العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
مفسرين الأحلام
السلام عليكم لقد لاحظت كثرة برامج تفسير الاحلام في القنوات الفضائيه بشكل ملفت للنظر بل حتى في الاذاعه وخدمات التواصل الاجتماعي واصبحت تأتينا رسائل للاشتراك في تفسير الاحلام على الواتس آب باشتراكات اسبوعيه الملاحظ ان البرامج عليها اقبال كبير وخصوصاَ من النساء قبل يومين شاهدت برنامج على احدى القنوات الكويتيه .. وكان مقدم البرنامج مطوع الله يسلمه ويستقبل اتصالات الناس بشأن تفسير الاحلام والتداوي بالاعشاب والرقيه الشرعيه يعني بتاع كله الغريب اتصلت وحده وقالت حلم وكانت مرتبكه .. وطلبت تفسير لهذا الحلم عطاها تفسير بخلال ثواني الاخ .. العجيب انها قالت وهي مرتبكه اكيد يا شيخ ان هذا معنى تفسير الحلم .. قال ان شاء الله المهم المرأه تحشرج صوتها وقالت للشيخ الله يطمن قلبك ... انا كنت فاكره ان الحلم ينبأ عن مصيبه راح تصير حق بنتي قال .. لا لاتخافين بنتك ماراح يصير فيها شي وهذي تحمد الله وتشكره بتطمين المفسر لها انا بصراحه مستغرب كيف الناس معتقدين اعتقاد كلي في الاحلام اللي اعرفه ان الرؤيا هي التي يحسب لها حساب اما باقي الاحلام فهي اغلبها اضغاث من الشيطان المهم تابعت اكثر من برنامج عن تفسير الاحلام .. واغلب المتصلين من النساء اللي لاحظته ان المفسر يسأل الفتاه هل انتي متزوجه بعد ان تقول له الحلم اذا قالت لا .. قالها راح تنخطبين قريبا .. واذا قالت ايه متزوجه .. قال بيجيك ولد ولا بنت المفسر حسب اعتقادي يدري ان البنات اتصالاتهم يدورون العرس عشان كذا يقولها بتنخطبين واغلب البنات احلامهم ياشيخ انا حلمت ان بنت خالي عطتني هديه وانا كنت لابسه ثوب ابيض طويل ولابسه طرحه بيضا والمفسر راح يقولها راح تنخطبين من طرف بنت خالك اللي عطتك هديه اهي راح تقول يعني اللي راح يخطبني ولد خالي .. واهي اصلا مشتهيه يتزوجها ولد خالها وتتصل وحده ثانيه ياشيخ انا حلمت بيدي عصفور والمفسر راح تنخطبين وكل البنات احلامهم يدورون العرس يامال المغص اللي يمغصكم .. كل هذا شفاحه على العرس اشوف لما يخطبونكم المتزوجين مسيار ترفضون ..يعني الزواج مايصير الا للعزوبي طبعا من كثر مايفكرون بالزواج تجيهم الاحلام بالليل وكله بسبب العقل الباطن وهذا قيس ابن ذريح وش يقول من كثر مايفكر بلبنه .. ينام في وقت مو موقت نومته عشان يحلم فيها يقول قيس واني لأهوى النوم في غير حينه ..... لعل لقاء في المنـــ،ام يكون تحـــدثني الأحـــلام انــــي اراكم ..... فياليت احــــلام المنام يقين شهدت بأني لم احل عن مــودةٍ ..... واني بكـم لو تعلمــين ضنين وان فــؤادي لايلين الــى هــوى ..... سواك وان قالوا بلى سيلين الزبده ماهو رايكم بمفسرين الاحلام .. ماهو رايكم بالاحلام اللي قاعد نسمعها .. وهل يعقل ان لكل حلم تفسير وعلى ماذا يعتمد المفسرين بتفسير الاحلام وشكرا لكم
|
#2
|
||||
|
||||
والله رأيي إننا مانعتقد بالأحلام..
شف أنا كنت دايم أخاف عيالي يضيعون.. وأغلب كوابيسي ضيياعهم وشقائي في البحث عنهم.. وكنت أعرف إن هالشيء نتاج أفكاري السوداء.. ماكنت أفسرهم ولا أفكر بعد لأن هذي مخاوف..أكيد راح احلم بها ليلا.. والعكس صحيح الرغبات تخلي الواحد يحلم أيضا.. منهم من يعرف أنها ناج أفكاره وهواجيسه.. ومنهم من يعتقد بها..إذا كانت رغبات أو يخاف ويتشائم منها إذا هي أشياء يخاف منها.. وتثير مخاوفه.. أما سالفة المفسر بالواتس اب هذا اللي ناقص بعد.. أما اكثر من يحلم النساء.. فنعم صحيح لأن المرأه أوسع خيال..من الرجل.. الرجل أكثر واقعيه بسبب طبيعته النظاميه.. فالمرأة غالبا أقرب ماتكون حالمه.. ولكن لايعني أنها تفتقر للواقعيه..ولا يعني أيضا أن الرجل يفتقر للخيال.. أيضا الذاكره وشدة الملاحظه أقوى عند النساء..لذالك هي تتذكر أحلامها.. على عكس الرجل لديه القدرة على تنفيذ أغلب أحلامه على ارض الواقع.. وهذا يزيد نسبة واقعيته..وتقلص نسبة الخيال الواسع مثل النساء.. تصدق ياشقيان ماذكر رحت افسر لي حلم ولا عمري إتصلت على مفسر.. أحلامي اللي حولي يسألون عنها عند المفسرين.. متطوعين ماشاء الله وكان..
|
#3
|
|||
|
|||
شكرا لج يا اخت آسيه على المشاركه والله كلامك مقنع .. بخصوص الخوف من الشيء ثم الحلم فيه ليلا اعتقد ان الكوابيس هي بتأثير من الشياطين اما سالفة الكوابيس هذي انا عانيت منها .. بس الحين الحمدالله ماقمت احلم بكوابيس والله يا أسيه انا دائما تأتيني رسائل للاشتراك بتفسير الاحلام بمقابل عاد انا حتى لو حلمت ما استطيع ان اتذكر الحلم ومثل ماقلتي ياآسيه قلة الحيله عند المرأه هو من يجعلها كثيرة الاحلام بعكس الرجل تقبلي شكري
|
#4
|
|||||||||||||||||||||||||
|
|||||||||||||||||||||||||
الله يسعدك شقيان ضحكت لين قلت بس أحسك خلطت عباس مع دباس وكنت هادي بعدين عصبت .. بعدين رجعت هديت بس اشوى أسئلتك هذي وضحت بالضبط وش تبغى رأيي في المفسرين أنهم من أهل التجارة وعقول البعض هي سلعتهم الي يتجارون فيها , ولولاها كان ما شفت برامج تفسير الأحلام منتشرة بهالشكل في القنوات ..! لا طبعًا مو كل حلم ..حلم أحيانًا الهيئة الي يكون عليها الشخص والتفكير الي يسرح فيه الخيال ولا آخر موقف حصل معاه ولا آكل له أكلة دسمة كبست على تفكيره وصار يهلوس ويحسبه يحلم طبيعي جدًا إذا نام بيحلم حلم عبارة عن أضغاث أحلام ومن ناحية أن لكل حلم تفسير ما أظن , طبعًا ما أفتي لك فيه لكن على ما أسمع من بعض المفسرين أنه يكون ردهم على المتصل بأن ما رأيت أضغاث أحلام وليست حلم ولا رؤيا وأحيانًا يكون السؤال موجه لشيخ الي أشوفهم في برامج الفتاوى ونفس الشي يكون الرد أن ما رأيت أضغاث أحلام وليست أحلام يعني مالها تفسير لأنها أصلًا خرابيط وياكثر ما نحلم خرابيط أحيانًا من خربطته نضحك , يعني معقولة له تفسير .. يستحيل أما سؤالك الأخير فوالله لا أدري على ماذا يعتمدون بس الحريص بيجتهد , والي غرضه التجارة ما راح يكل ولا يمل في التلفيق والتأليف وخصوصًا أن الناس الحين عندها هوس الأحلام والرؤيا صايره شغلهم الشاغل والمصيبة لما يبنون شي أو يهدون على أساس أنهم شافوا لهم حلم ...! ووالله أني أتعجب من الي يسعى ويحرص على تفسير حلمه , بغض النظر عن كونه حلم فعلًا ويحتاج لتفسير أو لأ .. لكن احنا أنعم الله علينا بنعمة الغيب , يعني ما ندري وش راح يواجهنا ولا يصير لنا , ليه أبحث ليه أحقق يعني عشان أعيش في قلق وبس .. والشيطان عاد ساعتها يشوف شغله .. فعلًا ودي أدري وش يحسون فيه الي يحرصون على تفسير أحلامهم , ولا الحلم يشكل عندهم شي ..! تحياتي لك ..
|
#5
|
|||
|
|||
اذكر مره من المرات جتني ام العيال عيونها يتطاير منها شرار قلت وش السالفه قالت حلمت انك تزوجت علي انا يوم قالت هالكلام احس فز قلبي .. حسيت بفرحه داخل قلبي وقمت اتصدد عنها خفت انها تشوف الفرحه بعيوني عاد قلتلها يامعوده هذي اثغاث احلام لاتشيلين هم وانا بقلبي اقول معقوله راح البس البشت واجدد حياتي والله ياجماعه ما ارتاحت الا لما اتصلت على مفسره للاحلام واخبرتها ان حلمها بزواجي له تفسير ثاني .. ماهو زواج صج عاد هي انبسطت وانا ضاق خلقي
|
#6
|
||||
|
||||
المعروف أن الحلم يكون في شي راح يصير
لكن الي يحدث الآن يعني في الفعل المضارع , ويحلم فيك شخص معين وغالبًا يكون أقرب الناس لك هنا ما نسميه حلم , اعتقد يكون للأرواح وتقاربها دور أو شي مثل كذا أو القلب يكون حاس , لكن أنه حلم ما أظن أتذكر مره كنا مسافرين , ومن وصلنا لهالديرة صادني عوار في صدري شي لا يطااااق , لدرجة أني قلت في نفسي الله أعلم هنا منيتي لكن سكت ما قلت لأهلي شي , أحاول أني أخفي بقدر المستطاع ما أبي أخوفهم وبعد كنت على أمل أنه يروح من بكره كانت أمي تطالعني وأنا ما أدري وش فيها قالت ميسم حلمت فيك حلمت أنه فيه حيوان مفترس أتذكر أنها تقول كأنه نمر وهاجم عليك ويضغط على صدرك قلت في نفسي افا صادتني أمي بس سبحان الله يوم تقوله والألم خف شوي ومع ذلك ما علمتها سكت وبس .. قلت خليها تفسره على كيفها
|
#7
|
|||||||||||||||||||||||||
|
|||||||||||||||||||||||||
هههههههههههههههههه
هلا فيج يالميسم والله انا يوم جا طاري احلام البنات في الموضوع عصبت من غير شعور بصراحه باطين جبدي يدورن العرس ويسألون المفسرين .. يبونه بس يقولهم حلمك معناته راح تنخطبين والله كلامك صحيح اغلب المفسرين تفسيراتهم للتجاره وليس من اجل العمل لوجه الله وحتى القنوات تتسابق عليهم لانهم يدرون للقناه اموال طائله والاطباء النفسيين يقولون ان اسباب الاحلام هي الاكلات الدسمه ولكن المفسرين مايقولون هالكلام كل حلم له تفسير عندهم .. مرات يكون الحلم تافه .. ويفسره ببشاره للمتصل لكن ولا مره سمعت مفسر فسر حلم سيء دائما تفسيراتهم بشرى للمتصلين والله يا الميسم في بعض المفسرين عجيبين .. في واحد قريب لي يفسر احلام مع انه شاب صغير لكنه عجيب بتفسيره للاحلام مره من المرات حلمت زوجتي في حلم قلت خلني اسأله .... وليتني ماسألته تصدقين فسر الحلم بموت احد افراد الاسره اهي كم يوم وتوفت والدتي عليها رحمت الله احنا ماودنا نبهت حق بعض المفسرين .. ولكن اغلب الاحلام اللي قاعد نسمعها تافهه ومع ذلك يفسرونها .. وبعض المرات يحرصون الحالم من شيء معين مثل المفسر اللي قلت لكم عنه بالموضوع اتصلت عليه وحده وقالت حلمها .. وقال ان تفسير الحلم هو حفله ستقام عند احد اقاربك وانصحك بعدم الذهاب لهذه الحفله معقوله الى هالدرجه تكون الاحلام ! شكرا لج يالميسم
|
#8
|
|||
|
|||
مكرر للحين السونامي يجتاح المنتدى الساعه الخامسه فجرا
|
#9
|
|||||||||||||||||||||||||
|
|||||||||||||||||||||||||
والله عجيب ان الحلم يكون في فعل مضارع واعتقد انه مثل ماقلتي تقارب ارواح
وحلم امك فيك بوقت الالم اللي تعانين منه اتوقع بسبب الحاسه السادسه بس عاد ما ادري هل الحاسه السادسه تجي بالاحلام بعد انا واحد من الناس اذا كان فيه مشكله لاحد افراد اسرتي احس فيها قبل لحد يعلمني وعلى طاري الحلم بفعل مضارع .. خل اقولك سالفة قريبي اللي يفسر احلام يقول مره من المرات اتصل علي واحد يبيني افسرله حلم .. وكان هالحلم يتردد عليه كان يحلم انه يدخل في بيت اخوه من الشباك يقول انا سألته مباشره .. هل لك علاقه بزوجة اخوك ؟ يقول سكت شوي ثم بكى واعترف انه يدخل على زوجة اخوه وله علاقه غير شرعيه معاها عاد انا سألت المفسر وقلت انت وش اللي خلاك تفسره بهالطريقه قال هو الهام يجيني اثناء كلام الحالم قلت وبعد وشلون تفسر باقي الاحلام فقال غير الالهام من مقارنة الحلم بآيه من القرآن او الحديث الشريف وشكرا لج
|
#10
|
||||
|
||||
نآدرمآتكون أحلآآمي عآتيه
الأغلب تكون جآآيبه لي شيء في هذآآك اليوم وفيه وآحد من زملآ زوجي يفسر بس عآد إللي يسأله يعني مآيقول أنآ مفسر أحلآآم وإللي يبي يجي أثق فيه كل تفسيرآته صحيحه مره جآآرتي أعطتني رقم مفسر أحلآم..قآلت رآسليه وآتس أخذت الرقم وكل مره أرسل مآيرد ..أرسل مآيرد آخر شيء عصبت عليه برسآآله رد مني يآأختي الله يصلحك مشغووول ع مين أرد بس ومآعآد رديت منه وحذفت رقمه المهم أصلاً هي تتفسر من حآآلهآ ..الأحدآآث إللي تصير معي تكون مرتبطه فيهآ
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |