العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
واخيـرا خطـبــت ( بس انا مبتعث ومحتاج نصيحتكم)
السلام عليكم ورحمة الله وبركاته
كيف حالكم انشاءالله طيبين وأخيـراً جاء الفرج وخطبنا اذكر قبل سنتين كنت موظف وناوي اتزوج لكن كتب الله علي وحصلت على البعثه وتوكلت على الله و ماحسيت بنفسي الا وراحت سنتين وانا ما تزوجت والان الحمد لله اختارت لي أمي وخواتي بنت الحلال وتمت اموري وخطبت والحمد لله وطبعا بعدها جيتو انتم في بالي لأني مررهـ محتاج نصيحكتم انا بإذن الله بتزوج بالاشهر الجايه لكن في اشياء بتواجهني وخايف اظلم بنت الحلال فيها قبل فتره جلست اسولف انا وربعي المبتعثين عن سالفة ان زوجاتنا يدرسون بمعهد وجامعة طبعا تفاجئت أن الشباب عصبوا علي وقالو ان راسي قفـل ومتخلف وإني اتبع العادات القديمه البايخه لأني قلت مستحيل اسمح لزوجتي انها تدرس بمعهد مع رجاجيل؟؟!! طبعا بعضكم بيستغرب ليش انا رافض بقصلكم احوال معاهد اللغـة عندنا وانتم الحكم في البداية ودي اقولكم ان دراسة معاهد اللغة تعتمد على المشاركه الجماعيه بمعنى يشكلون مجموعات من الطلاب يتشاركون مع بعض في حل الأسئله اذكر بنت سعوديه بنفس فصلي زوجها مبتعث اشوفها جالس جنبها ثلاث شباب اجانب طبعا يكونون لاصقين في بعض علشان يحلون التمارين. طبعا الاجنبي بيتعامل معاها كأنها بنت ديرته يعني ممكن يلصق فيها ويكتب بدفترها او يضرب كتفها وهذا اللي اشوفه قدامي فكنت استغرب كيف الزوج يشوف زوجته بموقف مثل هذا تتوقعون اقدر اتخيل زوجتي مكانها والله صعبه ويقولون عني متخلف والا سالفة ثانيه هذا صديقي الصدوق اللي كل يوم نطلع انا وهو نتعشى ونتمشى مع بعض من بكرا بالمعهد اختارني المدرس مع زوجة صديقي نجلس بكرسيين جنب بعض ونحل بعض الأسئلة طبعا انا بلحظتها اذكر اني كنت مو مصدق نفسي اني جالس مع زوجة صديقي والله ضاق صدري بقوهـ فعلى طول سحبت نفسي على إني بروح الحمام وما رجعت الا بعد ما حسيت ان التمارين والمشاركات خلصت طبعا صديقي كان دايم يدخل بفصل زوجته ويشوفها جالسه تحل تمارين وتتناقش مع اصحابه السعوديين . وعااادي جدا ومب سعودي او سعوديين كثييير مررهـ اللي مخلين زوجاتهم على هالحال تتوقعون اسمح لزوجتي انها تجلس مع شخص ثاني جنب بعض طبعا انا ما اقول ان البنت بتخرب والا تفسد والا مو واثق فيها انا واثق منها اكثر من نفسي. بس مو قادر اتخيل زوجتي لاصقه برجال غريب . وين مبدأ الدين وين الغيـره انا ما عندي مشكله ان البنت تمشي بالسوق او بالمدرسه بين الرجال لكن مو لدرجة انها تجلس بكرسي وجنبها رجال ويجلسون يتناقشون ويحلون تمارين مع بعض او المدرس يدخل يكتب على دفترها اذكر بنت معنا مررهـ ملتزمه وتحاول ما تخلتلط بالرجال اثناء الدراسه بس ما قدرت لأنها دايم تدرس بفصل فيه 9 طلاب وهي الطالبه الوحيده او معها كم طالبه ثانيه طبعا المدرسين لازم يقسمون الطلاب لمجموعات يعني مستحيل تدرس من غير ما تلصق برجال وربي اشياء مستحيل اتخيل ان زوجتي بتسويها أو بمعنى اصـح مستحيل أرضـى ان زوجتي تجلس بين رجاجيل سؤال يا اخواني واخوتي/ الحين اذا منعت زوجتي من الدراسه في معهد. هل بنظرتكم اكون ظالم لها ؟ مع اني ناوي اخلي مدرسه خصوصيه تدرسها اللغه وينزلون لكوفي شوب مع بعض بس اهم شي تتعلم اللغـه بعيد عن الرجال والاختلاط وعلى فكره الملحقيه بتدفع لزوجتي سعر دورة معاهد اللغة لكن مدرسه خصوصيه بتكون على حسابي . بس وربي عادي لو تبي عيوني معها اهم شي تستانس بعيد عن الرجال ممكن يا اخواني وخصوصا اخواتي تعطوني بعض النصائح؟ وربي محتاج نصايحكم مابي اظلم بنت الناس وبالاخير مشكورين كل الشكر على قراءتكم لموضوعي الطويل
|
#2
|
||||
|
||||
اخوي
الف مبروك والله يوفقك وييسر امرك بالنسبه لكلامك عين العقل ماشاء الله وتذكر ...من ترك شيئا لله عوضه الله خير منه .. ولاتسمع لمن يقول غير هالكلام جب لها مدرسه في البيت تدرسها ترى اهم شي في اكتساب اللغه المحادثه ومشاهدة البرامج واقصد فيها الاخبار والبرامج العلميه والثقافيه وغير ه اللي تكون باللغه الانجليزيه وفي نفس الوقت تلكم معها انت في البيت وبرا البيت ومع الوقت راح تتعلم وتصير بالبل وانا اقول لك هالكلام عن تجربه وبالتوفيق
|
#3
|
||||
|
||||
ع البركه ياشيخ وعقبال ماتفرحنا بأول بيبي وربي يسعدك معاها
ويحببكم في بعض لي نكسه على موضوعك عشان امخمخ عليه واعطيك الكلام المزبوووط>تكفين
|
#4
|
||||
|
||||
مشكوورهـ اختي على مشاركتك اللي نورت الموضوع وانشاءالله بحاول ما اقصر معها .وهدفي اني اخلي زوجتي تستفيد من بعثتي بقدر الإمكان جزاك الله خير على ردك
|
#5
|
|||||||||||||||||||||||||
|
|||||||||||||||||||||||||
الله يجزاك خير اختي على دعوتك الحلوهـ وتراني انتظر كلامك المزبوووط مشكوره
|
#6
|
||||
|
||||
جتك بنوته
والله كلامك عين العقل خل اللي يقولون متخلفين يقولون لين يشبعون .. ممكن تدرس اي بس سالفه يقعدون جنب بعض صعبه يعني ماتنلام....ولو تدرس هي هنا يكون احسن.. مو لازم تدرس برا ...إلا اذا هي طالبه البعثه معاك هذا كلام ثاني...وانت بعد شوفها وجس نبضها يمكن ماتبي تدرس من اصله بس خليك على موقفك ولاتغير تفكيرك مخك صح
|
#7
|
|||
|
|||
لا تحرمها من الدراسه حرام متغربه معك وعشانك
والله يوفقك (ودمتم سالمين)
|
#8
|
|||||||||||||||||||||||||
|
|||||||||||||||||||||||||
تذكريني ببرنامج في قناة غصب واحد زمان هههههههههههههه دمتم سالمين
|
#9
|
|||
|
|||
أولا ألف مبروك وعسى الله يجمع بينكم في خير
وتصيرون أحلى زوج كناري بالدنيا انا والله حاس بشعورك ووضعك اي والله واعرف انا عن هالأشياء بحكم وضع اقاربي الي يدرسون برى نصيحتي لك كأخ اكبر منك جب لزوجتك مدرسه خاصه تدرسها في بيتها واللغه طبعا بالممارسه أفضل بكثير من مسألة اختلاطها بالرجال لأنك انسان ماتعودت على هذا الشيء وراح تتعب نفسيا صدقني تصور ان واحد من هالاجانب مسك يدها والا ضحك لها والا سوى اي حركه عفويه انت ماتتقبلها راح تتعب نفسيا انت صدقني والله مارح ترتاح والشيطان بيلعب في مخك وبدل ماتفرح بالزواج راح تنكد عليك حياتك لكل مجتمع خصوصياته واحنا مجتمعنا محافظ شفك قمت لما حطوك مع زوجة خويك ليش؟؟ لأن نفسك ماطاوعتك منتب متعود ولايغرونك الى قالوا سعوديين وعيال حمايل يخلون زوجاتهم يدرسون طيب واذا ؟؟ مهوب كل السعوديين زي بعض في ناس متعودين على الانفتاح وفي ناس يتنازلون عن مبادءهم بسهوله بينما في ناس لأ..مايتنازلون ويضلون متمسكين مهما صار انا خالي في استراليا محجب زوجته حجاب كامل واموره ماشيه تمام يقول في ناس يقولون ترى بيضايقون زوجتك خلها تكشف يقول ماطاوعتهم ووالله محد سوى لنا شي ابد بالتوفيق
|
#10
|
||||
|
||||
الف الف مبروووك الله يوفقكم ويسعدكم يارب
بصراحه احس صعبه تدرس بمكان مختلط تخيل جالسه من صديق زوجي لالا احسه قويه انا رأأي من رأي عذب جب له مدرسه خصوصيه بالبيت احسن واستر الله يوفقكم ان شالله
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |