العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
دام تجاهك شمال مودعك حاجه $ سلم ع تذكار ومشتاق حايل
فيس تغورق عويناته حزين وع فكره الموضوع في اللغه العربيه الفصحى واللي يبي يقراه باللغه العاميه عادي
مافيه مشكله في يوم من الايام ووبينما انا اقوم وكعادتي اتحلطم مابي اروح للمطرسه <الكليه>وطفشانه حيل وانا بالطريق الى كليتي تعطلت سيارة الوالد واضطريت اني انزل والمكان فاضي مافيه احد الظاهر كنا بالبر والمكان كان مخيف ماسمع الاصوت الشجر ومادري ليش قعدت امشي مسافه طويله وفجأه سمعت صوت يناديني وطلعلي شكل واحد مخيف الظاهر من العصر الحجري ماقدر اوصف شكلوه وانا خفت وجتني ام الركب واطالع يمين ويسار ومالقيت ابوي وصرخت ابي ابوي يسمع صوتي ابيه ينقذني بس للأسف ماجاء ينقدني وقالي الشبح المخيف لاتحاولين وتصارخين ماحد سامعك وسألته وين ابوي وقالي حنا اللي وقفناكم وخربنا سيارتكم وبعد مانزلتي رجعنا وصلحناها وابوك ركب السياره ومشى قلت وانا قال انتي تبقين معنا وسألته من انتم قال حنا اللي نبي نفكك من الدراسه ومن البيت ماهو انتي كان حلمك انك تهاجرين برا السعوديه ودك تتركين الدراسه خلاص حنا نبي نحقق لك امنياتك وسألته كيف ابوي مشى وتركني وانا ماني معوه او وافق اني اروح معكم وقال جبنا وحده بدالك وخليناها تركب معوه وتصير هي بنتهم وانتي تبقين عندنا وانا بذيك الحظه مااقدر اوصف مشاعري خوف و قهر كيف ابوي قدر يتركني الحالي هنا واغمى علي من الخوف وماصحيت الا وانا بمكان يخوف كله شجر والسماء حمراء والحيوانات كثيره وقعدت امشي وانا خايفه امشي خطوه وارجع خطوه تقل ادبك >>هذا وقت سخافتك وانا باطريق طلعتلي حيونات اول مره اشوفها وانا امشي دموعي ماوقفت وامشي واطيح من الخوف وصلت لمكان كان حلو وفيه بحر وشفت بنات حلوات وسألتهن من هن وكيف جن هنا وقالن عن اسمائهن وحده اسمها مكتفة النمل والثانيه همس الغلا والثالثه فطنه او اخت خديجه والرابعه تفوق الوصف وقلتلهم كيف جيتوا هنا وانا بذيك الحظه ع بالي انهم صديقاتي اللي بقصيمي طلعوا ماهم اللي بالي ومايدورن وشوا قصيمي ومايعرفون النت اصلآ وانا نجنيت وقالولي انهم ع الجزيره وعمرهم ماشافوا بشر جايهم ع الجزيره وقلتلهم اجل انتم موب بشر قالولي لا ماحنا بشر وسألتهم اجل من انتم ماردوا علي ومشوا وتركوني وانا امشي وراهم واصارخ وناديهم ابيهم يردون علي وفجأه اختفوا من قدامي مادري وين راحوا وانا انهرت وقعدت ابكي ورفعت راسي وشفت نور طالع من جبل وقمت ورحت له ولقيت كوخ بالجبل ودخلتوه وقعدت امشي وسمعت صوت يناديني انت الغلا انت الغلا وطالع ادور الصوت ومالقيت صاحبه وكملت الطريق وانا بطريق دموعي ماوقفن ينزلن اربع اربع وطلعلي الرجل اللي جابني للجزيره الرجل المخيف>>اكثر مايخوف به شعره تقل شجره واقفه فوق راسه وقلتله ابي اهلي وابي امي وابوي واخواني وصديقاتي ودراستي وقالي ماهو انتي اللي تتشكين ماتبين الدراسه وقلت غلطه ماتتكرر ابد قالي خلاص فات الفوت قلت والمعنى قالي خلاص ماراح تطلعين من الجزيره ابد وانتي البشر الوحيد اللي معنا هنا وانا قمت ابكي واصارخ ابي اطلع من هنا قالي ليه وش شايفتنا يومنك تصارخين وتبكين حنا ابوك ولا امك اللي مدلعينك ولا اخوانك اللي دايم يسمعون كلامك ولا صديقاتك اللي مايمر اسبوع الا وانتي مزعلتهن منك وماقدرتي النعمه اللي انتي فيها وحتى علاقتك بعمامك وخوالك زفت عمرك فكرتي تزورينهم او تكلمينهم بتلفون يمرضون ويتعافون وانتي مادريتي عنهم وحتى الاعضاء اللي بقصيمي ماسلموا منك نص الاعضاء متهاوشه معهم وتقولين لفطنه يالعبده ولبو قش يابو عفش ولرحمالوف حفار قبور وحتى تذكار صديقتك ماسلمت منك ليش انتي كذا ؟؟؟؟؟؟؟؟؟؟؟؟؟ انتي ماهو نموذج مشرف للبشر انتي عار ع البشر وهو يصارخ علي يطلع من الكوخ نار واصوات مخيفه وتطلع علي ناس يتجمعون علي شكلهم يبون يضربوني ومدري كيف قدرت امشي ع رجولي وطلعت من الكوخ>>الهجه بس وانا اركض واركض >>ماتلاحظون اني ركضت كثير بالقصه وجلست بمكان بعد ماتعبت من الركض وامطرت علي وبردت وقعدت ابكي وابكي وابكي وجاء الليل نمت صحيت من بكره الا وانا ماني بنفس المكان اللي كنت نايمه فيه وتلفت يمين ويسار الا وانا بمكان بدو وحولي غنم وبعارين وانا لابسه لبس بدو ثوب واسع وع شعري طرحه وطلعلي نفس الشخص المخيف اللي جابني ع الجزيره وقالي خلاص من اليوم انتي ترعين بالغنم والبعارين وقلت كيف عمري ماسويت الشغله ذي وقالي تتعلمين ايام الدلع خلاص انسيها والحين تشتغلين غصبآ عليك ماهو برضاك وجزلمي شخصين وقالولي سوي كذا وكذا يعني علموني اصول المهنه وقعدت اسرح بهن وحلب الغنم و سوي من الحليب لبن وقشطة الصافي وقشطة بوك وجبنة بوك ولا بعد وخلوني احطب لهم ع شان يدفون وانا اجلس بالبرد الحالي واذا جلست عندهم اختفوا وجلسوا بمكان ثاني >>اسمنآآآه حتى غنمهم وبعارينهم يوم يختفن ويوم القاهن لونهن ابيض ويوم لونهن اسود بسم الله علي وعليكم وانا بحالة رعب مايوصف وفجاه وشوف واحد جاني ع فرس ابيض وقف عندي وانا اطالع فيه وخايفه منوه بس شكلوه ماهو مثلهم شكلوه عكسهم مايخوف ابد وبيني وبين نفسي اقول لايكون هذا الامير اللي انقذ سندريلا وانا اقول شكل هذا امير ويبي ينقذني وانا وش ناقصني عن سندريلا يمكن انا احسن منها <من جنبها> وقلتله انت الامير اللي يبي ينقدني قال لا لايكون ع بالك انك سندريلا انتي تقارنين نفسك بسندريلا مافيه وجه للمقارنه <حتى الامير يحطم> وقالي انا بنقذك من الجزيره هذي اركبي معي ع الفرس ويوم ركبت الله لايوركم ع طول تشهدت الفرس وماتت ولزقت بالارض من كبري وقالي حسبي الله عليك يا اخت العرب الشرهه ماهي عليك الشرهه ع اللي جايك يبي ينقذك وطلعولنا اللي بسم الله علي وعليكم وحنا نركض ونركض ونركض وطحنا بحفره كبيره وصرخت الا ابوي يقومني من النوم يقولي خلاص صلحت السياره قومي طلع كل اللي مريت فيه مجرد حلم لا اكثر وكملنا الطريق ودخلت الكليه وانا مبسوطه وهذي اول مره اسويها وقابلت صديقاتي والكل مستغرب من اني رايقه عكس عادتي ولما رجعت للبيت بعد استغربوا مني رايقه وحتى اليوم دخلت قصيمي دخلتوه وانا رايقه وخلاص من هنا ورايح عمري ماراح ازعل احد مني فيس مبسوط تقبلوا تـــــــــــحـــــــــيــــــــــاتـــــــــي |
#2
|
||||
|
||||
اول من يطش
دخلت جووو مع القصه او الحلم او مدري وشوو ضربت فيوووزي ككككككككك يعطيك العاااافيه انت الغلا ....وافررررررررررك يالحون |
#3
|
|||
|
|||
[QUOTE=♠انت الغلا♠;6069744]
امشي خطوه وارجع خطوه تقل ادبك وتقولين خايفه بسم الله عليك انتي شكلك تخوفين اللي جابك في الجزيره دموعي ماوقفت وامشي واطيح من ا لخوف وصلت لمكان كان حلو وفيه بحر وشفت بنات حلوات احم احم من يوم قلتي بنات حلوات وانا مطيح في الموضوع ماودي اروح منه على بالي بشوفهم بس من يوم قلتي اسمائهم وانا عارف ماهناك احد يحمس بس يمكن عاد فطنه احلاهم شوي. وحتى الاعضاء اللي بقصيمي ماسلموا منك تستاهلين صحيح انتي ملسونه وتضيقين الخلق احياناً حتى فيه اعضاء كلموني عنك يقولون مدري ويش شايفه في نفسها . علي شكلهم يبون يضربوني ومدري كيف قدرت امشي ع رجولي وطلعت من الكوخ>>الهجه بس وانا اركض واركض >>ماتلاحظون اني ركضت كثير بالقصه لا بالعكس صراحه مشيك وركضك هو احلى مافي الرحله لا وبعد داخله مزاجي المشيه هاذي حتى اللحين تصدقين اني اقلدها وخاصه يدينك اللي تقول دباب وانا بمكان بدو وحولي غنم وبعارين وانا لابسه لبس بدو ثوب واسع وع شعري طرحه كملي يأخت وضحى صراحه لو سويتي فلم بدوي كان بيصير احسن من وضحى وبن عجلان وفجاه وشوف واحد جاني ع فرس ابيض وقف عندي وانا اطالع فيه وخايفه منوه بس شكلوه ماهو مثلهم شكلوه عكسهم مايخوف ابد وبيني وبين نفسي اقول لايكون هذا الامير اللي انقذ سندريلا وانا اقول شكل هذا امير ويبي ينقذني وانا وش ناقصني عن سندريلا يمكن انا احسن منها <من جنبها> وقلتله انت الامير اللي يبي ينقدني قال لا لايكون ع بالك انك سندريلا انتي تقارنين نفسك بسندريلا مافيه وجه للمقارنه <حتى الامير يحطم> وقالي انا بنقذك من الجزيره هذي اركبي معي ع الفرس ويوم ركبت الله لايوركم ع طول تشهدت الفرس وماتت ولزقت بالارض من كبري وقالي حسبي الله عليك يا اخت العرب الشرهه ماهي عليك الشرهه ع اللي جايك يبي ينقذك وطلعولنا يعني انسي ان واحد يجيك مره ثانيه على فرس ويطير فيك حتى لا في الحقيقه ولا الخيال . اللي بسم الله علي وعليكم وحنا نركض ونركض ونركض وطحنا بحفره كبيره وصرخت الا ابوي يقومني من النوم يقولي خلاص صلحت السياره قومي طلع كل اللي مريت فيه مجرد حلم لا اكثر وكملنا الطريق ودخلت الكليه وانا مبسوطه وهذي اول مره انتي مافهمتي ياشاطره القصه القصه كانت حقيقيه بس في النهايه انا جبتك هنا في الحفره وانتي نايمه ماعرفتيني انا الشبح اللي وداك للجبل وانا اللي خربت سيارة ابوك وكل اللي صار لك كان حقيقه بس جبناك في الحفره وانتي كنتي نايمه وفكرتي انك تحلمين على العموم فرصه سعيده وكان بودي انك تجلسين معنا في وادينا بس الجماعه كلهم بيرحلون عن الوادي ومايبغون اي واحد غريب معهم يروحون لوادي الملوك ولو رحتي للوادي هاذا يمكن يخلونك ملكه الوادي لان مواصفاتك كلها مواصفات ملكه وخاصه مشيتك هي مشيه الملوك الكبار فيس مبسوط تقبلوا تـــــــــــحـــــــــيــــــــــاتـــــــــي [/ QUOTE] الله يغربلك يأنت الغلا خشينا جو بس لو طولتيها شوي على العموم شكرا على الحدوده الخياليه الجميله |
#4
|
||||
|
||||
..وه بس بكره دراسه الله يعيننا ع الغثاء بس
اتخيل شكل الرجال اللي طلع لك احس انه يشبه لواحد بفلم طالع من العصر الحجري وبعدين انتي بس تبكين انتي ماتخافين تخوفين يالرجاله اسمناااه الحين تفوق وفطنه ومكتفه وهمس ماهن بشر ماني حاتسيه معهن اجل >>من زين كلامك عاد ايه الاهل نعمه ماتنقدر بثمن خصوصا لاصار عندك اخت مثلي كله حلى وقبله وبعدين انتي وخشتك مافلحتي بالمملكه تبين تفلحين برا مالت عليك كثر ماهي مايله يحووول تقارنين نفسك بسندريلا والله انك متاثره بالكراتين ماني راحمه الا الفرس اللي ركبتي عليه الله يرحمه بس وععع الحين انتي جلستي مع الخروفات ولبتس لبس البدو اتخيل شكلك بس عوافي يالرجاله ع الموضوع النااايس
|
#5
|
||||
|
||||
صدقتك في البدايه لكن يوم قريت اسماء فطنه ومكتفه ..عرفت انه ياحلم يامقلب .. وسألتهن من هن وكيف جن هنا ...يحلو اللغه وقالن عن اسمائهن وحده اسمها مكتفة النمل والثانيه همس الغلا والثالثه فطنه او اخت خديجه والرابعه تفوق الوصف وقلتلهم كيف جيتوا هنا .. وطلعلي الرجل اللي جابني للجزيره الرجل المخيف>>اكثر مايخوف به شعره تقل شجره واقفه فوق راسه اعجبني الرجل المخيف .. في حلمك حققك لك امنياتك ..وشفت شبية فطنه ومكتفه..يحظك وتعلمتي اصول المهنه ..اسرح بهن وحلب الغنم و سوي من الحليب لبن وقشطة الصافي وقشطة بوك وجبنة بوك ولا بعد وخلوني احطب لهم اسلوبك مميز انت الغلا ..
يعطيك العافيه ياغاليه .. تقيم ممتازه
|
#6
|
||||
|
||||
هههههههههه انا اقول كل هلسالفه بتطلع بالأخير حلم <<<<تحطم مثل الامير
ههههههههه لا رووووعه بصراحه دخلت جو في الاحداث تحياتي دانة الحب
|
#7
|
||||
|
||||
اثرتس دايم تكلمينا بدون نفس ورافعه خشمتس
ايه اهم شي انتس روقتي صراحه دخلت جو مع الحلم هاذ ترى ماتدرين يمكن يكون حقيقه فتك بخير
|
#8
|
||||
|
||||
يمال الصمخ والله ههههههههههههههههههههه
ويش ذالحلم الى يشيب الشعر شفتي انو مكتفه النمل وتفوق الوصف وفطنه سبوكي نذلين هههههههههههههه يحرش اقوول قبل لا تهمدين وتنامي اقري الأذكار |
#9
|
||||
|
||||
خخخخخخخخخخخخخخخخخخ
اجل كل هذا حلـــم .. الله يرجك
|
#10
|
||||
|
||||
آنت الغلا /
موضوعتس شيقن بالحيل بالحيل .. لي نكستن عقب المدرسه
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |