|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
01-08-07, 05:22 AM
|
|||||||||||||||||||||||||||
|
|||||||||||||||||||||||||||
لو تصير مستشار لخادم الحرمين الشريفين....وش تقول له كنصيحه معقوله وتلبي طموحات الشعب؟
السلام عليكم
يا اخوان البارحه تحلمت وكأني مستشار لخادم الحرمين الشريفين الملك عبدالله بن عبدالعزيز,,,اذكر انه قال وش رايك يابو حميد بأوضاع الدوله والمواطنين وماهي مرئياتك للمستقبل وماهي من وجهة نظرتك القرارات التي يجب ان تخرج لتستمر مسيرة الخير والعطاء في البلد بدون اي ضغط او تكاليف على الميزانيه؟ قلت له شف ياخادم الحرمين الشريفين او يابو متعب ماني متذكر بالضبط  اول شئ لازم تفك العمله السعوديه من الارتباط في الدولار..وضربت له مثل في جيراننا الكويتيين وبصراحه اعجب فيها وقال يصير خير...انا قلت له اهم شئ لاتستشير وزير الماليه والتويجري راعي سوق المال... ثاني شئ قلت له نبي وزير مواصلات جديد..اللي موجود هالحين مااستفاد منه الا الخطاطين اللي يكتبون امامك تحويله  ...نبي وزير المواصلات الجديد فيه فوبيا الطيران علشان يضطر يسافر في البر ويشوف الطرق بنفسه واهم شئ يكون فيه سكر بعد علشان يضطر يوقف في كل استراحه ويقيمها..نبي مثل استراحات ماليزيا والتاجر اللي مايقدر يسوي مثلها يقلب وجهه..اقترحت عليه ان يكون الوزير الوافي 3ثالث شئ قلت له ياخادم الحرمين حنا بلد يسكنه 20 مليون سعودي..بالله ماهو عيب علينا ماعندنا 11 لاعب يلعبون كوره زي الناس ويكون طموحهم المنافسه على كأس العالم,,قال والله انك صادق يابو حميد بس الرياضه ماهي من اهتمامات الشعب السعودي وش اسوي فيهم..لو يبون فريق بلوت والا كيرم معك حق تتشره.. رابع شئ قلت له ياطويل العمر شف لك حل مع مواطنينك اللي مايسددون البنك العقاري..ماصارت في دول العالم,,,هالحين يرضيك الشاب اللطيف حمود الثامن عشر ينتظر 15 سنه علشان يسكن بيته اللي من الدوله..خلهم يسددون  خامس شئ قلت له ياطويل العمر نبي مطار دولي برفحا..قال هذي صعبه وقويه شوي وبيزعلون علينا اهل القصيم اكبر من رفحا ولاسوينا لهم مطار دولي,,,حاولت اقنعه بأن القصمان مايحبون السفر بس رفض الفكر وهددني بالتقاعد  سادس شئ اقترحت عليه اجبار محافظي المحافظات ومدراء الدوائر الحكوميه فيها على وضع ارقام هواتفهم الخاصه لتلقي ملاحظات واقتراحات وشكاوى المواطنين واللي ماعنده استعداد يزعجه الشعب يروح ينام عند امه سابع شئ قلت له ياطويل العمر ليش مايكون لوزارة التجاره موقع الكتروني خاص بأسعار السلع في السعوديه بمافيها الخضروات والفواكه..يعني مايكون عندنا تفاوت بالاسعار بين محل ومحل..قال صعب مراقبة الاسواق وتوعية المواطنين اصعب..دور على اقتراح احسن..لازال البحث جاري ثامن شئ اقترحت عليه فتح التجنيد الاجباري للعاطلين عن العمل..خله يكرف سنتين ونصف مثل السوريين علشان يعرف النعمه اللي عايش فيها وبنفس الوقت نقضي على اشباه نانسي عجرم من هالشباب الجدد...زعل علي وقال بدل ماتشوف لنا طريقه نوظفهم جاي تقول تجنيد اجباري تاسع شئ قلت له يابو متعب نبي تنزل ارامكوا السعوديه للاكتتاب العام..فشلونا شعبك..يقولون بعضهم راحوا لعمان يحسبون اعصار غونو اكتتاب وغرقوا هناك المساكين اخي المواطن السعودي,,من وجهة نظرك ماذا ينقص المملكه العربيه السعوديه وماهي اقتراحاتك المعقوله واكرر المعقوله لان الغير معقول لايصدر من انسان عاقل...
|
|
#2
01-08-07, 06:51 AM
|
||||
|
||||
وعليكم السلام ورحمة الله وبركاته الله يرفع قدرك عاد مستشار للملك مره وحده المرور هالدائره سلمك الله دخلها يوازي دخل البترول مخالفات يوميه حتى اذا مالقى شي رجل المرور بدأ يطالع بوجهك يدور مخالفه بخلي عقوبات صارمه توقيف سجن لمن يقطع الاشارات او يمارس التفحيط الغي التأمين على السياره او اخليه اختياري مو اجباري الشرطه والله ماعاد هم زي اول الحين الدشير ماتحلى لهم الدرشره والهستره الى قدام رجل الامن ماعاد لهم الهيبه اللي قطعت قلوبنا زمان بخليهم زي الحرس الوطني بالرياض الكل يضرب لهم حساب واخلي مع كل واحد عجرا واعطيهم صلاحيات بتربية كل قليل ادب ومحتاج يتربى التعليم وصراحه ماهمني الا البنيات الضعيفات اللي بعضهن تداوم 170كم عن بيتها وتروح وهي على اعصابها مع رجل لاتعرفه ولايعرفها ياخذ ربع راتبها عشان يوديها ومانسمع من حوادث وموت بالجمله لهن احاول التنسيق بحيث جعل كل معلمه تبقى منطقتها وانا كان هناك صعوبه في ذلك اجعل هناك باص يقوم بتوصيلهن على حساب اداره التعليم الصحه 8 8 اسالك عندنا صواريخ نوويه آه آه آه يالصحه الكلام يطول هنا لي رجعه بروح اشيك على باقي الدوائر والوزارات لاني مستشار مولعبه حمود الله يحفظك ويسعدك
|
|
#3
01-08-07, 06:54 AM
|
||||
|
||||
|
لو استشارني >>>>>>>>>>> ايه طيب يصير خير ان شاء الله
أقول الله الله بالجيش ايران جيشها لا يقل عن مليون جندي لا ومعهم نووي هذا من غير روافض العراق وظفوا الشباب العاطل في الجيش وخلوا عندنا قوة يحسب لها القاصي والداني الف حساب سلاح من دون جند ماينفع والبلد ما يحميها الا عيالها
|
|
#4
01-08-07, 08:09 AM
|
||||
|
||||
|
أقول
لنخرج من حلف أمريكا نحن دولة أقوى من أن تكون تحت جناح أمريكا وعملتها ولديها من الرجال الكثير وبصراحة هناك الكثير من الأمور التي تحتاج إلى إعادة النظر والتغيير فيها سهل لكنه بحاجة إلى كلمة فقط من الملك الصحة - المواصلات - الطرق - الجيش - الأمن - الشرطة - قوانين حماية المستهلك - الشباب - التعليم لكنك كفيت ووفيت أخ حمود
|
|
#5
01-08-07, 08:20 AM
|
||||
|
||||
|
السلام عليكم ورحمة الله وبركاته
أهلاً وسهلا بالأخ / حمود ثمنتعشش احلام اليقظة اتعبتنا ..ولو ، ياليت ، وياليت ما تعمر بيت .. وان حصل يوم وصرت مستشار ، فحينها لكل حادثٍ حديث . أما الآن ، فلا أريد أن اكتب له ما في نفسي وهي لا تتعدى هذه الصفحه . الله يوفقه لما يحب ويرضى وينفع به الاسلام والمسلمين .. بدرري
|
|
#6
01-08-07, 09:32 AM
|
||||
|
||||
|
لو تفتح باب الشيطان
.. كان ما تعديت المطالب الي طلبها الشباب فوق فهم كفو ووفو
|
|
#7
01-08-07, 09:37 AM
|
||||
|
||||
|
وعليكم السلام ورحمة الله وبركاته
لو كنت مستشار أول شئ بسويه هو أغلاق منتديات قصيمي نت !! 
|
|
#8
01-08-07, 09:53 AM
|
||||
|
||||
|
حمود لا استبعد انك من مستشاري الملك يا اخي افكارك مايقولها الا واحد ماذاق تمرمط بلادي اجل العاطلين بدل مل تقول وظفهم تتأمر ان الدولة تكرفهم وبعدين تقول انقلعوا فوق الهم الى هو فيه تزيده هم بدل ماتقول توظفهم تصرف اعانه وتسجن الى عليهم ديون <<< تعرف ان في ناس رب اسرة اذا ضاع ضاعت اسرته كلها لا وتجيب مطار دولي برفحا عشان توفر طريق البر عليكم للاردن في الويك ان <<< الحين ذا طلب نقوله للملك حمود ترى في اشياء اهم من نصرف على دول ثانيه ولاندبل مكافأة تشويت الكورة نجي للمفيد لو كنت مستشاره للملك راح استقيل لاني مافيني شدة لدهن السير <<<<كيف الحال
|
|
#9
01-08-07, 10:35 AM
|
||||
|
||||
|
|
#10
01-08-07, 01:12 PM
|
||||
|
||||
|
بشور عليه بالتعجيل في إقامه الحدود
ومعاقبة كل من يثبت تقصيره في جميع دوائر الدولة بغرامة مالية والفصل النهائي وشكرا لك
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
