العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
بعض القوآنين وضعت لكي نخآلفهآ >> دعوهـ للمهآيط ..
السلآم على من إعتنقوآ الإسلآم >> لية شآك إن بينهم يهود ؟ بين الشوطين بمبآرآة الهلال والإتحآد طلعت مشوآر .. كآن عندي اثنين يقربون لي .. بيسآفرون ولامعهم سيآرة وديتهم للموآقف حقت النقل الجمآعي بيروحون مع الكدادين .. الكلآم هذآ بعد شد وجذب بالكلآم .. أوديكم بدآل مآتتبهذلون .. لا والله مآتودينآ .. كلمة مني وكلمتين منهم .. وبالأخير لزموآ على رآيهم .. المهم يوم وصلت للموآقف نزلوآ وأتفقوآ مع أحد الكدادين .. أشر لي وآحد منهم يبيني أقرب علشآن ينزلون شنآطهم من السيارة ويحطونهـ بشنطة سيارة الرجال اللي بيروحون معهـ .. قدمت شوي بالسيآرة .. ونزلت وقتحت لهم الشنطة وأخذوآ أغرآضهم .. ويوم جيت أمشي قال لي وآحد منهم شف هذآ ترآهـ المرور السري.. قلت يالرميص .. المرور السري مرة وحدهـ >> متعقد منهم دآيم يكفشونهـ قال : إيهـ إيهـ هم بس حرك بسرعة قبل يجيك .. عآد أنآ ودعتهم .. ويوم جيت بمشي إلا العسكري متجة يمي ويوم وصل .. قال : إثباتآتك يالأخو قلت : يابن الحلال مآلي دقيقتين موقف هنآ بس الرجال اللي معي نزلوآ أغرآضهم وبمشي .. ويجي أبو عبدالعزيز : قال حنآ ضيوف عندهـ وتوهـ موصلنآ هنآ وبنسآفر الحين والرجال مآشي لبيتهم ومآطول بموقفهـ هذآ >> وانآ شكلي ولابريآل وقتهآ قال العسكري لأبوعبدالعزيز: أقول توكل على الله وأرجع لمكآنك .. وأنت روح جيب إثبآتآتك .. قلت : والله يالطيب مآلي دقيـ ... قال أقول : هات أورآقك ولا يكثر أنآ هنآ طرطعت وقهرني يوم كرش أبو عبدالعزيز ولاقدرة هالورع .. تو شنبة خآط ومسوي فيهآ .. قلت : طيب مآيخالف بروح أجيب الأورآق وأجي .. وانآ أقول بنفسي ( هين يآخضير والله إن تبطي أرجع لك ) ويوم وصلت سيارتي التفت للعسكري وقلت .. ترى بلف من هنآك وبرجع لك علشآن أوخر عن موقفي هذآ وأنآ مبيت النية على الهجة .. قال الدلخ: طيب ويجيني ولد خالتي قال : هذآ وش يبي قلت بيعطيني مخالفة على الموقف الخطأ .. قآل : يآرجآل حط لاجلك والله مآيلحقك .. ترآهـ الحين مشغول عندهـ وآحد يحرر لة مخالفة قلت : وأنت مصدق إني بجلس لة .. شف أنت رح لهـ وسولف معهـ وأنآ قلت لهـ بلف وأرجع لك .. لكن بحط رجلي وتحدآهـ يلحقني قال : تم .. رحت ودووبي أمشي علشآن مآيشك ويوم قربت من عند اللفة وأدوووس للموتر وأمسك هذي >> فيس مآدن يدهـ تسنهـ يشحذ وهذآ مطبن آكلهـ وهذي سيارتن أحدهآ وكل شوي مع طريق .. للحين مآني متذكر من وين جيت بالضبط ..>> الذلة بنت حلآل وأطآلع بالبنزين ولا اللمبة مولعهـ مآعآد إلا تنقطع السيارة فيني .. واوقف عند محطة قلت لهـ عب بـ 10 لطت هالكشرة سررررعة وأحذف علية الـ 10 مآعندي وقت والهندي مستغرب .. بس تسنة فهم إني هآجن لي من شي بس مآيدري وشو .. عبآلي بسرعة وسكر ودعست للموتر ومسكت هذي >> هنآ نفس الفيس اللي مآدن يدهـ وأروح مع طرريق بعييد خآبرة حق تزبينآت وقت اللزوم وشوي إلا ولد خالتي يدق علي .. قال : جاني العسكري وسألني قال قول لصآحبك إني كتبت فية محظر هروب ؟ وقلت لهـ : مين صآحبي .. هذآ ما أعرفة ولا أدري بهـ .. وصلني للموآقف وعطيتهـ حقة وتوكل على الله .. وبعدين تكتب المحظر على مين ؟ تعرف أسمهـ ولا رقم لوحة سيارتة ؟ ولا تبي ترسم شكلة على المحظر خخخخخخخ .. يقول العسكري طرطع شوي إلا يصيح من القهر .. ويقول وأنآ أتكلم معهـ ويمر من عندنآ فورد مسرع نفس لون الفورد اللي معك وينقز بالدورية ويلحق الفورد مآتسمع إلا ( قآآآق قآآآق ) بوري الدورية وأنآ فآطسن ضحك .. يآزينهآ لفركت من العدآلة >> على هالكلمة الظآهر إنك تقرب للحوثي أجل بالله عليكم صحيح إني وآقف غلط بس برضوهـ وآقف بآخر الطريق يعني وقفتي مآتعيق السيارآت وبنفس الوقت كل وقفتي على بعضهآ مآكملت دقيقتين وثالث شي إني وآقف على طريق فرررعي مهوب رئيسي وبذآك الوقت الطريق فآآضي ولا فية سيآرآت أبد .. وجآيك هالجندي المتهلس من أقصآهـ .. شكلة توهـ متوظف ويدور المخآلفين باللي هي فيهـ .. المهم مآلكم بالطويلة فركت عنهـ ولاطقيت لهـ خبر ولايعرف عني شينن أبد إلا شكلي .. وبكرة بروح أحلق بعد .. ولتغيير ملامحي كليآ بحلق حوآجبي ورموشي >> والله لو إنك ذآبحن لك آدمي تدرون وش القهر إني مآشفت الشوط الثاني من مباراة الهلال والإتحآد .. كلهـ من هالتبن اللي يلحقني عآد أنآ عطيتكم خبر ولا تبآطوني .. إن صآر مآصآر وأبطيت عليكم ترآني محجوز بمرور الرس لا أوصيكم عآد سووآ مظآهرهـ عند المرور وطآلبوآ بإطلآق سرآحي .. وإن مآنفع أضربوآ عن الطعآم .. واحرقوآ بأنفسكم أدري بتموتون بس مآيخآلف علشآني يهون كل شي >> هين والله إن تخيس بالحجز ولا جآك أحد كتبهـ صآحب السوآبق : رحمآلوف الزكرت
|
#2
|
||||
|
||||
ما يستفاد..
1.. لاتوصل احد وانت بتابع مبارات الزعيم .. 2.. لاتوقف بمكان غلط وتقول ما غلطت الحوادث تجي برمش العين يعني يجي واحد مسرع وساعتها ما ينفع الندم.. 3.. ومن قالك بنخليك لين يجون ياخذونك بنبلغ عشان ناخذ جا ئزة التبليغ .. عوااااااااااافي..
|
#3
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
وعليكم السلام والرحمه << وش هالسلام
اويليه لو اعلمهم عليك
شكلك راعي بلاوي اجل
شكله زعلان من المباراة اجل وحط الحره فيييك
آآآخ بس لو اعرف لوحتك تسان ابلغ عنك << مهب تحرش ابد
والله رحمته المسيكين مايكفيه اللي هو بوهـ جايين تزودون عليه
بس ولو اسم انك خالفت الغاااانون هو ماعليه من الطريق فاضي والا مليان عليه من وقفتك صح والا غلط << حاقده هع لالا امزح بس انا مع الغاانووون
اجل اذا دخلت المونتدى قل انك رحمالوووف عشان مانحسبك واحدن ثااني
سااادهـ محد قالك تخااالف الغانون < لآبوتس لآبو الغانون
شف يابن الحلال دام اننا مانسوق فأنا وبالنيابه عن زميلاتي السحالي نعتذر عن الحضووور للمظاهرهـ وخل التماسيح ينفعونك < خربتها
انا قلت لك العذر والسموحه انت اصبر لما نسوق همن رح لمهم وقلهم انا هذاك اللي هجيت يوم مباراة الهلال والاتحاد وانا جاي اللحين اسلم نفسي وخلهم يحبسونك وشف ان ماجيت انا وصقيقاتي السحالي ماأكوون فطنه < كفو والله نشميه
تم الرد بواسطة : فطنه النشميه تغبل مروري برحااابة صدر خل صدرك وسيع تسنه حديقه < مدري وش يبي هالتشبيه |
#4
|
||||
|
||||
هههههههههههههههههههههههه
مسوي فيها ازقرت وقت المباراه وابد ابشر عليك الي بيسوي لك عزيمه متى ماسمعت انك موقف في شرطة الرس >>نذله والوجبات كل يوم ارسل لك خبز وجنه ولا تموت علينا من الجوع ههههههههههههههههههه ولايهمك السجن للرجاله عوافي على موضوعك الحلو
|
#5
|
||||
|
||||
والله انك تعجبني على هالفركة
بس تعال ابسعلك كم رقم لوحة سيارتك وش لونه؟>>>ماهي ناويه تبلغ عليك خخخخخخخخخ والشرطي على قولتك توه متوظف وحاب يبدا رزقه بك ومالقا بوجهه غيرك >>>من زين حظك يبي يبدا اول مهمه له بمخالفه عليك وتعال انت ووجهك مو انت مشرف وشلون تنحاش وتخالف القوانين والانظمة هذا وانت مشرف ومو المفروض انك تتحلى بالاخلاق السعوديه وانت مشرف>>>مسكت معه كلمة مشرف اجل ليش نلوم على بعض الاعضاء اذا خالفوا وقطعوا الاشارة واسرعوا وعبوا بنزين بعشرة خخخخخخخخخ>>>>ياحبتس للشماته المهم لاله عادة عيب ياوليدي هالسواة انت قدوة مايصير تسذا>>>مطبقة دور العجيزخخخخخخخ [quoteرحت ودووبي أمشي علشآن مآيشك ويوم قربت من عند اللفة وأدوووس للموتر وأمسك هذي >> فيس مآدن يدهـ تسنهـ يشحذ [/quote] [color="rgb(0, 100, 0)"] هذي وشلون مافهمته>>>عاد انتي يبي لتس شرح صوت وصورة وسبورة عشان تفهمين ----------------------------------- الله يعطيك العافية يارحمالوف على هالسالفه اللي تقلب التسبد من الضحك[/color]
|
#6
|
||||
|
||||
شوف لونك ما ضحكت علي برسمت نظره كان بكلمه مني ونت طالع علمني بسوي حفله اذا دخلت السجن هههههههههههههه مشكوووووررررررررر ع الموضوع اللي يفشل ولك عين تكتبه تقبل مروري <الله يستر منك > |
#7
|
||||
|
||||
آثاريه آنت !!
تصدق أخوي يقول لنآ السآلفه بالليل ..!! وصلنا خير يارحمآلوف
|
#8
|
||||
|
||||
هذه مشكلة الشعب السعودي أنه مهايطي ما يحب ان النظام يمشي عليه يعني نشوف لوحه مكتوب
موقف خاص للمعوقين ونوقف سياراتنا فيها .. ونشوف لوحه مرسوم عليها بوري وعليه علامة اكس هذاك كبره وحنا ايادينا على البوري من اول الشارع اللين اخره ونشوف الاشاره حمراء ونقطعها بس قبل ما نقطعها لزوم اننا نناظر يمين ويسار وحتى ورى نشوف فيه دوريه ولا ما فيه وبعدين نقطع الاشاره هماااه فيه قسيمه وحجز للسياره وتوقيف اربعه وعشرين ساعه وما ننظبط ونمشي على النظام الا لمن ناكلها خساير وتراب وقسايم كل شيء ولا الخساره او يجي العسكري اللي ضاربته الشمس المسكين وطول نهاره في لهوب الشمس ويطلب منك بكل أدب الرخصه والاستماره على اي مخالفه نرد عليهم بكل منافخ ونستحقره وان مشانا ننبسط منه ونسمعه احلى الكلام والشكر والثناء والتمجيد اما ان اعطانا القسيمه وحرر علينا المخالفه يا السب والشتم اللي ياخذه اللي لو ان ظهر صخره انها لا تنصهر ما نلوم لمن يسون حملات تثقيفيه وتوعويه للمواطنين بأنهم ما حطو رجل الامن او الشرطي الا لخدمتهم والحرص على سلامتهم لكن المصلح الله من هذاالشعب اللي مهو رآضي انه يتثقف جينا معهم بالطيب جينا معهم بالقوه ما فيه فايده وش السواة معهم ابو رحمه كان معك احد اللذين التحقو بالسلك العسكري وقدم تقاعد مبكر من أفعال المواطنين الغبيه
|
#9
|
|||
|
|||
هههههههههههههههههههههههههه
والله الي معك راعين فزعات لو أني بمكانهم عطيت العسكري رقم اللوحه ههههههههههههههههههههههههههههههههههههههه برايفت .. ياكثر اللي يحبونك .. ههههههههههههههههههههههه عوااافي خيي
|
#10
|
|||||||||||||||||||||||||
|
|||||||||||||||||||||||||
ههههههههههههه هذا اللى بالى اقوله ثانكس رحمالوف
|
مواقع النشر (المفضلة) |
الكلمات الدلالية (Tags) |
مرور الرس :), مهايطي :), الهجه ياعيال, جندي متهلس, شقق آلبهجه |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |