العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#691
|
||||
|
||||
رد: سكري بعد التقاعد شغال مشاوير في اوبر وكريم
اسحب عليهم بس ، سلامات على حسابك ويمكن مايبونها بعد سكري حالي معجب بهذا.
|
#692
|
|||
|
|||
رد: سكري بعد التقاعد شغال مشاوير في اوبر وكريم
واذكر بعد ذاك الزمان ......
مرره من المرات وصلت بنتين لاستراحه توهم مراهقات .. وانا بالطريق يطلعون شنطه فيها أغراض المكياج وقاعدين وداقين التربيعه في السياره ويتمكيجون (qq22)... خوووش صارت السياره كوافير متنقله (qq22) وكل وحده تصلح الثانيه هاذي تقول مو كذا والثانيه تقول انتي ويش دراك عن المكياج انا عندي خبره المهم في تربيعتهم وجلستهم قعدت وحده تدوور وتحوووس في الشنطه وتقول وينه مالقيته قالت الثانيه ويشهو قالت المشط (qq171)(ask) قالت ياحظي فيك هاذا الخبره الي عندك. وانا اتسمع وساكت ويش بيصير ... قالت الحين مافيه وقت والحفله بتبدأ خلاص ومتأخرين عليهم مررررره قالت وحده من البنات في استحياء يالخو عندك مشط وكأني ماسمعتها يعنني في فحالي وماسمعهم وفي طريقي قطه مغمضه(qq10) رجعت كررت مرره ثانيه .. يالطيب ياكابتن ... قلت ايووه قالت عندك مشط (a24) قلت انتم شايفين شعر طايح علي وجههي(a24) . قلت عندي مشط شاريه حق الشنب طبعا المشط في طول اصبعين بس انو من حديد واكثر من عشره اعواد مسامير وحلو حق الشنب يخلي الشعر مسبسب وناعم واطلع المشط لهم وقبل ماعطيهم مشطت به شنبي تعرفون عاد الولد يستعرض اذا فاتك الفوت وماعندك شعر شوف شي ثاني تستعرض بووه:c010: خذو المشط وحده تمشط الثانيه وهاذيك تطالع نفسها بالمرايه وتقول الله ويش حلووووه صار شعري يهبل ويش هالمشط الزين عاد اخوكم سكري يطالع وراء يتأكد من الشعر فعلا هو ناعم أو لا (ask) هاذي الفرصه الوحيده لانو لازم اتطمن علي الوضع لمهم اعجبهم المشط مررره حيل وخلصت وحده منهم وجات الثانيه بتمشط الاولي وصرخت ... قلت شوي شوي هاذا مشط حديد قالت لا شعري صار حلووو .. سكري الله يهديك ماله داعي تلفت صار هالمشط مثل مسمار جحا كل شوي يتلفت (qq22) المهم خلصو وقعدوا يتشكروون في مررره وقالو من وين ماخذ هالمشط قلت من سوق حياه بلازا من الشارع الرئيسي تدخلين من البوابه وتقريبا ثاني محل يبيع اشياء حلووه وخفيفه رجعو لي المشط وانا أخذه واحطه علي شنبي امشط بووه توهم ياخي مشطين فيه وبقايا الشعر في المشط..... يابويا بس ارفع المسجل ..... قصت ضفايرها ودريت البارحه جاني خبر ......
|
#694
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
انا ماشي معاهم بس في حدود المشط الي عطيتهم لو انت معي كان فزعت لنا بمشط من عندك ولا نفس الشعووور
|
#696
|
|||
|
|||
رد: سكري بعد التقاعد شغال مشاوير في اوبر وكريم
في مثل هاذي الايام المباركه ..رجعت بي الذاكره وموقف حدث في مثل هاذا اليوم مو نفس ولاكن تقريبا ليله عيد الاضحي المبارك ....
اتجهت لاقلال الزبوون وركب وبعدها قال يالله حيه ويش علوووم الرجال انت شكلك لحيه غانمه .. عاد اخوكم سكري حاط يده علي خده ويدور اللحيه الظاهر انوو صدق قال افزعنا ياللحيه الغانمه نبيك تودينا لحووش خوينا ابو سعد تبي ناخذ منهم خروف اضحيه العيد ... ماقدرت ارد عليه خذاني بالكلام والعلووم الزينه وماقدرت ارفض طلبه .... وحنا بالطريق قال عسا الدبل شغال .قلت افا عليك بس نسيت نفسي وابغي اجمل مع الرجال كفو ياسكري هاذا يومك تجرب الدبل الي جيم وانت ماستخدمته ..... مرررره الرجال شاريني ولعب بعواطفي ماقدرت اقول له لا المهم يوم قربنا اخوكم وقف وحط الدبل وتل السياره الين رقينا علي طعس والرجال مبسوط ماشاءالله ايووه شفت هاذاك الحوش هاذا حووش ابو سعد .. وانا اقوله وانا ابو عبدالله ازهله خله علي مشينا وقفنا عند حوشه ونزلنا وسلمنا علي الرجال يالله حيهم الي معي يعرفني علي ابو سعد ويقول له هاذا طير شلووي قال والنعم. دخلنا علي الحووش ونقا ذبيحته وحطيناها بالسياره. قال تقهوو وجلسنا في الدكه نتقهوي ومنظر حلو نشوف الغنم والنووق وهواء صحي غير طبيعي ... صلينا المفرب وخذا ابو سعد ذيك الطاسه ودخل الابل وجابها لنا مليانه والرغووه تروووح يمين ويساار شافها سكري قال هاذا دوا عويس ودبغنا فيها مع التمر السكري وكل شوي خوويي يعطيني طاسه اقول خلاص معاد اقدر و يحلف علي اكملها وقمت اشرب والرغووه في شنباتي واخذ نفس من جديد واغط راسي في الطاسه قال ابو سعد ايني طالبكم نتعشي الليله سواء قال الي معي صراحه مانقدر والي معي مستعجل عاد انا اطالع فيه وكاني اقول تراني ماعندي شغل.... يعني ابديت الموافقه علي العشاء بس الله يهدييه يتبلي علي سكري ماشبعت قووم بس قوم ود الرجال لبيته الرجال ركب في السباره ينتظرك وانت باقي علي امل جديد ....
|
#697
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
هههههههههههههههههههههههههههههههه
|
#698
|
|||
|
|||
رد: سكري بعد التقاعد شغال مشاوير في اوبر وكريم
اساكم الله بالخير ومن العايدين الفايزين .....
جاني اتصال مجهول بعد العصر ..فز الخفوق وقلت يالله عساه خير ..... الو مين معاي انت الكابتن سكرررررري نعم معكم الكابتن شخصيا... مادري انت تذكرنا انت من زماان وديتنا انا والأهل من الدمام للجبيل وخذنا رقمك عشان المشاوير العائليه الطويله.. قلت اذكر انتم الي وديتكم زياره بحي اللولو بالجبيل الصناعيه قالت الله الله .. قلت الله يحييكم .. قالت حنا عائلتين يمكن اكثر من سته انفار بروح بكره للبحرين .. يوم قالت البحرين وانا الي يمغصني بطني لاني عارف ماقدر اروح قلت صراحه ياختي ودي اوديكم وبصوت حزين وموسيقى هاديه لاني ماطعمت التطعيمه الثانيه قالت ليش ماطعمت خايف من التطعيمه قلت لا بس ماحصلت موعد قالت كم عمرك ... قلت ابشرك مطوف تعديت الخمسين قالت سهله .. كأنها تقول وانت بالسياره يجوون يطعموونك قالت انت وينك الحين فيه قلت جالس فالبقاله قالت تبيع يعني في البقالة قلت لابس جالس اسولف مع راعي البقاله احس في كلامها تقوول ياقدمك بعد فيه ناس كذا يجلسون بالبقالات .... اي بعذرها ماشافت حلاوه الجلسه والواحد جالس علي كرتون العصير ويمه الثلاجه قالت تبغي تطعم الجرعه الثانيه الحين اقلت اكيد ودي قالت انا ممرضه واعرف الي كل الي بالمستشفي وعلاقاتي معهم زينه عطتني عنوان المستشفي والدور االي هي موجوده فيه والغرفه قالت تعال الحين ويخليهم يطعمونك .. ويوم سمعت كلامها وانقز راعي البقاله يقول حساب العصير الي مخته من الكرتون ... قلت بعدين بعدين .. وخلال دقايق معدوده طلعت لها الدور الي بالمستشفي يوم قربت من غرفتها اسأل عنها هي طلعت علي من غرفتها من قووه الصوت الي سمعته وتشوف ويش هالصوت عاد عرفت ان الأخ سكري وصل قالت افكر فيه هووووشه بالمستشفي سكري قام يسأل عنها بصوت عالي ومستعجل يطلع الكلام احيانا في غير محله شافتني قالت ماشاء الله عليك جيت بسرعه مستعجل كانك منت خايف من االتطعيمه عاد اقول في نفسي هاذي بركات المشوار بالرغم اني لي اكثر من سته شهورر ماطلعت .. لاكن لأجل عين تكرم مدينه المهم مشينا لمكان التطعيم وجهزت أوراقي ودخلتني عند الي يطعموون قلت تراي مطعم التطعيمه الاولي اكسبديشن حتي نسيت اسم التطعيمه قالو عادي تاخذ تطعيمه مختلفه احسن بكثير يعني ماخذ الاولي أكسفورد والثانيه فايزر الحمدلله خذيت التطعيمه ولا حسيت باي شي ولا مضاعفات ولا حراره وعقبها بدقائق معدوده ارتفعت معنوياتي عقب ماحصلت نفسي في توكلنا محصن اكمل جرعات كورونا .... الظاهر اني نسيت الآلام او ماحسيت فيها ... هاذا دليل علي ان المعنويه هي الشفاء بكل المقاييس.... غريب الماضي معجب بهذا.
|
#699
|
|||
|
|||
رد: سكري بعد التقاعد شغال مشاوير في اوبر وكريم
اخوكم سكري عقب ماخذ الجرعه الثانيه وجاته رساله محصن اكمل التطعيمات
دق سلف الرجال يبغي يمشي يسافر نسا نفسه ... ونسي عنده بكره مشوار مهم وفي روايه اخري جحدهم واعتذر عن المشوار لظروف طارئه... غريب الماضي معجب بهذا.
|
مواقع النشر (المفضلة) |
الذين يشاهدون محتوى الموضوع الآن : 18 ( الأعضاء 0 والزوار 18) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |