|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#331
08-06-23, 11:29 PM
|
||||
|
||||
رد: سناب سوالف قصيمي الكتابي
وين الكابتن مستلم
ومحهز الشاهي والماهي والقهوة والسوالف الزينة ياخوفي يجيك طلب وتتركب البوابة
|
|
#332
10-06-23, 09:32 AM
|
||||
|
||||
|
رد: سناب سوالف قصيمي الكتابي
ههههههه والله كأنك جالس معي جاي للشغل الشاهي ومريت على دربي خذيت قهوه سبرسو دبل وظرب في الرأس.
والله سويتها زمان  اشغل البرنامج وإذا فيه مشوار حليو مشينا ورجعنا بس الحين خلاص لي زمان ماسويت رحلات والشركه ترسل رسايل وينك ياكابتن مشتاقين من زمان ماشفناك. وغريب يقول وينك من زمان ماسويت رحلات 
غريب الماضي معجب بهذا.
|
|
#333
10-06-23, 02:56 PM
|
|||||||||||||||||||||||||||
|
|||||||||||||||||||||||||||
رد: سناب سوالف قصيمي الكتابي
هههههه الله يسعدك ياشيخ الجوو هاليومين حار مايصلح للرحلات
سكري حالي معجب بهذا.
|
|
#334
26-06-23, 02:19 PM
|
||||
|
||||
|
رد: سناب سوالف قصيمي الكتابي
امس بعد العصر وانا بالدوام اشوف سناب لولدي مسوي سناب وهو بالبيت ويرويني صوره حريق كبير يقول هاذا حريقه في بيت جيرانا طبعا بيتنا ملازق لهم ويقول الدخان وصل لبيتنا يقول ولدي نزلت لهم وكل الجيران يساعدونهم والمطافي جايه بالطريق.
المهم عاد رجعت البيت وقد طفت المطافي الحريقه وباقي بس مسؤول يسال أهل البيت كيف جاء الحريق قالوا التماس في المكيف شبت النار بغزاره والله لو تشوف الحريق تقول الله يستر. لقيت واحد من الجيران وقرب مني يبغي يقول شي لي قال والله انا بغى يجيني شي معاد قدرت اتكلم. يقول الحرمه تقول سيارتي في الحوش مليانه بنزين لأن الدريشه بطلع منها النااار واشوي طلعنا السياره ويقول بعدها قالت هاذي ويش اسمها يقول نسيت اسمها قالت إنها باقيه داخل البيت ويقول تعقرت رجولي ماقدرت اتكلم. وشاف ولدها أن وجهي تغير قال ترا هاذي بس القطوه حقتنا.... المهم تشكرت للرجال وفزعتهم وباقي الجيران.. المشكله ابوهم مسافر وجايبنهم ضيوف في الاجازه. الله يعوض عليهم. وقلت ماني متصل على ابوهم يمكن ماعلمووه عشان مايخوفونه عاد توني مقفل السماعه منه وابي احس النبض وسلمت عليه قلت الحمد لله على السلامه ابي اشوفه أن قال علي ايش قلت كأني شفتك وصلت الدمام بس رد على قال الحمدلله على ماصار كلمني ولدي وعلمني المهم قلت الله يعوض عليكم. وولده مسكين توه متزوج ماله الا شهر قال هاذي المكيفات ومشاكلها بالصيف . . الحذر الحذر
|
|
#335
26-06-23, 03:17 PM
|
|||||||||||||||||||||||||||
|
|||||||||||||||||||||||||||
رد: سناب سوالف قصيمي الكتابي
والله من أكبر المصايب ( الحرايق ) أن جات الانسان كلته وشلوطته وأن نجاه الله كلت ماله وحلاله والحياة صعيبة والله ، الله يعوض عليهم ويرزقهم من حيث لا يحتسبون والحمد لله الله سلم أرواحهم أذكر يوم صغير احترق بيت احتراق كامل كان بالظهر بعز الرمضاء والشمس اللي تحرق الوجه وأنا صغير أقول وين بيرحون الحين تشردوا مساكين وبيتهم ومآوهم راح عنهم لاحول ولا قوة إلا بالله اللهم يسر عليهم وأزل الكرب عنهم ولا تصيبنا ولا كل مسلم بمصابهم يارب العالمين
سكري حالي معجب بهذا.
|
|
#336
26-06-23, 04:27 PM
|
|||||||||||||||||||||||||||
|
|||||||||||||||||||||||||||
رد: سناب سوالف قصيمي الكتابي
شكلك ياغريب عندك معاناه من الحريق عقب ماشفت الحريق وانت صغير ايوالله وين يرووحون. اللهم آمين والله يجزاك خير على الدعوه ويعوض عليهم
غريب الماضي معجب بهذا.
|
|
#337
02-07-23, 08:32 PM
|
||||
|
||||
|
رد: سناب سوالف قصيمي الكتابي
مابعد الحريق اليوم انا وجاري عقب بعد صلاه العصر قال ادخل اوربك الحريق والله مساكين المجلس احترق كامل حتى الدرايش اكلتها النار
الصاله راح جزء منها وتوهم مسوين حاجه مثل الخشب مثل البلاط انعدم من المويه وسياره الحرمه أكلت من القزاز الخلفي حاجه بسيطه بس يقول زوجها مسويه تأمين شامل للسياره.. عاد هم بكره بيجون عمال يسوون المجلس و الصاله قال بجيب وصله كبيره من الأسلاك عشان اوصل لهم كهربا من بيتي قلت ابشر وشغلنا لهم الكهرب لأن الكهرباء عندهم طافيه لأن أسلاك العداد محترقه.. بس مادري هل في طريقه يتم التعويض لهم على الخساير.
|
|
#338
21-07-23, 01:10 PM
|
||||
|
||||
|
رد: سناب سوالف قصيمي الكتابي
جمعه طيبه مباركه ....
فيه واحد من الزملاء رايح لمصر تقريبا له أسبوعين وكل يوم يرسل سنابات ويقول شوف مصر ام الدنيا وهو يتسوق او علي التيل او في الفندق..... وكل يوم علي ذا الحال أنا عاد ارسل له مقاطع من الجنوب ابها والطايف والباحه أقول شوف جونا والغيوم والأمطار والجبال والخضره. خلينا نقهره مثل مايقهرنا .... اققول إذا أنتم ام الدنيا حنا ابوها مثل ماقال ابو نوره وزعلو وحقدو عليه المصاريه ليومك هذا ..المهم البارح ارسل مقاطع سناب وهو جالس علي النيل ومعه واحد قال تعرف هذا قلت لا ماعرفه قال انت تعرفه وقد درس معنا اول متوسط قلت مستحيل اعرفه . قال إذا عرفته يعطيك ألفين ريال شفته ماش قلت صعب جدا اعرفه قال اسمع السالفه وأنا اتمشي علي النيل لقيت اثنين يصلحون قهوه تركيه واعجيتي طريقه التصليح واسألهم كيف طريقه القهوة المهم علموني وقالوا لازم تقهوي معنا المهم تقهوينا واسالهم من وين أنتم قالوا من القصيم وسوالف معه قال أنا كان ابوي مدير الشرطه في قريه من قرى محافظه الخرج ودرست اول متوسط بس هناك . قلت بس مادام ايوه مدير الشرطه قلت هاذا يمكن تيسير. قلت له اسمك تيسير وتافجأ الرجال وقعد يطالعني وشكله خاف. المهم قال إذا انت مباحث وتراقبني ترا أنا الحمدلله واثق من نفسي ولايهمني اي شي.. قال عاد عرفت انه تيسيرالي درس معي اول متوسط ويقول اصلا مافيه شبه اول كان وسيم والحين تغير تغيير كلي . المهم علمته بمكاني واسمي وعرفني قال يالله اكثر من اربعين سنه وتقابلنا وكان زميلي يعرفه اكثر مني لأنو كان بينهم صداقه خاصه المهم يقول سلمنا علي بعض وقعدنا نعيد ذكريات اول بالرغم انهم مادرسو مع بعض الا سنه وحده بس كانت علاقتهم قويه وهو الوحيد الي كان يعرفه ياسر من بين الفصل . ويقول انبسطنا مع بعض وخذيت رقمه وعطاني رقمه ويقول الليله بيسهرون ويطلعون مع بعض ويقول معشيهم الليله في سفينه وبناخذ جوله فيها علي اتغام الموسيقي ونهر النيل والهواء العليل فيه. ويقول البركة في هالقهووه التركيه ... ا
|
|
#339
21-07-23, 02:13 PM
|
|||||||||||||||||||||||||||
|
|||||||||||||||||||||||||||
رد: سناب سوالف قصيمي الكتابي
وانت عرفته ولا ؟ شرايك نروح مصر
|
|
#340
21-07-23, 03:04 PM
|
|||||||||||||||||||||||||||
|
|||||||||||||||||||||||||||
رد: سناب سوالف قصيمي الكتابي
اهلين . لا والله ماعرفته ولاجبت له خبر لا بالصوره الجديده ولا بالصوره القديمه لأن علاقتهم مع بعض كانت قويه .... تبي الصراحه الرجال هذا يزن علي كل مره خلينا نروح مصر خلينا نروح لمصر ودائما اخر مره قال لي قبل مايروح وحتي وهو هناك يقول تعالي بس أنا ماحبيت مصر مادري ليش بالرغم هو مستحيل يروح يسافر لاي مكان وكل سفراته لمصر ... وفيه من المرات جلس 3 شهوور والحين لو اكثر من أسبوعين أقول مني تجي قال ماني جاي الا إذا مليت منها ... بالرغم انو واحد من الجماعه عنده شقه هناك واي واحد يسافر يعطيه مفتاح الشقه وقد عرض علي بس برضه ماقتنعت الله يخلينا خليجنا .
|
|
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
