|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
28-12-05, 07:05 PM
|
||||
|
||||
ياللي تعذرب بنا يمناك مكسوره - كلمات أم أديم - وصوت أبو نواف - واللحن الكنه
السلام عليكم ورحمة الله وبركاته بعد طلب عدد من الاخوة والاخوات لقصيدة بنات الوطن بالصوت فقد انتهى اخونا الكبير ونجمنا ابو نواف من تسجيلها كاملة بالصوت وقد تعب في تسجيلها نظرا لطول القصيدة ( 50 بيت ) ولكنه أبدع وتميز كما هي عادته في الأداء لتخرج بصورة رائعة اترككم مع القصيدة بالصوت والحرف مع الشكر والتقدير للرائع ابو نواف على هذا الاداء الشجي مدة القصيدة 10 دقائق القصيدة بالحرف حنّا بنات الوطن وشموع ديجوره = وحناّ بنات الوطن وأحلى سعوديه منابت المجد وأصل المجد والصوره = مرابط العز وسبوق النداويه منابت الملح وأصل الورد وزهوره = مكاسر العود والنفحه سماويه عذبات الانفاس وأغلى المسك وعطوره = نفحات الاشجان والنسمه ربيعيه فوح الخزامى بروض ٍ قيل ممطوره = قدِ علّها مع بكور الوسم وسميه حنّا بنات الوطن سكناه وخدوره = حنّا بنات الوطن والثقل ماريّه ياللي تعذرب بنا يمناك مكسوره = ماكن فينا لك أم وبنت وأخيه أفكارك السود مشبوهه ومبتوره = وعلومك العوج ملفوفه وملويه تلف وإلا تزيد اللف لك دوره = العلم بالهون والحاجات مقضيه خذها على نور والرايات منشوره = بالعدل والميز مكتوبه ومقريه خذها وباقي بها وقفات مذخوره = تجيك من فوق وإن حبيّت رديه بنت الوطن ياضعيف الرأي مذكوره = بالخير والطيب مذكوره سنافيه من أول الوقت يالمسكين مشهوره = بالفكر وأحلى التواصيف النسائيه بنت الوطن ياقصير الشوف معموره = بالعطف واللين وتزيده بحنيه إن كان بالكون قالوا عينه وحوره = بنت الوطن من عظيم الشان حوريه بنت الوطن من جمال الخلق مستوره = الطبع هادي ووقت الجد جديّه ممكن تقوّم بوجه المعتدي ثوره = والأصل تكوينها ثابت حياويه شيهانة اللحظ بنت الريح منثوره = ملمومة الخصر بنت الذيب ريميه يعني حجازية العينين مخبوره = نجدية الخصر واللمحه خليجيه ريحانة الفل بأرض الفل مبذوره = يعني عسير وعبير أحلى عسيريه وقاّدة الحس بالاشواق دكتوره = يضيق صدر الزمن تبقى شماليه تكتب حروف الوفا وتسّن دستوره = بحروفها إخلاص وإن حبّت هواويه يعني هي الجو مع بيداك وبحوره = من رأسها للقدم بالزين مكسيه سمعت ياللي حسبته لعبة الكوره = بعض السواليف لا سقته عماويه لا ضيّع الدرب مثلك وأخلف شعوره = ندلّه الدرب والاعمال بالنيه ياخاوي الفكر والعدلات مقبوره = في صدرك اللي لبس بلواه صدريه مغرور مغرور مثلك ناس مغروره = بمركب النقص والاوهام مبليه منادمين الخطا ملفاه وطيوره = الفكر خياّل والساحه خياليه من الحماقه لبسك الكبر وشروره = والحمق رمح الردى وحدود هنديه تسكن زواياك والطرقات مهجوره = ياغراب خل الحمام إنسى خطاويه لو تفرد الريش يالطاووس مأثوره = عواقب الكبر يالمغرور سلبيه ياسيّد الغطرسه ياقاصر شبوره = ياعاشق الذات عشق الذات نفسيه سمعت رد الاصيله وإفهم سطوره = بسيط منساب والاوزان شعبيه وإسلك طريق الهدايه وإحفظ السوره = السوره اللي على المعنى ومكيه وإن كان نفسك على الشينات مجبوره = والنار ياميّت النيران مطفيه أجيك أنا بنت هالديره ومأجوره = وتشوف بنت الوطن والجمره الحيه أجيك وتشوف بنت السبع مسعوره = وأخرك معروف والدعوى طبيعيه الوقت معروف في زنات دبوره = يخرّب العش وهو العش راعيّه ماهي بشرَبه من الغوري وشابوره = بعض الحكاوي وفيه حدود محميه خذها ولا أقول لا رديّت مشكوره = من واجبي لا دفعت الشر والسيّه بأول خطوط الدفاع وراس طابوره = أصد وأرد والصدّه هجوميه خذها وأنا بنت قوم المجد وحضوره = مني وأنا من بنات الدار نجديه من نجد ماجيت أنا المغرب وناطوره = وماجيت حد اليمن ما كنت مصريه خذها وأنا ماعرف الحمراء ولا شتوره = ولا جيت عماّن وإلا كنت شاميه ولا نيب من بابل النهرين وآشوره = وإلا بعد من بنات الشرق شرقيه خذها وأنا من عظيم الشان منصوره = من نجد ماقول أنا شقراء وغربيه أعيّد العيد ما عوشر بعاشوره = الدين الاسلام والمنهاج سنيه خذها ونفسي على المسفار مأموره = والنفس معروف مأموره ومنهيه ماقلتها من غضب بالوقت مقهوره = على الملا وإن بغيت السلم سلميه خذها وأنا بنت روس الطيب وصقوره = الجد قحطان والمنشأ قصيميه
|
|
#2
28-12-05, 07:42 PM
|
||||
|
||||
|
بسم الله الرحمن الرحيم
السلام عليكم ورحمة الله وبركاته ما شاء الله تبارك الرحمن .. القصيدة رووعة حبيبتي .. أم أديم .. واكتملت روعتها بالقاء أخوي .. أبو نواف .. لها .. الله لا يضركم .. والله يجزاكم بالجنة .. جد القصيدة طلعت خيال .. الله يحفظكم أختكم بنت نجد
|
|
#5
28-12-05, 08:33 PM
|
||||
|
||||
|
الله الله الله الله الله
 روووووووووووعة بل قمة في الروعة كلمات شااااااامخه شاااااامخه×شاااااااااامخه هنا الشموووووخ والايباء والحقيقة الناصعة كلمات خطة بماااء الذهب..لله درك يالنشمية.. ابونواف....ابدااااااااااااااااااااع وتمكن مخضرم ماشاء الله ..لاقوة الابالله...اللهم بااااارك عنوان رنان وكلمات عزيزة علينا من أختنا النشمية ومن لم يهتز غضباً...وطرباً ...وكذلك دعاء لكما فل يراجع نفسة!!!!!!!!!!!!!!!!!!!!!!!!!!!!! وأداء....محبوب الجميع ورمز.. العطا...الفاضل الغالي أبوووو نووووووووواف لله دركما..من شامخين..وعملاقين....صح قلبيكما.... ابونوووواف تستاااهل حبة خشم..وبكل ممنونية..يالغالي تسجيل حضووور....تسجيل..أعجاااب...تسجيل أستفادة اخوكما في الله كاتم الونه 
|
|
#6
29-12-05, 01:39 AM
|
||||
|
||||
|
ماشاء الله تبارك الله
كلمات رائعه إلقاء اروع ماعندك قصايد اجتماعيه أم أديم ياليت تنثرين ابداعاتك
|
|
#7
29-12-05, 04:00 AM
|
|||||||||||||||||||||||||||
|
|||||||||||||||||||||||||||
وعليكم السلام ورحمة الله وبركاته ومغفرته ومرضاته
هلا وغلا ام ريم حبيبتي الأروع حضورك وتشريفك يالغالية وجزا الله اخينا بونواف كل الخير على جهده المبذول الله يوفقه وجزاكِ الله الجنة يالغالية لاعدمناكِ 
|
|
#8
29-12-05, 04:55 AM
|
|||||||||||||||||||||||
|
|||||||||||||||||||||||
|
ماشاء الله..ماشاء الله
إبدااااع كلماات إبداااع صـوووت ::
صح لسانكـ يابنت قحطااان وعوااافي ابو نوااف
|
|
#9
29-12-05, 08:55 AM
|
||||
|
||||
|
صــــــح لسانج يا أم أديـــــــــم
صح لسانك وحنجرتكــ يا مبدعنـا ( بونواف ) ابداع يتلوهـ ابدااااااااااااااااااع ... ماشالله تباركــ الرحمن حفظكم المولـى وكل بنات السعوديـــه ..... واهلهـا أجمعين
|
|
#10
29-12-05, 09:48 AM
|
||||
|
||||
|
مشالله تبارك الله
كلمات فى غاية الروعة وحضور صوت ابونواف اروع تحياتى للجميع
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
سبحانك اللهم بحمدك لا إله إلا أنت أستغفرك وأتوب إليك
العرض العادي
