكسب قليل قلتعطوني100 ريال في الرجعه وخلاص قال ابشر افكرك بتاخذ اكثر من كذا لان حساب العداد يوم جبتهم طلع 90 ربال المهم روحت ويوم جات الساعه 1 بالليل لهو يدق يقول تعال خلصنا مشيت لهم مشاااااوي ياقلب العنا مشاااااااااوي وركبتهم وانا الحين اقول يارب انهم انبسطوا وانا ماشي قلت كيف الطلعه قال احلى طلعه في حياتي الجو كان روعه ومنظر البحر المنعش وسبحنا وفليناها وطبخنا قصدي شوينا ومرره الاهل ياشيخ فرحوا لانهم جايين من الرياض طفشانين يقول فلوها ويقول ترا لو ماطفى الكهرب علينا في الشاطي بنجلس لحد الصباح وانت صراحه الي اقترح علينا كل شي في الرحله الله يعطيك العافيه قلت الحمدلله ان الطلعه اعجبتكم وصلنا الى موقع الوصول في الشققه نزلتهم وبعدهاصار بيني وبين الرجال رسايل في الواتس وكذا وكل يوم يصبح على بالخير فكوا المشاوي قصدي فكوا الاحزمه انتهت رحلتنا ونلتقي معكم في رحله من رحلات اوبر وكريم قصيمي نت [/COLOR][/SIZE] إلى اللقاء

ههههههههههههههههااا والله ياسكر مت على هالتعليق


( ( المشوي والحركات حق عدد 7انفار

عاد انا جلست اعدهم اشوف هو حسبني معهم ولا لا طمعان الاخ سال لعابه من المشاوي ))


الله يسعدك
تصدق طابت لى الفكره والله وناسه احجز لى عندك مقعد

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[راعي الوفا 1]

هههههههههه جميل استمتعت واتمنى ان تنفذ

خططك في ركن المشاوير وتضعه يومي ونحطه في المفضلة

لأنه بصراحة تجارب فريش طازه كل يوم بيومه

ناطرينك يابطل

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[غريب الماضي]

اقتباس: المشاركة الأصلية كتبت بواسطة سكري حالي     توجهت لمكان الطلب الوقت كن الصباح اسمه سامي من حي طلال وكل شوي داق علي الووو وين وصلت انا بيتي عنده سياره قديمه وباركنق مظله ومقابل بيت بني ومدري ايش ... لاتتأخر علي لاتخليني تكفى بسرعه ..... قلت يابن الحلال لعاد تتصل اتركني على راحتي اعشان امشي على اللوكيشن وانت اذا كلمتني تلخبطني معاد اركز مع الموقع .. وانا بجيك .... المهم وصلت وادق عليه هلا سامي انا عند البيت ... قال بطلع الحين ويوم شفته انسان كبير بس انه شكله شباب بس وزنه ثقيل مررره ... وصوت علي من بعيد تعال ساعدني وامسكني عشان ينزل من عتبه البيت نزلت له ومسكت يده وركبته السياره وكل شي ومعه اغراض اكياس ملابس وكذا سالته وين عيالك قال ماعندي عيال وانا موظف في اراموا ومتقاعد وماعرف اسوق كنا نروح بالباص للعمل .. الرجال طيب بس فيه حرص كبير .. سألته وين تبي تروح قال ودني للمغسله ورحنا للمغسله وبعدها خذا جواله وقعد يكلم قال مايرد علي قلت منهو قال هاذا مستاجر عندي مايبغى يطلع من الشقه عشان رفعت عليه الايجار وكل يوم اكلمه ومافيه فايده ... قال عطني جوالك عشان اكلمه عشان اصيده خذا جوالي وكلمه الووو معك سامي ليش ماترد علي حركاتك هاذي ماتمشي علي بعطيك مهله اسبوع ولا شكيتك في المحكمه .. عاد هو اسمعه يقول ليش ياسامي انا جاركم من زمان وامي تعرف امك وبينا عيش وملح قال خلاص هاذا اخر شي مهله لك ..... وقفل السماعه ... قلت له الرصيد حق جوالي ياسامي راح في ايجار الشقه .... قال معليش معليش . شوي لجواله يرون امه تكلم واسمعها تقول ياولدي هاذا جارنا من زمان وامه كلمتني ومايصير اصبر عليه الرجال حالته الماديه صعبه وكذا قال يامي انا معطيه مهله اكثر من اربعه شهور يأنو يطلع او يعطيني الزياده في اجاز الشقه قالت ياولدي طلبتك .. قال تم يا امي بعطيه مهله ثانيه ....... المهم عاد قلت وين بتروح قال روح عند البقاله وخل الهندي يجي جاء وقال عطني اربعه حليب بوني وبعدها قال ودني للبوفيه قلت بجيب لك الاكل قال لا انا بأنزل وساعته الين حطيته بالبوفيهه ... رجعت للسياره وتاخر وحسيت انا بجوع قلت خلني اروح اخذ سندويش يوم جيته بالبوفيه قال خلك خلك في السياره سمعته عرفت انه مايبغاني اشوفه وهو ياكل خايف انضله ولا شي ... اربعه قواطي حليب يالدووب تراني قلت له ماشاء الله ..... خلص من الاكل ورجعته لبيته ... وخذا رقمي وخذيت رقمه جاء المغرب لهو يتصل علي الو انا سامي تعال بسرعه عندي حاله مستعجله ... جيته بسرعه طلع علي ومعه زوجته يوم اركبوا السياره عاد اقول وين رايحين كافي شوب ولا مطعم ولا ايش ..... قالت الحرمه لا ودنا لحي المباركيه ...اتاري الحرمه بتروح للمستاجر وتلعن خيره وتطلعه من الشقه لان زوجها حكا كل الحكايه لزوجته ... وققعدت تقول لزوجها ويش دخل امك في عمارتنا هاذي لنا مهيب لها وقامت تتكلم عليه بصوت عالي وتقول خل عندك شخصيه كل ماقالوا اهلك شي وافقت وهو ساكت مررره مانطق ولا كلمه ... ...... انتهت رحله الصراخ المزعجه من كابينه الكابتن سكري ... الحريم هاذول عندهم نفوذ ومتسلطين ويبغون يسيطرون على كل شي يعني كل شي يملكه الرجال هو حق من حقوقها ,,, وصلنا لموقع الوصول وفكوا الاحزمه ونزلو بسرعه البرق للمستاجر .... الله يعينه ... بتدفع يعني بتدفع .... إلى اللقاء مع رحله من مذكرات اوبر وكريم قصيمي...

زين ماقالك خل جوالك عندي بعد
هالبخيل
والله ياسكري بالك طويل وصدرك شمالي
والله يوفقك

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.

[سكري حالي]

اقتباس: المشاركة الأصلية كتبت بواسطة ... بنت الجنوب ...     اقتباس:المشاركة الأصلية كتبت بواسطة سكري حالي [IMG]http://www.qassimy.com/vb/images/m/SIZ.هههههههههههههههههههههههههه يآخسآرة حجمك ي سآمي ويآخسآرة تعب أمك عليك قهرتني حرمته لمن قآلت أمك وش دخلهآ أمه الخير والبركه وهي البآقيه وإنتي إللي تذلفين يآوجه البومه

انتي لو شفتيه يابنت الجنوب وهو راكب معي معي بوهته طايره مسكين ومايدري ويش يسوي سحبته الحرمه من البيت علي وجهه . لايغرك جسمه وضخامته وصحيح مثل ما قلتي امه هي البركه ياخساره تعبها وياك

مشاركة هذا الرد في Google Facebook Twitter Digg

أنت و ... بنت الجنوب ... معجب بهذا.

... بنت الجنوب ... معجب بهذا.

[سكري حالي]

اقتباس: المشاركة الأصلية كتبت بواسطة *..* بحر *..*     ههههههههههههههههااا والله ياسكر مت على هالتعليق ( ( المشوي والحركات حق عدد 7انفار عاد انا جلست اعدهم اشوف هو حسبني معهم ولا لا طمعان الاخ سال لعابه من المشاوي )) الله يسعدك تصدق طابت لى الفكره والله وناسه احجز لى عندك مقعد

ابشر خوي بحر وبنحجز لك مقعد كابتن في اي بي شكرا يابو زمل

مشاركة هذا الرد في Google Facebook Twitter Digg

أنت معجب بهذا.

[سكري حالي]

اقتباس: المشاركة الأصلية كتبت بواسطة عساس الحيا     هههههههههه الله يعينك ياسكري صراحه شغلة اوبر متعبه نفسيا التعمق في المجتمع مرهق جداا سامي هذا شكله جالس على كنز وبخيل ياخي نزلت للبوفيه جب للقبطان معك سندوتشات وين عايشين تاكل بالبوفية وساحب عليه سبحان الله الفلوس اذا كثرت يزود البخل

الشعله متعبه صحيح اخوي عساس بس في نفس الوقت لذيذه بس عاد يبيلها صبر شوي مع المجتمع
هو بخيل صحيح بس طيب

مشاركة هذا الرد في Google Facebook Twitter Digg

أنت معجب بهذا.

[سكري حالي]

اقتباس: المشاركة الأصلية كتبت بواسطة راعي الوفا 1     هههههههههه جميل استمتعت واتمنى ان تنفذ خططك في ركن المشاوير وتضعه يومي ونحطه في المفضلة لأنه بصراحة تجارب فريش طازه كل يوم بيومه ناطرينك يابطل

الله يجمل ايامك يا راعي الوفا وجازتلي ركن المشاوير بس يومي صعبه جدا لانو اغلب المشاوير الزباين اول مايركبون يحطونه علي الصامت . وشكرا علي الاقتراح يالوافي

مشاركة هذا الرد في Google Facebook Twitter Digg

أنت و راعي الوفا 1 معجب بهذا.

راعي الوفا 1 معجب بهذا.

[سكري حالي]

اقتباس: المشاركة الأصلية كتبت بواسطة غريب الماضي     زين ماقالك خل جوالك عندي بعد هالبخيل والله ياسكري بالك طويل وصدرك شمالي والله يوفقك

مادري ويش كان موقفي لو يقوله كان دربيته ودحرجته حتي يوصل بيته

مشاركة هذا الرد في Google Facebook Twitter Digg

أنت و غريب الماضي معجب بهذا.

غريب الماضي معجب بهذا.

[سكري حالي]

تعقيبا علي. رحله سامي في ركن المشاوير الاسبوع الماضي البعض لاموه في بخله والبعض الآخر في خضوعه لحرمته برغم ضخامته وعدم الوفاء بكلامه لأمه انا أقول هو انسان طيب جدا صحيح بخيل بس علي نياته وبقولكم علي احداث في الكواليس ماقلتها لكم.. مثلا هو كان عاشق لنادي النهضه ومتعصب جدا ويكره نادي الاتفاق ويقول هاذا عدونا اللدود .. وبعد موقف ثاني ....... يوم نروح الصراف عشان يصرف فلوس توقعت أنه ينزل من السياره لان الصرافه من جهت السايق
عشان يصرف من الصراف عطاني بطاقه الصراف وحنا بالسياره قال عطني خمس ميه وعطاني الرقم السري عاد يوم حركنا بالسياره قلت له تراك غلطان يوم تعطيني الرقم السري ولاتثق في أحد مهما كان ..... حتي اني غمضت عيوني يوم شفت رصيده علي الشاشه عشانه وثق في ........... وثق فيك ولا ماعرفت تقرأ من كثر الارقام الي شفتها.. واخيرا بقولكم عن موقف في الكواليس معه قال ودني مستشفي الهجان الابر الصينيه قلت ويش تبي فيه قال ابي اسوي مساج ويمدحه ويقول مارتاح الا عقب ماسوي المساج وسالته كم تسويه قال ميه وخمسين في اليوم.. يوم جينا عند المستشفي قال جيب لي عربيه ماقدر امشي رحت وجبتها ركبته
في العربيه وجيتك بطلع عشان ادخل المستشفي وانا طالع بالعربيه ماقدرت اطلع وقفت العربيه ماتحركت مامشت لان الدخله مرتفعه شوي رجعت مره ثانيه وأخذ عزم من بعيد وجيتك مسرع طاير داق الطبلون ووقفت العربيه بالنص ماكملت الطلعه وقلت له صراحه ماقدر قلت خلاص تعبت قال ساعدني وخذ بيدي عشان ادخله المستشفي.... وانا اقول في نفسي
تذكر يوم تروح وتطلع البوفيه ماشاء الله عليك حاطه علي الدبل طلعت في غمضه من اول نشه

اليوم رجعنا وجبنا لكم لسامي ومافيه مشاوير فيها اكشن الركاب كلهم علي الصامت .. تذكرت يوم اودي واحد مع زوجته شكلهم عرسان جدد كيف عرفتهم .
ليش شايف خدودد العروسه مورد من العبايه الشفافه لا شايف العريس مورد من رقبته .. المهم ماكنت اسمع الا همسات مثل طيور الكناري . انتهت رحله الصمت يالله ياعرسان وصلنا للمطار فكوا الاحزمه والتشابك بالايدين
الي اللقاء مع رحله من رحلات ركن المشاوير قصيمي .نت

مشاركة هذا الرد في Google Facebook Twitter Digg

أنت و غريب الماضي و ... بنت الجنوب ... معجبون بهذا.

غريب الماضي و ... بنت الجنوب ... معجبون بهذا.

[سكري حالي]

صباحكم. فطور/ظهيرتكم. غداء/ مساكم .عشاء

وعصريتكم نقانق ... ومغربيتكم زنجبيل وحلاء

راح العمر بين نقانق وخفايف


الرحله : رقم 2589

الوقت : وقت الظهيره
مكان الإقلال حي الريان / الدمام
مكان الوصول : غير محدد

ذهبت لإحضار ابنتي من جامعه الدمام وعقب ماوقفت عند بوابه الجامعه استني بنتي قلت ياولد ويش رايك تشغل اوبر وكريم وتاخذ طالبه على طريقك الطمع يقولون شين

المهم جات بنتي وركبت وانا واقف قالت شفيك واقف يايبه قلت انا مشغل البرنامج قالت وشلون تاخذهم وانا معك والله ماتاخذهم . وقبل ماحسم الجدال جات النغمه لان الوقت خروج الطالبات يعني متوفر الطلب قبلتها على طول ... وانا وبنتي نتجادل وانا انتظرها تقول افرض الحين طالبه اعرفها قلت وخير ان شاء الله مافيها شي والشغل مهو عيب قالت يمكن هي ماتركب بعد قلت تحمد ربها فيه احد معها

قلت اسمعي بعطيك نص الاجره وشكلها يعني مش راضيه مررره وطمعت بعد بالفلووس وعشان بعد المره الثانيه توافق عادي اني اخذ طالبه وهي معي ابو الطمع هاذا سكري

شوي التلفون يرن وينك قلت انا موجود بالمواقف وبعدهها كلمت قالت انا عند المواقف ماحصلت احد قلت شوفي بظرب لك بوري هرن عشان تسمعين لهي بجنبي يوم شافتني وشافت بنتي وصوت السياره من عندي المهم فتحت الدريشه وقلت تفضلي ... قالت بأستغراب انت كريم قلت ايه اركبي بس وهي متردده ماتعرف ويش الحكايه بالظبط هي تشوف بنتي معي قدام قلت لها معليك هاذي بنتي طالبه في الجامعه .... عاد بنتي تقول يبببببه لاتقول لها اني طالبه

المهم اقتنعت البنت واركبت ربطنا الاحزمه وقلت وين يابنتي بتروحين قالت روح حي طيبه بأخذ امي واختي وعيالها وبنروح لمطعم بالخبر . يوم سمعت بنتي الكلام قالت شفت الحين بتأخرنا والمكان بعيد وانا بروح انام مانمت طبعا كل الكلام همسات من غير صوت ,,, بس يمكن بنتي طمعانه تأخذ الاجره كامله

رحنا لحي طيبه لهم جاهزين امها وبنتها وعيالها قلت لهم ركبتوا كلكم اذا ماخذاكم المكان احد يجي معنا قدام اشوف بنتي تلتفت لي وهي مقهووره مرررره


... الركاب بسألون بنتهم منهي الي راكبه قدام قالت هاذي بنته ماخذها من الجامعه وكل شوي بنتي تلتفت علي يعني مهيب راضيه بالوضع ... نرفع يعني نصيبك من الاجره ...

وشوي التلفون يرن هاذي امها قصدي زوجتي تدق يالليل مطولك الووو وينك جبت بنتك من الجامعه قلت ايه هاذي معي قالت ليش تأخرتم قلت خذينا ركاب قالت ايييييش قلت بصوت خفيق معنا ناااس بنوديهم لمطعم بالخبر .... في زحمه الناس صعبه حالتي فجاءه اختلف لوني وضاعت خطوتي قالت احد يروح مشوار وبنته معه توها طالعه تعبانه من الجامعه ومادري ايش .. قلت بعدين بتصل عليك

والحين الزباين مستغربين اصلا من ركوب بنتي معي وكانو يتسمعون المكالمه يعني اليوم مش يومك يابطل اول كنت تسمع كل شي يقوله الركاب مع بعضهم واليوم الركاب هم الي جالسين يشوفون ويتسمعون الفلم الي قدامهم ويش بيصر نهايه المكالمه

وبعد كم دقيقه اتصلت برضه امها قالت اسمع ترا غدانا اليوم مسقعه والعيال ماشتهوها يقولون مهيب حلووه وشكلها انحرقت اذا جيت من ا لخبر بنستاك عشان تودينا لمطعم نتغدى فيه ... عقب مانتهت المكالمه شكل الركاب يبغون يعرفون ويش الي صار في المكالمه .. قالت بنتي ويشهي تقول امي

قلت المسقعه احترقت واهلك يبغون يتغدون برااااا في مطعم


عقبها الركاب قاموا يتنحنحون وصاروا يتكلمون مع بعض يصوت خفيف يعني مثل احنا عارفين الوضع من اول ماركبنا معكم هاذي نهايه الطمع ياسكري وانا عارف ان المسقعه مافيها شي بس هاذي ظريبه الطمع ياسكري

وبعد ونص الاجره مدفوعه مقدما للبنت

وصلنا لمكان المطعم ونزلتهم وبنتي عيونها علي الجوال على سعر الرحله لانها بتأخذ النص قالوا كم الحساب قلت 75 ريال قالت بنتي يس .... راحت فلوسك ياصابر

حاسبتهم وخذيت الفلوس وحاسبت بنتي بعد

ورجعت خذيت امها والعيال وربطنا الاحزمه على البطون وقلت وين بتغدون قلت اوديكم للخبر نفس مطعم الي وديتهم

سكري شكله بعد طمعان ويبغى يعوض نص الغلوس الي طارت وفلوس حق الغداء ويبغى يرجع العائله الي وداهم لنفس المطعم

كل الدروب الضايعه مني تنادي خطوتي
ويارحلة الغربه.. وداعا رحلتي

إلى اللقاء مع رحله من رحلات ركن المشاوير

مشاركة هذا الرد في Google Facebook Twitter Digg

أنت و ... بنت الجنوب ... و غريب الماضي و راعي الوفا 1 معجبون بهذا.

... بنت الجنوب ... و غريب الماضي و راعي الوفا 1 معجبون بهذا.