العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
تقاطعو الشوش بسبب هالمراهق
السلام عليكم ورحمه الله وبركاته..
مساكم وصباااحكم خييييير يا وجيه الخير شخباركم شعلومكم وربي اني مشتااااااااقه لكم حيييييييييييييييل... موضوعي اليوم واااااقعي وهو سبب رئيسي ودااااااايم يكون هو سبب زعل الازواج من بعض طبعآ اغلبكم ولله الحمد ربي انعم عليهم بالذريه سوء بنات او اولاد والله يرزق الله ما عنده ان شالله ويارب تذوقون نفعهم وبرهم قال تعالى { يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَّكُمْ فَاحْذَرُوهُمْ وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ (14) إِنَّمَا أَمْوَالُكُمْ وَأَوْلَادُكُمْ فِتْنَةٌ وَاللَّهُ عِندَهُ أَجْرٌ عَظِيمٌ (15) } سورة التغابن صحيح ان الاولاد نعمه بس احيانا يكونون نقمه على والديهم وهذا اللي نشوفه الحين من البعض الا من رحم الله .. طبعآ انا بتكلم عن الاولاد البنات بحطهم على جنب.. الولد بفتره المراهقه يكون متعب بالحيييييل الا من هداه ربي وتكثر سهراته وطلعاته تتعب الام علشان تسيطر عليه بس ما تقدر واذا اخطاء الولد جاء الزوج وحط المسؤليه على زوجته هو يذم تربيته وهي تذم اهماله له ومن هنا يبدء الجفاء بينهم والسبب هالولد المراهق وضروري يكون فيه احد منهم يخرب هالولد يأما الام تتستر على فعايل ولده ولا الاب بدلاله الزايد واعطأه الفلوس الزايده عن حاجته انا ما ابي اتكلم عن الولد وعن طريقه تربيته انا اللي حبيت اقوله ان اكثر مشاكل الزوجين تكون بسبب الابناء وخصوصآ اذا كان عندهم شاب مراهق كل طرف يحط اللوم على الثاني وتكبر المشكله همن اللي معصب اكثر يشوت الثاني ويخليه ينام ع الكنب والثاني ع السرير خخخخخ ادري ان حااايسه بالكلام والصيغه بس مستعجله وحبيت انزل الموضوع اليوم جررروحهـ الامورهـ
|
#2
|
|||
|
|||
السلام عليكم ورحمة الله وبركاته
طال عمرك ان كانا الزوجان مع المولى عز وجل في كل صغيره وكبيره مايتعبان في تربيه ابناءهما اعرف عائله توفى الزوج والزوجه في سن 35 سنه ولاتزوجت والحين عيالها احسن عيال بالديره لان قلب امهم كبير ومضه ادناه هو قلب والدتي والدة الجميع الله يطول بعمرها
|
#3
|
||||
|
||||
صحيح كلامك
بس توي ماجربت عيالي صغار والبنت هي الي بسن مراهقه الله يهديهم بنات او عيال.. كلهم عنيدين . بس الولد اشد بحكم انه يطلع برى. ولدي مع انه صغير بس دايم نصايح فوق راسه. احاول ازرع بقلبه الصح والغلط الحلال والحرام ومره جاي خايف يلهث .بعد ماطلع من المدرسه . قلت وش فيك ... قال شفت شباب مجتمعين يدخنون وخفت. يابعدي .. ضاق صدري عليه.. الله يعينا على تربيتهم ويهديهم تحياتي لك بسمه
|
#4
|
||||
|
||||
من جد اسمع كثير امهات يقولون
العيال يكبرون ويكبر غثاهم معهم . الله يهديهم غصب عليهم .>>> ياكثر ماسمع هالجملة صح انا ماجربت عيال وما عيال >>> بس الام الي بتشيل هم عيالها بيكونون عليها هم والي بتسهل همهم ماراح تلاقي منهم ولا هم . يعني تربيهم وتعلمهم الصح من الغلط وتخليهم يعيشون حياتهم . اعطوهم حريتهم مش كل شي ممنوع حرام عيب . وخلاص بيكبرون ويعرفون الخطا من الصح . يعني لازم الواحد يحس بالثقة مو انة مراقب وانشاء الله ان ربي رزقني عيال اربيهم صح و ابعطيهم حريتهم علي الاخر .
|
#5
|
||||
|
||||
مابعد جربت لكن أعتقد ان الولد اذا وصل سن المراهقه
يكون دور الأب في توجيهه ومراقبته وعلى الام انها ماتخبي على الاب اذا لاحظت اي شي على الولد والله يعين على التربيه صارت صعبه أعرف عائله ربي مااعطاهم الا ولد واحد و6 بنات وألحين ذا الولد في السجن تعدى على أمه وأبوه المريض وأخواته ضرب وتهديد بالسكين ........الله يهديه ويعوض أهله مشكوووووره جروحه الاموره يعطيك العافيه
|
#6
|
|||
|
|||
وعليكم السلام ورحمة الله وبركاته
حبيبتي جروح الولد في فترة المراهقه محتاج لابوه بالحييييييييييييل يكون جنبه ومعاه .... الاولاد المراهقين اعرفي انهم متعبين ومستهترين ويبيلهم مراقبه ورعايه لابد تعاملينهم باحترام وتقدير واهم شي ماتكسرين كلمتهم نهائيا والاب لازم يفتح ديوانيته لولده ويخلي ولده يعزم ربعه ويشوفهم ويقعد معهم لان الرجال لهم نظره في الاولاد وفي سلوكياتهم على كل اب ان يخاوي ويصادق ابنه في هذه الفتره ويدعوه لصلاة في المسجد ويقوم الاخلاق والسلوكيات الدينيه والتربويه فيه . . . وهاذي انشودة الشيخ احمد العجمي في ابنه . . . اللهم احفظ ابناء المؤمنين والمسلمين واجعلهم بارين لوالديهم وابعد عنهم اصحاب السوء واجعل قرة اعينهم في الصلاة . . . اللهم آمييييييييييييين يارب العالمين ... وجزاج الله خير حبيبتي جروح على هالموضوع . . ويعطيج العافيه على هالطرح الهادف . . .
|
#7
|
||||
|
||||
انا اشوف ان التربيه من اختصاص الأب للجنسين
بشرط ان ماتدخل الأم بطريقة تربيته حتى مايكون فيه تضارب بينهم ويستغل الأبن هالنقطه ويلعب بذيله و مرحلة المراهقه صعبه جداً بالنسبه للذكور وتطلب جهد كبير من الأب والله يقدرنا على قيادة السفينه الى بر الأمان شاكر جروووح انثى
|
#8
|
||||
|
||||
الله يصلح ابناءنا وابناء المسلمين ويبعدهم عن رفقاء السوء
تحياتي لك
|
#9
|
|||
|
|||
وعليكم السلام ورحمة الله وبركاتة
والله تربية الاولاد صعبة جدا على الوالدين خاصة الولد ذو الشخصية العنيدة والمراوغ اولا لازم للاولاد متابعه من الاب بس ما يبين لة انة يراقبة ويجب ايضا اشباع الاولاد برغباتهم واعطائهم كل احتياجاتهم وفي نفس الوقت يشدد ولي الامر علية يعني ما يحرمة من شي وفي نفس الوقت يكلفة بامور رجالية حتى يحس المراهق با اهميتة في البيت لانة في الفترة هذي يريد ان يشعر با انة رجل ولة قيمتة لا ننسى الثناء مهم جدا الثناء عليهم فهو يعزز الثقة في النفس ويشعر المراهق بثقتة في نفسة مع اعطاء النصائح بطريقة مباشرة وغير مباشرة لان المراهق يمل من النصائح الكثيرة واهم من هذا كلة الدعاء لهم في كل الاوقات وفي الصلاة خاصة الله يهدي الاولاد ويصلحهم لاهاليهم يارب
|
#10
|
||||
|
||||
على قولتك يا ثريا ديوانيه
انا في بيتي خيمه كبيره وتلفزيون كبير تصدقين انا الوحيده الي اخلي ولدي يجمع اخوياه بالبيت يضيق صدري لاطلعوا بالشاارع ... طبعا حنا سكن ضباااط الكل معروف ولا فيه خوف ولا سكك بس احب اشوف ولدي يضيف ويدبر ويعبر مع اخويااه ويجيب لهم الشاهي خخخخخ ياحبيله امس لقيت شبك مسند على خشبه ومربوط بحبل قلت وشوله هذا قال ابصيد حمام ونشويهن انا وصدقياااي خخخخخخخخخخخخخ قعدت اضحك عليه الله يصلحهم ويبعدهم عن زملاء السوء ويحفظهم اجمعين معليش جروح قعدت اسولف
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |