اجمتع شمل الخيانه وانقفل باب القفص

[فـواااز]

السلام عليكم ورحمة الله وبركاته
احبتي هذه القصيدة تشرح حالها اتمنى قبولها كما هي

ضاقت الابله من المنهج وتوزيع الحصص=ودها تحصل على الراتب وهي فوق السرير
اهملت بنات خلق الله عساها بالبرص=او تشاهد حتفها وتموت من هول المصير
كل ما نسمع خبرها فالجالس من قصص=ودي انحرها بلا رحمة كما نحر البعير
لست متجني عليها لكن الفكر انمغص=من تسلطها على من حالتة حالة كسير
همها من كل مخبى بنت كم درهم ترص=كل يوم اتقيم حفلتها على جيب الفقير
كل ما ناقشتها قالت لك الدنيا فرص=ماتخاف الله ولا تخضع لتأنيب الضمير
كيف نتعامل مع اللي قيل في عقله نقص=دام غايتها في الكيكات واكواب العصير
بطنها مترين جعله تحت ضربات المقص=دامها تاكل حلال الناس ما خافت نذير
كم ريالا من ضعوف الخلق بيدها رقص=والمديرة ما نهتها لانها معها خشير
اجمتع شمل الخيانه وانقفل باب القفص=والداوجن روسها متجمعه ولها نقير
كم فقيرا من سببهم شاح بالعين وشخص=ابتلا في شلةٍ ودك يلقمها الشعير
الخسارة وارده والسوق زايد ما نقص=والعيون اتشوف شيء ما يغيث المستجير
كنهم شاشه للاسهم وانت بالشاشه تبص=راح مالك وانت فيهم تلتفت مثل الضرير
واخر ايامك تجد راسك من القهر انمحص=والسبب من طيحتك بين العليمي والبصير
علم اللي يكبر اللقمه يخفف لا يغص=خاف يستفرغ وتخرج معدته مال الفقير
واحستب للاجر عند الله في يوم القصص=فاكثر اهل النار منهم وانت في هذا خبير

بقلمي

مشاركة هذا الرد في Google Facebook Twitter Digg

أنت معجب بهذا.