العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
اول رد لك علي ** واول رد لي عليك ********** جوله في رحاب مواضيع الجنط
بسم الله الرحمن الرحيم الموضوع ذا يعتمد على الصورة يعني مافيه قرقن واجد عشان كذا وعلى بال مايتم تحميل الصور خلونا ننقنق بهالسالفه ــــــــــــــــــــــــــــــ نقنقه قبل الموضوع انا ما ادري وش يبي يضر اهلي لو انهم مسمينن (ياسر)لأني ماعمري شفت واحد اسمه ياسر الا ويطلع يا اما موهوب ومبدع والا زين يهبل يعني لو تحوس ما انت لاقين واحد اسمه ياسر ويطلع فاشل والا شين حتى انتم ناظروا اي واحد تعرفونه اسمه ياسر وشوفوا كلامي صدز والا لا وناخذ على سبيل المثال بعض المبدعين الي اسمهم ياسر منهم الشيخ القارئ ياسر الدوسري الله يحفظه قسم بالله اني رايحن خرخر معه ماشاء الله تبارك الله عليه صوت ياخذ العقل قرايته ابداع منقطع النظير حتى مرة صليت معه ويوم سلم وانا اقوم واتعدى الصفوف رايحن لمه يوم وصلته وانا ادنق واسلم عليه واسولف انا وياه شوي همن فكيت زرارات ثوبي وقلت : يالله عطن ثوبك واعطيك ثوبي زي اللاعبين قال : استح على وجهك بس المهم انا وياه شيل وحط والناس تناظر ويجي هو يقوم و يبدا يمشي بسرعه يبي يدخل غرفه بجنب المحراب وانا الحقه واتماتسنه وانا ابقضبه اثري شعطت مخباته << كل هالكلمات الي بهاسطر من الارشيف ويقومون الناس ويفكونه من ويصيرون بينناويوم شفت انه خلاص فلت من وانا ابدا انادي واقول تكفى يا شيخ ابي الشماغ ويوم شفته بيدخل الغرفه وانا اناديه قلت تكفى لو الطاقيه لو الطاقيه الزبده ان الشيخ في مجاله لا يعلى عليه وانصح اي واحد بالرياض انه يصلي معه ويشوف الفرق وتبي تأكدون ان كلامي صحيح شوفوا ياسر التويجري ماشاء الله عليه مبدع بالشعر وشوفوا ياسر القحطاني مبدع بالكورة حتى ترى زين الدين زيدان كان اسمه ياسر زيدان بس يقولون مرة انهم كاشتين بروضة خريم عاد وهم راجعين كانوا مسرعين المهم ويضرب عليهم كفر ويقلبون اربع قلبات ويتنثر عفشهم ومع العفش طاح اسم زيدان القديم (ياسر) ويجي واحد ويلقطه ويحطه بمخباته ويهج ويقومون يدورن الاسم ولا لقوه وصار اسم زيدان كذا ( زيدان) فراغ زيدان يعني اذا جاء واحد يناديه وبغى بينطق الاسم الاول الي هو (ياسر) مايطلع صوت بس تحرك شفايفه مير يبلش زيدان ويروح للاحوال ويحطون له اسم جديد اقول خلونا ندخل بموضوعنا بس ــــــــــــــــــــــــــــــــــــــــــــــــــ ـــــــــــــــــــــــــــــــ اول رد لك علي واول رد لي عليك المواضيع الي ودي اطرحها ذا الايام اربع بس انا اخترت هالموضوع مع انه عادي جدا لسببين 1_ لأني ماشفت فكرة الموضوع من يوم دخلت النت يعني مامرت علي 2_ لأن هالموضوع له ارتباط قوي جدا بالموضوع الي بعده (بتعرفونه قريبا ) فكرة هالموضوع باختصار اني اجيب اول رد لك علي واول رد لي عليك يعني قبل ماانتعرف على بعض وقبل ماتطيح الميانه مع ان اغلب الردود رسميه شوي ولا هي مقلعه الا ان لها نكهه خاصه وانت اذا شفت موضوعي الجاي بتعرف وش اقصد واعتذر من الي ماجبت لهم ردود لأني والله تعبت من البحث عن اول رد لكل عضو اعتذر للشمالي وعنابه وبارعه وابوجلنبو والوليد1 وراعي الرحات والملقوفه اعتذر منكم كل واحد باسمه واعتذر من كل عضو *************** *********************** ******************** ***************** ****************** ******************* ******************* ****************** ****************** ******************* ****************** ******************** *************** **************** ************* **************** *************** *************** ***************** **************** ــــــــــــــــــــــــــــــــــــــــــــــ دمتم بخير اخوكم ياسر السفينة . |
#2
|
||||
|
||||
محجوز
|
#3
|
||||
|
||||
محجووووووووووووووووووووز
|
#4
|
||||
|
||||
|
#5
|
||||
|
||||
|
#6
|
||||
|
||||
محجوز << والله أني مدري وش السالفه يابعدي ياجنط .. لكن أحس الدعوه " نهابه " ... قلت أحجز مساحه .. يمكن بكره يجي اللي أنت خابر .. ويوزّع المنتدى " منح أراضي " !
ترى هالمساحه ياشباب محجوزه لي ... والصك تراي حاطّه في مخباي ! ياحبيلك ياجنط قلبي
|
#7
|
||||
|
||||
انتظر التحميل
|
#8
|
||||
|
||||
ووه اركض واركض ابي احجز
وآخرته ماادري وش السالفه طيب وبعدين والزبده >>> عساه ماحطمتك بس
|
#9
|
||||
|
||||
مسيك بالخير جنط اثرك تمثل يالماخوذ من دريت ان لك علاقه بابوشدز وانا غاسلن يدي بهالرمضان لا تقربونن عقب العيد خلو نثمل جميع نرجع للموضوع اعرف واحد اسمه ياسر ما من ملح بوه لكنه يعرف يفحط << يعني معه صنعه يقدر يعتمد عليه نرجع لموضوعنا الحين انت وش تبي بالضبط يعني اصور اول رد لك علي واسدحوه بهذا والا وشلون نرجع لصوره وراكم تحشونن بموضوعك هناك
|
#10
|
||||
|
||||
مشكور اخوي على الموضوع باين متعوب عليييييه >>>احلفي
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |