العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
خلاص تعبت من العزوبيه تكفون زوجوني
السلام عليكم شلون الحبايب اليوم ان شالله بخير والله لكم وحشه من زمان ماشفناكم <<<< اقول اخلص علينا طيب طيب المهم البارح بالليل قعدت اهوجس لحالى ومن ضمن الهواجيس اللى خشت بنافوخى ؟؟ معليش ممكن توضيح بسيط للى مايعرفون النافوخ ؟؟ النافوخ هو اعلى الهامة اعلى الجمجمة بالوسط << يقالك وضحت هالحين ؟؟ كمل كمل اللة يصلحك وخش بالموضوع على طول انت وتوضيحاتك اللى زى خشة وجهك ؟؟؟ المهم من ضمن الهواجيس انى قررت اتزوج اية قررت اتزوج بالعربى قررت اخربها ؟؟؟ عاد صح انى قررت اخربها واتزوج بس بشروط وشروطى يمكن تكون صعبة لاكن ماهى مستحيلة ؟؟؟ ابى شريكة حياتى تكون ماهى بيضاء ولا سمراء ابيها زرقاء وعيونها برضة زرق ؟؟؟ بس هاة العيون صدقية مهب لابسة عدسات ؟؟؟ ترى حركات بنات هالايام عارفينها مظبوط وبعدين الرموش اهم شئ عندى الرموش ؟؟؟ تكون ثنعش سانتى << مواصفات قطو هاذى يابو الشباب ؟؟ بكيفى ياخى مهوب انا اللى ابى اتزوج ؟؟؟ ابيها من الفسقة ننشر عليها الغسيل من طولها ؟؟ وبعدين بالنسبة للطول تكون طويلة ؟ بس عاد مهب طويلة مرة نبلش لا جينا نشتريلة تنانير ؟؟ ولاتكون قصيرة مرة ؟؟؟ يعنى بالعربى اذا مشت جنبى مانصير رقم عشرة ؟؟؟ بعدين ابيها رياضية تشجع المنتخب ؟ ابيها اذا شاتت بلنتى هدف مافيها كلام زى ماجد اللة يذكرة بالخير واذا مسكت الكورة ماودك تطلقة من رجلينة ابد زى الثنيان بالعربى زى العويران بالظبط ؟؟؟؟؟ ابيها ماتحب السوق ؟؟ اكرررررر ماتحب السوق ؟؟ مهب ماتصدق على اللة ان الاربعاء جاء الا زانة على راسى مشينا للسوق ؟؟ واذا قلتلة اقول اهجدى بس وامسكى ارضك بلا مهايط ؟؟ اعفطت وجهة وخرطمت وقالت ياربية وش حيثة رجل بنت خالتى حصة دايم يروح ؟؟؟ الحمد للة يعنى لا صار زوجها صحيح وكمخة ودردغانة اصير زية وابى فتاة احلامى ماتكلم كثير ؟؟ يعنى كلمة ورد غطاها ؟؟ مهوب لاقلت لة وش لونك اليوم ؟؟ تقص لى قصة حياتة ؟؟؟ ابيها دلوعة انثى ؟؟ اية عادى انثى ؟؟؟ مافى مانع يكون لها سنون بارزة ؟؟؟ على الاقل نستفيد من اسنونها يامعود ؟؟؟ اللة من مرة ومرة رحنا للثمامة معنا قوارير ببسى وتوهقنا بفتحها؟؟؟ وبعدين ابيها ثقيلة مهوب ثقيلة جسم لا ؟؟ ثقيلة بكلامها ؟ ابيها ماتطلع الكلمة الا بطلعة الروح ولو تطلع روحها وهى مانطقت يكون احسن واحسن <<<< تاقصين فضايح حنا تقعد كل من شافت هذرت لة وابيها ماعمرها سافرت للخارج ابد ابد ابد ؟؟؟ ابيها اذا ابعدو واهلة راحو الخرج او الدرعية ؟؟ ناقصيين مصاريف سفرات للخارج بعد ؟؟ ابى اذا وديتها للشرقية شهقت ؟؟؟واذا وديتها لجدة قالتلى ترى مامعى جواز ؟؟؟ ابيها ذكية ولماحة وسريعة البديهة ؟؟؟ مهب اذا سولفت معها بدت اتهوجس وش تبى تلبس بعرس بنت خالتة مزنة ؟؟؟ ابيها اذا قلت ثلث الثلاثه كم تقول عشره <<<< وجع ابيها اذا قلت واحد زايد واحد تقول اثنين ؟؟؟؟ <<< لا ياشيخ ابيها راكدة ؟؟؟ مهب مطفوقة كل عرس لة ثوب ؟؟؟ معصى ؟؟ معصى ؟؟ معصى ؟؟ كل ثوب لثلاث عروس ماعندى مشيوف خلاص شافوة الناس مانى لابستة ؟؟ خير ان شاء اللة واذا شافوة الناس خلاص صار كخة ؟؟؟ لا ولو بيدى خلتها تروح للعرس بجلابية احسن واوفر ؟؟؟ بنات اخر زمن ؟؟؟ ابيها اذا مشت شوى شوى ؟؟ مهب مطفوقة مثل بنات القرى اذا جو يتسوقون بالفيصلية ؟؟؟ ربع ساعة وهى فارتن السوق كلة ؟؟ وقاعدة بالمطعم اللى فوق تزهم على خواتها انجزوا يامال الضربة ماقضيتن الى الحين ياسملج ؟؟؟ ابيى فتاة احلامى رقيقة مثل سنبوسة رمضان دقاقة مثل زوجة بباى ؟؟ حليمة مهب زى حليمة بولند لا ... يعنى ماتزعل بسرعة ؟؟؟ مهب لاقالت ودنى لاهلى وقلت لا ... خرطمت اسبوع ؟؟؟ ياللة عاد وش يرضيها واللة ولا باسكن روبنز ؟؟؟؟؟ مو مهم تكون جميلة ؟؟؟ بس تكفووووووووون تكون اخلاق ... اخلاق ... اكرررررر اخلاق ؟؟؟؟ اذا لقيتوها اكون شاكر لكم بالحيل ؟؟؟ مع انى مانى متفائل كثير سلام
|
#2
|
|||
|
|||
تبي زرقاء وعيونه زرق << الأخ مقاول ؟
هذي مواصفات قوطي بيبسي
|
#3
|
||||
|
||||
خلاص تعال عندي وانا ازوجك
بس ابي اشوفك حالتك بعد الزواج .... تشتاق لتبعك الاولي
|
#4
|
||||
|
||||
كيف الحال
تراني داخله بس كذا ( لقافه )
|
#5
|
||||
|
||||
لقيتها لقيتها لقيتها...
و فكنا يا بابا من شرها... هي نانسي عقرب.. ألحين تغيرت الموضة ..أنت طالب الجلد أزرق .. خلاص هيه العقربة قالوا علشان خاطرك بتغير الموضة من البرونزي للأزرق .. و كله علشانك .. تستاهل العقربة الصفراء..
|
#6
|
|||||||||||||||||||||
|
|||||||||||||||||||||
خخخخخخخخخخخخخخ
هههه و الله فله هالبنت خخ بصراحة مواصفاتك صعبه حييييل خخخ نصحية أخوية خلك فالعزوبية ازينلك خخ
|
#7
|
||||
|
||||
أقول مالك الا بنت عمك
هههههههههههههههههههههههههههههههِ
|
#8
|
||||
|
||||
ابيها ماتحب السوق ؟؟ اكرررررر ماتحب السوق ؟؟ مهب ماتصدق على اللة ان الاربعاء جاء الا زانة
على راسى مشينا للسوق ؟؟ واذا قلتلة اقول اهجدى بس وامسكى ارضك بلا مهايط ؟؟ اعفطت وجهة وخرطمت وقالت ياربية وش حيثة رجل بنت خالتى حصة دايم يروح ؟؟؟ الحمد للة يعنى لا صار زوجها صحيح وكمخة ودردغانة اصير زية هههههاي..ياحليلك والله مافي مرة ماتحب السوق.. والله هالمواصفات مايجتمعن بمرة وحدة..على شان سذا للحين مااعرست.. |
#9
|
|||
|
|||
انا اقول ورى ماتلفقها يا ابو الشباب وتنطق ببيتكم ابرك لك
|
#10
|
||||
|
||||
........... |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |