العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
لحوم الاناث لاتؤكل
قدر الله وان طلعنا مع الوالد الله يخليه اليوم نتمشى وحنا راجعين
شاف سيارة محمله اغنام ودار الحديث الآتي الوالد : عندك ضحايا انا استغربت وش ضحايا قلت ابوي وش ضحايا قال ضحايا للعيد قلت طال عمرك اسمها اضاحي حقيقه مارد ولاحط اعتبار للغتي العربيه رد عليه صاحب الغنم قال ايه فيه ضحايا في طليان وفي رخال قال ابوي لالا الاناث مايضحن ولايوكلن قلت الحمدلله نجت وحده من الاناث قلت ابوي من قال انهن مايضحن مافي دليل وللمره الثاني مارد علي ولاحط اعتبار لثقافتي الدينيه اخذ ابوي كبشا املحا ووضعه بصندوق السيارة ومشينا ما ارتحت ونفسي تاكل بعضها ودي افتح معه الموضوع وخايفه مايرد علي وبالاخير وصلنا البيت وامسك الوالده وانثر لها السالفه الوالده تعرف برمجه الوالد وعطته العلم ناداني وقال يابنت انا قدني طفشان من عامل الاستراحه قلت طيب وش دخلني بسالفته ابغا اعرف ليش ماخذيت رخل ارخص واكشخ وهاديه قال ليه بنضحي فيها ولا تنام معك بالغرفه صدمه اخرى الاناث ماناكل لحمهن ولانستسيغه نبغا كبش مقفل شحم ياماشاء الله . هذي مقفل شحم مافهمتها ولاحبيت اطرح تساؤلي لحضرة الوالد المحترم اليوم نفسيته مقفله. فقلت في نفسي ليش حقوق الاناث بالاغنام ضايعه ولاحد ياخذ لهن حقهن مدري هي سالفه ولا موضوع للنقاش
|
#2
|
||||
|
||||
رد: لحوم الاناث لاتؤكل
صدق لا قالو ان عدوة المراة هي المراة نفسها .
|
#3
|
||||
|
||||
رد: لحوم الاناث لاتؤكل
نطالب اسقاط الولاية من الطليان
نطالب اسقاط الصوف من الطليان ام ريما سالفتك جميله وطرحك في كتابة السالفه مشوق معنى مغلق شحم ومقفل شحم يعني سمين وكامل مواصفات السمنه اناث بهيمة الانعام تضحي وتؤكل اذا تجاوزت الضأن: ستة أشهر»»الطليان والشياه الماعز: سنة كاملة الأبقار: سنتان الجمال: خمس سنوات
|
#4
|
||||
|
||||
رد: لحوم الاناث لاتؤكل
كلها نعمة
والبركة والقبول عندالله اهم شي
|
#5
|
||||
|
||||
رد: لحوم الاناث لاتؤكل
..
وينك ي منيب أخبر عندك حلآل تبيع وتشتري تعآل علمنآ لآتخلينآ لآمقيدين ولآمفكوكين نآكل وإلآ لآ ؟ . .
|
#6
|
||||
|
||||
رد: لحوم الاناث لاتؤكل
حتى نحن ما نشتري للعيد اناث الغنم ...مو بس عائلتنا...كل الي نعرفهم
غنمة للاضحية...ما نبلعها للميسر...اما الفقير فلا حرج ان ما كان كبشا مغير سنتين على الاقل وقرونه لفتين ما نشتري ياما كنا نضحك ايام العيد ونحن نشوف بالبادية الرعاة يسرحون الغنمات من دون اكباشهن نقول رملناهن ويتمنا ولادهن ههههه....بس دائما الراعي يخلي المحظوظ الكبش الوحيد للنسل القادم ليونس الارامل هههه...يا رب تسمحلي...الحمد لله على نعمه
|
#7
|
||||
|
||||
رد: لحوم الاناث لاتؤكل
انت وابوك كلكم ماعندكم سالفة
بخصوص كراهة اكل الاناث من الغنم في الجنوب يعتبرونها عيب ويعيبون اكلها .. ويطلقون عليها وصف غير جيد بس عجبني ابوك يوم انه ساكت طول الطريق امام تساؤلاتك حسستينا ان ابوك الخضر عليه السلام
|
#8
|
|||||||||||||||||||||||||
|
|||||||||||||||||||||||||
رد: لحوم الاناث لاتؤكل
الناس ما تفضل الانثى لانها مهلوكه من الحمل والولادة ولحمها يجي مهتري وماهو طعم حتى اناث البشر شوفي كيف الحرمة الي جايبه درزن زي بعض الناس والشيء الثاني فائدة اقتصادية لازم تبقى الاناث عشان تحمل وتجيب غنم ثانية لو كل واحد ذبح الاناث كيف تجي غنم جديدة
|
#9
|
||||
|
||||
رد: لحوم الاناث لاتؤكل
اقتباس:المشاركة الأصلية كتبت بواسطة #_مجد الناس ما تفضل الانثى لانها مهلوكه من الحمل والولادة
ولحمها يجي مهتري وماهو طعم حتى اناث البشر شوفي كيف الحرمة الي جايبه درزن زي بعض الناس والشيء الثاني فائدة اقتصادية لازم تبقى الاناث عشان تحمل وتجيب غنم ثانية لو كل واحد ذبح الاناث كيف تجي غنم جديدة من فين تحمل يآذكي لو كل الذكور أكلنآهم
|
#10
|
|||||||||||||||||||||||||
|
|||||||||||||||||||||||||
رد: لحوم الاناث لاتؤكل
ذكر محظوظ واحد يعمل العمايل بقطيع كامل سامحيني على اللقافة ..بس لزوم اتلقف
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |