العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
يقولون مجنون ولايقولون غبي
السلام
عندي اشياء دايم تحيرني ولاالقى له جواب ودي انكم تساعدوني بقدر المستطاع اسالو الاهل الاصدقاء اين كان ليش حنا يايام الدراسه نقول متى تجي العطله واذا جت العطله قلنا يوه طفش دايم يجيني صراع داخلي عن سبب رفع الاسعار واكتشفت ان من اهم اسباب رفع الاسعارهم بعض العنصر النسائي تدرون ليه لانه ماتكاسر يعني بصراحه ليش البنت تفتخر انه تشتري الشي بسعر غالي كل هذا عشان تقول لصدقياته والى بنات عمه اني شريت هذا بسعر غالي طيب درو البنات انه غالي وبعديييييييييييييين عرفنا خلاص تراهم يحشوبنتس اذا طلعتي لاتحسبينهم يمدحونتس مثل مايحشونبتس اذا شريتي برخيص نفس الشي اذا شريتي غالي لذالك ليش ماتختصرين وتشرين رخيص طيب نجي للجد ودي من البنات انهم يسوون حمله مثل الحملات الي نراسل لبعض بالايميلات مثل قاطعوووو منتجات ببسي والا مثل ماسوينا حنا حمله سميناه خلوها تصدي نقصد السيارات يوم رفعو سعرهن ودنا انكم تسوون حمله لا للتبديل مافهمتو صح انا افهمكم يعني لا لتبديل الملابسبرضو مافهمتو ابسطهالكيعني انتم مستحيل تروحون لعزيمتين بنفس اللبس صحلازم تبدلون اللبس وش ذنب المسكينه الي ماعنده ليس لازم تراعوون مشاعر غيركم بتجيني فتاه تقولي الموضه انا اقول ان اهل الموضه نفسهم يتبعون قاعده لا لتبديل قولولي وش لون قلتولي وش لونهذا الله يسلمكم ولد خالي يدرس برى ومعه بنفس الجامعه فتيات ومن ضمنهم خليجيات واجنبيات يقولي ان اهل الموضه نفسهم اللبس اشوفه عليه 4 مرات بالاسبوع واهل الخليج ماغير يشخصون وكل دقيقه لبس انا مااقول لاتلبسون بس ارفقو شوي اتمنى انكم تقنعوني اذا كنت مخطي همااه تراي صادز اتقبل النقد بكل اريحيه الشي الثاني ليش حنا كل مايكتب بالجرايد نصدقه على طوووول ونخضع لامره تراه جريده والي كاتب الخبر واحد منا ويمكن يصير واحد حيوان الى متى حنا مسيرين ليش ماعندنا عقول الجرايد كتبو عن حقوق المراءه صرنا معهم نتكلم عن حقوق المراه الجرايد كتبو عن تحليل الغنا صرنا معهم نتكلم بذمتكم هذي اشياء تهمنا بصراحه وش اهم ان البنت تسوق والى ان المخدرات يقضى عليه والى القضاء على البطاله باقي اشياء تدور بخاطري اكثر من الي ذكرته اضعا الاضعاف ان شاء الله ابذكرهن والي عنده شي اين كان يذكره ولكم جزيل الشكر ابنكم /ارسنالي سلام
|
#2
|
||||
|
||||
الله الله ايش هالكلام
والله انك صادز اذا كان فيه عزيمه عند احد من وقت مايعزمونا وانا ناصيات السوق تقول ماعندنا ملابس ولا اذا رحنا لعرس مانلبس نفس الفستان لا نقول شافوه هذا وان دل يدل على عقلية البنات الصغيرة الله يعيني على البنات بيهاوشوني الشباب ماشاء الله عليهم يمكن يفصلون ثوبين ثلاثه بالسنه حتى الثوب يجي لونه اصفر من كثر الغسيل ولا يفكر يفصل ثوب ثاني <فقر اما من ناحية تصديق الجرايد اصلا مااحب اقرأجرايد وهذا ان دل يدل على ثقافتي والعطله ماتهمني اصلا ايامي كلها عطلة المفروض يحطون العطله شهر ونص ليه النوم والكسل والسهر
|
#3
|
||||
|
||||
أخالفك من ناحية تبديل الملابس منب منضمه مع البنات للحمله >> تكفيين
تدري ليه ؟ لاننا مانجتمع باستراحه الا كل اربع شهور او خمسه ومره وصلنا لسنه ونص وحنا ما اجتمعنا ولا المشكله انهم يسمونه دورية كل شهر .. بالله معين كل شهر وانتم باللعنه واخته تجتمعون >> هذا الحتسي ودي اوصله لهم وماقدرت فجيت هنا تحملون المهم الزبده موب معقوله اعيد لبسي وحنا نقعد هالفتره كله مانجتمع يعني معقوله 5 شهور ماطبيت السوق >> تحسب كل الناس زيهم وانا ما اعيد لبسي الا عند خوالي يحمدون ربهم بعد اني ما البس قميص بس لانه اقالنا جايين من الرياض ويبطون مايشوفوننا فموب معقوله نجي شهبن لهب لازم نكشخ اما البنات اللي ساكنات بالقصيم قمصان وفالآتن امه اما حتسي الجرايد والله انك صادز عندي وحده من خالاتي لو يكتبون بكرى القيامه صدقت قال ايش قال مكتوب بالجريده والمشكله خالي يشتغل بجريده اسمه زي اسم عاصمة المملكه السعوديه يقول ترى نصه كلك بكلك .. .. طيب عندي اضافه لموضوعك دامك جبت طاري صراع النفس انا بعد كل يوم اتصارع مع نفسي واقول وراه كل عطله اقول بسوي واسوي واخرته تقضي العطله وانا ماسويت شي كل عطله هذا حالنا اكل ومرعى وقلة صنعا >> موب متأكده من صحة المثل يعني ليه ما اطور خبراتي وازيد ثقافتي ورااه حنا تسذا ودي اجمع بنات العايله وبزرانهم وان حصل عيالهم واعطي كل واحد نشاط وشي يسويه يستفيد منه ويفيد غيره بس ماعندك احد .. شفت يوم تعلمن بمعهد الانقلش يوم وصفته لامي قالت يوووه تبين كل يوم نوديتس للصفراء حتى تدرسين اقول دووري غيره .. يعني مدري امي تبي تزمن وتودين والا وش السالفه >>> ياشين اللي قاعدتن بالبيت وطاقن الطفش اعلى درجاته ولقت موضوع جديد وردت عليه بكلام اطول من الموضوع لدرجة انه تحسب نفسه قاعدتن تنزل موضوع جديد وترقى فوق تدور خانة العنوان حتى تحط عنوان ,,, تحياتي لك
|
#4
|
||||
|
||||
طيب ليش ماتبدين انتي بالحمله ترى راح تكسبين اجر من دعاء الناس واولهم العجز حتى الشباب برضو بهم حقهم بس اهون منكم تصدقين انتس صادزه يوم انتس تقولين ان دل فانما يدل على ثقافتي حنا نحسب الي يقرى جرايد ويصدق كل مافيها وهمن يجي يبربر علينا يبي يعلمنا انه مثقف وهو بالاصل مسير المثقف هو امثالك <<والله الخاطر يقول انتس مسنتره عند الازياء الله يرزقتس الزوج الصالح
|
#5
|
||||
|
||||
وانا مابعد ماني منظمه معكم للحمله عشان انا ماعندي مشكله اني اكرر ملابسي
واحياناً اتحيال عليهم البس نفس التنوره بس اغير البلوزه والبس اكسسوارت يعني يقالي اسوي حركه لاكن ع المكاسر والله ياني اطلع روح الهندي لين مااخذه بالسعر اللي ابغاه عشان كذا اذا دخلن حريم بعدي واشترن يقولهن صاحب المحل ياهلا شرفوتنا خلونا نشوفكم مره ثانيه اما انا يناظر فيني بنص عين يعني لاعاد اشوفك توطوطين مره ثانيه يسلموووووو ارسنالي عوافي |
#6
|
|||||||||||||||||||||||||
|
|||||||||||||||||||||||||
<<جالس يضحك انتي اصلا منضمه بطريقه غير مباشره لانتس مثل ماتقولين ماتروحين ولاتجين الى من 4 شهور ولغايه سنه والي استنتجته منتس ان بالسنه ماتشرين الى مره او مرتين اولا اذا كان خوالتس وتعيدين لبستس عندهم اجل وش لون لو انتس راعيه عزايم الي استنتجته منتس انتس اذا صرتي بالمستقبل راعيه عزايم راح تعيدين اللبس اكثر من مره لذالك لازم تنضمين للحمله لاجل المستقبل وبعدين انتي رايحه للقصيم وشوله تعيدين اللبس لو تلبسين بلوز به صوره كنتاكي انهبلن البنات اذكرا حنا اذا رحنا للقصيم يحسبونن جايين من خارج المملكه مابقى الى يصورون معنا يفتخرون بنا اذا جينا لمهم يقولون لخوياهم شفوهم هذولا عيال خالي <<اثرهم يسولفون بنا من زمان حتى يسالوني اخوياهم يقولون قد شفتو هرفي اذكر كنت لابس طربوش (قبوع)قالولي وش هالي لابس افصخه لاتفضحنا خذ البس قمميص نوم <<تراي امزح بس دايم استهبل على عيال خالي اذا رحت لمهم للقصيم صحيح كلامتس ليش مانستغل وقتنا ليش مانقرى كتب ترى موب لازم نقرى بتركيز مثل المذاكره وبعدين انا عندي راي لتس ونصيح من اخوتس استنتجت من كلامتس انتس ودتس تتعلمين انقليزي ليش ماتشرين كتاب عن تعليم الانجليزي للمبتدئين ترى بالنهايه انتي الي راح تستفيدين اذا الله وفقتس وتخرجتي من الجامعه ومعتس لغه لو انه خفيفه راح تفتح لتس ابواب ولاتفكرين بالوظيفه قد ماتفكرين بتوسيع الثقافه تلاحظين اكثر الي يتاثرون بما يحدث بالعصر هم اقل علما يعني واحد كان سربوووووت ولاكن بدون علم اذا صار مطوع ينحرف حتى يصل الى التفجير والسبب بعد الله هو قله العلم وليس شرط العلم بالتخصص بقدر ماهو علم <<طلعنا برى الموضوع انتظر صراعاتك الاخرى باحر من الجمر وساظل انتضر حتى بدايه المدرسه سلام
|
#7
|
|||||||||||||||||||||||||
|
|||||||||||||||||||||||||
بالعكس اهم شخص يكون في الحمله هم امثالك لانهم هم الي يدعمون الحمله تدرين ليش لانتس عندتس حيل بالممارسه لاجل التبديل وبعدين البلوزه موب تغير لبس ماستفدنا شي لازم تنضمين لازم عاد انتي اذا طلعتي من المحل تحسين انتس غلبتي الهندي والى هو غلبتس
|
#8
|
||||
|
||||
على طآري المكاسر >> ياليل
المكاسر مانقدر عليه الا بطيبه والعويس والحله والسوق الداخلي قبة رشيد وشارع الصناعه اما باقي الأسواق البضاعه مسعره مافي امل نكاسر تبين البضاعه بنفس سعره ولا ضفي وجهتس
|
#9
|
|||||||||||||||||||||||||
|
|||||||||||||||||||||||||
اهم شي اليس انت وش الي مضيقن صدرك بآلضبط اعرست ولآ وش السبب الي خلآك تكتب هآلموضوع فجأة نجي للحملة انآ اول شي ضميت صوتي للحملة همن هونت قل ورآه لآنه هي صآدزة قصمنجية من تآلي قآله الاجتمآعآت وطبع البنية ودهـ تكشخ فمآ يصير تعيد لبسه حق الشهر الي رآح وهي له شهر مآ كشخت غير العروس الي مدري ورآه النآس مهونين عنهن كل ما اعرس احد واستآنسنآ وخططنآ جآبوا البطآقة اثروهـ رجآل وبآلنسبة للعطلة الي نحترية همن اذآ جت نقول طفش مب صحيح حآول تكلم عن نفسكـ والله انآ مستآنسة وودي لو بآبآ عبدالله يسوي تمديد لآنه ترآهـ قضت تقريبآ نجي لكلآم الجرآيد برضو مب صحيح <<+ قومي اطلعي برآ ترآ صدز كلآم الجرآيد الحريم مآ يتكلمن به قل ورآهـ لآنهن مهب حولكم مشغولين بلحم فلآنة وعلآنة ولآ من وين بلوزتس يعني كلآم الجرآيد انتم يآلجذآعين يآ هدورهـ يآ قوآطي يآ قرعة يآ كوسة محشية المسيرين تقرون همن ترآجعون الي قريتوهـ بقهوة المغرب عآد ترآ ازين لكم من الحش استمروا عوآفي
|
#10
|
||||
|
||||
ترى موب شرط الي يدخل للموضوع لازم يرد عليه
عادي لو تدخل وتكتب صراعاتك الداخليه او اساله ليس لها حل حتى لو كانتس صغيره لنناقشها جميعا لي باك يالتبن
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |