|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
15-02-09, 06:29 AM
|
||||
|
||||
في بيتنا أنترنت
صبآحكم ومسآكم فيتامينات ..
أكيد وآحد منكم بيفكر ويقول وش عنده أبو رآس قال فيتامينات ..!  وليه ما قال خيرآت ولا قال ليرآت ولا دولارات ولا ريالات .. !بأجاوب عليه وأقول انا حر وبكيفي .. هذه الأسبوعين يا ثقل فيها موب طبيعي أول قبل فتره مهي بعيده كنّأ نداوم السبت ونحسب لـ يوم الربوع وما نحس الا وأحنّا في يوم الربوع .. أما هذه الفتره يالله الساعه تعدي وبالقوه ولآزم نسوي كم شغله كذا من شان ما نحس بثقلها وتعدي علينا بسلآم ..  اللي يقوم يشوف وش تبي أمه ينفذ لها كل طلباتها ولو قالت له قوم يا وليدي وديني عند خيتي لي فتره ما قد زرتها يقوم وهو طاير من الفرحه ويمكن يسجد ويشكر الرب انه جاته شغله وتشغله شوي عن جو المذاكره وعن المذاكره كلها .. ولا يجي الواحد ويروح عند ابوه وهو جالس في العصريه ويجلس عنده ويدقها سواليف معاه ويسأله أبوه يقوله يا وليدي أنت ما عندك أختبارات يجاوب عليه الولد أيه عندي بس جيتك يا أبوي أشوفك تبي شي ولا شي لا سمح الله وأنت مستحي ما تقدر تقول لنا مقدر ضروفنا ومقدر وضعنا والاختبارات .. ويرد عليـه ابوه مشاء الله علييك نزل عليك البّر هذه الحزه ..لا يا وليدي انا لو ابي منك شي كان بأقولك هيا قوم روح ذاكر دروسك وأختباراتك ..وغير اللي يروح يتفرج على التلفزيون أما التلفزيون في هذه الأوقات يا زينه زيناه بسس يناس انا أشوف اللحين قناة السودان صارت زينه في هذه الفتره فترة الأختبارات .. أو نقوم وندخل النت نغير جو المذاكره والكلمتين اللي حفظناها طارت من ظغطنا على زر تشغيل الكمبيوتر .. والله انها فتره صعييبه جداً ويعاني منها معظم الشعب السعودي اي واحد تحصله في النت وقت الأختبارات وتسأله وش عندك هنا لا تحسب انه بيقول جيت ادور على بحث ولا معلومات عن ماده الفلانيه لا بيقولك دخلت اغير جو المذاكره وكأنه مقرر لنا هالفاصلودخول النت في جدول الأمتحانات .. على طاري النت انا بتكلم اليوم عن بداية دخول النت في بيتنا وفي غرفتي بالذات ..يعني يمكن قبل ست سنوات أو أقل بشوي .. وكان دخول النت بيت أبو أبو رآس حديث الساعه في الحاره وفي التجمعات الرجاليه والنسائيه ومنهم المعارض ومنهم المؤيد وان كان أغلب سكان الحاره وقتها ما كانو يعرفون وش يكون هذا الانترنت .. في البدايه كنت كل يوم أروح عند أبوي واقوله يبه أبي أنترنت ويقولي معصي النت مهوب زين وفيه وفيه ويلهيك عن دروسك وعن مشاغلك .. وانا ناشب له في حلقه يبه ليه النت كويس وانا بس بدخل على الرامج التعليميه واللي تفيدني في دراستي .. يبه انا حتى بنظم وقتي وأجلس عليه بس ساعه ولا ساعتين في اليوم .. يبه النت فيه أشياء كثيره مفيده وبعدين حتى أشغالك أخلصها من هنامن أسهم وغيرها .. وقال يعني تقدر يا وليدي تشتري وتبيع من النت قلت ايه قال والله انا تعبت وانا كل يوم على ذا الخط قلت ايه يبه والله حتى المشاوير هذه هدت حيلك حتى شوف جسمك أنهد ولونك تغير وقال بافكر ويصير خير أن شاء الله ..ومن بعدها مرسول رآيح ومرسول جاي من اخواني لعند أبوي يقلون له يبه يقولك ابو رآس متى بتجيب النت ..  وجاء اليوم اللي كنت احلم فيه أنه يكون عندي أنترنت وأصير مثل هذولاك الشباب اللي يدخلون نت ومتطورين ويكون عندي ماسنجر وأشارك في منتديات ويكون عندي أصحاب جدد .. ودخل النت بيتنا وخليت الهندي يركبه في غرفتي ومن خلص بس وطلعت معاه برى البيت وحاسبته وما رجعت لغرفتي الا أحصل كل العائله الكريمه من كبيرهم لصغيرهم جالسين في الغرفه يبون يشوفون وش يكون هذا الانترت .. وأناظر فيهم وأقولهم خير وش عندكم متجمعين في الغرفه .؟ خير يا بدو هذا أنترنت أول مره تشوفونه والله انكم بدو منجد .. وقال أخوي الصغير هيا أجلس عليهودوري بعدك انا بجلس عندك ألين ما تخلص ودوري بعد والله ما أحد يجلس عليه انا قلت أول شي .. جلست أيام أدوج واحوس في النت وما اعرف شي فيه ولا أدري وين أروح ووين أدخل فيه ..! جلسة فتره على ذا المنوال وكل شوي من صفحه لصفحه ومن موقع لموقع والظاهر اني ما خليت ولا موقع ما دخلته .. وكانت بعض المواقع الي كنت ابي أدخلها أو اسجل فيها تطلب تسجيل فيها والتسجيل يتطلب بريد ألكتروني وانا وقتها ما عندي ..قلت أروح على ذا المسنجر واسوي لي أيميل وجلست أحوس فيه لكن ما فيه فايده أبد كنت احط www ولاكان ماش مآفيه فايده .. وما جلس أسبوع الا والجاهز خربان من كثر الكرف اللي عليـه أربعه وعشرين ساعه وأوديه للمهندس وأوقات كانت الشبكه خربانه وما يشتغل النت وأقوم وأخذ الجهاز وأوديـه للمهندس أحسب العطل والخراب من الجهاز .. ومع مرور الأيام والأسابيع تعلمت شوي على ألأنترنت وصار يجي مني كنت أدخل منتديات وشات وافتح الماسنجر وكنت دآيم اسوي بحث عن صور زينب العسكري .. وأدمان على الانترنت حتى صارت بشرتي تلق لقان الشمس هذه ما أشوفها كل وقتي على الأنترنت يجيني اخوي وأزبله وتجيني امي وتقول قوم يا وليدي روح اشتري كذا ولا كذا وانا ما فيه امل أرد حتى عليها ولا أهز لها برآسي واحاول اني اسوي اني منتبه لها وان عصبت علي ولا شي أقولها طيب طيب شوي وبقوم وتدخل علي وانا لسى جالس تجيب ثلآجة القهوه وتجلس عندي وتجلس تزن على راسي يا ولدي قوم جيب الاغراض اللي نبيها من دخل هذا النت وانت حتى البيت معاد تخرج منوه ياوليدي والله لو ما تغير أسلوبك هذا اني لآخذ الجاهز هذا وأكسره على رآسك وانا طيب طيب مبتل على هذه الكلمه معها .. ما أبوي كان ما يطوف عليه شيء عاد وكمان انا ما اقدر أستقوي عليه مثل ما استقوي على الضعيفه أميمتي الحبيبه ..  يدخل غرفتي ويقولي وش تسوي واقوله والله في هذا المنتدى يا يبه شوفني جالس اقرى واستفيد واتثقف .. وانا ياكنت جالس في شات ولا جالس على الماسنجر ولا جالس ابحلق في صور زينب العسكري .. وعلى ما يرسل احد يجيب نظارته من يشوف اللي انا فيه الا قد اني قفلت مليون صفحه وفتحت مليون صفحه ثانيه لأن نظره ضعيف وما يشوف زين ..من المواقف والمحطات اللي ما أنساها في حياتي الأنترنتيه أنه اول منتدى سجلت فيه منتدى مصري .. لأحد يسألني وش ودآني هناك بس سجلت فيه وكانت بدايتي فيه .. لكني يومني وعيت على الدنيا أني اسحب عليه سحبة بنت كلب ما خلآف أسجل في منتدى مصري لكن هذا طبعي مسجل في منتديات كثيره لكني توصل مشاركاتي 300 والا وانا ساحب عليها وأسجل في منتدى جديد كـ نوع من التجديد .. وفتحت لي أكثر من عشرة أيملات كل فتره أيميل وأذكراليوم اللي تحداني فلسطيني أضفته عندي في المسن وقال بأخترق ايميلك وتحديته قلت والله ما تقدر واني اروح وافصل فيش الحاسب من الكهربا وأقول هاه اللحين يقدر يخترقه ويومين والا الايميل باح أخترقه الفلسطيني وكانت خطتي فاشله يومني سحبت فيش الحاسب وطفيتيه .. كان بأمكاني انجح بالخطه البديله لو أستخدمتها وهو اني أسحب الفيش حق الحاسب لمدته اسبوع وبكذا ما يخترق الايميل حقي .. < ما عليكم لا تشرهون ترى ما يفهم في الهكر والاشياء ذي .. ما يستفاد .. ما شي ولا ما يستفاد .. بس أهم شيء ما أكون ثقيل طينه عليكم وذاكروا دروسكم وأختباراتكم كلها يومين ونخلص من هم الأختبارات وبس ..
|
|
#2
15-02-09, 05:09 PM
|
||||
|
||||
مساءك سكروز مخلوط بجلوكوز مع نسبة بسيطة من H2SO4 >> الموعد الجنة يآبو رآس
يالله إنك تحيي الأطخم السبوق وكتآبآتهـ اللي توسع الصدر ..أثرك قديم لك 6 سنوآت ؟إإ  يعني لوك معرس يمدي ولدك بأول ابتدآئي ورآسب هالسنة تصدق أنا مآلي بعآلم النت كلهـ إلا سنتين وشوي .. أما تبحث عن صور زينب العسكري هههههههه إيهـ كان وقتهآ ذيك الأيآم .. الحين بس أكتب جميلآت وسوي بحث وكحل عيونك بس خل قوقل على البحث الصوري مو الكاتابي علشآن تحكل بدون ماتدخل الموقع >> خبره بالنسبة للمنتديآت لو أقول المنتديات اللي مشآرك فيهآ 15 والله قليلة .. بس كذآ مثل ماقلت أكون أبي شي ويستقعدون لي ترآك زاير ولازم تسجل علشآن تآخذ اللي تبي .. وبعض الموآقع من زود اللعآنهـ حتى لو تبي تسوي نسخ من عندهم يطلع لك مربع مكتوب فيهـ (يآبو الشباب ترآك زاير تفضل سجل معنآ كعضو وخذ اللي تبي .. وترى التسجيل مجآنآ) >> أجل .. ولا نآوين تحطونهـ برسوم يآعيآل اللذينآ
|
|
#3
15-02-09, 07:14 PM
|
||||
|
||||
|
الله وش ذا القرق والله ماقدرت اقرا
اذا صحصحت قريته يسلموا
|
|
#4
15-02-09, 08:49 PM
|
||||
|
||||
|
ابو رآس .. خلصنا اختبارآت يالطيب
وش بلآك انت تختبر مع المدارس  الله يوفقكم كلكم .. هآنت وزي ماقال البلغآري .. اثرك قديم هي وحدة من الثنتين .. ياانت متطور اكثر منا او انك شآيب وانا ارجح الثانية  بدآيتي مع النت سنتين تقريباً مع الدي اس ال اقصد لكن قبل كنا عالتلفووون .. الله يقطعها من ايام  ماسنجر بس واذا فيه شي نبي نبحث عنه طبعا ماهوب على كيفك .. ماتطول تلفون ذا يصرف  لكن من جا الدي اس ال اشغله واتركه حتى لو مابي شي ملعنة كذا بفلوسي 000 تقييــم 
|
|
#6
15-02-09, 10:45 PM
|
||||
|
||||
|
هههههههههههههههههههههههههههههه
والله انك تحفه ابوي راسك تصدق قبل شوي كنا مسوين محاوره بين اخي واختي حول الخدمات وتلبية طلباتنا وقت الاختبارات و مساوئ كلا الطرفين هههههههههههههههههههههه اما صور زنب العسكري يرحم امك الناس تطورت وانت للحين عليها ههههههههههههههههههههههه يسلمووووو موضوع رائع خييوووووووو وتستاهل التقييم
|
|
#7
16-02-09, 02:07 AM
|
||||
|
||||
|
رحمالوف مساءك وصباحك جميع العناصر المفيده للجسم بجميع مشتاقاتها< أوفر على نفسي أحسن من اني اجيب عنصر مهوب زين للجسم ..
 انا لي يمكن في النت هذا ست سنوات ألا دقايق .. لكن يا أخوك ماش والله اني ما أستفدت منه أستفاده تقنيه فنيه اللحين تبيني أشتغل على الفوتوشوب معرفشي والله له انا حتى لوقت قريب ما كنت اعرف كيف احمل وكيف أنسق يعني ما تعلمت فيه لأن وقتها كنت ادخل على اشياء محدووده ومن ضمنها الاسهم لا تحسب اني مرييش فلوس وهامور هامور لا لا انا هامور صغير .. بس اللي قاهرني انا وغابني انه الحين يجون شباب وبنات مالهم الا شهور يدخلون في النت ومعلمين فيه وفاهمين كل شي وبعضهم هكر وانا يا حسره ما عندي ولاشي لأني عندي شباب الله يخليهم لي أي شي وقتها كنت ابيه يسونه لي من دون ما أتعلم وانا كذا دآم ان ذا الشي يجيني وشوله اروح اتعلم له ووجع راس والنهايه ما أستفدت لا فنيا ولا تقنياً من الانترنت .. وعن البحث ترى زينب العسكري في هذيك الأوقات كآنت حديث الشباب في الجلسات .. أطلق بنت شفناها في حياتنا وقتها واذ ما حصلت لها صور في التلفاز بس تحصلني مقابل التلفزيون وادور لها لكن اللحين يا شيخ لو تجيني أطرش عليها وجها خرب صارت عجوزومعاد هي حلوه وأنتفخت وتربربت وتدبدبت وحتى انهم كرشوها من الفن وأعتقد انها أعتزلت ..اما سالفة المنتديات اللحين بعض المنتديات صارت عندها أنظمه جديده انه ما يدخلها اللي اقل من 18 سنه ولآزم موافقة الوالد ورقم صندوق البريد ومدري وشو شروط عجيزيه وبالرغم من ان المنتدى منتدى عاد وتوجهاته عامه بس لآ تضمن من يدري يمكن بعد فتره تكون المنتيات برسوم .. حياك الله يالبلغاري تشرفني ولا تكلفني ..
|
|
#8
16-02-09, 02:09 AM
|
|||||||||||||||||||||||||||
|
|||||||||||||||||||||||||||
القرق مني ولا من الموضوع ..! حياك الله في كل وقت .. وتشرفين
|
|
#9
16-02-09, 02:20 AM
|
||||
|
||||
|
يا هلا بالتماتييك .. والله انا باقي عندي بكره اخر يوم وهذاني اتسربت في النت اغير جو ..
عندنا معهد غبي كلها ادرس أربع مواد وحاطينها لي في أسبوعين أشغلونا ومسكونا على الفاضي .. وعن تاريخ النت معرفشي بس انا شآب وش حليلي ووش زيني عريض المنكبين كبير الرأسواليدين وسريع وسبوق وفي مكتمل العمر ولسى ما وصلت الأربعه والعشرين وبعد كل هذا وسيم ..!أما متطور والله مدريبس البدوان عمرهم ما يتطورون .. لو يسون اللي يسوونه ولو يجيبون اللي يجيبونه ولو يقارعون الدول الغربيه يبقون بدو .. عيال ديره وعيال قريه .. الأتصال عن طريق التلفون يا أنه وقتها كآن تجي من ورآه فواتير تقصم الظهر وتشغله شهر وشهرين ولا ثلاثه شهور مفصول وتجلس طوال هذه المده تجمع في الفلوس من شان تسدد التلفون وترجع الاشتراك مره ثانيه اما الدي سي أل فياسلآم عليـه والله انا مثلك بعد اكرفه كرف اللذينا أربعه وعشرين ساعه شغال ولا يطفى أشتراك بالشهر وبتراب الفلووس التماتييك مشكوره على التثبيت وعلى ردك يا بنت تماتيك وتشرفيني ..
|
|
#10
16-02-09, 02:26 AM
|
|||||||||||||||||||||||||||
|
|||||||||||||||||||||||||||
ايه يا دولة روماينا وريهم العين الحمراء .. أجل دولة رومانيا ومشرفهومالها كلمه على الشعب .. ما تنبلع هذه بالمره ننتظر عووودتك يا رومانيا
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
ـب واغليته؟!
....!! 
العرض العادي
