العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
أحــرجتوني باعجــــابكم..تعالو نشوف لهجتنا عامله اييييه؟؟
الســــــــــــــــلام عليكم..
قربت الاجازه...الله من الخبات..والدلعات والترويقااات.....نصايحي لاتفوتووونه تراي ازيد كل يوم علم.. وشلونكم؟...طيبين؟والا لافحتكم هالصخاين؟ عاد انا باديتن بي انا وعيالي..واقاوم بس الحين ابجدع الزند والفتيله.. خلاااااص ابطيح طيحة جدار..مهب حلى المقاومه..له اسبوعين والصخنه تويق والفهه.. المهم مب ذا موضوعنا.... مـــــــــــــوضوعي يا أحبتي يتعلق بنوع القرقر بالبيت.. لهجاااااات الزوجين..لها تأثير بالحياة؟؟؟ بالبدايه القصمان يركبون روسهم مانبي الا قصيميات والبنات مثل.. منتالي اهم شي نعرس..قصيمي حجازي جنوبي كله يمشي اهم شي بطاقة احوال تعترف انه سعودي.. كثرت مشاكل صغيره وتافه بين الزوجين.. بس البعض يعطي الموضوع اكبر من حجمه.. وهو المزابا..والمغاير..لهجتنا ولهجتكم... انتم تقولون كذا..وحنا احسن منكم نقول كذا... همن اذا جاهم بزران ضاعو بالطوشه>>>مادري صح؟ الام تقول تكلم مثلي والابو يقول لا مثلي.. والله حاله............. قبل فتره قعدت مع قريب لي..توه معرس.. من ضمن السواليف خطمت قلت ايه..وش اخبار العرس؟زين؟؟؟ قال والله ماعليه.. قلت انا ناقدتن على مرك..>>زوجتك يالدب فهمته؟؟ كلامه مادي وش تبي؟منين هي بالضبط من القصيم؟عليه خطمات تمرض الي يسمعه.. قال انا والله هشته قبل كم يوم وقلت لا اسمع هالكلمات(أطل,,أوزي,,أنحاش)....ياويل تسبدي بس جتن الطرشه..>>أنــا.. قلت تقول كذا ؟؟؟وانت ليش تهوشه وانتم معاريس عيب عليك.. قال ماهضمت..والكلام له دور..يا يخليك تسمع للاخر يا تقفل الموضوع من اوله.. هو صحيح توافق اللهجات امر مطلوب.. لكن هل فعلا تحسون يالازواج بمتعة السواليف اذا صارت مثلك زوجتك؟ طيب انا يطري لي..أكاكي>>فهمتون؟احذف الاتس..واقول ك.. بالعام يعني واذا اهتويت افرر زوجي لاننا كلنا من الخبوب ومع ذلك يشب تسبدي يقول انتي عليتس كلام مادري منين تجيبينه..طبعآ بعد مايقول ياعسل..خخخخخ عاد انا اشيط...وابربر عليه ..لا ياربوة جنيف..من زين حتسيك تنجخ كلمات مادري منين..ومن هالهواش الي ماياخذ عشر دقايق..يشطفنا ويعدي.. طيب..الحين فهمتووون؟ انا برايي للي يبي يستمتع بجلسه رايقه مع زوجته اكيد يبيه بنفس اللهجه.. والي يبي يعبر حياته يبي يقلب لسانه فدوه لعيون زوجته... صح والا لا؟؟ ماسلمت انا وحنا زي بعض.. وقريبي ماسلم وهم يختلفون.. العمده على الاخلاق والا؟؟ وســــــــــلامتكم....رأيكم ومواقفكم وهل تأثرت حياتكم بلهجتكم؟؟؟....تعبت من تكم تكم.. عـــــــاد ادري انه فيه ناس طايرن عقله علي وامثالي باللهجه..بالمقابل ناس تضرس كارهه.. بس مايهمن(الي ماهضمون).. دامي اوصلكم فكره تنعش يومكم.....وتوسع صدوركم.... اشـــــــــــاره..ومضــــــــــه..تنبيه... معليش هالايام أعتذر عن انقطاعي لفترة عنكم..ابفقدكم بس باذن الله ابحاول ادخل.. الموضوع حلالكم... ناقشو بسلام بدون تحيزز..ولهجتنا ازين ولهجتكم ماحبه.. طرتو والا وقعتو حنا يالقصماااان قمه بالذوق للهجتنا العظيمه..ايش..شعب الله المختار..اظن كذا قريته.. يله..السموحه منكم.... الله يسعد ايامكم مع حريماتكم.. والله يسعدنا مع حواشينا.... تقبلو تحياتي..ومودتي..وأشواقي..>>>قولو انزلعي انهي الموضوع بس........ هههههههه ماودي والله ...حتوحشوني...أبوله عليكم..
|
#2
|
||||
|
||||
|
#3
|
||||
|
||||
والله نفسي احد يعيد كتابة الموضوع باللهجة البيضاء عشان الكل يفهم ترى مو كل اللي هنا قصمان
انا عن نفسي مافهمت شي لو انجليزي اقدر اترجمه بس ذا الهرج وين اصرفه شوفي انا ماجربت ولا عمري شفت احد يعاني من هالموضوع بس اتوقع لو اخذ قصيمي احتاج مترجم معي
|
#4
|
|||
|
|||
مع انه فيه اختلاف بسيط باللهجات بيننا
الا انه لا يوجد خساير تذكر عودي صلب ماتاثرت بكلامه ابد وهالشئ الكل مستغرب له بس بشكل عام كله مفهوم مع لويه بسيطه كلفتها واستوعبتها النتاج مستخلص من اجود ماعندي وعنده وطالعين ياربيييييييييييييه هبال بس انا ماثره اكثر لان الجوده عندي والشسمه حوالينا
|
#5
|
||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||
هههههههههههههههههههههههه انا مو قصيميه بس اهه فهمت صادقه هم عندهم مصطلحات صعبه شوي تحسين انها اجنبيه ويبيلها ترجمه الموضوع يتكلم عن مصير لهجة الابناء ان كان الازواج كل واحد منهم من قبيله تختلف عن قبيلة الاخر او بلد تختلف عن بلدالاخر اكيد بتختلف لهجاتهم ويمكن انتي كمان تروحين في الحسبه وتتاثرين او تأثرين يعني الام بتكون لها لهجة ديرتها والابو له لهجة ديرته الابناء اش مصير لهجتهم بتاثرون بالام والا بالاب تذكرت موضوع ربشه يوم قالت ان خالها قالها ابني عيان لانه متزوج مصريه عاد انتي تحكين حالتك ,,,زوجك اش قرابته لك وعيالكم شمسوين معكم ؟ ان كنتوا من بلدين او ديرتين مختلفتين؟؟ اي حكي يحكون اولادكم حكيك والا حكيه الله يستر مااكون جبت العيد وخربت ام الموضوع واخترعت شئ ثاني
|
#6
|
|||||||||||||||||||||||||
|
|||||||||||||||||||||||||
هدي هدي ترا عندنا وعندكم خير وعنديلك فكره تزوجي المترجم بدل القصيمي ^_^ تحياتي لك يا دكتورة القصيعه بس احس تنويع اللهجات افضل يعني انا اتكلم قصيمي والمرة تتكلم سديراوي احسها من جد فيه اكشن بالبيت مرة تقولي وش معناة كذا وانا نفس الحكايه << وجهة نظر طبعا وبرضو صراحه انا ما دخلت مخي ان القصيمي لازم ياخذ قصيميه وش ذالعنصريه اللي هو اهم شي بنت قبايل حتى لو من برا السعوديه يعني سوريه مثلاً << ذبحتنا يا خو حمسا تشكرات افندم
|
#7
|
||||
|
||||
ههههههههههههههوالله من كثر الهمق الزايد عند نجيمة اقووول بس احملي العاافيه فشلتينا بالعربان كل الناس عرفو لهجتا ياخزياااه بس
|
#8
|
|||||||||||||||||||||||||
|
|||||||||||||||||||||||||
ماعليكي انتي خوذي قصيمي هو معه المترجم اللي على كيفك القصيم عملة نادر ةينصرف في كل مكان لا تاخفي طول منتي مع قصيمي اطمئني رجال يعجبونكم وقت الشدة يعرفون كيف تنقاد النسوان مهب زي ابو حجوز والعلم عن ناصر القصبي عنهم كل اللي ابقوله حطي في بطنك بطيخه صيفي مع القصيمي
|
#9
|
|||||||||||||||||||||||||
|
|||||||||||||||||||||||||
ههههههههههههههههههههههههههههههههههههههههههههههههه يلعن ام الدعايه اثاري رجال القصيم ماهم بسيطين بس لا تحاول انا ماراح اتزوج لا قصيمي ولا هم يحزنون>>>>>>تكرنت
|
#10
|
|||||||||||||||||||||||||
|
|||||||||||||||||||||||||
ههههههههههههههههههههههههههههههههههههههههه والله بصراحه ماقصرتي زين يجي منك اعتقد والله اعلم لغة الابناء بتصير مهجنه يعني مره يقولون كذا ومره يقولون تسذا وهكذا دواليك حتى الام والاب بتكون لغتهم مزدوجة الهوية>>>>>ام اللغه بس مهما بلغت اللهجات مابيكون ذاك الاختلاف الواضح الشاذ لان............ اقول يازين اللغة العربيه الفصحى
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |