العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#661
|
|||
|
|||
رد: سكري بعد التقاعد شغال مشاوير في اوبر وكريم
الله يبارك بعمرك ويعوض علينا حنا صرنا مع المنظومه الي حطو كل شي مجانا ايام ازمه كرونا الصحه ماقصرت الادويه مجانا والتعليم ماقصر منصات مجانيه والشركات ساهمت بالرواتب بالرغم ماكان احد يداوم وسكري مشاوير مجانيه وشركه اوبر تقول سددوا المستحقات الي عليكم ماتدري ان اغلب الرحلات الي سويناها مجانيه الله يعوض علينا خير عاد تصدق اني كنت بقولها شسالفة السكن بس قلت ياولد اعقل مالك دخل ....... إن سسسان تعزمنا علي حفله تخرجها وتقول لنا علي كل شي كل شي جايز ... الا علي طاري الشووونه كم رقمهم غريب الماضي معجب بهذا.
|
#662
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
هههههههههههههههههه 999 سكري حالي معجب بهذا.
|
#663
|
|||
|
|||
رد: سكري بعد التقاعد شغال مشاوير في اوبر وكريم
فيه بعض المشاوير ماقلتها وتذكرتها الحين
مره من المرات وانا بالدوحه ( الظهران ) جاني طلب ورحت لمووووه جات الزبونه وركبت قالت ودني للسوبر ماركت نزلت وتقضت وحملنا الأغراض قالت ودني لاقرب مطعم بس يكون اكله حلوو شفت ذاك البخاري الزين قلت هاذا يضبط البخاري ابي بس افتك منها واروح قالت ويش احسن اخذ شوايه ولا مشوي قلت لا هاذا المطعم تخصصه شوايه بضبطها صح المشوي لك عليه مايضبطونه زين عارف انا انو المشوي بيطول وانا مستعجل ابي ارجع للدمام جات بتنزل للمطعم قلت وين يابو الشباب قالت ابي اطلب قلت لها خليك بالسياره بضرب بوري يجوون المهم جاء الافغاني قالت عطنا دجاجه شوايه المهم رجعنا للبيت وهي تقول انا جايه من حفر الباطن للشرقيه وبمشي عيالي فيها وابغي سفينه نركب فيها عيالي طالبتها مني قلت السفن بجزيرة المرجان بالدمام قالت ويش رايك تودينا بعد المغرب قلت خلاص عقب مانزلت اغراضها عند عماره فيها شقق وقالت لاتنسي تجيني بعد المغرب المهم جاء المغرب ومشيت لها وخلص شحن جوالي وانا قريب منها وتورطت ماقدرت اتصل عليها لاني نسيت شاحني واجي ادخل العماره واضرب يمكن جرس خمس شقق كل ماطلع علي احد اسألهم انتم الي طالبين اوبر تورطت وانحرجت مع أهل العماره هي ساكنه مع اختها في الشقه المهم اخر محاوله ضربت الجرس وطلع لي ولد قلت ياخي فيه حرمه جايه من حفر الباطن للشرقية وطالبه اوبر بس جوالي مافيه شاحن اتاري الولد ولدها هو كبير بالسن قال طيب خلاص هاذي امي رحت للسياره وشوي لهي تجي مع عيالها الصغار قالت ولدي فضحني يقول مسكين الرجال قاعد يدور لك في العمارره قلت معليه زين مشينا وهي معها اللاب توب وداخله المنصه .... الأخت طلعت مدرسه وحاطه السبيكر وتحضر الطالبات وهي تمدح في الطالبات من الكلام الزين وحده من الطالبات تقول يابله منيره حنا نحبك قالت وانا احبكم صارت السياره منصه للتعليم مهوب للمشاووير المهم هي مع الطالبات حتي قبل مانوصل لجزيرة المرجان عقب ماوصلنا قلت ماشاء الله عليك مع الطالبات قالت لازم ارفع من روحهم المعنويه والله وحاسبتنا بمبلغ حلوو ورفعت من روحنا المعنويه ونزلوا قلت اذا احتجتي اي شي اي مشوار انا بالخدمه ..مع تمنياتنا للجميع بالنجاح غريب الماضي معجب بهذا.
|
#664
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
ياسلام نموذج مشرف صراحة
أول مرة تاخذ مشوار زبونة كريمة وبعد مميزة مع طالباتها
سكري حالي معجب بهذا.
|
#665
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
الصراحه يابو ماضي هي اكرمتني وعطتني مبلغ اكثر من الزوم بعدين قلت لها ترا هاذا المبلغ كثير قالت عادي لو احتجناك مرره ثانيه قلت مايخالف بعدين جلست يمكن خمسه ايام ماتصلت قلت غريبه ماجاني منها اتصال قلت يمكن ضاع رقمي منها ولا شي وانا ابغي ارد الجميل لها قلت بتصل عليها واشوفها اتصلت عليها قلت انا سكري وقلت شفيك ماتصلتي علي قالت ليش اتصل فيك قلت عشان اوديكم وتمشين عيالك قالت انا الحين في حفر الباطن قلت افااااا قلت الحمدلله علي السلامه معليش افكركم بالشرقيه . مثل ماقلت ياغريب اول مره تطيح بوحده كريمه كنا نبي نمسك هالكريمه بس الحظ عاثر
|
#666
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
خير ان شاء الله متصل عليها " وشفيك ما اتصلتي " أشوف قاط الميانة 😅 من واقع استنتاج لمشاريرك وتحليل لزباينك لاتوصل الطالبات خصوصاً اللي جايين من برا المنطقة حتى لو بان عليها الثراء بالنهاية طفرانه سكري حالي معجب بهذا.
|
#667
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
لا لا ..... لاتفهم غلط ياغريب انا اتصلت عليها عشان هي عطتني مبلغ كبير مايستاهل المشوار الي وديته وجيت برجع لها من الفلوس قالت لاترجع لي شي وخلها اذا طلبناك مره ثانيه عشان كذا ابي اخدمها وبالنسبه للطالبات الي بعيد وخارج المنطقه صحيح بقولك عن مشوار قديم وصلت بنتين للقطار بالليل المهم هم طالبتين بيروحوا للسكن حق الطالبات بالاحساء خذيتهم من حي الخليج قالوا بسرعه الله يخليك باقي ربع ساعه علي القطار ولاتفوتنا الرحله حنا طالبات بنروح للسكن بالأحساء المهم كان الطريق زحمه وفاتتهم رحله القطار المهم قاموا يلمحون عشان اوديهم للحساء بس انا ماعطيتهم وجه عشان عارف انو يمكن ماحصل مبلغ زين من وجيههم بعدها رجعتهم لبيتهم علي امل اني اقول بوديكم كانك عارفني يوم تقول لاتودي طالبات خارج المنطقه ولو وديتهم كان علوووم غريب الماضي معجب بهذا.
|
#668
|
|||
|
|||
رد: سكري بعد التقاعد شغال مشاوير في اوبر وكريم
ويش حالكم .. طيبين ...
مرتن من المرات ايام( الزنقه) والحجر شغلت برنامج (مرسول) حق طلبات واغراض البيوت ( شبر شبر زنقه زنقه بيت بيت ) ماخلينا حواري ولا شارع ولا بيت ولا سكه الا جيناها ( سكه التايهين .. خلانا في حيره ) المهم جاني طلب يبغا ياخذ له نص دجاجه بخاري واحد لبن وبيبسي وكودرد خذيت الغرض ومشيت له طريق ميناء الدمام وقفني عند شركه طلع لي سكورتي قال كم الحساب قلت 49 ريال قال الي طلع الحساب عندي بالبرنامج 19 ريال قلت ايه هاذا قيمه البخاري والباقي هاذا خدمه مرسول قال انا اول مره اخذ من مرسول ويش هاذا المبلغ انتم مبالغين فيه قلت يابو الشباب ياسعادة مشرف الأمن انا مالي دخل كلم اداره مرسول وهم يجاوبونك هو مامقتنع مرره وقام يصارخ ويصيح ويستغيث ياليل ماطولك ويحاجني انتم نصابين ياليل السكورتيه وخلي بوابه الشركه مفتوحه وانا اقول الناس يدخلون من البوابه ويطلعون من الشركه انتبه البوابه لايجيك شي ابي اهجده عشان يخلصنا ويعطينا الفلوس ونمشي اتاري السكورتي ماهتم من البوابه وخلاها مفتوحه الي رايح والي جاي وتفضا لي اهم شي عنده الفلوووس قلت ياخي انت تفهم ولا ايش واحط يدي بالكيس الي معي ابي اطلع اللبن واصكه براسه ويش اسوي فيه المهم قلت جيب 40 ريال وخلصني انا يدفعهم واتحملهم قال لا 30 ريال ووصلت معي عقب ماقاله قلت خلاص ببلغ الشركه انك ماتبغا الاكل يوم قلت كذا وقام يحط يده علي بطنه الظاهر انو معاد يتحمل الجوع وعطاني 40 ريال وانا اقول كله جعله .... واسكت بعدين خاف السكورتي قلت كله جعله بالعافيه وبعدها حط يده في جيبه وطلع عشره ريال قال خذها ومعليش اسف خذيتها قلت مارح مايسري يمري ... جعله بألفين عافيه عشان كذا مافتح البرنامج الا نادرا بس وقت الزنقاات غريب الماضي معجب بهذا.
|
#669
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
يالسكورتية مظلومين وطفرانيين والريال يوجعهم تلقى راتبه 2850 ريال غير الخصومات سكري حالي معجب بهذا.
|
#670
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
الكفل طفران ياغريب مهوب بس السكورتيه. بس عاد يوم انه طفران ليش يطلب من مرسول كان جاب معه من بيته حافظه اكل ومهوب لزوم الكودرد وبعدين نعاني كثير من جميع الطبقات حتي لو انك واقف عند قصر تعطيهم الطلبات تلقاهم زعلانين من الحساب وتشوفه ينتفض وهو يعطيك الفلووس
|
مواقع النشر (المفضلة) |
الذين يشاهدون محتوى الموضوع الآن : 4 ( الأعضاء 0 والزوار 4) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |