العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
بعض الهرج يقول لراعيه اتركني
هذا شخص غرد بقصة خياليه عن شخص يقاله سعود الوحش
Screenshot_٢٠١٩٠٦٠٣_٠٧٥٣.jpg القصة ماتدخل العقل ولانها ماتدخل العقل استلموه المغردين انا لي ساعة وانا ماغير قوة ضحك مع نفسي تقول مجنون من التعليقات حقت الناس اللي ترد ع تغريدته الله لايحطني في مكانه 😂 زبدة الحكي مو كل هرج ولو ثبت صدقه عندك تقوله بحط لكم بعد شوي قصة بطل صاحب التغريده واللي وده بالاستزاده يروح هناك المهم مثل ماعلمتكم حكي ماينقال لاتقوله بالذات في عالم مفتوح مثل تويتر 😅
|
#2
|
||||
|
||||
رد: بعض الهرج يقول لراعيه اتركني
|
#3
|
||||
|
||||
رد: بعض الهرج يقول لراعيه اتركني
|
#4
|
||||
|
||||
رد: بعض الهرج يقول لراعيه اتركني
|
#5
|
||||
|
||||
رد: بعض الهرج يقول لراعيه اتركني
رحمت صاحب التغريده
ولكن هذي عبرة استشفيت من خلالها حكمه احببت ان اطلعكم عليه وهي ان الهرجه اللي ماتنقال لا تقولها مو زمان يقولون لنا القصمان هنيه الكلمه اللي تستحي منها بدها الحين طلعت حكمتهم فشوش والدليل زي منتم شايفين هناك😆
|
#6
|
||||
|
||||
رد: بعض الهرج يقول لراعيه اتركني
سعود بين انه متعافي هذي مافيها جدال والدليل كتوفه ماشاء الله لاقوة الا بالله
(عافية الرجال تبان في كتوفه ) ولكن مهما كان القصة ماتصل لدفس باب جيب الدوريه عشرة متر ( حاسبها بالملي ماشاء الله عليه )
|
#7
|
|||
|
|||
رد: بعض الهرج يقول لراعيه اتركني
لاتقول مايصير كل شي جايز .
انا بذكر لك قصه وقفت عليها شخصيا كنا شباب ساكنين شقه في حي الرمال معروف هالحي والشقه علويه وفيها مجلس تحت ارضي تبع الشقه دخل علينا واحد يبي يسرق وكنا وقتها نايمين بالشقه الشخص هذا عرفناه بعدين كان معروف في ذاك الحي محد يرده من قوة بطشه مسكناه وصاح الصايح ولاخذا الا كل غرفه طالع منها اثنين عليه كلهم متعافين ونمسكه ونكتفه ونحطه في المجلس اللي تحت عرف عن نفسه هو وقام يهدد والله لو تبلغون لاسوي واسوي فيكم حنا مالنا في المشاكل عرفناه بسمه .. قفلنا عليه في المجلس والله ان الباب محد يقدر يحركه باب حديد وفصالات حديد وكيلون وجلسنا نتشاور ومسكت مع واحد انه يبلغ واللي يصير يصير بلغ هذا الشخص .. حنا جالسين في الشقه ماسمعنا الا الهبده والله انه خالع الباب بكبره ومنحاش ... هذي من القصص اللي ماتنقال لكن جات على بالي يوم موضوعك فيه من اللي ماينقال .. تبون تصدقون صدقو بتكذبون بكيفكم .
|
#8
|
||||
|
||||
رد: بعض الهرج يقول لراعيه اتركني
ودي أصدق أنه مكلبش ومقيد
ورفس باب الدورية وطار الباب 10م بس قوية مو قادر أصدق، حتى بالافلام الهندية ماسووها ولكن وربما فعلاً الرجل ممن أعطاهم الله قوة بالجسد وكان راعي فتوة ومشاغبة وفعل وعمل ولكن صاحب التغريدة بالغ بطريقة الوصف حتى وقع بالخيال في رواية القصة
|
#9
|
||||
|
||||
رد: بعض الهرج يقول لراعيه اتركني
ليتك كاتبها هناك ياصنقيل ممكن الباب حديده ابو كلب احيان حديد ابو كلب يساعد علي الاكشن تعرف ناس كثير في المنشن يقولون انه كان ابضاي وزكرت ممكن انا شكيت لان الرجال لاصارات كتوفه مليانه حاول انك تخليه صديقك قد ماتقدر😬 عموما شكرا علي هذي القصة اللطيفة وابشرك تراني مصدقك
|
#10
|
||||
|
||||
رد: بعض الهرج يقول لراعيه اتركني
في مصر ( بالفيديو ) وله عده مقابلات تلفزيونيه رجل بقوة رهيبه
يشيل السياره بيده (قدام الكاميرات ) .. يقول انه لايصافح احد بيده لو صافح احد كسر يده يلوي العمله المعدنيه باصبعين ( اليوتيوب ) لاتقولون يألف |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |