العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
جاك علم الصحيح وراح علم المزوحي كل شي الا ال وو ما حسبنا حسابها الجزء الثاني
.{ممنوع دخول من عندة اختبارات مو من شان ما يضيع وقته لا لا بس عشان ما يصيبه احباط اخذ الشهادة وبعدين انحبط يا مالك من الاحباط الموضوع مخصص لطبقه VIP
عشان يشعرون بمعانات عيال الطيقه 0000000 حجبه منع للاحراج هذا ياطولين العمر والسلامه بعد ما فقت من غيبوبه النجاح والفرحه اشكر عمو بتكفله بحفله النجاح ومردودة له انشاء الله في زواجه اذا توظفه<<< انطر يا 000 الين يجيك الربيع منذو الحظه الاولي من استلامي للوثيقه التخرج اخذت علي نفسي عهد مطلعه وظيفه من تحت الارض الله لايعوق بشر صورة الشهادات عشر صور واشتريت عشر ملفات ومن الفجر وانا صاحيه سويت القهوة والشاي والفطور حق اخوي <<< عرف ان السالفه فيها ان قلت له حمودي بس ها العشر الملفات ابي اوزعها علي كذا مدرسه خاصه <<< غاسله يدي من ديوان الخدمه المدنيه جلس يضحك كل هذي ملفات يا اختي بقي للشباب السعوديه قلت :طيب تستهزي بكرة تجيبك الحاجه قال :خذي ملفاتك وانتي كانك موظفه ارشيف وضفي النور ابي اكمل نومي خسارة القومه والفطور والله مالها الا رجالها الله يخلي الوالد قلت لبابا قال يا الله الله يوفقك يارب اخذنا جوله علي جميع المدارس الخاصه في المدينه وكا العادة الطردة المحترمه حطي ملفك ورقم جواللك واحنا نتصل عليكي جلست علي هذة الحال اربعه اشهر قلت لابد ان يكون هناك خلل يمكن التخصص للي انا دراسته لا يتناسب مع سوق العمل يمكن بطلو الناس تدرس تاريخ احسن شي عن الفراغ والانحراف ادرس واشغل وقت فراغي دخلت معهد حاسب واخذة دبلوم تقنيه مكاتب ولتفوقي في المعهد اعطوني دورة في صيانه الشبكات مجانا بعد ما اخذت الدبلوم غيرت الوجهه الي معاهد الحاسب والشركات ولكن المنحوس منحوس مافي شاغر ابد المدينه طول وعرض مافيها شاغر امنا بالله قلت لا انا كذا ابي انحرف نت ونوم ايش هذا الانسان لم يخلق لهذا قررت ان اتجه للعمل التطوعي انا عائشه في مدينه رسول الله لا بد ان اقدم لها شي جلست افكر ايش ممكن اقدم تذكرت هوايتي المفضله المسرح عشقي الاول فكرت انشي مسرح يهتم بالطفل عيالنا ما لهم غير ها الحدائق ماعندهم اماكن يروحون لها المسرح تربيه وفرفشه طرحت الفكرة علي بعض صحباتي شجعوني بس مافي شي ببلاش نبي احد يساندنا دورت علي اشخاص وطرقت عدة ابواب كلها متربسه مو بس مغلقه بس ربك ما يخلي احد كانت هناك سيدة فا ضله كلمتها علي مشروع مسرح للطفل المسلم يكون مسرح للترفيه وكذلك للتوجيه اعجبه في الفكرة واجتمعنا فتيات المدينه في هذا المسرح عملنا عدة مسرحيات كان العمل ممتع جدا ولكن العمل المسرحي يحتاج الي مال في الدكورات وكذلك الملابس واشياء كثيرة مع ان السيدة حاولت معنا الي اخر لحظه ولكن المشروع لم ينجح الان المصروفات اكبر من الدخل (مدري ليش نستخسر نذكرة بخمس ريال بنما نصرف اكثر منها في مطاعم الوجبات السريعه نهتك ببطونهم ونهمل عقولهم) (علي فكرة المسرخ افضل علاج للخجل الاجتماعي) حاولت مع البنات ان نحاول مرة اخر ولكن لم افلح في اقناعهم لاول مرة احس بقيمه المال اجل المال مافي شي بلاش لابد من البحث عن وظيفه لانها هي المصد ر المضمون للمال اخبرتني احد الزملات بمشروع المدينه بلا أميه قالت محتاجين معلمات مو مهم التخصص (العالم يحارب اميه الحاسب واحنا لسع عندنا اميه القراءة والكتابه) ما صدقه خبر رحت مقر للجنه وقدمت أوراقي قالت لي الموظفه في الحرف الواحد شوفي يا اختي تبين تدخلي في المشروع لزم تنفذي الشروط اي شروط شوفي لزم يجمعي عشر نساء (عجائز) اميات <<<< بسيطه ربع جدتي كلهن جاهلات ثانيا: مقر غرفه في بيتكم تدرسهم<<<<؟؟؟؟؟؟؟؟؟؟؟؟ والله ما تنون ابني لكم مدرسه بعد بسيطه مقدور عليها بيت جدتي ماله طرب قلت لها :اوكيه قالت جيبي لنا كشف اسم الحريم ومكان الفصل واحنا نصدر قرار تعينك بسيطه بسيطه رحت ع بيت جدتي بعد ما مريت السوبر ماركه واشتريت لها بسكوت المالح للي تحبه <<< دخلت عليها وهي تمارس هوايتها المفضله متابعه برامج الاذاعه السعوديه جدة جدة يا تيته يا احلا ست في الكون اص اص يووووووووووووووة كدرت صفوتها اسكتي يا بنت نعنبوا بلسك يا جدة حسسني انك جدتي لو في الكذب اعرف الجدات حنونات اسمعي ام حدجان بعدين نتفاهم يوة الناس بطلو ام حدجان وانتي لسع جدة هذا مستقبلي اتركي المذياع واسمعني ارجوكي بعد اصرار مني التفتت لي وقالت ايش عندك؟ عريس اقبلي وفارقني لا لا يا جدة مو عريس وظيفه مبروك مبروك جاك التعين لا ياجدة انا لسع ما توظفه جايه تدورين عندي وظيفه ما عندي ولا سلف انقلعي وراك العن ابو التحطيم وما اعرف احد اتوسط لك فكني من شرك جدة انا لقيت وظيفه وانتي راح تساعدني بس انا ما اعرف اقراء ولا اكتب يادوب ابصم عشان كذا جدة انا ابي انتشلك من الظلمات انتي وصاحباتك الي النور انا للي بوصل الكهرباء الي عقولكم كيف؟ ابي افتح فصل محو اميه في بتك ياجدة ابيك تدقي علي جميع صحباتك وتبشرينهم بالعهد الجديد بس جدة ابي علي الاقل عشر عجائز هههههههههههههههههههه اخذت جدتي تضحك ضحكه الشرير بس لزم تفهمي كيفيه التعامل مع العجائز ؟؟ عشان يفهمو عليك وتشيلي الحواجز العمريه جدة ايش ها الفلسفه؟ لا لزم تعرفي هواياتهم وللي يحبو وللي يكرهو عشان تكسبهم والله فلسفه مقبوله خلاص راح ادرس حالتهم كلهم واقدم بحث وراح اقراء عن طرق تربيت العجائز بس انتي ساعدني واجمعهم لي واقنعهم انتي تبين تمحي اميتنا وانا ابي امحي اميتك جدة اتكلمي عربي مو فاهمه؟ انا ما اعرف اقراء ولا اكتب وهذي تعتبرها اميه صح ايه معي ان الانسان للي ما يعرف شي في مجال فهو امي فيه ايه عشان كذا يا تيته انا ما يرضني تكوني اميه جدة انا اعرف اقراء واكتب واعرف بعد للكمبيوتر لا يا روح جدتك فيه شي ما تعرفيه ولزم تعرفيه؟ تربيه الغنم هواية العجائز المفضله مو تبين تكسري الحواجز بنك وبين العجائز لزم تشاركهم في الهوايات بعد لا لا لا لاللا لالالالالالالالالالالالا ارجوك جدة حتي انا لا روحي دوري عجائز بعيد عني جدة ايش اسلوب لوي الذراع هذا ما خبرتك كذا والله العلم جاكي توافقي ابشري باللي يجمع لكي العجائز بطقه اصبع لا لا انا اتعلم تربيه الغنم لا لا طلعت من جدتي وقلت الواحد لزم يعتمد ع روحه اخذت الف ع العجائز للي اعرفهم واحاول اقنعهم بس لا حياة لمن تنادي ما قدرت اجمع الاعجوزين وحدة بكستانيه ما تعرف عربي اصلا قلت لها ما فيه علم فيه جوزات بعد التهديد وافقه وعجوز كذبت عليها وقلت لها انا خطابه وعندي شايب يبي عروس والمواصفات تنطبق عليك بس حسافه هو يبها متعلمه اذا تبنه تعلمي<<<<< العن ابو الحيله بس من فين اجيب 8 عجائز تعبت الف وادور الظاهر مالك الا جدتك رحت لها مكسورة الجناح خلاص ياجدة قررت امحي اميتي في تربيه الغنم وخاصه المعزة انا احبها جدة حييييييييييييل وانا قلت ان مصيرك لي نبداء من اليوم المحاضرة الاولي 7 7 7
|
#2
|
|||||||||||
|
|||||||||||
وانا جاهزه ياجدة
الدراسه تطبقيه ما عندنا نظري ابد الي ميدان التعليم ذهبنا الي شبك الغنم حق جدتي اخذت جدتي تشرح وانا معي ورقه وقلم اسجل ما تقوله لان فيه اختبار اول شي ابي اعطيكي المصطلحات عشان اذا قلت لكي شي تعرفيه طيب اولا: الادوات الزربه (الحضيرة):منزل الماعز المنقل: اناء لوضع العلف العلف التبن:غذاء الماعز الدماله:فضلات الغنم تكرمي الشماله:هي الملابس الداخليه للماعز ثانيا:مسميات الماعز الجفرة:صغيرة الماعز التيس:ذكر الماعز الصخل:طفل الماعز الحمرة: ذات الون الاحمر الوضحه:ذات الوجه الابيض والجسم الاسود الزرقاء:للي تشجع الهلال <<ذات لون ابيض مخلوط باسود العطرة:للي فيها خط احمر في خديها وبطنها والباقي اسود النمشه: يكون اللون الابيض متناثر بشكل متفرق على الوجة الغشوة:يكون اللون الابيض خفيف جدا على الوجة وال وال وال 0000000000الخ افتر راسي وما قمت اجمع حفظ الجدول الدوري للعناصر في الكمياء اسهل من ذا الشي الدرس الاول طريقه حلب الماعز اول شي الابتسامه الحاله النفسيه للعنز مهمه اذا تساعد علي زيادة الحليب جدة : حلب ارجوكي لا احط الاكل لها وانتي حلبيها لا هذا اهم درس هذي مهارة مهمه اذا تبين تقدير اه اه ياذي النشبه دخلت جدتي ودخلت خلفها بعد ما لبست الجونتيات والكمام والبوت الين الركبه صاحت علي جدتي وقالت:ايش مسويه انتي تبي ترهبين المعزة تسببين لها عقد يجف الحليب؟ جدة:ايش سويت نزلي للي انتي لبسته ؟المعزة زي الناس تخاف من الدخاترة اذا علي الكمام انزله الله يعني اتلثم بطرحتي لا نزلي الجونتيات لزم تحس العنز انك ما تتقرفي منها تكسري الحواجز النفسيه والبوت ذا للي في رجلك نزليه الزنوبه هي الحذاء الرسمي هنا وع وع جدة تدخل الوصاخه في رجلي هذا المطلوب عشان تشعر العنز انه انتي وهي واحد ايش ذا الكلام خلاص عمريني ما توظفه واطلع من الحضريه جلست جدتي تنادني :هذا اول تقويم لم تتقني اهم شي الصبر وانتي ما عندك صبر جدة الواحد يصبر بس مو كذا تذلني تبين ادخل كذا والله الله كريم خلاص تعالي دخلت واخذت جدتي تشرح كيف عمليه الحلب اولا:تعيني العنزة للي تبين تحلبنها وتبتسمين لها وتغنين لها حسب اسمها مثلا الحمرة ياحمرة ياحمرة يا احلاء من التمرة وتمسكنها المسكه تكون من الرجل تجلسي وتحطي رجلها تحت ركبتكي عشان تثبتين العنز ما تشرد تبدين بالحلب وذلك بالضغط الين يخلص الحليب كانت جدتي فعلا ماهرة ما اخذت العنز في يدها 10 ثواتي جاء دوري اطبق نظرت للمعزة اخترة وحدة صغيرة عشان ما اتعب واجلس اركض ورها اركض ورها جننتني الين مسكتها جيت ابي احلبها مالها صدر جدة مالها صدر الله يخلف ع ام جابتك هذا تيس يوة وتعبي راح هدر من اول اجري وراك ضربته بيدي وجلست جدتي تهاوش ليش تستخدمي العنف ما تعرفي اخطار لعنف الاسري الحين لو انتحر التيس ما اعرف غيرك ياجدة خليني الحين ادور وحدة احلبها واخلص شفت وحدة شكلها غلبانه واجلس اتسحب الين مسكتها كويس لها صدر واجلس اعصر فيها المسكنه عيونها دمعه اعرف عورتك بس حيل الله اقوي واجلس اغنيي لها عساء تنساء الم العصر تصبري يا عنزتي ربي حداني عليكم يا عنزتي لا تونين الحين اخلص من حلبك وانا علي هذا الحال والله احس شي زي السيف ينغزني من ظهري التفت والله ذاك التيس الكبير يطالعني وعيونه كلها شر قلت له خير تبني احلبك؟ قال: ايش عندك علي المدام؟ قلت :اعملها ميك اب ؟احلبها منت شايف قال :الحين انا اتخسر اعملها عمليات تكبير صدر وانتي تخربي علي وينطحني ذيك النطحه للي خلتني اتروش بسطل الحليب رحت في غيبوبه وما فقت الا وكل المعزة متجمعه علي وللي تلحسني وللي 00000 وجدتي تحاول تفيقني سويت تعبانه واقول هاجدة كم اخذت؟ ممتاز بس انتي فيكي شي قلت لا يعني خلاص جدة قالت :لا لسع الكورس ما انتها بقاء الحليب الحليب ويش فيه؟ لزم تعرفي كيف تسونه؟ اسخنه وانتي تشربيه يا احلا جدة لا لزم تعرفي كيف تخظيه سهله جدة احطه في الخضاضه واشغلها لا ياروح جدة لزم تتعلمي كل الطرق خظ الحليب القديمه قبل الحديثه اول شي الحليب ما تنخط كذا لزم يطعم كيف يطعم ؟ انا اقولك لزم نتركه يتخمر كذا الين يصير زي الزبادي وينفصل الماء تحت بس قبل كذا لزم نصفيه لانه قد يسقط شعر من العنز او شوائب في الحليب اول درس في التعامل مع الحليب الادوات السعن: اله لخض الحليب مصنوعه من الجلد الغنم الصغريه: انيه لجمع الحليب العكه:اداة للحفظ السمن مصنوع من الجلد ايضا المحقن: اداة مثل البوق تستخدم لحقن الحليب في السفن المشخله: اداة من السلك تستخدم للتصفيه الحليب مسميات الحليب حتي الحليب له مسميات والله حاله ايه له مسميات حسب حالته مثل الماء اذا كان جامد يسمي ثلج صح ايه وشهي مسمياته سراح: اذا كان طازج ولم يخظ غبيبه: اذا كان في مرحله التطعيم السالفه الذكر الصبوح:اذا صار لبن بعد عمليه الخظ صخينه:عندما يكون الحليب طازج ويغلا لتيحه:عندما يسخن الصبوح ويتبخر الماء المادة الصلبه المتبقيه تسمي لتيحه وهي المرحله الاولي من مراحل تصنيع المضير (او ال أقط او النقسان كما تسميه بعض القبائل الخلاصه: وهي ما يتبقاء من عمليه اذابت الزبدة لذيذة مع الرطب الدرس الاول يصفاء الحليب با المشخله وتوضع في قدر وتغطاء لكي يطعم لمدة يوم او يومين حسب حاله الطقس كلما زادة الحرارة تكون عمليه التطعيم اسرع ثانيا: يحقن الغبيبه في السعن بستخدام المحقن ينفخ السعن وذلك بدخال الهواء عن طريق شد السعن ولا يستخدم الفم في النفخ ابد ثالتا: يخظ الحليب عن طريق وضعه علي الركبه وهي منتصبه ورجه الين تتكون الزبدة قد تستغرق عمليه الخظ ساعه الي ساعتين في الكثير ممكن تتسلين بغناء بعض الاهازيج مثل ياسعني خط الحليب بروح يم الجليب يا اشوف هاك الحبيب واعطيه رشفه حليب 0000000000 جزء من الاغنيه مفقود لانه لا يصلح للنشر عيب بعد خظ الحليب ناخذ الزبدة ونذوبها الحليب الباقي ناخذ منه شوي عشان نشربه والباقي نسوي منه مضير طريقه عمل المضير نسخنه في الطشت الين يتجمد ونخلي التيحه تبرد ونشكلها باليد (مو يسمونه بسكوت ابو بصمات) ونخليه ينشف وكذا انتهنا من الكورس بسلام شفتي سهل جدة مو مشكله بس يا الله نادي صحباتك ابي اخذا الاسماء طيب الحين ابيجر لهم يجن <<<< لا تعليق ابي بسرعه اخلص لي اسبوعين في ها الكورس فعلا ما نزلت جدتي التلفون الا العجائز محضرات هلا هلا والله ارحبو القت جدتي علهيم كلمه واقنعتهم في اهميه العلم واهم من ذا المكافئه للي راح تصرفها الدوله لهم اقتنعو وجبت ورقه عشان اكتب الاسماء واخذت الف عليهم واكتب الاسماء نورة مرشد وضحي عميش صيته سعد حضيضه مريزيق تفكورة كعيب مصلحه صالح فوفو احمد اسمك فوفو لا هذا اسم الدلع هذي وثائق رسميه لوسمحتي ابي الاسم الحقيقي فضيضه محماس <<< عجائز اخر زمن ما يجون الا في العين الحمرة مغليه راشد امطيرة مطر ادغيمه عايش اخذت الاسماء وعلي الادارة قالت للموظفه خلاص دبرت الطالبات والمقر قالت: اسفه بس التسجيل خلص من يومين تاخرتي ياي يا كد مالك خلف خسارة الكورس للي اخذته رجعت للبيت حصلت جدتي والعجائز لبسات ها المرايل والشرائط وكل وحدة معها كراسه ومرسام مجتهدات قلت لهم:بطلنا المشروع كل وحدة تروح حق بتها قالت جدتي :ايش فيك؟ حكيت لها السالفه قالت : خلاص اكسبي اجرهم وعلميهن وهن يدفعن لك الحق ما يزعل جدتي قالت ها الكلام وما اشوف لك الا هالعجائز يتسحبون وحدة وراء الثانيه روح قلبهم الريال ما يطلعونه الا بشق الانفس بعد فشل ها المشروع حاشني اكتئاب واصبحت منعزله عن العالم حاولت جدتي تساعدني وعرضت علي توظفني في غنمها بس انا رفضت انا يادوب تحملتها الفترة للي طافت اتصلت جدتي بــــــ ندوش عشان تطلعني من الحاله النفسيه للي انا فيها ما قصرت ندوش علي طول حضرت عندي ما عندها وقت ها البنت جلست تبربر وتقول كلام كثير ذكرتني بطارق الحبيب يا مسهل ما نقول المواعظ بس التطبيق صعب الواقع صعب يا مسهلا ما نبني مدينه في الخيال طفشت ندوش مني تجي منا اجها منا قالت :طلبتك قولي تم قلت:تم ع ايش ؟ قالت بس انتي قولي تم قلت :تم قالت:تروحي معي زواج بنت عمت خالت جدتي قلن لها : والله مالي خلق قالت انتي قلتي تم قلت خلاص بعد العشاء تجهزنا وطلعنا وصلنا الفرح كل الناس مبسوطه جلسنا ع طاوله بالقرب من المنصه ندوش :افردها ادوغه تري هنا كثير من الحريم للي تدور عرائس حق عيالها قلت لها : الله يهنهم قالت : لا انتي مو معي ابد قومي قومي نرقص مالي نفس غريبه اعرفه يا ادوغه تحبي الرقص قومي قومي قمت نرقص حسيت بشوي ارتياح لما خلصت الحفله دخلو المعازيم صاله العشاء ما كان لي نفس جلست علي المنصه ما اشوف لك الا ام العريس تسلم الطقاقه عشرة الالف ريال عشر الالف ريال علي ساعتين؟ ايش ذا؟ وعلي ايه حتي ما معها فرقه اقول توزع عليهم بدون دفوف بس الطقاقه وصاحبتها علي اللاب توب تدخل الموسقاء علي الصوت من خلال برنامج صوت وبعض الاحيان وربي ما تغني تشغل الاغنيه وتجلس تمصمص في ها المايك والله فكرة ليش ما اتجه للعمل الحر ويش فيها طقاقه مو تطلع عشر الالف في اليله 100*30=3000 يا سلام والله حسبه مضبوطه مو اسوي مسرح اسوي مسارح لعبه الفكرة في راسي وفعلا نفذتها
تبون تعرفو ايش مصير ها الفرقه وايش صار مع الحلوة ادغه؟ تابعونا في موضوعنا القادم ممما سبق يمكنا الخروج بـ 1_ ما كل ما يتمناة المرء يدركه تجري الرياح بما لا تشتهي ادغه 2_ حاول حاول حاول ان لم تحقق شي فان لك شرف المحاوله هذي العبارة لا عاد اسمعها 3_العجائز كنوز تسير في الارض حافظو عليها واترك لك الباقي تستنتجوة ياهلي الروح تعبانه جبولي دختور نفسيه جبولي دختور نفسه عاشو عاشو <<< ايش فيكم جالسه ادرب
|
#3
|
||||
|
||||
الصراحه عندكــــ جده تحفه
الصراحه بديت أتحطم هذي اول سنه لي بالجامعه كل شي قسمه ونصيب
|
#4
|
|||||||||||||||||||||
|
|||||||||||||||||||||
ههههههههه والله ما شاء الله عليك يا ادغه ولا زلت اقول ومن اول موضوع لك هنا انك مكسب حقيقي للقسم وحرام والله لو هالموضوع ما تثبت تسلسل تراديجي في القصه وحبكة دراميه قمه في الروعه >>> عسى ما تكلفت بس عوافي ادغه
|
#5
|
||||
|
||||
ما قدرت اجمع الاعجوزين وحدة بكستانيه ما تعرف عربي اصلا قلت لها ما فيه علم فيه جوزات بعد التهديد وافقه هههههههههههههههههههههه حلوة التهديد بالجوازات الخلاصه: وهي ما يتبقاء من عمليه اذابت الزبدة لذيذة مع الرطب يااااااااسلاااااااااااااااااااااااااااام على الخلاصه لحطيتيها مع التمر روووووووووووعه<< ودي بصحن خلاص مع تمر الصبوح:اذا صار لبن بعد عمليه الخظ ويسمونه صبووح لانهم يشربونه صباحا لودريت مادخلت موضوعك باقي لي سنه ان شاءالله وتخرج << وجهن يبي يبكي موضوعك ذكرن بجدتي وبالغنم جربت مرة احلب الماعز بس مدري ليه عيا الحليب لايطلع من الماعز اعصر واعصر مايطلع الحليب مدري وين العله؟؟ والله مشكله كثير اللي يتخرجون ويقعدوون بالبيوت بنت عمي تخرجت من كم سنه تقول لو دريت عدت بكم مادة مير اجلس احسلي من الفراغ وهادقاقات يايكسبن من الدراهم ساعتين يدقن وياخذن الووووووووووف ياهلي الروح تعبانه جبولي دختور نفسيه جبولي دختور نفسه ياهلي ياليتن دالهن سالي وش اسوي يوم ربي بلانيبه لاولد عمي ولاهو ولد خالي ورى ورى عاشوووو عاشت ادغه يعطيك العافيه على الموضوع والمعلومات التي اكتسبناها من رحلتنا مع جدتك بحضيرة الماعز الله يرزقك بالوظيفه السنعه ننتظر الموضوع القادم تقييييم
|
#6
|
||||
|
||||
آهآآآآآآآآآآآ الحين فهمت العنوآن .. الـ ووو ,, يعني الوآسطه ..~>> تو النآس ..~
قريت نص الموضوع ,, ومتحمسة أقرآ النص الثآني ..~ بس حبيت أعلمك إني فهمت العنوآن ..~>> النآس وين وهذي وين ..~ رآجعتلك آدغه وتقييييم ,, آحترينن ..~
|
#7
|
|||||||||||||||||||||||||
|
|||||||||||||||||||||||||
وحشونا حبايبنا وين ها الغيبه؟ انا لو ماني متواجد لكن متابعه لكل شي افتقدناكم
|
#8
|
|||||||||||||||||||||||||
|
|||||||||||||||||||||||||
تحفه وبس الا تحفه نادرة الوجود ما في مثلها الا عجوز يابانيه اتحرت قبل الحرب ع العراق انا ابي اعرض عليك صفقه يقولون سوق العجائز مرتفه ابي ابيع عليك جدتي وراح اراعيكم وتكاليف الشحن علينا
|
#9
|
||||
|
||||
تعافيك ومن خيرة يعطيك ولا يذلك لا احد من خلقه لو كان تيس
|
#10
|
|||||||||||||||||||||||||
|
|||||||||||||||||||||||||
يا مذيه النمل الواسطه ظلم وكلا يبيه عمرك شفتي احد يبي الظلم؟؟؟ لسع الواسطه مو واضحه في الموضوع بس راح يتضح بسلسله المواضيع المرتبطة بالسالفه والظاهر راح تكون مسلسل مكسكي ارجو ان تتمتعي بمشاهدته قصدي قراءة يا روحي
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |