العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
مصطلح (تكـــفى) مفــهومه وأبعــاده..!
تكفى ترى تكفى تهزّ المعاميل ........ ولولا حلاة البنّ ماقلت تكفى
لاوالله الا زادوا البن بالهيل ..... واصبح ضرب قلبي مثل كعب وطفى في موضوع هو الاندر في هذا القسم سبق تفسير مصطلح (الفزعة) ومن هذا المنطلق طلقا _ كانت العرب تقول للي يعض شليلة انطلق وفي معجم البلدان ذكر ياقوت الحمويّ انها بمعنى أنحش أوهجّ _ <<جملة أعتراضية>> المهم ومن هذا المنطلق حيث تستخدم في الفزعة كلمة تكــــفى بغيت انوّه الى أمتداد هذا المصطلح الى المصطلح اللي طاف <<دروس مترابطة>> ونزولا عند رغبة الأعضاء في تفسير مصطلحات غامضة لهم <<محدن طراتس>> أولا: المفهوم الشامل لمصطلح تكفى: تكفــــى في اللغـــة: مأخوذة من كفى أي بمعنى أهجّد واقضب أرضك والتاء دخلت على أحد أدوات النهي وقلبته الى فعل أمر غرضه الترجي بمعنى أكفينن أمر ما ..<<الأعراب تابع لمنهج نحوي جديد في طريقة الى النشر>> ذكر أبن خلدون في مقدمته الشهيرة كلاما حول هذا المصطلح ومعانيه عند العرب القدامى فقال : تكفى اكفى يكفي كفكف وتجي على حسب المعنى اللي تبيه يعني ضغطة زر.. فأذا قالها الرجال للي ينتخيبه دقّ صدرة الفازع وقال أزهله. وكلمة أزهله تناولها أبن المقفع في كليلة ودمنة يوم جاء يشتكي الغراب للذيب (أبن آوى) من الأسد عاد ابن آوى ضرب على صدره وقال أزهله بمعنى لاتشيل هم ّ يابعديّ وسدح له هاك الخطة والتكتيك الي قضى به على الأسد. وكلمة (بعديّ) تناولها مصطفى صادق الرافعي في رسائله (أوراق الورد) حينما بعث برسالته الى محبوبته وشخط تحتها يابعديّ رديّ بمعنى يابعد نفسي وكياني ..وتأتي بمعنى ياخلفهم حينها أمرت محبوبته ساعي البريد وقالت قلوه :معصــيّ وكلمة معصيّ تناولها خليل مطران في كتابه (فنون النذالة ) حيث أدرج تحت كل فنّ من هذة الفنون كلمة معصيّ أي بمعنى تبطي علامة على العصيان وعدم الرضوخ للطاعة <<حارش مارش>> أما( تكفــى) في الأصطلاح : فهي بمعنى أنتصر لي لأني ماني بكفو فأنا كفيتك أنت بهذة المهمة وغالبا مايستخدم هذا المصطلح اللي ماعنده سالفة وجبان وايضا الفازع ماحولك أحد لأنه يحمل نقص بشواربه ويصير هو بالمطب عاد يجيب العيد لاصار الضحية الشعور الذي يعتري المنتخى به عند سماعه لهذة الكلمة.. هم على نوعان: الأول : لاسمع كلمة تكفى من اللي يسوى واللي مايسوى أقشعر جسمة واحمرت أوداجه وانتفش ريشة <<المقصود بالريش الشوارب>> وشمّر عن ساعده وأهتز هزة عنيفة ونعق نعقة عنترة وأخذ يزبد ويرعد حتى تظنه أنه منذر جيش مابوه ولاعسكري. عاد هذا ريّح نفسك معه ولو تبي يدرس عنك بس قلوه هالكلمة لأن عنده هالمسيكين حساسية واجدة ضدة فهو يعشقها بجنون ويقوّم معه قبيلة النوع الثاني: نفس نوعية الأول من حيث الشكل لكنه يختلف في المضمون فهو يعتريه شعور بالخوف والوجل لاسمع هالكلمة لذلك تجدهم أنطوائيين ومنعزلين عشان مايوهقون أنفسهم مع خلق الله <<وصلت خير مع تحليل النفسيات>> ودايما يتلطمون عشان محد يعرفهم ولاشاف احدن يعرفه يفرّ ويتصدد فهم غير واثقين من أنفسهم كل ذلك كان بسبب فزعة من هالكلمة ويوم فزع راح مثل صيد أمس فأصابته عقدة نفسية نتج على أثرها حبسه في الدرج <<صار دفتر>> أبعـــــاد مصطلح تكفــــى: تنطلق هذة الكلمة من المزح فتصل أبعادها الى الموت والقتل وهذا المصطلح لايستخدمه بجدية الا الشباب المتهور <<هو بوه شاب ماهو متهور>> ولذلك نجد أنه لاتتواجد هذة الكلمة بين أوساط النساء لما عرف عن هذا الجنس من المنطقيّة والحكمة ومن أمثلة أبعاد هذا المصطلح.. مثال حيّ تردد في الوسط السعودي وفزعو قبايل ودنيا كل ذلك بسبب تهور شاب عندما أنتفخت أوداجه من سماعه لكلمة تكفى يوم تعزى به رفيقه عاد جاب طبلونه وجاب العيد يوم طخ خصم رفيقه وطلع رفيقه منه مثل الشعرة من العجين والفازع مطلوبتن رقبته الحين. أظنكم عرفتوه مايحتاج تحديد <<وأنتي بقيتي شي>> ايضا يتداخل مصطلح تكفى مع زوبعة مصطلحات أخرى أنبثق منها مصطلح الشحادة لذا نرى أستخدام المتسوّلين لهذة الكلمة عند الأشارات والمحطات (قدر الله علي وصدمت ومعي عايلة و.......تكفــــــى فزّعتك ......) أما الشعراء فحدث ولاحرج في أستهلاك هذة الكلمة فبعضهم أجاد أستخدام هالكلمة وبعضهم ماعنده الا المهايط <<سبق تفسير مصطلح المهايط مع الأستاذ الجنط>> أما من أجاد : <<أخو أحمدي نجاد>> هاك الشاعر اللي ينخي قبلان <<تصيح لاطرو أسمه>> يوم قال قصيدة تشيب الراس يبي العفو : تكفى بضناك اللي لي اليوم أخوان ..وتكفى بكل اللي لكم يقربوني تكفى أنا مديون لك وانت ديّان ... غمّض عليها واعتقن لاتهوني وذاك اللي يرثي الملتاع يوم يتعزّوا بالطير: ياطير تكفى قول موته أشاعة ... ياويلنا ملتاعنا وين أقفى أما من هايط : <<قريبة لمصطلح تلايط >> هاك اللي يشجب ويقلب الدنيا عشان حبيبتوه ماأرسلتلوه رسالة جوال ولا ّصادف له طخمة بالسوق بس مااعطته وجه أعطته رشاش مزرعة فقام يصفصف له كم بيت يندب به حظه وتجيه كتمه وضيقة وكنه رفيقة عمره من ضمنهم هاك اللي يقول.. تكفين او تكفين تكفين كافين .. تكفين لامن طلبتس لاترديني تكفين رقمي تراه بشنطة أغراضتس ...كل مافضيتي دقي لاتخليني الواجـــــــب: س1/ ماذا أستفدت من هذا الدرس ؟؟ بالله ماودكم توظفوني أدرّس <<وجه ينرحم>> الى لقاء آخر مع مصطلح ثان نفسر أبعاده ومفاهيمه أن الله كتب لنا حياتون. الجنط شف المصطلحات الغامضة بهالدرس وأشرحهن لتلاميذك ياأفلاطون..
|
#2
|
|||||||||||||||||||||
|
|||||||||||||||||||||
الحين الذيب هو اللي يقول ازهله الا صدز وينهوبوه صدر الذيب بظهروه ومن ناحية تكفى لاسمعته اقول ابشر وأوهق خمس نجوم << مبطي عن التقييم
|
#3
|
|||||||||||||||||||||||
|
|||||||||||||||||||||||
شكرا شكرا ياسقراطة موضوع متعوب عليه تم التقييم ابروح ابلع واجي . |
#4
|
|||||||||||||||||||||
|
|||||||||||||||||||||
موضووووووووووووووع من جد رااااااااااااااائع يستحق الوقوف والتصفييييق بحل هالمكان لين اكمل القرايه .............................................. حمدالله قضيت قاريته<<<وجه وهو يبتسم بقووووووووووووه ......................................
لا فض فوووووك ما قلتي إلا الحق موضوعك يستحق وحده من جوائز نوبل فاللغه يلا عاااااااد دبروها يا مشرفااااتنا وتقيمنا لك
تعدى فندق خمس نجوووووم
|
#5
|
|||
|
|||
منين طلعت مقطع هالروز
وقولة تكفى تجيب العيد لاقيلت والحين تهز الغربان بعد
|
#6
|
|||||||||||||||||||||
|
|||||||||||||||||||||
خخخخخخخخخخخ معصي هذي مابه حيله
|
#7
|
|||||||||||||||||||||||||
|
|||||||||||||||||||||||||
ايه الذيب اصلا ماتعلمتو النخوة الا من الذيب هماهو يقولون أنخاك ولا أنخى الذيب صدرة وجبهتوة واحد <<توهقت>> أجل انت مختلط بين النوع الأول والثاني .. كفـــــــــــــــــو .. الا وين أشارتك الخضراء عسى ماشر
|
#8
|
|||||||||||||||||||||||||
|
|||||||||||||||||||||||||
خخخخخخخخخ اما عاد سقراطه .. لاوالله مامن تعب الا كسل والا نية الموضوع مبيّته من شهر بساسة المطابخ ماتجوع الا هالحزة نحتريك أفلاطون..
|
#9
|
|||||||||||||||||||||||
|
|||||||||||||||||||||||
انا بس تكفى يا ابونديم نخيتك مانخيت الذيب شف هالشهبا تقول اني بس ابي نجيب خبره . |
#10
|
||||
|
||||
رزنامتون حياتس وبياتس يالغلا كفــــــــــــــــــو بهاللي قلتي ويالله روحي امسكي هيّودة وخليه تحطلي نجمات..
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |