العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#41
|
||||
|
||||
رد: طموحنا غدُنا ...
-
هلا دانة ، أتفقْ مع كاااملْ كلامكْ ، لكِـن ! وش فايدة الطموحاتْ لاصارت أرض الواقعْ بوّر !؟ لاصارْ الغدّ مثل آمس مثل يوم إستلامْ الوثيّقة قبل (سبع/ثمان) سنواتْ !؟ لاصارْ أحلامك موؤده و طموحاتكْ مذبوّحه من الوريّد للوريّد على (يد وزيّر التعليّم) ، وش الفايّدة من رسمْ أحلامْ / وسعيّ لتحقيّقها دامها بالأخيّر بتصدمْ (بـ حماقات الوزارة وتخبطاتّ مسؤوليّها) !؟ بـ إختصاااااار : (غدُنا محتاجْ "فيتاميّن واو" منشان يصبح خصبْ) بتقوليّن مو عذرْ بـ الإمكانْ الإلتحاقْ بدورات تساعد في تحقيّق الطموّحات ، بقول لك : صادقة و مانختلفْ لكن ! مو كِل المناطقْ تتوفر فيها هذي الدوراتْ / ومو الكلْ قادرْ على دفعْ رسوّمها / ومو الكلْ يتقن التعلمْ عن بُعد ) : : م أخفيّك بعد ظهوّر الاحتياجْ الوظيفيّ (السيءْ جداً) قبل كم يوّم شِلت من باليّ فكرة التعليّم والتقديّم عليه ، وبدأت في بالي تشتغلْ فكرة بـ (الوظايّف في المحلاتْ النسائيه) ، (يشهد الله على كرهيّ لها) لكن ماعاد بقى غيّرها مخرجْ ، ماتنازلنا وقدمّنا حتى على نجران رُغم صعوّبة الوضعّ من (المسافه و المرافق) إلا إننا قبلنا بها وجاهدنا حتى طوّعنا الظروّف ، ومع كِذا تظهر نتايّج ! تنسفّ كل أمالك وتفاؤلكْ وتساويّ بها أرض اليآس ! مع العِلم >> إنيّ أقدر أحققها بمجردْ أصرحْ فيّها لأهليّ لكن وقتها ماراحْ تكوّن (طموحيّ) ولا راح أحس بـ لذة الإنجازْ لاني ببساطة (ماسعيّت/ ماتعبت) فيها .. لذالكْ مازالتْ للآن (سرْ) حتى يآذن لها ربيّ وتشوّف النوّر مُمكن شرقتْ و غربتْ بـ نظرتيّ لفكرة الموضوّع ، لكن تكلمتْ من زاويتيّ كـ بداية لتحقيّقها لابُد من مصدرْ خاصّ وهالشيْ من ناحيتيّ محصوّر في (التعليّم فقط) والتعليم مستوليّ عليه (هادمْ الامالْ) الله يعجلْ بزواله عن هالمنصبّ ... تقبليّ مروّري الــــدانة معجب بهذا.
|
#42
|
||||
|
||||
رد: طموحنا غدُنا ...
أيا كان الطموح ماحصرته في مجال معين لا تعليم ولا دورات الطموح اللي اذا تسكر بوجهك باب تفتحين بداله ألف باب تسعين لحتى تحققي ذاتك ( وأنتِ بالبيت ) كلامي مو على شيء مادي فقط مجرد يكون عندك وعي وإدراك لكذا فن في الحياة أعتبره طموح مثلا عندي صفات سلبية ( أبحث كيفية علاجها والتخلص منها نهائي ، ولو بشوفها في أحد كيف بتعامل معاه ) خبرك الشخصيات تختلف في التعامل وإن كانت الصفة واحدة نجي للفقرة الثانية الجوانب الإيجابية كيف أعززها ؟ باختصار ( أبحث من أنا ؟ ) تطويري للبيت ، قضاء وقت فراغي بشيء أحبه وأبدع فيه وأنجز تقولون هذي الأشياء ماهي طموح !! بالنسبة لي أي شيء ( ولو كان صغير ) بزيدني أعتبره طموح لاتحقرين من المعروف شيء ربما هالشيء الصغير يكبر ويصير عظيم عند الله ( بسبب النية ) ................................... تبين نصيحتي ؟؟؟ إذا طموحك في التعليم تمسكي فيه ولا تيأسين إلا مايجيك عاجلا أو آجلا أنت لا تقدمين وحاطة في بالك بتتوظفين ، قدمي وقولي إن كتبها ربي والا ( خيرة ) من تخرجت من الجامعة صدقيني ما حطيت ببالي الوظيفة الحكومية مباشرة اشتغلت على نفسي لحد ما ييسرها ربي صدقيني لو بنتظرهم ( بطق من الغلقة ) كملت وتعلمت علم جديد وصرت أعطي بمجالي الجديد قبل لا آخذ الشهادة الحمد لله والحين بعمل جديد ( أكتشف حالي فيه ) والتقديم مرات أقدم ومرات يفوتني ( وكلمتي إن تيسر لي والا بكيفه ) أدري ممكن تقولين الناس يختلفون وفيه اللي محتاج لهذي الوظيفة <~ كثير يقولون لي نفس هالكلام !!! طيب وأنت تدرين عن حالي محتاجة أو لا ؟ يعني لازم أعطيك انطباع سيء عني حتى تحسين إني محتاجة ؟؟ ومع ذلك راتبي القليل مكفيني ومغطي بعض احتياجات البيت بعد ( فيه بركة الحمد لله ) هي قناعات بسيطة ومنظور مختلف للأمور ( وتضبط الأمور بإذن الله ) ما أقول كلامي لا مثالية ولا تنظير كنت بحال من السلبية مايعلمها إلا الله وطورت من نفسي وما انتظرت أحد يطورني ولسا باقي مشواري طويل وأنت ماشاء الله يبدو لي راقية وواعية ( جدا جدا ) ................. طولت عليك لكن بقيت نقطة أخيرة إذا مو مقتنعة بالعمل في السوق ( لاتشتغلين ) فيه مراكز ودور تحفيظ وروضات ومدارس أهلية ممكن تشتغلين فيها فيك تشتغلين مسوقة من البيت مو كذا والا كذا أنتِ جالسة بالبيت ( حسب اللي فهمته من كلامك ) برأيي العمل في السوق مو حل ( وإلا مايكون له أثر ) .. وبالنسبة لراعي المنصب في التعليم اللهم اخلفنا فيه خير خلف ( ادعي بهالدعوة ) لأنه ان طار ممكن يجي اللي أسوأ منه .. الله يوفقنا وإياك طولت عليك ، لكن حسيت إني أسولف لك من قلبي تشرفت بمرورك
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |