العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
••«§(فارس أحلامتس يحتريتس عند الباب بـحصانه البردقاني)§»••
وهـ بص .. مستحيه .. أحس ان وجهي مغسول بـ مرق ... <<~ بشري امتس ... المهم ... بصراحه في الاونه الاخيره <<~ متعوب عليه كلمة [ الأونه ] صارن ذا البنيّ [ جمع بنات ] الله يهديهن .. شغلهم الشاغل ذا العرس <<~ هع من بيخطبني ؟ و عسى اللي بيخطبني أستاهله ؟ و منهو فارس احلامي اللي على الحصان الأبيض ..؟؟ منهو اللي بيلقطني من دار اهلي.. ؟؟ <<~ ... أيييه .. عاد يا بنياتي <<~ شكيت اني عجوووز هع أبقولكن قصة هالك البنيه ... الضعيفة يقولتس : ذاك الواحد .. والواحد الله , وكل بليسن مخزيه الله <<~ طبعا هذي مقدمة جدتي قُبيل كل قصه ... في أيام رمضان ... و بالتحديد اليوم التاسع من رمضان سوت أم مرزوق [ لقيمات*] بالحبة السوداء ... عاد قالت في نفسها وهي طاقتها هواجيس :أييييه خليني اروّح لـ جيراننا [ ام صويلح ] من هاللقيمات .. كود ان الله يغفر لي يو م اتسذب ع رَجَلي [ أبو مرزوق ] ... و في نفس الوقت أروّح صحنهم اللي غثونا فيه .... <<~ هع صار الطالب مطلوب .. طبعا ... صوتت أم مرزوق على ولدها [ مرزوق ] ... :: مرزووووق ... مرزوووووق وصمخ .. <<~ الحين ودها تكسب حسنتين في هالجيران وهي تدعي ع ولدها هع طمرت بنتها [ صيته ] ... وقالت : نعم نعم يمه ... ؟ وش تبغين ؟ أم مرزوق : وين اخوتس مرزوق ؟ صيته : هو يا يمه ! .. نسيتي أنه طالع مع ابوي ؟ أم مرزوق : أييه صح وشلون غاب عن بالي .. يا ربيـ هـ يعني صحنهم بيجلس عندنا اليوم ..! صيته : منهم يمه ؟؟ أم مرزوق : أبد بس نويت اني اروّح لـ جيراننا [ أم صويلح ] من هاللقيمات ... بس اخوتس طالع .. صيته : طيب يمه ذا وشسمه ... عادي أنا اللي اروّح لهم اللقيمات ؟؟ ترى بيتهم قريب يعني في الشارع الثاني <<~ قولي قااا ! أم مرزوق وهي محتاره : أها يعني تروّحين لهم أنتِ ؟ صيته : أي يمه عادي ما فيها شي .. أم مرزوق : يالله اجل اللبسي عباتس ... و دوتس الصحن .. طبعا كان على صيته ... شرابيّن مشكلات واحد لونه أحمر والثاني ازرق ... وكانت لابسه قميص بردقاني ... و لابسه نعال يطقطقن .... <<~ أقطع أبو الكشخه المهم .. أن البنيه على طول لبست عباتها وخذت الصحن وطلعت ... وكان الوقت مرررره متأخر و بيأذن المغرب ...! :/ ايه عاد .. يوم جت صيته بتقطع الشارع اللي بينهم و بين جيرانهم ... حدث مالم يكن بالحسبان ...!! تفاجأت أنه كانت مقابلتها سياره مسرعه و طااااااااقه الطبلوووون .... <<~ كله عشان ما يفوته هالفطور .. حاول الرجال أنه يهدي السرعه الى اكبر شي ممكن ! .. لكنه ما قدر يوقف السياره ...! و فجـــــــــأه .... فححححححححططططططططططط ... و صدم البنيه المسكينه [ صيته ] ... طااااار صحن [ اللقيمات ] و أنتثرن في الشارع ... و طاحت صيته في الشارع ... و طارن نعالها اللي يطقطقن ... و طلع قميصها البردقاني .... الشاهد .. أنها انكسرت رجلها ... :/ عاد الرجال نزل من السياره مستعجللللل .... خاف أنه قتل البنت وفطست ... جاء عندها وهو متروع وقال : سلااامات .. سلامات .... ! <<~ طبعا البنيه صيته ... يوم قال لها تسذا طارت بوهتها و نست الوجع .... ( خخخخخخخ ) ايه عاد قالت له رقم اخوها مرزوق و اتصل عليه ... &...... بعد خمس دقايق .......& جاء مرزوق طااااير ... وأعتذر منه الرجال ... و وضح له انه ما كان يقصد و عطاه رقمه ... المهم ... ركّب مرزوق اخته في السياره , و بسرعه وداها للمستشفي ... &...... بعد الحادث بـ أسبوع .....& صارت صيته تتذكر الموقف و تطقها هواجيس و خيالات و البنيّه راحت فيها <<~ ذذذ ما يلقى لها وجه ... المهم ... فجأه رن التلفون ... عاد رفع السماعه مرزوق .... مرزوق : وعليكم السلام يا هلا والله .... وش بغيت يا أخوي ؟؟ مرزوق : ايه نعم .. معك مرزوق ... مرزوق : أنت راعي الحادث اللي قبل أسبوع ؟؟ <<<~ شهقت صيته بشويش - عشان ما يلاحظ عليها احد- و طااااااااارت من الفرررح شوي و تطق في السقف <<~ قايلتن لكم خبله أخيراً تحقق حلم صيته اللي كانت تحلم فيه ... يعني بعد فتره بتنتقل لعش الزوجية شوووووي و يوم كرهاااا مرزوق ضحكــــــه :: <<~ زادت الفرحه عند صيته ... وقالت في نفسها : أكيد انه عطاه الموافقه .. و انه معجب فيها ... مرزوق : لا ابد ابشرك انها بـ خير .. والحمد لله ما صار شي يا خوي المهم ودّع الرجال مرزوق و سكر السماعه ... أم مرزوق : هو يا وليدي ! وش فيك قبل شوي ضحكت ؟؟ شوي و تنقطع بلاعيمك من الضحك .. ليش وش قال لك الرجال؟ مرزوق وهو يكمل ضحكه : لا ابد, بس كان الرجال يسألني و يقول :وش اخبار شغالتكم اللي صدمتها قبل أسبوع ؟؟ <<~ خخخخخخ الضعيفه صيته من اسبووع وهي طاقتها هواجيس وأخرتها [ وش اخبار شغالتكم ] !! صيته - داااار راسها و بغت تدوووخ عليهم ... لكن فكّها الله - <<~ لانها تحسبه متصل عشان يخطبها ... و يوم كرتها ضحكه أم مرزوق ... وقالت : خخخخ الله يقلع بليسه ... <<~ طبعا صيته الى الان في صدمتها ... و ضااااااااااعت أحلام صيته .. و تحولت الى سراب وهمي لا نهاية له ..!! ~ و جتها صدمه نفسيه .... وبهذا انتهت القصة ، خلصت و بلصت والدجاجه تعنفصت ... ما يستفاد من الموضوع : 1- أختي الفتاة ... أنصحتس و أقول : لا تبنين أحلامتس على سراب وهمي ... 2- كل شي مكتوب ومقدر لتس يا اختي العزيزه ... يعني لا تستعجلين على رزقتس .. جايتس جايتس لو أنتس في باريس .. 3- أرضي بما كتبه الله لتس ... يعني جاتس مهندس طيار فرّاش مدرسه .. لا تسخطين .. 4- أياهم أفضل ... أن يفوتس قطار العرس أم يدهستس قطار العرس ؟؟؟ 5- تهني في شبابتس , و بعدين و ش لتس بالمسؤوليات ؟ والغثا و البزارين ؟ 6- إذا جاتس واحد ترضين دينه وخلقه ... تزوجيه و خلصينا معنى ما تحته شخط : لقيمات / معناها أي لقمه ... وهي : هذيك اللي نقحش عجينه بيدنا، و نرررررعص الين يطلع عجين ثم نغط الملعقه في شوي مويه , و نغرف العجين المرعوص .. و نجدعها في الزيت .. وبالهناء والعافيه وسلامتكمـ
|
#2
|
||||
|
||||
اووول طش
>>اول مره خخخخخخخخخخخ لي باك لولو
|
#3
|
||||
|
||||
ههههههههههههه
ياحرام البنت فرحان ومبسوطه تحسبه بيخطبه وفي الاخير يقول وش اخبار شغالتكم ههههههههههههههههههههههههههه يسلمو على الموضوع
|
#4
|
||||
|
||||
وعزي له صيته ضاعت كل احلامه وطموحاته >>>فيس يصيح
طيب تسان يوم طلعت لبست له لبس سنع مو هالبردقاني خخخخخخخخخخخخخخخخخخخخ بس اعجبتن المايستفادات اي والله الوحده تنطق فبيت اهله معززه مكرمه لين يجي النصيب ولو ان القعده بالبيت احل من النصيب انا هيك شايفه الله يعطيتس الف عافية يالقلب وعسا الله يرزقتس بالرجل الصالح اللي يسفرتتس لحايل خخخخخخخخخخخخخخخخخخخخخخخ
|
#5
|
||||
|
||||
[/color]
|
#6
|
||||
|
||||
والله تنسى قاريت القصه بس
مدري هى هنا ولا منتدى ثانى بس اقولتس زينه يسلموووووووووو
|
#7
|
||||
|
||||
ههههههههههههههه
عز الله انه من يوم ماشاف كشختها طار عقله بس موفيها طار عقله منها ولا كشختها كشخه شغاله ضايعه في نص ملابسها والغالب عليها الون البرتغالي هههههههههههههههه وانا مالوم البنيه بعذرها تصيبها صدمه نفسيه لها اسبوع تبني احلام واماني كود يخطبها ههههههههههههههههههههه هههههههههههههههههه تسلمي يالغلا على قصتك الجميله
|
#8
|
|||||||||||||||||||||||||
|
|||||||||||||||||||||||||
قوليـ قــــــــــــــــــــــــــــــــــآء(q6 9)
|
#9
|
|||||||||||||||||||||||||
|
|||||||||||||||||||||||||
اش اي اصوات الحيوانات تبين اقلد قاء قاء
|
#10
|
|||||||||||||||||||||||||
|
|||||||||||||||||||||||||
ههههههههههههههههههههههههههه ممم احساسي يقول اني اعرفك
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |