العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
المسكتم يحتاج فزعكم
السلام عليكم ورحمة الله وبركاته قصة ناصح امين حيران هل من رجل رشيد عنده راي سديد او جنس ناعم حكيم يرسم لنا الطريقة الذي عنه لن ولم نحيد والان ندرعم في قصتي * محتاج فزعتكم على بركة الله القصة مافيها قبل ا لاجازه بكم يوم كنت عند السكتم وكنا نتكلم عن برنامجنا بالاجازه قلت له وش رايك نسافر انا وانتي اول يوم بالاجازه الى اي دوله من اختيارك ردت وقالت لا انا بسافر مع اهلي بعد اسبوع من الاجازه اذا خلص عرس بنت اخوي قلت خير واذا جيت صار خير قلت شورك وهداية الله و بعدين رديت عليها انا وقلت له ترا مقدر اسافر معك الا في هذا الوقت اللي قلت لك عليه واذا قدرت سمحت ضروفي بعد رمضان مافيه مانع المهم هي مصممه تسافر مع اهلها قلت لها خلاص راحتك هي ا للزم ماعلي بالدنيا قالت اتفقنا على هذا الشي و هاك الوقت كل شي تمام ولمن جيت اخرج من عندها ودعتها وقلت له أي خدمه ترا انا مستعد ولا يردك الا لسانك من الريالات الى الالاف ( طبعا انا عارف الرد من قبل)ههههههه امزح قالت لا مابي الا سلامتك ماتقصر يابعدهم وانتبه لنفسك زين وتغذ ونام كويس يا حياتي .. ولكن ابي منك شي واحد قلت سمي وبشري بس وش ها الواحد لو تبين وحدات انا تحت امرك قالت ابي اسمع صوتك كل يوم ابيك تصبحني وتمسيني قلت له بس ابشري من عيوني والله يا الغاليه .. غاليه وطلبتي رخيص قالت يابعد عمري والله عسى ربي يخليلك لي ذخر يادنيتي وقالت كلام يذوب الصخر حتى انا سحت صرت مثل دهنه بشمس القايله المهم سافرت مع اهلها وانا نفذت طلبها وزياده وخطر عليها تقول فكني لا عاد تتصل من كثر الاتصال عليها ههههههههه تلطيف جو ما طول عليكم الزبده ان السكتم اتصلت علي وتقول انا مليت من جو ابها ومقابل القرود والجلس مع الاهل ودير مافيها ولو ريحتك ما يطيب لي كيف فيها قلت له يالبي قلبك سلامتك الف سلامه امري شبيك لبيك الفراعنة بين يديك قالت انا برجع قلت ليه قالت ابيك قلت وانا تقطع قلبي عليك وعين بصير واليد قصيره بس تتركين اهلك وتجين لي اهلك واولادك اهم قالت انا بترك اهلي وتترك اولادي عندهم وبرجع وحدي عجزت اصبر عنك قلت له فلانه تعوذي من الشيطان وستهدي بالله ههههههههه سكتمي خبر يدي لو اقولها ارمي نفسك من فوق الجبل ترمي ماعندها مانع........... ومن الحب؟؟؟؟ قالت سم ..قلت يا حياتي راح الكثير ماباقي الا القليل قالت والقليل صعب اتحمله اليوم صار عندي شهر والاسبوع سنه والله مليت حتى النوم حارب عيوني والسبب بعدك عني . ريت عليها وقلت انا رهن اشارتك امري وسوي اللي تبين قالت انا برجع وحدي وبترك اولادي عند اهلي مع الشغاله هم متعودين عليها وهي متعوده عليهم ماعندي مشكله المهم اجي عندك قلت له وش رايك تسمعين كلامي قالت قل يا لبي قلبك قلت وش رايك اجيلك انا خميس وجمعه وارجع قالت انت تبي تذبحني وانا حيه قلت سلامتك يا حياتي قالت وش هالكلام اللي مثل السم قلت لها وش رايك ترجعين انتي والاولادك وتجلسين في بيتك قالت انا ابي استغل الفرص بجي وحدي ابي انفرد فيك حتى ناخذ راحتنا بالروحه والجيه والجلسه قلت وانا اتمنى هذا اليوم قبل بكرا بس مابي اكون اناني انا يهمني مصلحتك انتي قبل كل شي وقبلي انا شخصياً قالت وهذا الشي مو غريب علي ادري فيك ما جبت جديد المهم لا تضيع السالفه ا انا بجي ابيك تحجز لي على اقرب رحلة من ابها الى الرياض ستقبلني بالمطار واذا تقدر نجلس في بيت اهلي خمس ايام اكون شاكره لك ثم نسافر للقصيم وانا تحت امرك اذا تبيني اجلس في بيتي او تاخذ شقة مفروشه قربيه من بيت عيالك حتى تكون قريب مننا ولا يتعبك المشوار قلت انا ماني مصدق باللي يحصل احس اني بحلم وبعدين برنامجي يبي يتلخبط فوق تحت قالت كيف قلت كيف اجي واستقبلك بالرياض وجلس معك خمس ايام وانا مرتب مع الاهل برنامج مثل كل سنه ا كيد تبي تشك او تحس بشي ما ام العيال قالت طيب عندك حل ثاني انا جايه يعني جايه شف لك صرفه ارجوك لا تزعلني منك ثم قالت انا بسكر واذا لقيت حل كلمني مع السلامه ياحياتي وانتهت القصه والان انا بحيره من امري انا ابي اسافر انا والاولاد كم يوم قبل رمضان وهي تقول بجي من اجل عيونك ورافضه اروح لها خميس وجمعه اسمح خاطرها ورافضه تجيب الاولاد معها حتى اقدر اجلسها مع اولادها اثنا سفرتي مع العيال وانا مطمئن عليها وسافر انا واولادي كم يوم لانها تبي تجي وحدها وش الحل ابي فزعتكم ياعيال علي ويا حريم قصيمي نت لا تتركوني حيران وانا كل عمري لكم ناصح امين هل منكم رجل رشيد يدلني على ر أي سديد او وحدة من الجنس الناعم حكيمة ترسم لي خطة امشي عليها ترضي الثنتين بما ان كيدكن عظيم وتعرفن لبعضكن بعلوما قد تخفى علينا يالرجاجيل كلي أمل فيكم رجال نساء لاتخيبون أملي
وتفضحوني عند سكتمي ثم اندم على ماسويت ساعة لا ينفع الندم فيها
|
#2
|
||||
|
||||
بصراحه مدري ايش اقول على الكلام اللي قريته من جد اذا انتم كذا الله يسعدكم دنيا واخره . ومن وجهة نظري
انها تجيك للرياض وتقعد انت وياااها كم يوم صدقني تسوى الدنيا كلها وخاصه انها هي المشتاقه . صدقني يا الفراعنه بترجعك عشرين سنه السكتم حقتك هذي فرصه با العمر وما تنعوض واذا على سفرتك ما راح شي بعد العيد تعوض السفره . وكلمها وقولها بحجزلك على اقرب طياره .
|
#3
|
||||
|
||||
الله يسعدك اخوي الفراعنه انت وسكتمك
صراح لا ازيد على كلام اخوي ابو ريف السفره مره ثانيه بس لا تنسى اهم شي تعوض اهلك وهذي فرصه حلو لك اتمنالك التوفيق والله اذا السكتم كذا شكلنا بناخذ سكتمات هههههههههههه
|
#4
|
||||
|
||||
طيب وين المشكله
كلها قلت ياحبينتي ..وقالت ياعيوني.. وقالت اتصل علي وقلت باتصل عليك المشكله وينها بالضبط كونها تجي للرياض تقابل خشتك امنيله بستين نيله والا وشو.. والله حلو السيناريو.. لك مستقبل بالخراج..خخخخخ استمتعت بالقراءة...مع إنو مافي مشكله من الأساس..
|
#5
|
|||
|
|||
ههههههههههههههههههههه
الله يسعدك فريعين ضحكتن وانا مو رايقة للضحك
|
#6
|
||||
|
||||
اللي ما يطول العنب حامضاً عنه يقول بدال ما تدعيله دعوه تقولين سيناريو . طقت الغيره يعني
|
#7
|
||||
|
||||
ماشاء الله تبارك الله تصدق ما توقعت ان عندك كل هالحتسي الزين الله لا يفرقكم
الحل وانا اخوك احجزلها الليله قبل يذن الفجر واستقبلها وخذ لك فندق خمس نجوم وفلها ثلاث ايام بلياليها لا تشوف الشمس ابد والسفره لاحقن عليها
|
#8
|
||||
|
||||
والله ودي اساعدك
بس قولها اجلسي ياسكتمتي الفاضله عند اهللك وعيالك وانا بروح مع عيالي الاجازه اللي انا واعدهم فيها .. واذا خلصت الاجازه انت فاضي خوووذها اجازه ثانيه اذا انشغلوا عيالك بالدراسه ودي اقول كأن سكتمك ودها تخرب على ام عيالك والا تخلي عيالها واهلها وتجي من الجنوب **تراني رديت بس عشان رسالة الفزعه والا والله مابراسي
|
#9
|
||||
|
||||
حرام عليكم والمسكينه ام عياله طوال السنه وهو غاثها هو وبزارينه ويوم تجي الاجازه يفلها هو
|
#10
|
||||
|
||||
وعليكم السلام ورحمة الله وبركاته
احس مافيه مشكله خلاص قلها مواعد اولادي للسفره واذا رجعنا اخذ اجااازه اسبوع وأقضيها معك صعبه اخلف وعدي لهم ولو هي فعلا تحبك بتسمع كلامك وتسمع شووورك ماراح تجبرك على شي
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |