العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
هكذا هي المصيبه
................ ادخل يده اليسرى في جيبه الايمن...الممتلئة بالمناديل المتعفنه.. باحثاً عن مفتاح السياره ... وهو ممسك بيده اليمنى علبة الببيسي .. وحاط الشفاط في فمه...وقاعد يشفط منه ..دخل يده اليسرى زود.. طلع المناديل الوسخه. ورماها في الشارع... المفتاح وينه... جاه شعور مرعب.. بطنه بدا يعوره ...دايم تجيه ذي الحاله في مثل ذي الحالات.. طلع الشفاط من فمه..ورمى العلبه وراه..دخل يده اليمين في جيبه الايسر.. بدا يدور بكل ايدينه.. طلع البوك..رماه بالارض..قعد يدور بكل قوه.. طلع يده اليسار ودخلها كلها في الجيب الي عند صدره... مالقى شي.. راسه بدا يحكه..طلع يده اليمين وحطها بشعره وبدا يهرش بسرعه.. خلص من الحك.. فكر ..وين المفتاح ... خطرت في راسه فكره ..تدل على نباهته.. يمكن في الجيب حق البيجر بس ما دورت فيه زين .. ويقوم يدخل ايدينه من الفرح بالفكره بكل الجيبـين وبقوه ومع الحماس انشق الجيبـــيـن..... ما لقى المفتاح .. بطنه يمغصه زود ... جلس وهو ماسك بطنه ..ويحاول يفكر بالمفتاح ماهو قادر.. حك راسه مرة ثانيه.. وثالثه ورابعه.. خف بطنه.. أخذ أحد مناديله المتعفنه الملقاة على الأرض ليمسح يها نظارته .. يفكر ....وش اسوي ....وش اسوي .. المفتاح وضاع.. قال ما فيه الا هي .. اروح للبيت .. وادور مفتاح الاسبير ..وارجع .. اتجه للمصعد .. ضغط على الزر .. حك راسه شوي.. لحظات وانفتح الباب... وفجأه وبلا شعور ..رفع رجله بحركه احترافيه مطيراً الزبيريه.. الى يده التي التقتطتها بحرفيه وكأنها تدربت على هذه الحركه مئات المرات.. ليرجع بها الخلف ..ثم يرميها بكل قوته على البسه التي لمحها بأجزاء من الثانيه.. وهي..تتمخطر على جدار المواقف.. لتضربها مع جنبها الايمن لتسقط من الدور الرابع وهي تصرخ بكل قوتها..... ميااااااااااااااااااااااااااااااااو احس بالزهو والافتخار ... لكم حلم بمثل هذه الرميه كل اطفال حارتهم ... لكن للأسف لا احد هنا ليشهد له ..قيامه بمثل هذه الرميه الخطافيه.. قطع كل هذه الافكار ....بحكه على رأسه. والتفت ليتجه الى المصعد...و خبط على خشته عندما صك بماصوره ما ادري وش تبي. قام بسرعه عشان ما احد يشوفه والتفت يمين ويسار.. واطلق هواء من صدره ..وقال اشوا ما فيه احد.. انتبه النظاره وينها ....دورها على خشمه ما لقاها.. ويدور يحاول يشوف.. يمين يسار ..ما لقاها.. قرب راسه للارض وقعد يدورها.. يفكر وبدا يحس بالم من جديد في بطنه ..قرب من الباب.. بدا يتلمس..المصعد ..لقى الباب ما صك زين..حط يده بالفراغ ونزل تحت بيده..لين وصل للأرض..بدا يلمس اشياء متكسره.. مسكها وقربها ..لعينه وفتح عينه بأقوى ما عنده.. اطلق الهواء الي بصدره...اووووووووووف. المفتاح وضاع ..والبيبسي وكبيته..والنظاره وانكسرت.. الله يعين.. يفكر في نفسه استغفر الله..كل الدبجه..وكسرة النضاراه..والثوب الي طلع رسمه سرياليه من الغبار....والزبيريه الي ما ادري وينها... من دعوة البسه... والله شكلها دعوه جامده.. يفكر بنفسه..اذا احد سواي لي شي...باقوله..ميااااااااااااااااااااااااااااااااو عشان يتوب وما يسوي لي شي.. طلع واخذ له شهيقه كامله... وحك راسه.. ومشى باتجاه الشارع..وصل لحافة الرصيف .. ورفع يده اليمين وهو مسوي حركة اوكي..ويحركها من الامام للخلف.. .. دايم بافلام الكرتون يسوون كذا..ويقفون لهم السيارات.. لكن.. دقيقه.. ثنتين .. عشر.... ربع ساعه... 22دقيقه.. ما احد وقف له.. نزل يده .. وشوي الي يشوف نور من اليسار ويكبس له.. وقف عنده.. ايوه صديق.. انت ابي ليموزين.. بلا اي جواب ..ركب معه .. مشى الليموزين..وصف له البيت وانطلق الليموزين.. راعي الليموزين..باكستاني..طوله 186سم هكذا قدر طوله..وشلون ما ادري الباكستاني .وهو يغني مع الاف ام الاماكن كلها مشتاقه لك... و العيون اللي انرسم فيها خيالك قال بنفسه.. ما هو سهل ابو بكس ..يعرفها.. رد عليه الباكستاني ...ايوه انا إعرف ابو نوره.. هازا نفر كويس..هازا دايم ايجي في كل مكان.. اف ام ..هازا دش ..كلو قناة جيب .. إنت هوب ابو نوره... بلع العافيه ..وهويقول بنفسه وشلون سمعني ابو بكس... رد عليه الباكستاني..ايش ابو بكس .. عقب هالجواب انطم.. وبعد عشر دقايق سأل الباكستاني.. هيه ..محمد كم حساب.. الباكستاني وهو يغني مع ابو نوره.. جيت قبل العطر يبرد قبل حتى يذوب في صمتي الكلام و احتريك كنت ازن الريح .هازا حساب ثلاثين ريال.جابك عطرك يسلم ألي كنت ازن الشوق جابك تجلس بجنبي شوي كنت ازن .. و كنت ازن...و خاب زني و ما بقى بالعمر شي و احتريتك.. دخل يده في جيبه بيشوف عشان يطلع الفلوس .. ويقمز في مخه..المشهد يوم ينطل البوك ..على الارض.. يقاله ان هذا المشهد ..سينمائي .. وانه يدل على حماسه في تدويره للمفتاح.. على المفتاح..قال باسويه عشان يعجب المشاهدين فيه .. واخر شي هذاني اآكل تبن مع هالباكستاني.. قعد يسب في نفسه..شارون وشافيز ..ونجوى كرم.. وعلي ابن جيرانهم ..وسليمان العيسى..والقطوه..وابو نوره.. وميري الممرضه الي قصت سره..أي واحد يخطر في باله يقعد يسبه.. وش الحل.....يفكر.....وش الحل.. قاله الباكستاني.. هل ايش .. رد عليه خلك في غناك وانت ساكت.. وفكر فيها بصوت واطي عشان ما يسمعها الباكستاني.. وطرت في باله فكره..كان يسويها اول ايام الثانوية.. ((ابد يوقف الليموزين عند مدخل العماره ويهج بسرعه داخل العماره.. وينطلق قبل لا يلحقه السواق ويدخل شقتهم بسرعه..وينام الى المغرب ..)) وقرر انه يسويها.. وصلوا للعماره.. قاله الباكستاني وين فلوس.. قال شوي انا جيب من فوق..قاله الباكستاني وين هنا فيه وين هنا فيه ...إنت اهسب انا ابو هنود العب علي.. .............. يوم شاف الدعوه كذا ...ويفتح الباب وينطلق للباب العماره..بسرعة الصاروخ و دربــــــــــــــــــــــق صك الرصيف بالراس وأظلمت الشاشه تدريجياً وهي موجهه على رأسه..الذي غطته الدماء.بمشهد سينمائي يغطي على مشهدغرق سفينة التايتنك.. فتح عينيه...دخل ايدينه جوا عيونه وقعد يفركها من الغمص.. حس بألم في راسه.. ويلمس دمجته ..ويحس فيها شي ناشف وما هو ناشف ..قعد يحبرش فيه .. ولا يصقع بقطعه يابسه فيها.. ويوم يدخل اضفره من تحتها .. ويقشع ابو القطعه .. وهو يصرخ ذيك الصرخه.. ولا الدمامين تخرخر على وجهه.. ويقوم وهو فزع..ولا ثوبه مليان دم تقل قميص جزار يوم العيد.. ويفسخ ثوبه الي غادين احمر ..ويعفطه..ويحطه فوق راسه.. انتبه للمكان وين انا ... وش جابني هنا.. ويقوم يتفرج الا وهو تحت بيت الدرج.. ويطلع منه..الاوهو في عمارتهم.. ويوم يتذكر ..ليلة البارحه ..المفتاح ..والببيسي..والمناديل الوسخه.. وذبة الزبيريه الي ما سواها في العالم الا ثلاثه..اثنين ماتوا وبقى هو.. والباكستاني المهوي..الي مسوي عبدالله السدحان.. يوم يوسوس. . والنقزه السباحي الي على الدرج.. شكل ابو بكس شاف الدمامين تخرخر خاف و نطله تحت الدرج وهج.. قطع تفكيره.. وياكثر ما يقطعه..لا يوجد احترام بينه وبين تفكيره..بس يقطع تفكيره.. وتفكيره يقطعه.. اتجه الى شقتهم..حط ظهره على الباب.. ورفع رجله وقعد يطق مثل البزارين بكعبه.. حن لايام الطفوله..وحركات البزارين.. انفتح الباب ..اخته الكبيره..فتحت الباب ..وما ناضرت من هو.. بدون اي كلام راحت لغرفتها.. عشان تكمل نومها.. دخل وبدون اي كلام اتجه للحمام ..حط ثوبه ..و قال بنفسه يا كثر ما تنفلق هالعايله...ما فيه واحد منهم يعرف يمشي زين.. مسح رأسه.. وحط عليه مناديل لين وقف الدم .. لبس ملابس جديديه..غير ثوبه.. دخل على غرفة اخته..لقاها الى الحين طايحه بغرفتها.. اخذ نظارتها من درجها ..واخذ سبعين ريال ..مغبيتها تحت السرير في وسط مجلة سيدتي.. ثم راح للصالة..ويروح يرفع التلفزيون ..ويطلع مفتاح الاسبير من تحته.. ويطلع من الشقه... وينزل..وهو طالع القى نظره ..للعتبه الي عطاها وحده براسه..لقاها منشطبه وعليها دمان.. احس بنشوة الانتصار اتجه لاقرب شارع عام وقف ليموزين..بنغالي ..طوله حول 160سم ..هوايته تحديد اطوال الناس.. ساكت هو وياه.. القى نظره على بقايا نظارته ..ثم أكمل مسيرته.. وصل الى سيارته..ادخل يده في جيبه..اخرج يده وهي حامله ..مفتاح الاسبير.. وضع يده على سيارته .. ثم القى نظرة على الارض ليرى بوكه ملقى ..بكل شموخ .. التقطه ودسه في ثوبه.. وأدخل مفتاح الاسبير في القفل .. ولكنه اصطدم بشيء.. حاول مره اخرى وهو ينظر الى علبة البيبسي ..لكنه لم يفلح.. انزل رأسه الى الاسفل..ليرى المصيبه .. نعم مصيبه.. لقد وجد المفتاح على القفل... في البارحه عندما..أدخل المفتاح في القفل..تذكر البيبسي حقه.. واشتاق لشفطة منه.. فرشف منها رشفه ثم بدأ يبحث..عن المفتاح..والخ اختلطت في نفسه جميع المشاعر الانسانيه...من حزن الى استحقار .. الى حقد الى فرح .. الى غثيان اراد ان يصرخ..أراد ان يتقيأ..أراد أن ينتقم .. ولكنه بدلاً من ذلك كله .. حك رأسه.. مايستفاد كيف تحك رأسك وانتا في قمة الأ نتصار .......
|
#2
|
||||
|
||||
إبدااااااااااااااااااااااااااااااااااااااااع
والله تسلسل للأحداث غريب و(( شيق )) .. غطيت على دان براون يا شيخ تحيتي لك ،،،
|
#3
|
||||
|
||||
0
|
#4
|
||||
|
||||
من كثر ماحك رآسه .. جتني عدوىآ الحالة
تدري .. مشكلة لاصار اول شي تسويه في يومك انك تدخل منتدىآ وتقرا مواضيع بس ماتعرف ترد .. لسبب بسيط .. وهو انك ماصحصحت ولكم بآك يابو الشوق .. تثبيت لعيون الابداع ولاعيونك المغمصة مالها شي
|
#5
|
||||
|
||||
ابدااااااااااااااااااااااااااااااااااااااااااااااا اااااااااااااااااااااااع وربي ابداع
بصراحه الاحداث متناسقه والوصف دقيق و جميل ... أنا بصراحه مثل ما يقولون أرفع لك الطاقيه على هالموضوع >>>> الطاقيه وطنيه أما القبعه غربيه تسلم هالانامل يا أخ نواف على الموضوع الرووووعه وما قصرت وفي انتظار جديدك تقبل مروري
|
#6
|
|||
|
|||
إبداااااع << وش حيث اللي فوقي يقولونهـ وأنا لا
هههههههههههههههههههههههههه ياكثر ماتصير موااقف ودي أوقف عند المرايهـ وأعطي نفسي كفووف على الفهاوهـ والتناكهـ تقل أنهـ ذكرني برحمالوف يوم ينسى مفتاحهـ داخل سيارتهـ << بتتكفــخ عوااافي خيي ولا عاد تقطع
|
#7
|
||||||
|
||||||
ابدااااااع <<نفس الي فوقي كلهم قالوا ابداع الصرااحه لو انا مكانه كان انتحر اول ما شفت المفتااح بعدين الولد مهبوول يسوي الحركات هذي مع ابو بكس.. ..قسم لو انه مسكه ان يطلع له نجووم الظهر .. الا تعال مشاء الله عليك فيه معلومات دقيقه جايبه ....مثل اخته مغبيتن الفلوس بمجلة سيدتي يعطيكـ الف عاافيه ابو شوق
|
#8
|
||||
|
||||
~ حسيت بحالة احباط يوم قلت انكسرت النظاره صذز معاناه حاستن به >>للحين الاخت مصدقه هههههههههههههههههههههههههههههههههههههههههههه
الحين كل هالمعاناه بسبب المفتاح واخر شي لقاه بالسياره لو اني منه احقد ع سيارتي همن ابيعه ههههههههههههههههههههههههههههههههههههههههههههههه عوافي نواف موضوعك فللله ويستاهل التثبيت
|
#9
|
||||
|
||||
..ههههههههههههههههههههههههههههههههههه
كل هذا علشان مفتاح لوني منه كان اكسر النافذه <ماعنده وقت ههههههههههههههههههههههههههههههههههههه ولا يوم يشق مخباه ولا المناديل ههههههههههههههههههه بس بصراحه ماشالله عليك سويلفتن منسقه بس اخافه يطلع بنهايه هذا انت اللي مضيع المفتاح هع عوافي وننتظرجديدك ..
|
#10
|
||||
|
||||
.. (ادخل يده اليسرى في جيبه الايمن...الممتلئة بالمناديل المتعفنه..)
هذا جيب والاشنطه طول القصه وهو مدخلن يدينه ويقط من هالمناديل يفكر وبدا يحس بالم من جديد في بطنه ..قرب من الباب.. بدا يتلمس..المصعد ..لقى الباب ما صك زين..حط يده بالفراغ ونزل تحت بيده..لين وصل للأرض..بدا يلمس اشياء متكسره.. مسكها وقربها ..لعينه وفتح عينه بأقوى ما عنده.. اطلق الهواء الي بصدره...اووووووووووف. المفتاح وضاع ..والبيبسي وكبيته..والنظاره وانكسرت.. الله يعين.. من هالمقطع حسيتك تعرف تحتسي وتكتب روايات موضوع اخر روقان ولكم بااااااك نوواف ونوووورت المنتدى
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |