|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
05-11-10, 07:57 AM
|
||||
|
||||
ودي امي تتدخل قصيمي وتصير المديره بعد ....عاد مايحتاج ماما شخصيات بتسيخ الجميع....
السلام عليكم ورحمة الله وبركاته حي الله الجميع ورفع الله قدركم.. حاجرتكم اليوم بموضوع متشت الفخامه والكلمات امشوو وجمعووا وبتطلعون بفايده  كتابته ترقل فرجآءً تحملو فخامتي ... ولااشوف احد يقعد يفلي ويطلع اخطآآء املائيه لاني ابقوله من هالحين ارتاح طلع الكلمات الصح ولا هين يالغلط... موضوعي سؤال واستفسار وبينهما نصيحه لوجه الله بمآ آن المنتدى والقسم هذا خصوصاا تتواجد به كائنات حيه من مختلف الإعمار ومااادفعني للكتابه >>وه بس وجود عمات بالمنتدى عضوات امهات عيال حريم ماشاء الله .. عليهن العلم الله يبارك فيهن>>إلا الإن ماقلت شي خطآآء شسمه بصراحا بدخل باللب,, انا ودي اعلم امي للنت  مليتتتتتتتت والله اني مليت يعني حسو لو مره عشاني  مشكلتي عند تصفح النت ماقعد إلا بالصاله مااعرف ابعد عن مواطن الشبهه وامي إذا قمت وقعدت عندهاااا قالت غريبه مارحتي تقابلين ابن الحلال وإذا قمت وقعدت عند الكمبيوتر قالت امداك سحرر هالنت سحرررررررر((فيس حمق يعني وش اسوي اقوم واتصنم  انا نحيفه وعص يابس والسبب لو سمحتوا النت >>على قولة الوالده ماتسنه من خلقة الدنيا انا وعصي عصلاء معصقله لا من النت الاسباب لاحد يناقش  واذا ذبل وجهي من النت واذا نمت كثير من النت واذا عيوني وقت الحساسيه صارت تعبانه اووه عاد ذي من النت مايحتاج .. تقولي شوفي شكلك انتي ووجهك الي تسنه ظفر  >>من النت طبعاً  القرد وهو قرد بعين امه غزال مدري وراه اناا فيسي بعين امي ظفر ,,المشكله مهنا ملحي بشهادة الجميع  >>ايه هين عاد شغلتنا كملتهاااا اليوم تقول وراه عيونك تقل فيه نوم يعني ذابلات قلت من زين عيونتس المنمطه عآد ومير تنتفخ علي .>>>ماتسنه هي الي باديه بصراحا امي الله يخليهاا لي معطيتن وجه بقوه بكل شي يعني الضوء الإخضر واناا بسم الله علي قد الثقه لكن المشكله هالنت ماتواطنه تكرهه وده تفجر فيه ومسوي ازمه وانا مستعده ماطلع ولاشي بس ابي النت والله موسع صدري اتذكررر مره قالت لي خالتي انصحي بنتي كل يومه نت وانا التفت على اعصاابي قلت ان ما جتناا امي وقالت والله من زين الناصح وخربت الثقه بيني وبين خالتي المشكله اني مشخصه اقول ايه ياخاله انا بنصحها والله يهديهاا وفعلا هذي مشكلة تؤرق الشارع العام ..... ... الي اشوفه كل العالم تقعد على النت مو بس انا خصوصا اني ماطحت فيه الا من سنه يمكن كل عمري ماعرف للنت ...غير كذا مالي الا قصيمي وبريده ستي واطقطق ببرامج تصميم بس مشكلة هالنت حديث الامهات في المجالس وامي كابتن عشاي  ...صحيح اطول عليه ومستعده اخفف قعدتي لكن ماراح ينفع ولايشفع لي خلاص انا عُرفت بإسم الي لصقتن بالشاشه ولاتمل ولاتكل ..مدري عشان ماعنده غيري او انا مجرمه او انا لازم اضرب براسي الجدار يعني وش اسوي كلن يدخل نت وه بس انا غبيه اول مادخلت المنتدى وحتى الحين لكن اتذكر قديم جتني رساله تضحك وشووي هاجتن به واقعد اقراءها على امي وانه قال وقال مااش ضاق صدرهاا وبدت تتضايق من النت اكثر.. .. انا ودي امي تدخل نت عشان ماتلومني يعني الوقت فيه يمر بسرعه منها تعرف ان النت مو كله قبيح ومنها توسع صدرها اتذكرررر مره قلت يمه ياحبيلك ادخلي نت ابي اعلمك عليه قالت الله مغنيناا عنه  ياابنيتي ...والله يغنيك عنه قلت امين ياجماعة الخير انا لست ولستُُُ مؤيده ان تعطى البنت الضؤء الاخضر في عالم النت قلت البنت وتراي اقصد بشكل عام الإولاد خصوصا الي سنهم صغير متوسط وثانوي خصوصاااً مهما كان الحرص مطلوب وتعطيها مجال لكن تحذرها وتربيهاا على قوله صلى الله عليه وسلم -: (أن تعبد الله كأنك تراه، فإن لم تكن تراه فإنه يراك) رقابه ذاتيه يكون فيه يقين ان ربي الأإن يراني ويعلم السر ومااخفى فآأكيد اني ماراح اتجراء وادخل محرمات ومواقع دردشات وكلام فحش وما إلى ذلك آن كانت عندي هذه الرقابه.. صدقوني لو كل فتاة وشاب عنده هالرقابه كان حنا بخير... وهي تآإتي مع التربيه .. ان شاء الله ماراح احرم بناتي واقول مافيه نت>>اصلا غصبن عليتس كما تدين تدان يانا اخاف انه ترد فوق راسي بس انا ماعصيت امي كل مافي الإمر اقعد على النت ساعات .ونتلاقط بسب هالنت.. وه بس والله انه مضايقني هالإمر ..مآآدري يمديني اتركه عشان تتحسن نظرة امي لي  ...العضوات الي معنا بالمنتدى كثير منهن اتوقع عنده بنات بالمتوسط بالثانوي او بالجامعه  يعني عارفه الوضعمااآدري هي تتعامل مع النت كيف..؟؟ يعني تحاربينه .. متقبله وجوده..لإنك حتى انتي تدخلينه وبنتك بتقولك وانتي وش حيتك  او مقدره الوضع او الشكوى لله صعبه تمشين عكس التيار  ..قسم بالله اترجى امي تدخل وتدخل قصيمي وبمعرفي بعد بس كلش مو راضيه لاتدخل ولاتتقبله  ..كلمه خاصه لبعض ناس,, ,كل هالمنتدى قريبات خالات وبنت خاله واختي>>>فياليت ماتكبن عشاي وتقولون لماما عن هالموضوع عُلم ...خلونا كذا حلوين مع بعض  ذاك اليوم دخلت لقيت خالتي الي معي بالمنتدى توري كل خالتي موضوع لي وهينا تآتي شينة القرابه فياليت الي بيسجل بمنتدى لايعلم احد بآسمه خوذها نصيحه مني انا الشكوى لله راحت علي صحيح اني مانشدت عن احد غير رضاء ربي ورضاء الوالدين بس ولو الستر مطلوب... احبكـــ/// يمه والله يجعلك بالجنه>>> نسيت اقول لامي الجنه فيها نت تسان تقعد تدور نعله  ..>>تدور عصا مكنسه ولاهين يالنعله شطفه وتعدي ...ختآمآآً شكرآآً لحسن المتابعه والقراءه آمالين منكم آإرشادت وتوعيات وهكززاا حكي,,  الله يحفظكم ويصلح ذرياتكم ويقر اعينكم بهدايتهم .. ويحسن خاتمتكم  >>صح هاليومين بردكل الإحترام لذواتكم..
|
|
#2
05-11-10, 08:08 AM
|
||||
|
||||
هههههههههههه
يانتي توحفه قسم بالله مت ضحك أول مره أشوف خفة دم وبهالشكل  .....عاد لاتصدقين يالدبا أكيد ماصرتي دبا إلا من مقابل النت .....شكله من النت...هههههه بتعقدك زي الماما الله يحفظها شوفي يالفخمه.....لاتقابلينه ساعات طويله يعني روحي سوي اللي تبي الماما إجلسي معها وارجعي للنت طبعا تحطين وضع الإستعدا أسرع  ........وتفتحينه وتردين وتقرين وتتصفحين بعدين تتركينه وتشوفين أمورتس وكل ماحسيتي إنتس فاضيه إرجعي له وردي وتصفحي....هذي طريقتي ومادري عنتس .......يالمرجوجه هههههه
|
|
#3
05-11-10, 08:38 AM
|
||||
|
||||
|
موضوع طويل قريت نصو
 لكن فهمت الزبده اولا حسيت ان امك عجوز مره لانك مستنكره انها تدخل نت  يعني مافي في سنها هنا ماظن نو وي حتى وان امهات ياختي امهات صغار يعني بالعشرينات والثلاثينات وان ضربتها الحه 45 لو امك بدي الحدود بتتقبل تدخل من الخمسين وطالع لو ماهي دكتوره او استاذه انسي لكن المشكله هالنت ماتواطنه تكرهه وده تفجر فيه هنا عادكل الامهات يكرهو يشوفوكي متصدره النت حتى لو كنتي مشغوله بتصاميم بقراءه مالووومهم من كثر مايسمعن بالمجالس عن البلاوي في بالهم كفشوكي اما بالنسبه للمراهقات والمرهقين والاطفال بالذات انصح بمراقبتهم والتجسس كمان عليهم من ناحية النت ولااظن النصيحه والتربيه تكفي لان عقولهم على قدهم ومضه: اسلوبك ذكرني ببنوتته الخبر  ولكي مني ارق تحيه ياختي
|
|
#4
05-11-10, 08:43 AM
|
||||
|
||||
|
ياعمري ياأبوي
..يبي لاب توب مثلنا.... ماتوقعنا صادق الأ ذاك اليوم يقول ابي مثل اجهزتكم اوديه معي لرحت النياق ..أقرأ منه ....اتصفح منه > بابا سياسي وربي دقيت الصدر وقلت ابشر بعزك ..يالغالي ..ان شاء في العيد بنشتريه له .... بخصوص النت .. انت عشان مالك الأسنة طافة به ..لكن صدقيني مع الموقت يخف تعلقك به ويصير مملل.. رتبي وقتك عدل ...عطي كل ذي حق حقه ......النت صار في كل مكان ..حتى في الداوم يطالبون بالنت لشرح بعض الموااضيع للطالبات ....صور .....مقاطع فيديو ..وخصوصاً بعد النظام المطور ..مايستغنى عن الاب توب .. اما مسألة اخبار أقاربك .عن معرفك عادي وش فيها مدام ماسويت شئ خطأ ..لاتبوق لاتخاف .. عائلتي تدري عني ....وأولهم ولي أمري ..واخوي معنا في قسم الرياضة قليل الدخوول > نصراوي > حقد علينا فارس والحب عاد مسألة انهم يكبون عشاءك شئ راجع لهم .... ...أهم شئ انهم ثقة ويخافون عليك ... العوااافي
|
|
#5
05-11-10, 08:46 AM
|
||||
|
||||
|
ياميت أهلين وسهلين بالفخمه ياااحبي لك ، دمك سُكـــــــــرررره
الله يعينك أنا مثلك أبوي دايم يقولي خففي من الجلوس على النت ،، وإذا شافني طولت على النت يعصب علي ، قلتله لو تشوفني أجلس على التلفزيون أربعه وعشرين ساعه ماتقولي شيء ،، غريب أمره ، والنت لو ساعه بس يزعل المشكله إنه هو لي أعطاني الابتوب هديه ويمنعني ما أطول جلوس عليه  بقولك شي أنا نص أهلي مسجلين في قصيمي نت والله لو أقولك بأعدادهم بتنصدمين
|
|
#6
05-11-10, 08:48 AM
|
|||||||||||||||||||||||||||
|
|||||||||||||||||||||||||||
يليل البلشه وش يقرب لك ستار
|
|
#7
05-11-10, 08:50 AM
|
||||
|
||||
|
تدرين عااد ...ما لك حق صراحه ....بعدين اذا قالت لك امك ورا ما تتركين النت ...قوولي اذاكر يمه <<<ياربي تسامحني
شرط ان تروح للمطبخ تسوي لك كاس شاهي وتجيبه لك ...وحتى وهي قاعده تتابع قناه بدايه راح تسكرها وتقول عشان ما ازعجك يا بنيتي ..... ولا اوصيك اضبطي وضعك بالمذاكره يعني افتحي على المنتدى وادهري ..وكل فتره والثانيه اقعدي حكي راسك بزعمنك تفكرين في مسئله ... وانتي تردين على موضوع بالحوار خخخخ بعدين الله يهديك المفروض ما طلبتي العضوات اللي عندهن بنات بالمتوسط والثانوي يعطنك راي ...لان بصراحه ثلاث ارباعهن ما رااح يقولك وانتي تعرفين السبب ..بس مبين انك من الطاقم الفني حق صادوووه ملعووبه هالحركه .. الله يخلي لك امك وفخامتها
|
|
#8
05-11-10, 08:53 AM
|
||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||
يااهلاً وسهلا بآآسيه وه بس منوره
 وضع استعداد وشو ذا رحت اجربه اول ماقريت ردك بس طفىء جهازي قلت والله لاآآآوريهااا تسذب علي لكن الحمد لله مااستعجلت والله طريقه منتازه يمال العافيهانا بحاول اخفف من جلستي بس برضو ماسكه اني مدمنه نت  ,,والله جلستي يعني اجي من الجامعه انام واقوم العصر افتحه وابداء اتردد شوي افتحه شوي اتقهوى ياختي موسع صدري.. بحاول اتركه موليآً والله جد مفكره هكززا  ..الله يعين.. ربي يسعدك يالغلا... 
|
|
#9
05-11-10, 08:59 AM
|
||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||
حياك الله قريته كله او نصه لايهم المهم انك فهمتي اللب... امي مو عجوز بالاربعين وامراءه مثقفه وبنوتيه قوه لدرجة ماحب اطلع السوق الامعها ننبسط سوا ونتعشى سواا بس هالنت كما نوهت ماتحبه ووموفره لي كل شي وتراهااا مو لدرجة مخانقتني على النت دائماا هذاي اربع وعشرين ساعه بقصيمي بس ماتحبه وإذا اانفتح موضوع النت بمجلس ناظرتن بعين تحس اني بس انا الي اقعد عليه كثير بالنسبه لومضتك بنوته صديقه غالي على قلبي الله يحفظها وشرف لها انها تشابهنيصح يابنوته مير انه مختفيه يبدو امها محاربتها على النت..حياك الله يالغاليه..صدقتي المراقبه مطلوبه بارك الله فيك
لكن التجسس لا مآآيده انتي علميهم وربيهم على الصح وراقبي والله يحفظهم لكن نتجسس مااحبها الله يصلحهم..
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
