|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
15-04-10, 08:32 PM
|
||||
|
||||
««كَشكٌوولَ نٌسَيٌجٍ آلحُ ـبَ ••
 . . اذا في يوم جيت وشفت بزر مـآر بالشآرع وتعطيه كف راشدي من غير سبب ويسآلك ليه الطق تقوله كذا والله مزاج اذا رحت تكشخ وتلبس اطلدز لبس عندك همن تقعد بالصاله يجيك احد يسآلك في احد بيجينـآ تقوله لآ يرجع يسآلك اجل ليه متزين يقوول كذا والله مزاج اذا طق برآستس ترقصين وتروحين غرفتس وتشغلين المسجل يجيك احد دآعس ع الطبلوون ويدف الباب ويسآلتس في عرس قريب تقوله لآ يرجع ويسآلك اجل ليه ترقصين فيتس سكني تقوله مزاج يالطيب اذاقعدت/ي عند التلفزيون وحـآط/ـه ع قناة العربيه واتابع الاخبار يجيك احد يسآلك بيجي بعده فلم / مسلسل/ برنامج اللي هو تقووله لآ يقولك آرحمنـآ يآالمثقف ينقالك بتحل قضايه الامه هت هت الريموت لآ والله اكسره ع وجهك مآبقى الا مبزره يتابعون الاخبـآر { وكل هالتصرافات ماتنبع آلآ من وآحد زهقـآن وطفشـآن ومآله خلق لشي } <<لآلآ اااا من جد متعوب عليه  . . هذي المقدمه الله يسلمكم وترى مالها شغل بالموضوع  وكل الزحمه اللي فووق ماهي الا فضفضه  السلـآم عليكم ورحمة الله وبركـآته << بدري والله  والله من زماان وآنآ افكر ودي آكتب شي تسذا بووه اكشن وحركات << ارحمنا  المهم بحكي لكم سآلفه صـرت لي وانا صغيرهـ مره كنا مسافرين عند خواالي بالدمام قال ابوي دامهم هناك خلني اصبغ البيت والله ويصبغ البيت وطبعا رجعنا لبيتنا الحبيب مدري ليه لسافرت مكان وطولت احس بشووق اووب طبيعي لبيتنا وهـ بسس وش زينك  << لآ بالله العقل انفصل احد يشتاق لجماد  البيت كولو مصبووغ مابوه الاعزكم الله الحمامات و المقلط ماجاه ونقعد بالمقلط قصم اذكر البيت ريحته يؤؤؤه كلها صبغ  << ترحم  وكان بالحووش في سطول صبغ وواحد منهم كان فيه دهان ع شكل ماي يعني اللي يشوفه يقول هذا ماي  << ابد وصلت الفكره وانا عاد ماصدقت خبر وانادي دلع واقولها تعالي خلينا نتوضـآ ونصلي من هذا السطل عاد دلع اسم الله عليها تنفذ من غير ماتفكر يعني لو اقولها بوسي رجلي تبوسها ماعندها اشكاليه << حط رجلك  يعني انا اشوف تصرفاتي وانا صغيره صدق احس اني دلخه بس مثل دلاخة اختي دلع ماشفت صراحتن  << براااااااااا  واقول لدلع خلينا نقرب السطل عند باب المقلط ونقربه  ونتوضا ونصلي ويوم جينا تعشى تقولي امي نسوج قومي اغسلي الملعقه من المغسله وانا مسويه فيها ابو العريف واني فاهمه وحركات نص كم << مااقول الا يآشين هالاشكال ترفع الضغط بقووهـ  واقوم واوقف عند الباب واغسل الملعقه من السطل << يـآخطيره مدري شلون مااسمع الا صراخ امي نسيييييييج وانا اقول لبيه ترى صدز انا قبل مااقول الا لبيه حتى خواالي يقولون لامي ماشاء الله عليها نسيج ياحلو كلمة لبيه منها << الحين دوروا نسيج ماتلقونها  بس مدري وش فيهم العالم صكوني بعين بس سآعآت اقولها  << لآ فيتس خيرنكمل يوم صرخت علي امي تقوم وتجي عندي وهمن تعطيني كف راشدي مدري منين جـآي وتقول انتي صاحيه وارجع واقولها وانا دمووعي ع خدي << مشهد مــآسآووي وين حقوق الطفل << برا لو سمحتي يمه وش فيتس هذا ماي تقولي لآااااااا هذا مومااي وانا من الصدمه اووب مستوعبه لااا اكييد ماي وبعد العشاء اروح وآسـآل ابوي واقوله اني توضيت منه ابووي قعد ينكت علي ويقول يؤؤؤه يؤؤؤه بعدوا عنها الحين نسيج وجهتس بيصير مثل لون المجلس بووني خلـآص ابووي مسكها ضحك واطنازه وانا اصييح تخيلوا رحت اخذت طشت واحط صابون تايد وانا في حالة مآســآويه بجد  واخوواني الصغار يطالعون فيني كنهم يقولون مسيكينه اختنا استخفت وافرك وجهي ويديني وارجيلي ويووم خلصت اروح عند ابووي اقوله ابووي الله يخليك ودني المستشفى يقولي الحمد الله والشكر وش بيسوون لتس المستشفى روحي روحي اقعدي بالحووش ولآحد يجيتس وهو يضحك <<< خير يبو وآنـآ عايشه الدور قاعده لحالي كل تفكيري بالمدرسه وصديقـآتي وآنـآ فكره توديني وفكره تجيبني اكييد مااحد بيمشي معي حتى بنات عمي بيتركووني وهاتك يادمووع لين امي جات وقعدت تقولي ماعليتس ابوتس يمزح معتس وانـآ في حاله لآيرثى لها اقولها خلـآص يمه انا مابي اعيش اوومي هنا عصبت وش هالكلام امشي امشي داخل ويعلمني ابوي الصدز ويقول لااا عادي مو صاير لتس شي ويوديني انا الخونه اخواني البقاله ويشتري لنا حلاو بو قلووب << جبر خوااطر توته توته خلصت الحتووته اترك الميك لكم  الختــآم .. 
|
|
#2
15-04-10, 11:27 PM
|
||||
|
||||
|
وعليكم السلام
ذا وشو صورة السطل ؟؟البيت نشتاق لانه جزء منا ,,انا اذا رحت لو يوم عن بيتنا اشتاق له ياحليلك انتي واختك دلع طب الحين يوم تحطينه على وجهك ماشميتي ريحه بويه روعه ذكريات الطفوله يازينها من ايام يعطيك العافيه على السوالف والذكريات الحلوة
|
|
#3
15-04-10, 11:38 PM
|
||||
|
||||
|
يآلبيه بس عالموآضيع الكوشخه ..~> يآحلو الكلمه مني
 ههههههههههههههه نسيج يآحلو سوآليفك إنتي وأختك ..!!باللهي الحين آكبر همك بنآت عمك وصديقآتك لآ يشوفونك بعد اللي صآر ويتركونك ..!!بس أبوك بصرآحه نذل ههههههههههههههههههه ..~>> تمون عليكم ..!طيب سؤآل ,, دلع مآخآفت على نفسهآ زيك ..!؟؟ياللآ أهم شي جبر بخآطرك وأشترآلك حلآوه ..!!مسويه ختم في الآخير يعنني كوشخه وحركتآت ,, على إني مو عآرفه وش ذآ الشكل الغريب ..!!بس بأقلدك وأسوي لك ختم من فوق ..!!لآتقآطعين يالشينه 
|
|
#4
15-04-10, 11:44 PM
|
|||||||||||||||||||||||
|
|||||||||||||||||||||||
أيوه صح يجي سطل بويه  ,, ليتني شآيفه ردك قبل مآ أنزل ردي ..~> ولآزآلت الدلآخه مسيطره عليهآ 
|
|
#5
15-04-10, 11:48 PM
|
||||
|
||||
|
اذا في يوم جيت وشفت بزر مـآر بالشآرع وتعطيه كف راشدي من غير سبب ويسآلك ليه الطق تقوله كذا والله مزاج
اذا رحت تكشخ وتلبس اطلدز لبس عندك همن تقعد بالصاله يجيك احد يسآلك في احد بيجينـآ تقوله لآ يرجع يسآلك اجل ليه متزين يقوول كذا والله مزاج اذا طق برآستس ترقصين وتروحين غرفتس وتشغلين المسجل يجيك احد دآعس ع الطبلوون ويدف الباب ويسآلتس في عرس قريب تقوله لآ يرجع ويسآلك اجل ليه ترقصين فيتس سكني تقوله مزاج يالطيب اذاقعدت/ي عند التلفزيون وحـآط/ـه ع قناة العربيه واتابع الاخبار يجيك احد يسآلك بيجي بعده فلم / مسلسل/ برنامج اللي هو تقووله لآ يقولك آرحمنـآ يآالمثقف ينقالك بتحل قضايه الامه هت هت الريموت لآ والله اكسره ع وجهك مآبقى الا مبزره يتابعون الاخبـآر من جد هالفضفضه جات فالصميم احسك تكلمين عني ,,,,,, بالاخص اذا فراسك رقص نرجع لب الموضوع صراحه تنرحمين يوم ان امك تعطيك كف وانتي ماتدرين وش السبب  والا عاد جبر الخواطر اكيد هالحلاوه نستك كل الموضوع ولاكنه صار لك شي,,,,,,,,,,, صراحه موضوع جونان يسلمو........ لتس احلى تقييم
|
|
#7
16-04-10, 11:07 AM
|
||||
|
||||
|
ويم‘ـين منسمآت
م‘ـدري وش تح‘ـسوآ فيه يوم تغ‘ـسلوآ ببويهـ  آشوى ـآ مـآع‘ـدمت ج‘ـسمكـ آبوك الله يخ‘ـليه لكِ بـــآآآآرد  وبكل ثقهـ تكملي الفغ‘ـآره وتغ‘ـسلي الملع‘ـقهـ وآمك آم عريف مآع‘ـندهـآ تفآهم خدشة طفولتكـ آجل تصكـكـ بكف  ترى ـآ اللحين لو رح‘ـتي مكآن وتبغي شيء وآبوكِ رآفض وهآوشكِ  ع طول دقي على ح‘ـقوق الأنسآن ويجوآ يآخذوكِ  ويحققوآ طلبتكـ  <~كف بالله‘ ’ آنتي مثل آخوي المفهي لاسفرنـآ يصور بيتنـآ يقول بيوحشني   <~مدري وش يحس فيه‘ ’ نسيج موضوعكـ خ‘ـقهـ  لآتقطع‘ـين بنشوف سوآليفك كل آبوهـآ هنـآ تقييم 
|
|
#8
16-04-10, 11:16 AM
|
|||||||||||||||||||||||||||
|
|||||||||||||||||||||||||||
ع‘ـلبة نيدو  <~آآآوت
|
|
#9
16-04-10, 01:20 PM
|
||||
|
||||
|
وكان بالحووش في سطول صبغ وواحد منهم كان فيه دهان ع شكل ماي يعني اللي يشوفه يقول هذا ماي << ابد وصلت الفكرهوانا عاد ماصدقت خبر وانادي دلع واقولها تعالي خلينا نتوضـآ ونصلي من هذا السطل «كَشكٌوولَ نٌسَيٌجٍ آلحُ ـبَ •• يحلو ذكريات الطفوله ..من جد روعه يعطيك العافيه ياغاليه .. تقيم~
|
|
#10
16-04-10, 01:30 PM
|
|||||||||||||||||||||||||||
|
|||||||||||||||||||||||||||
اوب علبة نيدو ..   احم احم ... اتوقع مثل ماقالت هايدي
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | تقييم هذا الموضوع |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
