العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
عزيز وطلب من عالي الراي ... مدري نصحته والا عميته
بسم الله الرحمن الرحيم السلام عليكم ورحمة الله وبركاته في البدايه ... الحمدلله الذي بشكره تدوم النعم وبعد عناء طويل وكم هائل من الديون تمكنت بفضل الله من إكمال منزلي الخاص وتأثيثه .. كما يسعدني ويشرفني أن تقوموا بزياره لملفي الشخصي للإطلاع على صور منزلي المتواضع ولو كان الأمر بالتمني لزادني شرفاً تشريفكم لمنزلي على أرض الواقع ضيوفاً كراماً<< يمكن بعضكم يتوهق ويخلين اشرف على عمار بيته ههههه ترى كل هذي مقدمه نجي الآن لصلب الموضوع ابشركم آخر واحد من شلة الأنس ( ربع الاستراحه ) يبي يتزوج قريباً خلاص لقى نفسه خارج الخارطه.. بتالي الليل ماحوله أحد .. وبالسفر الكل يتصدد عنه ههههه هو تقريباً بأعمارنا وراتبه جداً ممتاز وعنده ايرادات أخرى (اعمال حره) يعني باختصار مغنيه الله ماشالله الله . بعد عناء طويل من البحث وجد بنت الحلال والتي حسب قوله انها بنت حموله وتطابق مواصفاته طلب رايي ومشورتي بأمر الا وهو : هل من الأفضل أن أُظهر لهم انني شاب غني ووضعي المادي ممتاز كنوع من الترغيب بي ؟ أم أخفي ذلك عنهم لكي لاأجد نفسي قد وافقوا أو وافقت ابنتهم لأجل هذا الشي او على الأقل جعلته أحد أهم الاسباب لموافقتها علي ؟ عالي قال لصديقه وبدون تردد : اظهر أمامهم بما يظهر به أغلب الشباب .. الوظيفه وسيعرفونها أما الباقي فلاتفصح به لهم .. فإن كانت موافقتهم لأجله .. فلاخير بنسبٍ يصنعه المال .!! اسكت قليلاً ثم قال وهو متردد صح عليك ! << يبدو ان الرأي لم يعجبه ههههههه قالها من دون اقتناع !! فقلت في نفسي .. هل انا أخطأت بالمشوره .. أم أن البنت قد سلبت عقله .. واخترقت قلبه .. وسيرمي كل اسلحته .. بما فيها افصاحه عن ماله .. لضمان الموافقه على جنابه .. اسكت وماحاولت استمر باقناعه حتى اسمع كلامكم وبعده إما ان اسحب مشورتي أو أواصل إقناعه بها .. مدري ليش وانا اشوف تعبيرات وجهه تذكرت إغنية راشد:
(احترت ياراشد معاك في عيونها شفت الهلاك يعني نسميها ملاك لا هي احلى من كذا ) ههههههه وسلامتكم
|
#2
|
||||
|
||||
الله يتمم له على خير ويجعلها من نصيبه
إذا كانت البنت عاجبته وأهلها محترمين يقولهم على حالته المادية بدون تردد هو اللي شاريهم الناس تدور الستر لبنتهم قبل الفلوس والمظاهر
|
#3
|
||||
|
||||
منزل مبارك ولاتنسى اتشغل سورة البقرة كونه منزل جديد الله يهنيكم وبعدين رأي من رأيك موضروري يبين لهم حاله غير الوظيقة والله يوفق الجميع
|
#4
|
||||
|
||||
مبارك لك المنزل تسكنة وتتهنى فيه ....اوعدنا يا رب
ما شاء الله تصميم واثاث وكيكوور روعة اما سافلة الخطبة ..انا في رايي ر تقول لهم على الدخل غير الوضيفة اذا كانو ناس ماديين والله راح يفصفونك عدل اما اذا كانو مساترين الحال راح يرضون فيك بالى تجيبة لهم الله يوفقك ..
|
#5
|
|||
|
|||
الحمدلله على سلامتك وتراك طولت الغيبه من زمان عن مواضيعك
منزلا مباركا والله يهنيك ويسعدك اخوي صديقك عادي يظهر لهم كل ما عنده ومافيها شي وياحلو الصراحه بكل شء تسلم اخي
|
#6
|
|||
|
|||
بصراحه روعه البيت الله يهنيكم.......
وبعذرك ..كلشن حاطه......لو صلعت...... بس يله الله يجعله منزل مبارك..... عالي ابرسل الحفاله وشلووون؟؟؟ المهم....... نصيحتك حلو لخويك..فعلا وشوله يدرون بكل شي؟؟ الاعمال الحره مهب دارين عنه.. قل اجحدهن وعقب شف البنت بعد لاتقعد تهذ مسباحه لاهله... اغلب الرجال لهم اعمال ثانيه وساكتين حريمهم.. واخاف تلحقهم الشفاحه اذا درو ان الله منعم عليه.. يبي يتشرطون ويبزعون بشي ماله قيمه....... تسانه يعز عليك وياخذ بنصحك استمر.. وتسانه يدربي راسه ويصرفك اسفهه لاتبرم حرف.........
|
#7
|
|||
|
|||
منزل مبارك والله يعطيكم خيره وكفيكم شره
بالنسبة للموضوع يقولهم الوظيفة الاساسية بدون الاعمال الحرة اذا سألوا عنه بعدين هم راح يعرفون بدون مايقولهم .او يسألونه اذا له مصادر دخل ثانية يكون صريح معاهم ويعلمهم لان اهم شي البنت تكون مقتنعه فيه هو مو فلوسه لان اغلب البنات اذا جاهم ميسور الحال وافقت علشان تشتري وتلبس وتسافر واذا رفض زوجه زعلت وطمحت يعني مو موافقة علشان الزواج نفسه والستر وهو ان شاء الله مو مقصر معاها بعدين.
|
#8
|
||||
|
||||
ماعندي تعليق على الموضوع .
تعليقي عن بيتك ..ماشاءالله تبارك الرحمن . حلووو ..وتتهنو فيه يارب. وعقبالنا .
|
#9
|
|||
|
|||
ماشاء الله تبارك الله..........
منزل مبارك الله يهنيكم ويتمم عليكم ويكفيكم شر من به شر <<دعوة عجوز... بالنسبه لصديقك ماله داعي يعرفون الانساب كل شي يعني اذا اخلاقه زينه وماعنده فلوس يبي يكرشونه ترى اهم شي اخلاق الشخص وغيره يسهل الله ... عالي ماقلت لنا متى النزاله ...............
|
#10
|
||||
|
||||
منزل مباااااااااااااااااااارك
وعلى ماأظن يقولون في هالمناسبات الله يمهلك ولا تسألني عن معناها00 وبالنسبة لخويك أذا سألوه عنده موارد ثانية يجاوبهم بصراحة وان ماسألوه خلاص ماله داعي يتكلم يمكن يفتح على نفسه باب فيطمعون فيه ويستنزفونه الله يوفقك انت وياه
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |