|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
09-05-09, 07:55 PM
|
||||
|
||||
أخي في قفص الاتهام .. تحقيق سري للغآيه ..
السلام عليكم ورحمة الله وبركاته ..
.. .. كيفكون ..يانفرات اللي هنا ..هاا كولو تمام ..  .. .. .. .. .. .. في يوم من الايام الجميله المشرقه بعد صلاة المغرب.. كنا جالستين أنا وأمي بالصالة نتقهوى .. أمي تشرب شاياً .. وأنا اشرب النعناع ..  وإذا بأخي الصغير يدخل علينا فأشارت امي إليه وعندما اقترب منها عزمته على بيالة نعناع .. فقال أخي وهو متحمس ويستعد للجلوس : ايه ايه صبو لي ..  فقالت امي : قم جب لك بياله وتعال صب لنفسك .. توجه أخي للمطبخ بحماس أقل  فقالت له أمي : يومنك رايح رايح جب ليمعك كاسة مويه ..  جاء اخي وصب لنفسه بيالة نعناع وجلس .. وكان شكله يوحي بأن لديه سالفة تقرقع بقلبه ويود أن يقولها .. ولكن سبقته أمي عندما بدت علامات الإهتمام واضحة على محياها وهي تسأل أخي الصغير بصوت منخفض لا يكاد يسمعه احد غيري انا وأخي " وهو في احد غيركم بالصاله "  : هالحين أنت وربعك لما تجتمعون "" اقترب اخي برأسه قليلاً لأن صوت أمي أوحى له بأنها ستبوح بسر خطير " على شنو تجتمعون ؟؟ سربته !! تراجع أخي وهو غير مصدق : تراه ماقال شي بس طلعت عيونه شويه ..  ويبدو ان امي في جعبتهاالكثير والكثير وتعطيه واحد ورا الثاني ..  أمي تسأله مررره ثانيه : من جد أنا اسألك وش تسوي مع ربعك ؟؟ أخوي : والله العظيم مانسوي شي !! أمي : أمممم " وهي رافعه حاجب دلالة على عدم التصديق " ماتسوون ولا شي ولاماشيات اعترف انت وش تسوي مع ربعك ؟؟ أخوي : يعني بالله عليتس وش نسوي .. مانسوي شي .. مانسوي شي .. أمي : يعني إذا اجتمعتو ببيت أحد ماهنا أفلام ولا شي .. أخوي : وش افلامه ..  أمي : أممممم انت عارف وش افلام .. أخوي : أمي مو كلهم عندهم تلفزيونات بالمجلس .. أمي :و إذا اجتمعتوا ع الكومبيوتر وش فيه ؟؟ أخوي وهو فاهم غلط : والله مافيه غير اشرطة كوره ومصارعه .. أمي: مااتكلم عن البليستيشن عن النت .. أخوي : الحين ماتشوفيني مااجلس الا ساعه ع النت يابلياردو ولا مسن وش بطالع يعني ..  أمي :قول والله انك ماتطالع شي منا ولا منا .. أخوي : والله ماطالعت شي يعني وش بطالع هو في شي ينتطالع .. ياربي ليه انتي مو واثقه فيني يعني .. دايم تقولين سربوت .. سربوت ..أمي : انا سمع سوالف وأخاف عليك .. هذا واحد توه عمره 21 سنه ماسكينه طلع فيه ايدز كان استغفر الله العظيم مع الشغاله .. وش استفاد ضيع عمره وهو توه صغير ..ياالله لاتبلانا .. أخوي: يعني بسوي مثله ؟؟ أمي :وهذا في واحد ثاني كان مسافر مع ربعه وامه حلفته انه مايقرب بنات وعاد ربعه ماهنا زود كل واحد جاب له بنت وقالو له امك ماتشوفك ..وحتى هو دور على بنت .. وعاد جلس معها ثم تذكر امه فيبغى يصرفها قال ترى انا فيني ايدز قامت البنت تضحك وقالت طيب حتى انا فيني ايدز.. قام حمد ربه انه تذكر امه قبل مايصير شي ..>>> ماش مادخلت السالفه مزاجي .. اخوي وهو يناظر السقف : ياربي ارحمني برحمتك .. أمي : وهالاستراحه اللي ماخذينها مافيها بنات ولاخربطه .. أخوي وهو بيشق هدومه  : ماخذناها الا شهر وزهقنا منها والله مافيها بنات ولاخربطهولا شي ..ومحنا عايدينها وماراح ناخذ استراحه ارتحتي .. أمي : ويوم انك ماتسوي شي .. أجل وشو له ماترجع البيت الا عند الفجر .. أخوي : مانسوي شي بس دواره بالسياره .. أمي : ترقمون بنات ؟؟ أخوي : وش نرقم لاحووووول ..وش فيتس علي ..ماسوت علي بيالة النعناع اللي باشربها .. شوفيها مي راضيه تمر .. ياامي خلاص ترى جننتيني .. تدرين كل ربعي الحين يضحكون علي كل ماجاو يروحون الامارات ولا البحرين  يدرون اني كل ماقلت لتس بروح الامارات مع ربعي قلتي : ايييييدز .. أمي : ايه ايييييدز .. شباب ورايحين لوحدهم يعني وش بيسوون .. أخوي وهو حاط يده على راسه يندب حظه : استغفر الله العظيم .. أمي : الواحد المفروض يحط بباله شيئين +ان الله يشوف وش يسوي .. فالمفروض انه يخاف من ربه ويبعد عن البنات.. وان ماخاف ربه .. + المفروض يخاف على نفسه من هالامراض زهري وسيلان وايدز والبلاوي الثانيه.. +وان مااهتم من هالاشياء المفروض يخاف على خواته وبناته .. أخوي : ياأمي الحمد لله هذاني اخاف من ربي ..  أمي: ايه وااااضح مالت عليك  شف الشيخ اقام الصلاه وانت بعدك ماطلعت من البيت..قام أخي وشرب بيالته بجرعة واحده .. ثم وضع بيالته على الصينية ومضى ..  فقالت له أمي : وين بتروح " الظاهر انها مابعد يخلص حتسيها " فقال وهو يسحب ثوبه من الأمام " يعني مثل لما تتهاوش مع أحد وتجي تمسكه من ثوبه " : يهدينا الله ..بروح لربعي السرابيت ..ياامي كنتس مدرس الرياضيات كل مادخل عليناقال قومو يالسرابيت جلسو يالسرابيت .. وش ذا العيشه ؟؟هالطول وهالعرض تقولي سربوت ..وينكم ياربعي السرابيت انقذوني .. خرج أخي من البيت بعد ان صفق باب الشارع وراءه بقوه.. فانفجرنا أنا وامي بالضحك ..  وبس خلصت السالفه .. إلا عاد بقول اني رحمت حالكم يالشباب هو صدق الاهل يخافون على اولادهمبس أتخيل نفسي احد يقول لي هالكلام  >> ماقدرت اتخيل .. بالله مو قمة التحطيم وش ذا العيشه اللي انتو عايشينها الله يكون بعونكم .. .. .. .. .. لكل من دخل هنا سنابل ورد تنحني حتى تنقطع وتطيح بالارض عاد كل واحد يطلع ويشيل معه سنبله وخروها عن طريق المسلمين لا يتعثرون فيها .. ..
التعديل الأخير تم بواسطة رحمالوف ; 10-05-09 الساعة 01:05 AM. سبب آخر: شي :) 
|
|
#2
09-05-09, 08:49 PM
|
||||
|
||||
|
ههههههههههههههههه طيب خليهم ينعدلون ومحد يهرج عليهم  بس ياامك حشرت اخوك حشرررررة  كرهته بنفسه .. لو انا منه ماعاد اجي اتقهوىآ معها ان كان هذي سوالفها عوآفي مزمز << دلع مزيونة
|
|
#3
09-05-09, 09:07 PM
|
||||
|
||||
|
أول شي .. حيآك مزيونة بعد غيبة طويييلة .. وعودآ حميدآ .. ثآنيآ بتكلم عن نصآيح أمك : بصرآحة أنصدمت من نصآيح أمك .. أخوك مآدري كم عمرهـ لكن يبدو لي مآكمل العشرين .. واسئلة امك لهـ غريبة جدآ .. هيآ أقرب للإتهآمآت منهآ للنصآيح .. وش تسوي مع ربعك ؟ وش الأفلام اللي تشوفونهآ ؟ تجيبون بنآت للإسترآحة ؟إإإإإإإ لاتروح تسآفر بعدين تصآب بالإيدز !!!! يعني مسوي مسوي الله لايعوق بشر .. النصآيح لابد منهآ من الأأم والأب برضوهـ .. لكن لهآ وقتهآ ولهآ طريقتهآ وأيضآ لهآ نوعهآ ولهآ نآسهآ برضوهـ .. ونصآيح أمك أو إتهآمآتهآ بمعنى أصح المفروض مآتنقال قدآمك أنتي يالبنت .. لأنهآ توحي لك بشكل غير مبآشر إن كل الشبآب لابد يمرون على الأشياء هذي .. والفكرة هذي بتتركز بتفكيرك وإحتمآل تأثر عليك بتربية عيآلك بالمستقبل وفيهـ مثل يقول ( ضب الجرة عآتمهـ .. والبنت بتطلع لأمهـ ) >> سوري  ولد بعمر أخوك مآتنقآل لهـ النصآيح هذي أبد .. أو بمعنى أصح ولد بعمر أخوك المفروض مآيتهم بمثل هالإتهآمآت لأنهآ أكبر من عمرهـ .. وبالعكس أحس كذآ أنتم فتحتوآ عيونهـ على أشياء مآكآنت تطري على بالهـ أو مآكآن يهتم فيهآ .. وأمك بطريقتهآ هذي كأنهآ تقول لهـ لو سويت شي وعلمتني فمآرآح أسوي لك أي شي .. سوآ إني بقولك إن اللي سويتهـ غلط !!!! لأنهـ وآضح من اسلوبهآ كآنهآ مو مستنكرة الأشياء هذي على ولدهآ وإنهـ ممكن يسويهآ .. أمك من طريقة كلامهآ حسيت إنهآ تبي تعرف وش يسوي ولدهآ أكثر من مسألة إنهآ خآيفة عليهـ وتبي تحمية .. أخوك بالعمر هذآ المفروض يسمع نصآيح وبنفس الوقت يعطى ثقة .. يطلع مع ربعهـ بدون أي ضغوط .. ويسآفر معهم إذآ يبي ... طبعآ بعد التأكد من أخلاق ربعهـ وإنهم صحبة جيدة .. أمآ إنكم تلقون عليهـ التهم وهو بالعمر هذآ .. أخطيتوآ بحقة والله .. حتى هو مآقدر يتقبلهآ أبدآ .. رغم إنهـ مآسوآ شي لكنهـ أصغر من إنهـ يثق بنفسهـ ويقدر يرد عليكم رد منآسب .. هو الآن فهم من أمك إتهآم وبس .. عمرهـ مآيسمح لهـ إنهـ يفهم إن أمهـ قصدهآ النصح .. وانآ ما ألومهـ لكن ألوم طريقة أمك .. ولو أحتجتوآ فعلآ لمثل هالطريقة ولو إنهآ مستبعدة تحتآجون لهآ .. المفروض اللي يتكلم معهـ أبوهـ .. أو أخوهـ الكبير مو الأم .. عالعموم أخوك بحآجة إنهـ يحس بثقتكم فيهـ مع المرآقبة لهـ مو مرآقبة نآس تشك بولدهم لكن مرآقبة نآس وآثقة بولدهم .. وفيهـ فرق كبير بينهم .. أنآ شخصيآ مآتعرضت لمثل هالموآقف يوم كنت بعمر أخوك .. وإن سويت شي غلط يندق خشمي على طول مآفيهـ كيني ميني لكن االحين أحيآنآ أمي تستهبل علي وتجيب طآري الغزل .. كنوع من المزح وهي وآثقة فيني بشكل كبير ..ولاحظي قلت الغزل مو البنآت .. لأن فيهـ فرق إذآ قالت لك أمك تغآزل ؟إ .. او قالت لك : تعرف بنآت ؟إ يعني حتى اللفظ لازم ننتبهـ لهـ .. لكن أنآ عآدي أتقبل و أرد وأطنمهآ برد غير مبآشر .. لأني وصلت لمرحلة أتقبل فيهآ الإتهآمآت هذي وأفهمهآ كنصح ..وهي أصلآ الهدف من كلامهآ تبي تتطمن مو قصدهآ تنصح لأنهآ تدري إني تشبعت من النصح وعرفت الصح من الخطأ وحبت تتطمن فإستخدمت الطريقة هذي .. وبغض النظر عن طريقتهآ هل هي صحيحة أو خآطئة .. لكن يجب علي أنآ إني أفهم مقصدهآ وأطمنهآ بإسلوبي .. مآودي أطول عليك .. وبستأذنك بنقل موضوعك للحوآر الفكري .. لسببين : الاول : لأنهـ موضوع يعتمد على النقآش الجآد أكثر من الترفيهـ .. الثآني : لأني أثق بأرآء كثير من الاخوآن والأخوآت بمنتدى الحوآر الفكري وودي إنك تسمعين رأيهم سواء مؤيد لرأيي ولا معآرض لهـ .. ومنهآ تستفيدين أنتي وأستفيد أنآ لو حصلت أحد معآرض لرأيي .. أنتظر موآفقتك على نقل الموضوع .. لأنهـ مهمآ كآن فيهـ جآنب ترفيهي ولك الحق بالموآفقة أو الرفض على نقل الموضوع .. رحمآلوف .. هوآ بزآت نفسوهـ
|
|
#4
09-05-09, 10:44 PM
|
||||
|
||||
|
والله امك ام مثليه بالاسئله وش خلت
من جد تعطيه فرصه انه يجرب كل اللي أسئلته عنه
|
|
#5
10-05-09, 01:07 AM
|
||||
|
||||
|
تمت الموآفقة وسينقل الموضوع
|
|
#7
10-05-09, 01:44 AM
|
||||
|
||||
|
وعليكم السلام ورحمة الله وبركاته
طبعا الطريقه والأسلوب المتبع خطأ .ولايؤدي لنتيجه .. وأن كان هناك نتيجه فهي سلبيه بالتأكيد .. ليس أصعب على الأنسان أن يجد نفسه دائما في وضع متهم وكأن الخطأ ينتظر منه في أية لحظه.. للأسف طريقة امك هذه هي أكبر طريقه في زعزعة الثقه بين الشاب وأهله ...ان كان في البدايه يقول الصدق ويعطي الحقيقه ..سيأتي اليوم الذي يطفح الكيل عنده ويبدأ بأسلوب المخالفه .. لا لشيء إلا للأنتقام ,وكأنه يقول ما كنتم تخشون منه وقعت فيه فماذا ستعملون ..؟!! أمك حريصه ولكن حرصها ليس في محله ..لايمكن ان تكون طريقة القاء الأسئله بهذا الشكل .. اذا أرادت ان تطمئن بإمكانها ان تعطي الشاب ثقته بنفسه ..وتعوده على أسلوب الحوار معه ..بحيث تصل إلى ما تريد بدون ان يشعر أنه في مجلس تحقيق .. أكبر خطأ يقع فيه الأهالي أنهم يشعرون الشاب أو حتى الفتاة بأنهم مراقبين ..ويكثروا من القاء أسئله شبه اتهام ..صدقيني هذه لها تأثير سلبي على العلاقه بين الأبناء وأهاليهم ... في البدايه قد يتحمل ويعطي ما عنده ..ولكن من المستحيل ان يستمر على هذا الوضع . فالضغط لايولد إلا الإنفجار .. فقولي لأمك تخفف من ضغطها حتى لاينفجر ويحدث مالا تحمد عقباه .. ماهكذا تؤتى الأمور... شكرا لك ...
|
|
#8
10-05-09, 02:48 AM
|
||||
|
||||
|
مثل ما قالو الاعضاء
طريقة امك خاطئه جدا اعتقد بهذه الطريقه تجعل الشخص المتهم يفكر بالانتقام ويجرب الامور الممنوعه كنوع من التحدي للاهل او لفرض رائيه الخاص موضوع قيم يعطيك العافيه اختي
|
|
#9
13-05-09, 08:37 PM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
السلام عليكم ورحمة الله وبركاته ..
¨°я» بنت عـآدية «я°¨
يا أهلا والله بهالطلّه .. كيفك بنوته .. هههههه لا ترى مو هذي سواليفها ولاتخافين عليه صلى ورجع مررره ثانيه .. نورتي الحته .. .. .. .. رحمالوف
sorry انت تقول انها غريبه لأنك تتوقع انها فاجأته بالاسئله هذي بس هو أحياناً لما يتكلم عن نفسه يتكلم بطريقه تخلي الواحد يشك فيه عشان يبغى يشوف كيف ننصدم منه بعدها يجلس يضحك ويقول امزح امزح انتو ماتثقون فيني .. فأمي جمعت له كل الاسئله مررره وحده وقالتها له .. وترانا ضحكنا لأنها اول مررره تسويها يعني هي مو من طبعها التحقيق بالشكل هذا .. ولاتتوقع انه طلع وهو مقهور ولا شي يمكن من كتابتي والسمايلات اللي حطيتهاتتوقع كذا .. بس تراه حتى هو كان يضحك لأن هالاسئله اللي امي سألته عنها هو كان متكلم عنها من قبل مليون مررره بس هو استغرب انه مو هو اللي فتح الموضوع وانها اول مررره تسأله .. فأنت قل لي شاب يتكلم عن نفسه كذا بدون ماحد يفتح معه هالمواضيع.. وش يقصد ؟؟ 
انت تتوقع انه في ضغوط عليه هو عايش حياته يسوي اللي يبغى ..معه سيارته يطلع ويدخل بمزاجه يصاحب اللي يبغى ويسافر مع اللي يبغى بس داخل حدود المملكه .. وبالأصل ابوي واخوي الكبير هما اللي مو راضين له يسافر برى.. وهو عارف بس يجي يستهبل على امي ..
وترى سالفة الايدز امي مو قصدها كذا هي من درت عن الايميل اللي يحذر من أعواد الاسنان وادوات المطاعم وهي تقول انها ايدز عاد يومنها جابت العيد مرره وحده جابت معه طاري البنات ..
هو لو مسوي شي غلط بيندق خشمه لين ماعاد نتعرف عليه .. أبوي ماعنده مزح بالامور هذي .. أما سالفة
تراني مت ضحك عليها أنت من جدك تتكلم  وبعدين لو كان الموضوع جدي كان انا من نفسي طلعت لحفظ ماء وجهه .. هذا بالنسبة لكوني عارفه ان امي ماكانت جاده ابداً لمااستخدمت الاسلوب هذا .. عذراً مامي موضوعي وجه أصابع الاتهام إليكِ .. إلا انتي صدق وش عندتس تسألينه كذا ؟؟ >> جحدتها ..لكن بتحويل الموضوع لمناقشة هذا الاسلوب .. اعرف انه خاطئ ولا يأتي بنتيجه .. وأن الخوف على الأبناء والجهل بالطرق الصحيحه للتعامل بمثل هذه المواقف ليسا مبرر يسيغ استخدامه ..
كل هذا وانت ماودك تطول .. نورت الحته ياباشا ..  .. .. .. فحات العبير ادري انهاماخلت شي بس تراها مافتحت عينه على شي جديد هو اللي حشا راسها بالافكار هذي .. مشكوره على التواجد ..  .. .. .. فهودي 1 أختلف معك .. لا مو لازم أنا ماقدرت اتخيل ان احد يحقق معي بالطريقه هذي .. حتى لو كانت أمي ..تخاف علي o.k .. تسألني كذا لا .. تسلم ع المرور خيو ..  .. .. .. الميسم لما قلت لأمي وش كتبتي قالت لي "قومي عني بدور لي احد غيرتس اتقهوى معه .. انتي شوهتي سمعتي ع النت .." اتفق أنا وأمي معكِ بكل كلمة كتبتها .. الميسم اشكركِ لمرورك ِالرائع.. دمتِ بكل الخير وأكثر .. .. .. .. اليتيمه المجروحه دايم أفكر بالكلمه هذي لما يقولوا بيفكر بالانتقام .. أي انتقام سيكون موجهاً للنفسه بالدرجة الأولى .. وهو الوحيد الذي سيتحمل عواقب تصرفه .. .. تسلمين .. وشكراً لتواجدكِ ..
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
ـب واغليته؟!
....!! 
قلبي
العرض العادي
