مرااااااحب ..
اول مره انزل موضوع هووون .. مع اني من محبين الطبخ والنفخ..
ما علينا .. في الحقيقه والواااقع اني مدمنة سينبون ..ودااايم اسويه واذا مالي مزاج اسويه .. ارسل احد يجيبلي .. المهم اني آكل سينبون ..
والسراحه يوم شفت الكل يمدح شغلي فيه ..قلت انزل طريقته لكم ..عشان تستفيدون خصوصاً ان طعمه قرييب جداً اذا موب نفسه اللي يسويه
==> 
مالي شغل اذا ماضبط معاكم 
هذي صورته اليوم سويته وصورته لكم ..
8
8
مقادير العجينه
4/ ملاعق سكر
4/ ملاعق حليب بودرا / جاف
1/ملعقه خميره
ربع ملعقه صغيره بكنج باودر
1/كأس ماء ==> دافي
ربع كاس زيت==> عن نفسي ما استخدم الا زيت دوار الشمس ..افضل واخف
2ونص/ كأس دقيق كويتي
تخلط جميع المقادير بالخلاط عدا الدقيق
بعدين تصبين الخليط على الدقيق وتعجنينه لحد ما تضبظ معاك العجينه وماتمسك بيدينك ..وممكن تزيدين بالطحين اذ احتجتي
غطي العجينه وحطيها بمكان دافي لحد ما تتخمر و يتضاعف حجمها
بالنسبه لحشوة السينابون ..نحتاجين لــ
نوتيلا
صحن تخلطين فيه 4 /ملاعق سكر بني ومثلها قرفه مطحونه
بالاضافه لـ 2 /ملعقه شوكلاته بودرا
تقسمين العجينه لجزئين ..وبعد فردها تدهنين العجينه بشوكلاتة نوتيلا .. بيكون صعب توزيع الشوكلاته على العجين لكنه انتي وزعيه بقدر استطاعتك ..
بعد كذا رشي عليه السكر البني والقرفه والشوكلاتة البودرا وعبي العجينه كلها حتى الاطراف لاتنسينها
ولفي العجينه وقطعيها بالحجم اللي انت تبغينه وصفيها بصينيه تيفال مدهونه بشوي زيت .. وغطي العجينه وخليها ترتاح لمدة من نصف ساعه الى ساعه
بعد كذا دخليها الفرن بس لاتطول عشان ما تصير يابسه 
اذا طلعتيها صفيهم بطبق التقديم .. وصبي فوقه الصوص الابيض وصوص الشوكلاته
مقادير الصوص الابيض :
2/ ملعقه قشطه
نص / علبة حليب مكثف بالحجم الوسط
3/ حبات جبن كيري
وبـ الخلاااط
صوص الشوكلاته
بيالة سكر
نص بيالة مويه
تطبخينهم على النااار لمدة عشر دقايق
واذا شلتيه من على النار تضيفين له ملعتين شوكلاته بودرا ..وحركيه لحد مايتجانس الخليط وممكن تزيدين بالشوكلاه اذا حبيتي يكون لون الصوص بني غااامق
وصحتين وعافيه على قلوبكم 
01-01-12, 05:21 PM
الله يعطيك العافيه
العرض العادي
