|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
15-02-09, 12:39 AM
|
||||
|
||||
إإخلععع
..
مثلي مثل غيري انام واقوم واحب واكره واحس واخق واكل واشرب وانام وعندي انترنت ومعي سياره ومبلشن بإمي الصبح كل ماجت تقومن واروح اداوم واكره دوامي واحب فراغي مثلي مثل اي واحد يحس انه ماله داعي بالحياة الموضوع باللهجه القصمنجية اعتذر عن كل ذي بصير وعين قارئه مافهمت حتسي وماتدري وش اقول والصدز اني ماودي اييه  >> بغيت اقول شي بس خفت من عيون الرقابه عندكم يقولون ان ماعندهم الا قوة نتف ريشش يووه يووه يماااه هااه ياوليدي وش تبي ؟ بطني يوجعن قسم بالله يا يمه اني احس ان بطني يبي ينمكع  بسم الله عليك ياوليدي وش انت أتسل ؟ اكلن بيض مقلي من البوفيه اييه قلعك احد يأكل من محاويق هالهنوود ؟ الله يرحم والديتس يا يمه مالي خلق نصاايح وانا بطني يبي ينفجر ؟ طيب ياوليدي جغر الحمام كبر راسك رح طرطر به وتعال يمااه وجع اول مره احس بوه بحياتي طيب ياوليدي رح للدكتور وشف وش يقول بك بسم الله عليك واروح للمستشفى او للمستوصف وادخل المستوصف وألقى المصريه واسمع اخوياي يقولون ان المصريات يطربنك قلت وراه يابوخيخي ما اقردنه ؟ طبعا هالحتسي الصبح جيت وقلت مسااء الخير قلت حنا بالصباح واخذ بال حظرتك عاد ضربت بأبو الاسلوب قلت شفت سواد الليل بعيونك وريح الصبح من لونك  أأألله أنتا مقنوون فييك حااقه ؟ قلت له فيني من بلوي الوقت مافيني ... انام اصحى اقوم وانا فيك مفتون ياسحر العيون ياليل السكون " مادري وش دخله " طبعا وانا اقوله وانا مغمض عيوني ومسوي فيها داخل جو واعبر عن نفسي مادريت الا يوم قالت اخرررررررررس عاد على طول قلت له بالله ملف رقم (...) والاسم ..... قالت ايوه كده بنخدمك فيك حاقه ؟ قلت ابد تأثير عيونك سبب لي وجع بالبطن تردد اللهم طولك ياروح اللهم طولك ياروح عاد شانت ابو الاخلاق عندي قلت عطينا الملف ولا تكثر طرطرتس الله يلعنن هالعيون عاد هي الصدز توحشت وقلت الحمد الله والشكر وتعطين الملف وادخل على الدكتور وانا من يوم شفت وجهه قلت الله العالم انه مهوب صرّي فيك ايه يابن خيخي ؟ابد يادكتور ألم شدييييد شدييد بالبطن خشيت الحمام ؟ ايه والله يادكتور لكن ماطرطرنا بارك الله فيك ايه طرطرنا دي ؟ طرطرنا يادكتور يعني مافيه عملية اخراج الله يكرمك يادكتور ؟ اها يعني ألم تااني !! ايه تااني يادكتور بس وشلون ألم تاني ؟ رروح أخلع ؟ ما اتفقنا على تسذا يادكتور وش اخلع ؟ راح عمري وانا محافظ الله يبارك فيك يادكتور واخر شي موريها اخلع لالا يادكتور اسمح لي جب لي الدكتور المصريه واخلع بتئئوول اييه يامننحط  ؟!اقصد يادكتور جب الدكتور المصريه محرم وأخلع وانا وش يبي يضمن لي انك منتب مسوي بي شي ؟ يابني شايفن وجهك فالمرايه أخلع وانسدح على السرير وخلصنا ؟ حااظرر يادكتور ومير اشيل ثوبي واطلع بطني وينادي السستر الفلبينه مادري وش الصدز المهم اعيونه تسنه عيون شغالتنا
|
|
#2
15-02-09, 12:39 AM
|
||||
|
||||
ومير السستر ترفع فنيلتي ويطلع بطني من تحت السر لين فوق عيوني ويالله يالله اتنفس من الخلاقين الي علي ..
اثر الدكتور رح يجيب السماعات ومير تقعد تلمس الشعر الي بصدري انا على نياتي احسبه تسوي عمليه تنظيف للفحص الطبي وتلمس وتلمس انا لين هاللحظه وانا احسب الدكتور المصري هو الي قاعدن ينظف مادري يلمس شعري وبما ان الخلاقين مغطيه عيوني قلت ولد الكلب وش يسوي كل ذا تنظيف بطن ؟ واوخر الخلاقيين الي بعيوني واشوف هالسستر قلت وش تسويين ؟ ومير تضحك وتقول ذاا حلوو قلت اها الله يلعن ابوها حاله الي هالعيون الممطه هي الي خقت على واغطي عيوني بهالخلاقيين اقول لمسي لمسي بارك الله فيتس وجاء الدكتور المصري ومعه السمعات ويحط هالسماعات على بطني ويسكت له شوي ويقولي بطنك يابن خيخي فيه حاقات عقيبه قدن قدن !! عسى اعجبنك يادكتور ؟ دي مصيبه كيف يعجبنن دنتا ماتعرفش حااجه خليني اتأكد بأه ومير يقعد يحوس شوي ويحتسي انقليزي هو والستتر الي خاقتن على شعري  يوم قعد يضغط بطني ويقولي وتحس بإيه ؟اضحك انا اقوله احس بدغدغه يادكتور  ومادريت الا وهو مبعد ياساااااااااااتر ياساااتررر انا توحشت قلت وش بي يادكتور وش ماافيه دنتا فيك مرض خطيررر اؤؤي اؤؤي ومعدي ومير يعطين تحويل لمستشفى الموت ببريدة الي هو مستشفى التخصصي وقالي اول ماتطلع تروح حالاً للمستشفى التخصصي واطلع من المستوصف وانا حزين حتى كنت ناوي ارقم المصريه وانا طالع لكن من شده ما الم بي من هم وحزن طلعت وانا مارقمته وادق على واحد من العيال واقوله معك رقم سواق سيارة الموتى ؟ قالي سلامات عسى ماشر قلت له عطن ولاتكثر طرطرك بس ترا نفسى بالي انت خابر ومير يعطين الرقم وادق هلا ابو سعد وبعد الاخبار والعلوم وسلوم العربان الغانمه قلت له يابوسعد تعال للمستفشى ابرووح امووت بالتخصصي واغدييك تجي وتشيلن منهم وابيك تنقل سلامي لإمي وتعتذره على الكسافه الي مكسفن به بقومه الصبح وبقومه العصر وابيك اقول لإختي اني لو احيااء منب اخذن منتس قرووش اذا جيتي تودينن للسوق عاد قالي زين كم طولك وكم عرضك خن ندق على حفار القبور ويحفر قبرك واقوله طولي 190 " ترا عشان التميلح " واعطيه وزني ومير اوصل للتخصصي ومير اعطي الاستقبال هالورقه ومير يتوحشون الي بالاستقبال والي يلبس الكمامه والي يلبس دساسات اليدين ويحتسون انقليزي وانا منهبل قلت لهالدرجه الي بي خطيرر يارب قسم بالله ماعمري طلعت للخارج وسويت علاقه غير شرعيه حتى ما اشرب وما اتتن من ابن التسلب الي معديين اكيد ولد الحراش الي رايحن للبحريين ومعديين مادريت الا يوم جت حقت الاسعاافات ويسدحونن بالسرير ويدخلونن بغرفه كله ألات واصوت اجهزه وانا اتلفت ادور ابوسعد يجي يأخذ جثتي ومع صوت الاجهزه جاء الدكتور وقلت له اخلع ؟ قالي وش تخلع واضح ان المرض مأثر فيك والقى الفلبينه واقوله ترا اذا خلعت ولمستي شعري ابلعن واسكنتس مالي خلقتس ومير يجي الدكتور ويناظر بطني ويأخذ عليه اشاعه ويعطينبعض الفحوصات الطبية وميرر يضحك ضحكه عنييف وكلهم يضحكون وانا مادري وش السالفه قالي الدكتور من الحيوان الي حولك علينا ؟ قلت له الدكتور حسني ومير يضحك مره ثانيه قالي خذ هالحبوب وكلهن ومر الحمام وتقوم بالسلامه وانقززز من الفرحه واطلع شعر صدري للفلبينيه واقوله الحين لمسي شعر صدري ميخالف وادق على ابوسعد واقوله خلاص لاتجي تراي ان شاء الله ابي احياء ولاتقول لـ لإختي اني منب اخذن منه قروش اذا رحت للسوق الدعوه قروش مهيب ذاك الي انت تبي ورجعت اعيش حياتي الطبيعه انام واكل واشرب واخق واحب ودي اعرس " عاد انتم افهموها " ودي اسافر ودي اكشت ودي اشري رنج روفر ودي إلخ .. جانا يابن خيخي اسبوع اختبارات وماودي ادرس هالاسبوع وقلت افكر وافكر وافكر واقول لإمي صلح لي عصير ليمون عشان افكر ادور عذر صدز ؟ قلت اقول للدكتور يوجعن راسي طيب مايعطين عذر الا يوم قلت طيب اقوله يوجعن بطني بس خفت تجي ذيتس بنت التسلب وتلمس شعر صدري قلت وش اقول ومير اتذكر ولد عمي تسد جاه وجع بالاعضاء التناسلية وعطاه الدكتور عذر اسبوعين ونص قلت والله ولقيتها يابن خيخي عصير الليمون جاب مفعوله واقوم من باتسر الصبح طبعاً بعد ماكسفت بإمي كعادتي معه واروح للمستفشى والقى المصريه خويتنا قالت تااني ؟ قلت تاني وتالت ورابع شووف كلمه وتزيد عليها حخبر مدير المركز قلت سود الليل جلاب الهموم عطينا رقم ملفي ولاتكثر طرطرتس ومير سألتن وش فيك ؟ انا انلخمت قلت وش اقوله يابن خيخي وش اقوله وافكر وفكر وقلت له عندكم عصير ليمون يامقنووووون اعمل فيك اييه ؟ قلت ولا شي ابد بي وجع بالاعضاء التناسليه استغفر الله العظيم عاد انا شانت معي ومره مره عصبت وحمقت قلت له الله يلعن الي انتي مصريتوه بي وجع بالمتسان الفلاني عطين ملفي خل اروح للدكتور دام النفس عليتس طيبه  ومير تغلدم وتوحش وحست اني انسان عنيف وجاد وحلو  واخذ ملفي وادخل على الدكتور والقى حسني دكتوري الاول وش جابن لـ هالوجه واقعد عن الدكتور واقوله عن مكان الوجع وهو يهز رااسه اهاا بسيطه بسيطه ماتخفش يابن خيخي اسثناء التبول بتحس بـ ايه ؟ انلخمت قلت قهر لو انا داقن على ولد عمي وساله عن الاعراض ومعلمن عشان اقوله هالشي قلت له يادكتور تسمح لي اروح ادق على ولد عمي ؟ اييه انتا الي بتتوجع والا ابن عمك لا يادكتور بس ابيه يغششن واطلع وادق على ولد عمي ومقفل ذا وقت تقفيل ياولد عمي وادخل على الدكتور وانا حزيين وقالي عن الاعراض واي شي يقوله اقوله اييه تتوجع اسنااء " اثناء" البول اييه يادكتور ومن هالاسئلهمادريت الا يوم قاالي أأخلع وأسال الدكتور ونهوبه اعلق سروالي يادكتور ؟ قالي بدون تعليق قلت الله الصدز اني ولد ناس واتكيت وبرستيجي ماتسمح لي اني افصخ سروالي واحطه بالارض ومير افصخ سروالي واحطه فوق طوالته واواسيه عشان مايتعرفط ومير يلبس الدساسات ويناظر ويقلب وكل شوي والثاني يقوول اهاااا اهااا قلت الله يستر اذا ماعطان تحويل للتخصصي
|
|
#3
15-02-09, 12:40 AM
|
||||
|
||||
|
اهاا بسييطه بسييطه يابن خيخي قلت له يعني فيه عذر اسبوع
هو حاقه زي كذا اانا حعطيك علاج واستمر فيه وان شاء الله كله اسبوع وانتا قايم بالسلامه ان شاء الله وانزل ثوبي وانا طاير من الفرحه واقول ماودك تشوفه ثانيه اغطيك تعطين اسبوعين والبس سروالي واستانس واتشقشق من الفرحه ويكتب لي عذر اسبوع واطلع والقى المصريه حبيبتي واضرب له بالقصيد ياعيون الكون غضى بالنظر ضحكت وقالت دنتاا مجنون يابن خيخي واضرب بالرسميه واقول مجنون بس بعقل  مايستفاد من الموضوع 1- اذا بغيت اجازه لمده اسبوع رح افصخ سروالك للدكتور حسني 2- لاتودي اختك للسوق الا بقرووش 3- اذا انت مغزلجي وماعندك اسلوب شف اسلوبي مع المصريه وحاول تحفظوه 4- لاتطلع شعر صدرك لفلبينيه 5- تراه اول موضوع وان شفتو شي يمين يسار امسحوها بوجهي كفارة المجلس ( سبحانك اللهم وبحمدك ، اشهدن ان لا اله الانت انت استغفرك واتوب اليك )
|
|
#7
15-02-09, 12:59 AM
|
|||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||
يعني ا نت مخلوووق بشري مثلنا 
الله يعين يبي لنا تفكيك شفرررات والله ياموضوعك افكر نسحبه للمحذوفاااات ونتعاون عله يالمشرفين ونقصص منه يبي له مقصص شجر ويالله يالله
هذا وبطنك يوجعك موضوع منسم رخصه واستماره بس فيه اشياء مدري وشلون حياك الله في قسمنا نووووووورت
|
|
#9
15-02-09, 01:13 AM
|
||||
|
||||
|
يآخي وش هالموضوع
عيب  مانيب رآدتن عليك لين تصير مؤدب 
|
|
#10
15-02-09, 01:14 AM
|
||||
|
||||
|
هههههههههههههههههههههههههههههههههه/هههههههههههههههههههههه
ههههههههههههههههههههههههههههههههههه/ههههههههههههههههههه هههههههههههههههههههههههههههههههههههههههههههههههههه هههههههه موضوووووووووووووووووووووووع ضحك بس احس ما اقد اعلق عليه هههههههههههههههه يعطيك العافيه خيوووووووو
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
ـب واغليته؟!
....!! 
..!
العرض العادي
