العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||||||||||||||||||||||||||||||||||||||
|
||||||||||||||||||||||||||||||||||||||||
بالله تصبوها القهوهـ وزيدوها هيل واسقوها للنشامى ع ظهور الخيل ..
وش قهوتهـ اللي تتكلمون عنهآ >> يآبن الحلآل أركد مآحولك قهوهـ ^ ^ أعتقد وضح لكم مدى خرمتي للقهوهـ .. وأنآ أكتب موضوع كني اسمع طآري قهوة .. وأشم ريحتهآ .. رغم إني بالصالة ولآني حول المطبخ .. أهلي سحبوآ علي كلهم ورآحوآ للريآض من يوم الإريعاء ومن مذآك اليوم وأنآ برآسي قهوهـ .. أحتري أحد يتهور ويعزمني .. مآيمديهـ يكمل كلمتهـ إلا قد تممت لهـ .. بس مآش مآحولك جيرهـ يآرحمآلوف .. رغم إن الرسول وصى على سآبع جآر >> كل هذآ علشآنهم مآعزموهـ يتقهوى عندهم .. عآد الصدز ظليمتهم شينهـ .. أصلآ مآيشوفوني إلا بالمسجد وحتى المسجد من يوم رآحوآ أهلي وأنآ أغلب الوقت برآ البيت .. وأصلي مرتن بالإسترآحة وأنآ وخويي الأطخم .. بس بمنتدى ثآني مو معنآ .. ومرتن بمسآجد الله الوآسعهـ .. واليوم صليت المغرب مع جمآعتنآ .. صليت جنب شآيبهم .. ويوم خلصنآ هو بالعآدة مآيعزم إلا بعد صلاة العشاء .. لكن يدري إني بخت ولاني رآجع إلا من بكرة .. التفت علي وقآل : أهلك مآحولهم جيهـ ؟ قلت : مآلك لوآ >> أي تبطي تشوفهم الحين بس بإسلوب شيبآن قال : الليلة عندنآ عشاء لاتروح هنآ ولا هنآ .. أوك .. قلت: تم >> قصدك العكس الله يحييك .. هو عزمك وأنت قلت أوك .. ونقد عليك منقود طش عقالك من قوة والله يوم عزمني إني بغيت أنقز وأحب رآسة يآجمآعة الخير.. استآآآنست بشكل ..أحس إني مبطي عن الرز والقهوة تقول لي سنة .. رغم إنهن تقريبآ 4 أيآم بس .. رحت تكيت بالبيت أنتظر صلاة العشاء بفآرغ الصبر علشآن أطلب ربي وأعبدهـ >> متأكد إن العشاء مآلهـ دخل ؟ جت الصلاة وصلينآ .. ورحت لهم أول وآحد قسم بالله .. مآقد جاء أحد قبلي .. ويجيبون القهوهـ .. وأشم ريحتهآ بالرآس وأعوذ بالله يآالله وصلني الدور .. ويقهويني ولدهم .. وترى اسمهـ سيف بس مهوب سيفنآ تقهويت الفنجآل الأول والثآني والثآلث ويآسيف ليلك ليل مآحولك بسبسة .. كل الشيبآن بسبسوآ إلا أنآ >> ترى أقصد إنهم قآلوآ بس .. لاتفهون خطأ رجاء ويوم وصلت للفنجآل السآدس إلا كل اللي حولي خلصوآ حتى من الشآهي وأخوكم بالله معيي لايعتق القهوهـ وقتهآ حسيت إنهم ودهم يقلطونآ للعشاء بس يحتروني أخلص .. يآنشبتن مآتخلصين حنآ وين عزمنآ هالنشبة >> قريتهآ بعيون سيف المهم أخيرآ استحيت على دمي وقلت بس على دفعتين .. أول شي ب .. بعدين س >> ودهـ يتحظن الدلة سيف مآصدق وخطف مني الفنجآل ورآح يرآكض ويقول لأبوهـ قلطهم قلطهم فرجت .. أخيرآ فك الفنجآل قمنآ وتعشينآ .. وقلت بالذبيحة ومخمخت على الرز .. طبعآ أول شي استنشقتهـ إستنشآق وبعدهآ قمت أضرب بالخمس وأدهر بالرز .. خلصنآ عشى وغسلت ورجعت شربت شآهي >> يآصبرهم عليك وبعدهآ طسيت للبيت .. المهم يوم جت الساعة تقريبآ 3:30 وانآ بالديوآنية وأسولف مع الأعضاء إلا جاء طآري القهوهـ ورجعت الخرمة .. ومسكت معي إلا أسوي قهوة .. رحت استفزعت بالبنآت اللي بالديوآنية أبيهن يعطني أسهل وأقصر طريقة لتصليح القهوة .. كآلعآدة دخل ولدبريدة عرض بالموضوع وعطآني طريقة لو سويتهآ تسآن صآبني تسمم جمآعي أنآ وأهلي رغم إنهم مو موجودين .. وجت المصرية وعطتني طريقة ولو إنهآ سآكتهـ أحسن .. وغرور القصيم مآتدري منين تهب .. شآهي يخب عليهآ .. وأتضح لي إن لونلي وآهآآت بنآتن سنعآت >> يمديكم عالسجع وكل وحدة عطتني طريقة .. وقلت لهن بسوي طريقة آهآت .. علشآن لويصير بي شي يعرفون أهلي ذبآحي .. وودعتهم بالديوآنية وقلت لهم الملتقى الجنهـ ظمنت الوفآة .. بس اللي مآنيب ظآمنة الجنهـ .. الله يرزقني ويآكم الجنة .. وهذآ رد آهآآت :
وهذآ رد لونلي :
رحت للمطبخ وقمت أحوس بذآ الدروج أدور قهوهـ ودلة وهيل وثلاجة قهوهـ .. وبعد ربع سآعة من الدورة حصلتهن وهذي صورتهن .. ترى القهوهـ لوتدققون فيهآ تحصلون مكآن أصآبع .. قمت أحط أصبعي والحسة من قو الخرمهـ مآقدرت أصبر لين تخلص القهوهـ وهذي الخطة B علشآن لوتفشل قهوتي أحول عالنسكآفيهـ وهذآ مكتوب عليهـ قهوة القصيم .. ويوم فتحتهـ حصلت فيهـ شي لونهـ ترآآبي .. أشوأ إني مآحطيتهـ أحسبهـ قهوهـ ولاتسآن آكلن ترآب بدل القهوهـ بس تصدقون إن صآحب هالعلبة غبي مع إحترآمي لشخصهـ .. كآتب بالعربي القصيم للقهوهـ .. وبالإنجليزي كآتب قهوة القصيم .. طيب أكتب بالعربي قهوة القصيم وخل شغلك مضبوط ومتكتك المهم بعد مآجهزت كل الأغرآض وضبطتهن جيت بولع القز ولا مآيولع .. أثر الغآز مخلص قسم مهوب وقتهـ أبد .. يآفرحتن مآتمت ..وأطلع أقلب الإسطوآنة يمين يسآر .. مآكو فآيدة أبد كل الخطتين فشلن .. عآد الحين بنتظر لين يطلع الصبح وبروح أشتري لي نسكآفيهـ من (بن كآفيهـ ) اللي عند المحطة اللي على السريع >> أنت توصف لأحد يقآبك هنآك ولاوش قصتك ؟ كآن معكم زينة الشبآب رحمالوف
|
#2
|
||||
|
||||
هههههههههههههههههههههههههههههههههههههههههههههههه هههههههههههههههههههههههههههههههههههههههههه الله يرجك قبل وبعد الفتح عل هالسالوفه وقسم فطست عليك ضحك اممممحق ضيف اتخيل شكلك يوم كل الناس بسبسو وانت مابعد تكرم يالرخمه احلق شنبي تحت فوق يمين يسار اذا ماجاك انواع الحش والسب من هالسيف >>>ترا للحين براسه سيفوه ماغيره انا حاس ان سيف ذا اطخم ليه مدري>>منقهر لانه ضامن انه حش بك احسه شي شي احس من زينه يتعب من مسكة الدله >>>تعرفه عشان تحش ياالزلابه المهم مالك بالطويله ثاني مره لابسبسو الناس بسبسو ياخي وفك ازمت الي منتظرك تبسبس سيفووه مسكين منتظر ترحمه وتبسبس وانت مو حاس بحرارة الانتظار ولا بعد سالفوة القهوة ذا شي ثاني لعنبو هاللحظ الي كنه دمجتك كل هالتعب واخرتها ماكو قهوه الله يعينك بس الا ان ينشق الظلام وتكون الشمس في كبد السماء عقبتن تمخمخ عل قوطي نسكافيه يجيب ابو راسك هالعود عل عالعموم الله يعينك
وقسم العزوبيه هم وغم ووحاده فديت اهالينا وعجزنا وشيبانا الا بدونهم مانسوى علبة قهوة القصيم الي راز لنا فيها
|
#3
|
||||
|
||||
هههههههههههههههههههههههه موضوعك يوّنس خخخخخ اما ماتعرف تصلح القهوه خلاص راحت الرجااال هههههه
|
#4
|
|||
|
|||
والله لو انك ولد جيرانا ارسلت لك زمزميه قهوه باكبر الزمزيات الي عندنا
وعطيتك جالكسي على خفة دمك هههههه
|
#5
|
||||
|
||||
هههههههههههه أماا عااد وش يبيلهاا القهوه بس مااعرف اسويهاا << اجل اسكتي والله الذبيحه تعوض عن مية دله <<أشتهيتهاا ترا بارنيز عندهم قهوه عربي موضوعك تووحفه
|
#6
|
|||||||||||||||||||||||||
|
|||||||||||||||||||||||||
قسم بالله انك تكسر الخاطر هههههههههههههههههههههههههههههه ههههههههههههههههههههههههههههه هههههههههههههههههههههههههههههههههه خيرها بغيرها
|
#7
|
||||
|
||||
هههههههههههههههههههههههههههه اجل ماتعرف تسوي قهوه كان قلتلي اقولك طريقه سهله ولا تحتاج للغاز بعد>=هههه بتذبحه الحين ولد جاركم يحلف مايعزمك خربت ع نفسك زين الحين تريقت وإلى نرسل لك ريوق ترى يعجبك لاتفوته ويعطيك العافيه ع بهذلتك الي صارت لك من غياب اهلك الله يردهم
|
#8
|
|||
|
|||
خخخخخخخخخخخخخخخخ
والولد سيف اللي رايح تتعشى عندهم ...شكله وده يصكك بالدله مع جبهتك ..الظاهر يقول في نفسه ماقد شاف العيشه ... بس والله ماتنلام اجل تشوف القهوه قدامك ولاتتقهوى زين انا كنت يوم من الايام غايبه عن امتحان يوم جيت المدرسه اليوم الثاني ..امتحنتني الاستاذه وحطتني في الصاله جنب الفراشه ...بس ذالفراشه قاعده تحقن فالقهوه تشرب وتشرب.. بس الحمدلله اني ماصكيتها بعين .. عاد هي شكلها حست ان بيجيها شي مني ..قالت: تبين اعطيك كاس قهوه .. عاد انا كان ودي اقول ايه بدون لاتشاوريني مايبيلها سوعال.. بس هونت قلت لا تقعد تجي المديره وتهزأني الين تقول بس والله بتكرهيني في القهوه.. الاخت غايبه عن الامتحان وتتقهوى سعاده البرنسيسه ... ـــــــــ تسلم رحمالوف والله يوسع صدركــ بالعافيه
|
#9
|
||||
|
||||
اخيييييييييييه وعيبي عيباه صراحه فشيلة
رجال كبر ابوي وماتعرف تسوي لك قهوة وش بقيت للوغدان ولا اسهل من سواة القهوة ميبي له كل هالتعب وتراه ماهي صناعة طياره قهوة وانصحك بطريقة لونلي لان الهيل ماينحط الا بالدله وتنصب فوقه القهوة والله يهداه فراوله تحوس الهيل والقهوه مع بعض مثل الدبيه الغلا وقسم قهوته ماتنشرب تقول غسول كاسات ماهي قهوة>>تعلمك انه مبدعه بالقهوة ايييه واللي بالعلبه البيضاء هذي ياطويل العمر خلطة القصيم يازينه مع القهوة ياحوبي له بس تنحط عوضا عن الزعفران فهمت يالارفل >>>ناقدتن عليك انك ماتعرف للقهوة بس والله اني رحمت هالسيف ياهو انثقرد بك هكا لليله تلقاه للحين يدهن يده بيقس اففففف ذكرتني بالعجز لاصارت عندنا عزيمه مايصب القهوة الا انا من رداة الحظ والبيت مليان بنات بس مثل الفلس ماعندهم الا نظرة وقسم مايروحن الحريم الا ظهري منكسر من كثر الوقفه وعردز مايرون من القهوة الله يعطيك العافية يالبلغاري بس مرة ثانيه سير علينا واسوي دلتين قهوه>>>ادري ان دله ماترويك بس عسا الله يعين اللي بياقف يقهويك
|
#10
|
|||
|
|||
ههههههههههههه
ياحرام كل هذا حب للقهوه كان اتصلت على اهلك ويعطونك الطريقه او بحثت في النت واتوقع ان طريقه اهات ولونلي خطا لان القهوه يحطون فيها سكر واهم ماقلوا السكر ههههههههههههههههه قسم ذكرتني بجارنا لا جانا تعقدوا خواني منه كل واحد يقول للثاني صب انت القهوه من كثر مايشرب فيها ولانه راعي طويله هههههههههه يسلمو رحمالوف على هالموضوع الجونان ينقل لقسم الطبخ <احلفي
|
مواقع النشر (المفضلة) |
الكلمات الدلالية (Tags) |
جوعان, هيل, قهوه |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |