|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
24-01-09, 05:06 AM
|
||||
|
||||
يوم من حياة بطل ..
مساعد .. واحد من الشباب اللي ما يهش ولا ينش .. لا خلقه زينه ولا سوالف زينه.. مساعد أشتهر فـ الحاره بأنه ضعيف الشخصيه وكلمه توديه وكلمه تجيبه يعني بالمختصر كأنه خدام الحاره .. والمثل اللي كان يقول أصغر القوم خادمهم انا قول إذا حضر مساعد فهو خادمكم  نظر مساعد الى نفسه نظرة المستاء من حاله وعاهد نفسه بأنه يغيرها للأفضل .. وبانه سوف يهتم بشكله والمظهر وأنه يكون صاحب شخصيه قويه وكلمته مسموعه بين الشباب .. ورأيه محسوب وعاهد نفسه بأن يغير حاله الى الأفضل وكان يتمنى بأن تكون له هيبه في الحاره بمعنى لا مرّ من عند الشباب وهم جالسين على الدكه يقفون له أحترام وتقديرا بمعنى اخر لا تكلم مساعد يقلون له الشباب طلباتك أوآمر بمعنى آخر إذا همّّ مساعد بشيء يقلون له الشباب أنت آمر وحنّا نقشر  .. جلس يفكر مساعد ويقول في نفسه لمتى وانا زلابة الحاره لمتى وأنا خدام الحاره لمتى وأنا ملطشة الحاره لمتى ولمتى بصير على ذا الحال ..؟نهض من غرفته متجه الى مراية الحمام ونظر لنفسه في المرايه وبدأ بفعل حركات غريبه يرفع حاجب مره ومره يسلهم بعيونه ومره يحد نظره ويصغر عيونه ألا أن أصبح شكله وكأنه جاوي أو برماوي  ..لكن أزدات حالته سوء وأحبط أكثر .. فجلس يفكر كيف يكون صاحب شخصيه تهابه الحاره كلها وما قطع تفكيره الا صيحه منه وصفقه بيده معلن عن وجود الحل المناسب ..  ذهب الى غرفته ولبس هذاك اللبس اللي اللي لو تشوفه هيفاء تقول ممكن أتصور معاك ..! واللي لو تشوفه زينب العسكري لكان ترجع عن قرار أعتزالها الفني وتسوي مسلسل ويكون البطل مساعد ..ذهب مساعد الى المرايه لكنه تفجاء وبعد مرور خمس ثواني فقط وهو ينظر الى المرايه بأن صورته اللتي في المرايه قد رحلت عنه وتركته  لم تستحمل هذا المنظر البشع اللذي يقف أمامها شاهد مساعد بأنه صورته من المرايه قد أختفت فقال عن ذكاء ودها وفطنه وبقهقه وضحكه ساخره ( ما أنقطع الأرسال في المرايه ألا يوم جيت أشوف نفسي ) .. قرر مساعد في هذيك الليله بأنه يظهر لعيال الحاره أنه صاحب شخصيه قويه وانه ما يهاب من أحد وطلع من البيت وحصل له أثنين من السمرمد اللي كانوا يطقطقون ويتمسخرون عليه كل يوم .. وقال لهم يا شباب ترى اليوم انا عازمكم على العشى اليوم في المطعم وأنتم محمولين ومكفولين .. الشباب مهوب مصدقين وشذا التغيير في ذا الادمي وش صار في الدنيا قال واحد وهو فاغر مساعد الخدام أصبح مساعد الكريم اللي يعزمنا على العشى ..!  لكن سرعان ما دقه خويه الثاني الفاغر وقال له لا تصدق تلاقيه سارق الفلوس من تحت مخدة ابيه .. أو أنه سادح له تيس من أحد الزرايب هذه وباعه ويبي يعشينا .. وما كان منهم الا أنهم يقبلون العزيمه ويتأكدون ..وبينما هم مندهشين ويتحدثون لبعضهم من قول مساعد مرّ هندي من جمب الطريق على دراجه فـ شاهده مساعد وتذكر ما كان يفكر فيه وأنه لازم يكون قوي وشخصيه قويه فذهب وأمسك بالهندي المسكين الغلبان مع فنيلته فقال له انا كم مره نبهتك أنك ما تمر من قدام بيتنا يا ملعون الوالدين  ..؟ وهو ماسك في الهندي ينظر بطرف عينه الى الشباب اللي عازمهم ويتأكد بأنهم ينظرون أليه ويعلي صوته ويصايح على الهندي بعد ما تأكد بأنهم ينظرون اليه ويمسكه تلطيم وترفيع في الهندي وما أنفك منه الا بعد ما تـدخل أصحابه وقاله له أرحم المسكين يا مساعد ..وجلس مساعد يلعن ويسب في الهندي ويسوي نفسه عصبي .. وكان يتمنى يشوف هندي ولا بنغالي ثاني عشان يتلقف عليه ويطقه ويثبت لأصحابه إنه قوي والشباب يقلون له ي مساعد تعوذ من أبليس تعوذ من الشيطان يابن الحلال ..ويرد مساعد وش أسوي في نفسي الله خلقني عصبي وقوي في نفس الوقت .. والله غصب عني صرت قوي .. وشغل مساعد سيارته متجه ألى المطعم وركب معه أصحابه الأثنين .. كانت سيارته كرسيدا موديل 88 مركب لها واجهة هايلوكس ومركب كراتين محل قزاز البيبان وكان حتى شايل البيبان ومركب بدالها أبواب حديد مثل بيبان البقايل وحاط فيها قفل .. واذ جاء يبي يفتح سيارته كأنه يفتح بقاله .. واذ كان يمشي بسيارته وأذن الاذان يوقف سيارته على جمب وينزل يقفل باب الحديد لانه خايف من الهيئه تشوفه وتحمله في الجمس ..وتحرك بالسياره متجه للمطعم وطول الطريق وهو يسب ويلعن في أصاحب التكاسي الهنود ويسخط عليهم والعيال مستغربين من اللي يشوفونه ..ومساعد يحاول أنه يثبت لهم بأنه صاير قوي وشخصيه ولا يخاف من أحد ومسوي نفسه شديد قدام أصحابه ويحاولون العيال يهدونه لكن ما فيه أمل من مساعد .. شاهد مساعد سياره صغيره وبها واحد نحيف وصغير فرح مساعد وقال هذا سعودي واللحين بثبت لهم كيف أني منجد صرت قوي وأثبت نفسي قدام عيال حارتنا .. وسرع مساعد ولحق راعي السياره الضعيف .. وقام يضرب له بواري وفتح قزاز سيارته وقام يصايح عليه ويسبه ويلعنه ويطلب منه إنه يوقف على جنب .. واصحابه في حالة ذهول ..دخل راعي السياره الضعيف في شارع فرعي ووقف سيارته .. بينما مساعد الذكي وقف وراه وفتح قزاز سيارته عشان أصحابه يشوفون كيف إنه قوي .. نزل راعي السياره الضعيف من سيارته ونزل مساعد من سيارته وهو معصب ويصايح ..اقترب مساعد من راعي السياره الأخرى ومسكه مع حلقه وقال له بصوت مرتفع عشان يسمعونه اصحابه .. ليش تحدني يابن الكلب ..؟ استغرب راعي السياره وحلف إنه ماحده وانه ماشي في طريقه ..!! سكت مساعد قليلاً وهو ماسك راعي السياره مع حلقه ويحاول أن يجد عذر مقنع عشان يضرب راعي السياره الأخرى .. قال مساعد بعد فترة سكوت .. طيب ليش تقطع الإشاره ياملعون الوالدين ..؟ رد راعي السياره إن الشارع اللي كانوا فيه سريع ومافيه إشارات من الأساس .! رجع مساعد يفكر وهو ماسك الرجال مع حلقه .. حاول الرجال إنه يفك يد مساعد من حلقه وقال له ياخوي إنت ماسك حلقي وتفكر .. تراه حلق مهوب كتاب رياضيات عشان تمسكه وتفكر .. فكني يابن الحلال..قال مساعد يابن الحلال اصبر خلني أدور سبب أضربك عشانه ..استغرب الرجال من رد مساعد وقطع مساعداستغرابه بقوله .. اييييييييه لقيت سبب ..هالحين يابن الكلب ليش ماربطت حزام الأمان ؟قال الرجال الضعيف وانت وش دخلك أربطه ولا ما أربطه ؟؟ قال مساعد أنا أفهمك وش دخلني ياملعون الوالدين .. هالحين حزام الأمان فرضه الأمن العام والأمن العام مسؤول عن سلامة شعب وانا واحد من الشعب .. وانت ماربطت حزام الأمان يعني كأنك تقول للأمن العام كلوا تبن.. ومثل ماقلت لك إن الأمن العام مسؤول عن سلامة الشعب وانا من الشعب .. يعني انا آكل تبن يابن الكلب ..! وسدد مساعد لكمه خطافيه لوجه الرجال الضعيف وقام يرفع ويبقسه ويرفسه وهو ينظر لإصحابه بطرف عينه ليتأكد أنهم يشوفون قوته .. والرجال كان يصيح بصوت عالي ويقول .. صااالح صااااااااااااالح .. ومساعد يواصل الضرب ويقول .. على بالك تبي تخوفني ..؟ وبينما مساعد يضرب الرجل وخاش جو .. انفتح باب سيارة الرجل الضعيف ونزل منه رجل كبييييييير وضخم وطويل ..كان الرجال هذا سادح المرتبه ونايم جنب السواق وما انتبه له مساعد .. وكان هذا الرجال هو صالح اللي يناديه خويه الضعيف .. انصدم مساعد يوم شاف الرجال الكبير وتشنج مكانه وهو ماسك الرجال الضعيف مع حلقه .. حاول مساعد يوخر يده من حلق الرجال لكنه ماقدر لأنه جسمه مهنق وأعضاء جسمه ماعاد تقبل أي أوامر من الخوف .. اقترب صالح الضخم من مساعد.. ومساعد يحاول يصرف الموضوع ويقول للرجال الضعيف وهو ماسك حلقه .. خلاص ياخي لا تضرب .. خلاص ياخي بطل .. خلاص ياخي أخذت حقك ياخي وزياده فكني والله ماسويت لك شي وانت لك ساعه تضرب فيني وانا مقلت لك شي .. صرخ الرجال الضعيف في خويه صالح وقال له .. والله انه نصاب هو اللي تحرش فيني طقني شف وجهي كله دم .. قال مساعد لا تصدقه ياصالح هذا الدم اللي فيه دمي أنا ..قال صالح لـ مساعد طيب ليش ماسك حلقه ؟؟رد مساعد بدلاخه في محاوله للتصريف انا جالس أقيس حرارته بس !! تنرفز صالح وزعل وقال .. تقيس حرارته من حلقه والله لو انه خروف حاول مساعد إنه يثبت لصالح إنه مظلوم وقال له والله هو اللي ضربني حتى أوريك بعد ..فك مساعد حلق الرجال الضعيف وجلس مساعدعلى الأرض يدور أي جرح قديم في جسمه عشان يوريه صالح ويثبت له إنه صادق رفع مساعد الكم حق سرواله ولقى جرح قديم في ركبته ووراه صالح وقال له .. شف وش سوى فيني خويك .. يرضيك كذا ..؟ عرف صالح إن مساعد كذاب وضربه لكمه على عينه وصار مساعد مايشوف زين وصار يشوف ضباب من قوة اللكمه ..وكمل صالح ضرب مساعد قدام أخوياه وأصحابه وكف رايح وبقس جاي ورفسه جايه وكوع رايح ومساعد طول الوقت يترجى صالح إنه يتركه ويقول له تكفى خلني أروح قبل ماتمطر .. لأن مساعد صار يشوف ضباب يحسبها بتمطر من الدوخه أما صالح فكان مواصل الضرب في مساعد بإستمتاع ..ومساعد يحاول يصرفه ويقول له تكفى خلاص تأخرت على العشا حتى شف الساعه بعد تأخرنا والله .. وبعد مده انتهى صالح من ضرب مساعد .. وركب صالح وخويه سيارتهم ومشوا .. أما مساعد كان منبطح على الأرض من كثر الضرب اللي جاه .. وأصحابه في السياره ما نزلو منها من شافو صالح الضخم وكانو يراقبون الموقف بخوف .. تحامل مساعد على نفسه ووقف وتوجه لسيارته .. ومن الدوخه فتح الباب اللي ورى وركب وجلس يدور الدركسون وهو معصب ويقول لأصحابه وين وديتم الدركسون ياعيال الكلب ..قال واحد من أخوياه وهو يرجف انت راكب ورى تعال اركب قدام ..انتبه مساعد إنه مضيع وحاول يصرف لإصحابه وقال أدري أدري إني راكب ورى بس كنت أبي أشيّك على زيت الفرامل ..ركب مساعد قدام وهو دايخ ومايشوف ومتفشل من أصحابه ومايدري وش يقول لهم ..وساق مساعد السياره وهو مايشوف إلا ضباب وحاول إنه يمسك الطريق ..وقال مساعد .. أهم شي إني عرفت شكله .. والله ما اتركه ابن الكلب والله ما أخليه .. أهم شي إني عرفت شكله .. رد صاحبه عليه وقال له أنت أهداء بس وما صار الا خير .. رد مساعد بغضب وش دخلك انت ياملعون الوالدين  ..!عاد جلس يقكر مساعد وقال لازم أوفي بكلمتي وأعشيهم وأخسر صفه القوة ولا أخسر صفتين وأكون ضعيف وبخيل وحضرمي .. وبعد فترة سكوت قال مساعد للعيال .. والله البلشه هالحين كيف أدخل المطعم ودم عيالك الكلب على ثوبي ووجهي طالعو أصحابه فيه وقال واحد منهم دم عيال الكلب هاه ..! موب مشكله يا مساعد مو لازم نتعشى اليوم.. قال مساعد وهو مازال دايخ لا انا عندي كلمتي بعشيكم وعلى حسابي .. أهم شي إني عرفت بيته ..! وصل مساعد للمطعم ودخل من باب وهو مايشوف زين من الطق والضرب اللي جاه ووجه مبقع كله دمّان .. وجلس مساعد في أول مكان جنب باب المطعم عند الدرج وهو يقول في نفسه .. هالحين هذولي الملاعيين وينهم حقين المطعم ما يشوفوني جالس ابي أطلب عشى ..؟وبينما مساعد يكلم نفسه انتبه إن فيه أصوات تنادي عليه .. ويوم دقق في الوضع لقى أصحابه ينادون عليه ويبونه يجي عندهم ويجلس في الجلسه لانه كان جالس عند بوابة المطعم وعلى دكة الدرج .. راح لهم وجلس معاهم في الجلسه تدارك مساعد الموقف وقال ماعليش يالربع أهم شي إني عرفت شكله ..وكان في المطعم شلة شباب أخرين من جماعة أخويا مساعد قال أحد أخويا مساعد نبي نروح للجلسه الثانيه نسلم على الشباب قبل ما يجي العشا وقال مساعد يالله نروح نسلم عليهم ونرجع أهم اني عرفت شكله .. وقامو أخويا مساعد يسلمون على الشباب ومهم مساعد ما يعرفهم ووراه خويه يعرف عليهم لمساعد والعكس .. وبينما مساعديسلم وصل عند واحد وسلم عليه ..وحس مساعد إن يد اللي سلم عليه قاسيه .. وكان خويه يسحبه لكنه ما اهتم وقام يحببه ويبوسه ويسأله عن أخبار عياله واهله والتفت مساعد على خويه وقال له ماعرفتنا على الحبيب .. وقام خويه وسحب مساعد بقوه وقال له ياثور هذا باب الجلسه فشلتنا ..انحرج مساعد من الحاظرين وحاول يصرف الموضوع وقال .. ماشاالله هذا باب الجلسه .. والله كبر بسرعه قسم بالله إني اذكره من يوم كان باب دولاب .. شفتوا كيف الأيام تمشي بسرعه وكبر وصارباب الجلسه .. بس والله اني متحسف إني مالحقت عليه زمان يوم كان باب المطبخ ..بس ولا يهمكم يالربع أهم شي إني عرفت شكله ..وبعد ما سلمو على الشباب رجع مساعد واخوياه لجلستهم وبعد فتره بسيطه جاء العشى بيقومون يجلسون على الصحن قام مساعد وهو مايشوف من الدوخه وجلس في أقرب مكان .. وحاولو أخويا مساعد إنهم يقومون مساعد لكن مساعد قال والله ما أجلس إلا هنا عادي كلها نعمه .. أنتم بس تمو وتعشوا وهذا والله قليل في حقكم .. وأحد أخوياه يسحب في مساعد بقوه ويقول له قوم لاتفشلنا ..! ومساعد يقول ياخوي كلها نعمه خلاص باجلس هنا رد خويه بغضب وقال ياحمار إنت جالس قدام الجدار وصحن العشا وراك.. وكان مساعد يحسب إنه جالس على صحن العشى مادرى إنه مقابل الجدار.. وقال مساعد في محاوله لتصريف أخويا ترى حتى الجدار نعمه من الله واهم شي إني عرفت شكله ..! ما يستفاد .. 1 / لا عمرك تسوي قوي قدام أصحابك .. تبي تسوي قوي قدام ناس غرباء عادي ما يخالف .. أنطم يا شين لا تعطيهم ما يستفادات .. 2 / لا تستقون على الضعفاء لأنه على قول المثل كل طير مسطل على طير واللي يسوي أنه قوي بيطلع له صالح قريّب ..
|
|
#3
24-01-09, 09:20 PM
|
||||
|
||||
هههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ه قسم ان مساعد مسطل  ,, اهم شي اني عرفت شكله  والله لو انه باتل على دباشته ازين له ,,,,اهم شي اني عررفت شكله بس حلوه الامن العام مسؤل على سلامة الشعب وانا واحد من الشعب هههههههههههههههههههههههههههههههههههههههههه قصم لنه فللللللللله هههههههههههههههههههههههههه.. اهم شي اني عرفت شكله يسلمووو ابو راس <<داري انه موب اسمك بس دايم اقراء اسمك ابو راس يسلمو ابو راس على القصه المتعوب عليه ,, بس اهم شي اني عرفت شكله  تم التقيم 
|
|
#4
24-01-09, 10:31 PM
|
||||
|
||||
|
هههههههههههههههههههههههههههههههههه
والله مساعد شي بس مارحمت الا الهندي الضعيف الي تكمخ من مسااعد هههههههههههههههههههههههههههه يسلموووووووووووووو يستاهل التقيم
|
|
#5
24-01-09, 11:22 PM
|
||||
|
||||
|
شهد الكون رجعت قبلك وأنتي باقي ما رجعتي ..
تسلم يدك يارب ويجعلها ما تتكسر على التثبيت.. وعقبال ما أقول يجعل يدك ما تمس النار بعد ردك .. شكراً ..
|
|
#7
24-01-09, 11:41 PM
|
||||
|
||||
|
أهلا وسهلا بـ ولد بريده نورت الموضوع بطلتك البهيه ..
مساعد وما أدراك بمساعد الدلخ والدبش والزلابه اللي في يوم من الايام ما يسوى بيزه واللي ما احد يدري عنه .. وفي اليوم الثاني تحصله مساعد الأبضاي .. واللي ما يدري عنه يدري ولد بريده يقلون من شدة الأحباط اللي كان يصيب مساعد لمن ينظر في نفسه ويشوف انه أقل مستوى من غيره من حيث الشخصيه والمنظر والملبس قرر في يوم وليته ما قرر .. بحيث أنه دخل البيت واخذ البشت حق ابوه ودق هذيك السكبه اللي لو تطلع صورته في غلاف الصفحه الرئيسيه لاحدى المجلات كان صار للمجله هذه أقبا كثير من جميع الفئات السنيـه ويزيد أقبال الفتيات لهذه المجله ..وطلع من البيت وهو لابس البشت لكنه تفاجأ بأنه ما قابل احد في الشارع يلفت أنتباه لان مساعد غبي طلع آخر الليل وفاتته الفكره بأنه يطلع في العصر او المغرب في وجود الناس وأصبح شكله وهو لابس البشت وكأنه شيخ قبيله ضايع ..ولد بريده حياك الله تشرفني ولا تكلف .. وشكراً على التقييم يا عسسل ,,
|
|
#8
24-01-09, 11:52 PM
|
||||
|
||||
|
أهلا وسهلا بـ فراوله حمراء .. أجل فيه فراوله زرقاء
هذا مساعد لو يدري اني كتبت عنه موضوع وكل من جاء ذكر اسمه كان اللحين عدل جلسته وقام يبخ على جسم انواع واشكال العطور والبخور الدلخ يحسب نفسه بيطلع على التلفزيون مثل ما جلس يشوف نفسه في المرايه وصورته راحت وتركته وقال الدبش ويييه هو ما أنقطع الارسال الا لمن جيت اشوف نفسي ..والهندي اللي تلطم من مساعد وأنظلم أخذ حقه بزياده وهنا يجي هذاك المثل اللي كتبته في المايستفادات غلط وبأصححه هنا واقول بأن كل طير مسلط على طير وانا كاتب مسطل وربي سلط صالح على مساعد وخلاه يشوف الدنيا أربع اربع ويشوف ضباب من كثر الترفيع والبقوس اللي اخذها منه وعقب الضباب بينزل المطر .. حباك الله يا فرواله وحيالله جميع الفواكه ومشكوره على التقييم ..تشرفين ولا تكلفين ..
|
|
#9
24-01-09, 11:59 PM
|
||||
|
||||
|
رومانيا .. بياك وأغلاك الله ..
 <- ذا الاختصار أدور عليه من اول ما لقيته اللحين نسخ ولصق في المنتدى وداري انك بتقولين يفدى راسك يابو راس لانه صعب جدا جدا تقولين هذا حقي وليه تاخذه ومدري وشو ويعتبر هذا التصرف منك تصرف غير حضاري وغير كذا انتي المشرفه صاحبة الوزن الثقيل في المنتدى وتبين تكون صورتك حلوه وقدوه لكل الأعضاء .. ولا كيف يا رومانيا .. بالله كيف حشرتك في زاويه صح ولا .. المنتدى منور بأصحابه وأهله وناسه .. رومانيا أنتظرك ..
|
|
#10
25-01-09, 12:34 AM
|
||||||||||||||||||||||||||||||||||||||||||
|
||||||||||||||||||||||||||||||||||||||||||
أضحك الله سنك
كثير اللي مثل شخصية مساعد .. يكسرون الخاطر الله يكون بعونهم  مدري ليه رحمته يعطيك العافية ياخيي ع الموضوع .. ويستاهل الفايف ستاااار .
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
..!
العرض العادي
