|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
06-12-14, 01:03 PM
|
||||
|
||||
خاص لبنات قصيمي نت ... ممنوع منعا باتا دخول الرجال
السلام عليكم ورحمه الله
اخباركم بنات اانا اليوم صار معاي موقف وبقوله بكل سراحه ووضوح واريحيه واعذروني اذا فيه اخطا املائيه ا و بالصياغه لاني منجد مزاجي مايساعد اني انمق وانسق الكلام وهو حقيقه مو موضوع .. هي سالفه ومع المناقشه ممكن يكون موضوع نقدر نستفيد ونفيد غيرنا بالمستقبل الزبده انا فيني قهر احسني مغبونه والله اني اكتب وانا يديني ترجف من العصبيه تخيلو حنا طالعين الصبح انا وخالتي وبنت خالتي ومرينا محل نبي كاسات ورق للشاهي وعلب قسدير لحفظ الطعام خليت بنتي مع خالتي ونزلت انا وبنت خالتي وحنا مستعجلين ..انا رحت اجيب الكاسات وهي راحت تجيب العلب وانا واقفه الا ويمر واحد من وراي ويلمسني ... انا انصدمت والتفت واناظر الا الرجال ماشي بطريقه ولا اللتفت قلت بنفسي يمكن بالخطا و المكان ضيق واحسنت الظن وعديتها الا الحقييير اثاريه كان يراقبني ويوم جينا نحاسب ... ويجي من وراي ويعيد نفس الحركه بس على اقوى لا والادهى والامر ويصف قدامي ويجلس يتكلم مع رجال وقف قبلنا يحاسب ولا كانه سوى شي انا خلاااااص صرت ما اشوف احد غير ها السنفور ابي اضربه ابي اسفل فيه ابي اشرشحه وبنت خالتي تقولي وش فيك واقولها انه سوى كذا وكذا وتسكتني تقول خلاص يابنت الخلال خلاص ... علت اصواتنا والناس يحسبونا عشانه تقدم علينا وسبقنا للكاشير .... وخرولنا الناس اللي بالكاشير الثاني وقدمونا وحاسبت بنت خالتي وطلعنا تخيلو وحنا طالعين واشوفه وجيت بتكلم واثاري معاه 3 حريم ومن ضمنهم وحده كبيره بالسن ... السراحه انا ماهمني والله لو معه اللي معه .. بس بنت خالتي ماعطتني فرصه كله تسكتني واسحبتني للسياره يوم ركبنا انهديت ببنت خالتي وطلعت حرتي كلهاا فيها واتكلم واقول لبنت خالتي وخالتي السالفه من البدايه .... واقولها ان الحقير كان قاصد وعاد الحركه مرتين تخيلو ا وش قالت ..... قالت ياليتي داريه كان وريناه الشغل ها ... قلتها لااااااه وش عقبه. .. يوم راح تكلمتي ... وزاد قهري قهر ... عاد انا خرب ام مزاجي وانعفست النفسيه ورجعنا لبيت خالتي وكنسلنا الطلعه اللي كل امس وحنا نخططلها كله بسبت ها الحقير الله لايسمحله درب ولايوفقه ولايهنيه بحياته ومن سوا سواته ونصيحه لوجه الله اللي يصيرلها اللي صارلي لاتسكت ... والله ماخلاهم يتمادون الا لاننا نسكت ونمشيها لهم اذا انا سكت وانتي سكتي وهذي سكتت كذا نوصلهم رساله اننا ضعيفات ومانقدر نتكلم او ان الوضع عاجبنى ومبسوطين على ها الشي وبكلا الحالتين نساعدهم على انهم يتمادون ويكررون فعلتهم الزبده يابنات هل سبق صار لوحده منكم مثل ها الموقف .. او سمعت سالفه لقريبه او صديقه عانت من نفس المشكله ... وكيف كان تصرفها وردت فعلها واللي ماحصلها مثل هالموقف وان شاء الله مايحصلها ..كيف راح تتصرفين لو صارلك مثل هالشي شاركونااااا
|
|
#2
06-12-14, 01:54 PM
|
||||
|
||||
|
شسمه يمكن احد منكم يجي بباله اني كاشخه بعبايه ملفته او تظهر شي من مفاتني بقوله والله ان عباتي تدخل خمس حريم معاي من وسعها ومافيها ولا حتى كُلفه او تطريز بطرف اكمامهاا ..
يعني انا ممكن اتساهل باشياء كثيره الا حجابي والحمدلله وبكل سراحه جسمي مافيه زود عن غيري ممكن اقول انه هو السبب
|
|
#3
06-12-14, 02:34 PM
|
||||
|
||||
|
[color="green"]
والله لج الحق ت تخافين ووتنزعجين... للاسف منتشره .... نحن دائما نخرج مع العائلة او مع خواني او بنات عمي اوربيعاتي وكثيير يطالعوننا من بعيد بس الحمد لله ما حد لمسني وذا حصللي .. راح اخااف بس يمكن اهدده باني بخبر عنه... وحتى اذا كنت بروحي بخبره ان اخواني معي بسوي نفسي بطلبهم ومراح ابين له اني خائفه وراح يهرب ... .... واذكر حدث لنا موقف انا وبنات عمي وكان احد يراقبنا .. بالمول . ودخلنا المحل وشرينا وحصلنااه يتريانا خفنا بس تظاهرنا باننا.. مانخاف منه وسوينا حالنا كاننا ... نطلب احد .. وهرب بسرعة .. واختفى .. وفعلا الكل يخاف انه اذا اخبر احد تستوي مشكلة او لاننا نستحي وانا اذا خبرت ابوي احد خواني متاكده راح يذبحونه وراح يمنعوني اخرج .... ممكن نتصرف كذا 1اذا حد لمسك لازم نظهر باننا غير راضين عن هالحركة حتى اذا كانت غير مقصوده. باي طريقة نفهمهم.. .. ختى لو خبطت شنطتي بالارض هههههه 2 خذي جوالك وتظاهري.. بانك تتطلبين احد او بس قوللي شرطة ..راح يهربووا مشكورة يا ترف وسلامات يا قلبي والله انها تحدث كثثثثر وتكونين لابسه عباية واسعة وفضفاضه ومع ذلك نجد هالنوعيات من البشر ومثل ما انتي قلتي مانسكت..وما نخلهم يتمادون الف شكر لج ترف موضوع هااادف[/COLOR]
|
|
#4
06-12-14, 02:39 PM
|
||||
|
||||
|
يمه والله الموقف صعب
الحمدلله ماعمري صار لي موقف مثل كذا بس اتوقع ﻻصار موقف لي مثلك اقسم بالله ﻻاقوم البوكس والعن شكله الحيوان وابحث عن اي شي قدامي لو انه عجرا وان ماحصل ارفع الجزمه واصكها بوجه الحقير الله يلعنه انا اعتقد المفرؤض من البدايه تلعني شكله الحقير ﻻنه يحسبك بالبداية راضيه وكرر هالشي مرا ثانيه الله ﻻ يوفقه الحيوان جعله باقرب تريله
|
|
#5
06-12-14, 02:39 PM
|
||||
|
||||
|
بجد بنت خالتك تقهر ومالها داعي
وكلامك صحيح المفروض الوحده ماتسكت لاتسكتون فزعوا الدنيا بيتأدب ندى الحياة أنت بتفكين بنات كثير ومنها تاخذين حقك بدل ماتقعدين مقهوره أتوقع انه بيكتشف بما إنه عبايتك كبيره ومهتمه تخفين كل شيء لأن بعضهم يفكر إنها أكيد حلوه وفيها معالم جميله بتخفيها وخايفة على نفسها عالم مرضى وش خليتي
|
|
#6
06-12-14, 02:54 PM
|
||||
|
||||
|
أحياناً في هذه المواقف تحتاج لمحرم
حتى لو اخوك او ولدك و عمره 7سنة ظل رجل .. يشعركم بالهيبة .. ويخاف ان يقترب منكم أحد
|
|
#8
06-12-14, 04:33 PM
|
||||
|
||||
|
أتفق مع صمت
وش تنقهرون وتصيحون لا اعتبروها حرب مثل ماقالت صموته لاتقهروننا تكفييييين اقل شيء صارخي وقولي ياقليل الادب وسوي زيطه وزمبليطه بيخافون وبيطلعون من هالموقف ماخذين درس ومو أي درس
|
|
#9
06-12-14, 04:57 PM
|
|||||
|
|||||
|
اقسم بكتاب الله لو اني مكانك الله لايقولها .. لانتقم منه شر انتقام
وامسك فيه بكل مااتيت من قوه واطلب الامن واجرجره بالسين والجيم واخسف فيه سابع ارض والله ما اتسما اخت اخوي ان تساهلت ... يخسي الاهوا ... لا تقولين استحيت العيب لما يتبع سيارتي ويعرف وين بيتي ويشوف اخواني واقرباي ويحس بنفسه اخت او غريبت هذول اللي لمستها اوكله تبن ...  تررررف ليتني معكـ والله لطيب خاطرك ..  عاد بروح اشوف ردود الخوات لاني رديت على طوووول هههه
|
|
#10
06-12-14, 05:13 PM
|
|||||
|
|||||
|
قريت الردود وجيت
تعجبيييني صمت الشووق .. انا ما احب الخوافه .. دايم الخواف ينطمع فيه ... بالله لا تزيدن ضغطي يابنات  ..ومثل ماقالت اسيه على الاقل ابدي اعتراضك وقوللي يااحيوان ..ههه على القليله يعني !!
|
|
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
