العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
من أيــام الطــفـولـه .. ! ! !
بسم الله الرحمن الرحيم صباح الخير ان كان صباحآ ... ومساء الخير ان كان مساء وشلونك يبو ؟ يلله رجعنا لبثارتنا >>مقتنع أنوه بثر هذي قصه من قصص أيامي الطفوله>>أحلف>>ودي أحط فيس أول ما اخذت الكفاه ((من متوسط الامنارات) كانت بدايه المراهقه وتوني بالغ . الخشم كبير ومليان حبوب والصوت كنه (( دقمه مرسدس )) والاوبر طالع في الوجه ولسوالف الطويله كني يهودي وطالعتآ شعرتين في الابط (( حتى صرت البس فنايل علاق عشان يبان الابط)) تغيرت من حال الى حال صرت أهتم نفسي وبدات على النظافه . واللبس النظيف والكشخه . صرت يوميآ اغسل ثيابي وغتري وسراويلي وشراريبي اللي اخرها لون ازرق واحمر وإلا اول ماعمري غسلت شي ........ امي الله يخليه لين مرت غرفتي خذت هدومي والزباله اللي عند الباب وغسلتها تصدقون مرره جلست اسبوعين ماتروشت في القيض صار ثوبي من العرق والوساخه مشصب كنه كرتون يوم جيت افسخ ثوبي تكسر من الوساخه وشريت مسجل الكاترج (( ابو اربع تغيرات كنه هايلكس)) والاغاني الرايقه فهد بن سعيد بشير حمد شنان والاحسائي كلها كانت تجي تهريب لان فيها مقاطع مخله بالاداب مثل (( يابنات المدارس ليتين سواق ))(( وياليت سوق الذهب يفرش حرير ))(( وقبل امس وسط السوق)) وسحبت لي خظ تلفون من تحت (( تلفون قرص)) صار اذا رن التلفون رفعنا كلنا السماع امي عندها جهاز تلفون وامي نوره جدتي عندها جهاز وخالتي هيا عندها جهاز وعمتي عاشه عندها جهاز لانهم لين زعلو على ازواجهم زبنو عندنا المهم لين رن التلفون تسمع صيحتنا كلن يقول لي التلفون يعني نجلس نصف ساعه علشان نتأكد من المتصل ومن يبغى حتي أمي مستغربه التغير اللي ماله سنع والنظافه المستنكره صرت اوقف في العواير بعد الظهر احتري مدرسة البنات يطلعون . ومحارش على خفيف ياأوزع ابتسامات يا أغمز بعيوني يا اصفر لهم (( حكم)) وأنا خايف لااحد منهم يعرف أهلي ........(( ستر الله)) تطور الوضع جلست اونون وازن عند أمي أبغي سياره واتميرض عندها ... اول شي قالت ما فيه أمل . وشهر وأنا ازن عليها وهددتهم بترك البيت واروح لخوالي في باالبصر بعدها ارتخت وشهرين وهي تحاول في أبوي لين وافق وأطلعت سياره نوع(( ماركتو)) بنيه اللون الدخلي مغري بني اللون غامق..... يوم طلعت السياره . معاد أشوف الناس شي كنهم حشرات ههه بس لعبت في اعصابي معاد أنوم زين خايف في الليل يجي يمشخها أحد (( أول ماعندنا سرق)) او ينوم عليها قطو او ترقى عليها عنز او يصب عليها مرزام (( ياكثر اللي يزغلون في الليل)) خذت السياره كل وقتي اربع وعشرين ساعه اغسلها (( بغى يروح لونها من كثر الغسل)) غير الزينات اللي وسط السياره ..... معلق فاكهه على المرايه . وورى حاط البقره اللي تهز رأسها غير الفرو اللي على الطبلون اللي كله ذباب ميت ... وكاتب علي الشنطه . ((((((((((( من كان لي في الحب مشاركآ..... تركت الهوى وعشت وحيدآ ))))))))))) وكاتب (( القلب يعشق كل جميل ))) وكاتب (( القلب يشكي . والعين تبكي)) صايره سيارتي كنها صبوره اول الامر كنت أغزل في الحاره ......... بس اشتكوني الجيران . وعقبها جلدني أبوي وسحب المفاتيح المهم تأدبت وعطاني أبوي المفاتيح صرت كل عصريه أنا ولد عمي نروح للمغسله ناخذ هدومنا ونلبس عند المغسله من العجله . نطق الزين بالثياب أبو غزالين أم كفته والطواقي الزري والجزمه الكعب أم دندوشه وشراريب أديداس والعقل كنها أستبنه سوزوكي غير الساعه الذهبيه (( سيكو)) وست أقلام في مخباتي كني (( مصحح)) والخواتم كني طقاقه وست أزره في رقبتي كني زرافه المهم نشخص . وكنا متقاطين أنا ولد عمي وشارين طيب (( كاونيا )) بخاخ سنه كامله نستعمله . في الاخير أكتشفنا أنه مزيل العرق ولين خلصنا من التشخيص رحنا للمحطه وعبينا بنزين بخمسه ريال (( ايام الخمسه تحكي)) لان ورانا هجوله اول مانتجه لشارع الصناعه ......... ايام شارع الصناعه نغازل العبدات اللي يبيعون فصفص المهم اللي تسب والي تسف علينا النعله واللى تتفل علينا ولاعندنا احساس بعدها نروح لصفرا نحوم ونسوي بعض الحركات للبنات الوافير الحمران العطران ولين تعبنا رحنا لشارع المحبين اخذنا سندويش بيض بالشطه وكلنها ورجعنا للبيت وعلى ذالحال بس مرره ضرب معي الحظ وخذت مني الرقم (( فلسطنيه)) شينه مرره بس كنا مقطوعين لو نشوف عنز لابسه عبايه لاحقناها المهم يوم خذت الرقم كنت اسعد انسان في العالم وحسيت اني حلو واني فارس الاحلام ناقصني خيل ابيض المهم دخلت البيت وانا مبتسم لقيت امي وابوي جالسين في (( الصاله)) يتفرجون على مسلسل صح النوم ويلتفت ابوي عسى ماشر اليوم تضحك (( حتى الضحك متحسفينها علي )) قلت مبسوط بشوفتكم قال انطم رقيت لغرفتي احتري الزين يكلم المهم شغلت المسجل حاط اغنية سميره توفيق بلله صبوها القهوه وزيدوها هيل .. واسقوها للجامعه على ظهور الخيل المهم رن التلفون والقطه بحركه خطافيه سريعه المهم صوت خالتي لطيفه المهم كل ساعه رافع عليهم السماعه علشان يسكرون وكل مارفعت السماعه ثنتينهم امي وخالتي سكر السماعه يالحمار لانهم جالسين يحشون يعماتي وخايف افضحهم عند ابوي المهم بعد ساعتين سكرو السماعه وبعد ربع ساعه يرن التلفون وارفع السماعه بسرعه لين ذالصوت اللي يفتح النفس رفعت امي السماعه قلت لآمي سكري السماعه محمد اللي في فصلي يبغى واجب المهم يوم قالت البيت الوووه جلست اعرق ويتصبصب مني العرق وتجيني النفظه وام الركب ونشف ريقي اول مرره اكلم بنت شافتني ساكت قالت كيفك يازلمه"؟ ماعرفت وش الزلمه المهم شوي شوي رجعت الى طبيعتي لمهم مهايط انا وياها لين الساعه عشر في الليل (( ما كان فيه سهر )) المهم رفعت السماعه امي وقالت والله لو ماتسكر التلفون والله لا اطلع عليك وكسر التلفون فوق راسك (( فشلتني عندها)) تصدقون حبيت البنت من اول ماقلت الوووه (( والله اننا مخفات اول وصايره قلوبنا فنادق نحب على طول )) المهم بعد كم يوم كشفها انها تكلم ابوها ابو شكيب ولعن الطيب فيها وعقبها معاد سمعت صوتها ورجعت على ما كنت عليه دوران في الشوارع ودشاره طولت عليكم يبو بس وراه اذا جيت انزل موضوع يقولي مالك الا 60 فيس بس >>منقهر ودمتم سالمين
|
#2
|
||||
|
||||
هههههههههههههههههههه
والله انك فاضح نفسك يالفضيحه ماخليت شي مافصلته وفسرته أتاري هذي علومك هههههههههههههههههههههههه الله يعين مراتك اذا متزوج خخخخخخخخخخخخخخخخخ وتغازل العبيد وش تبغى فيهم ..... تحياتي وان شاء الله ان عقلك يكون كبر الحين يوم كبرت خخخخخخخخخ
|
#3
|
||||
|
||||
ههههههههههههههههههههههههههههههههه
قل امين الله يقطع سوالفك قسمن انك شيييييي والله يا عليك ايام مادري وشلون قايله صدز المراهقه لا عبتنبك لعب هههههههههههههه اما الفلسطينيه شي ثااااااني انت ووجهك مالقيت الا فلسطينيه صدز توك طالع على الدنيا اما يوم تشري سياره وتشوف الناس عندك حشرات ويييييييين يالاخوا اشوى ان محد حس بك تسان الحين صايره لك معياره لين الحين هههههههههه ولا شارع الصناعه الله يحوم اتسبدكم مالقيتوا الاذا لا بعد عند السودانيات صدز منتهي انت ووجهك اقول اول ما دريت ان نبتبك شعرتين ببطك رحت ترقم وتفحط وتسربت بالشوارع صدز انك ما صدقت خبر تبلغ هههههههههههههه عاد تصدق صدز عليك طفوله رايحه وطي والله ينت بايع الدنيا وراك هههههه ياخي شكلك للحين ما عقلت خل عنك بنات الناس ياخي وخل عنك اللي مالك بووه دااعي <<<<مطوع 2011ههههههههه عاد تصدق اسرني ودي كل سطر اعلق عليه بس داري ان الرد يبي يصير اطول من الموضوع هههههههههههههه بس موضوعك شيييييي تسلم يالطيب .بيني وبينك عساك عقلت ههههههههههه. اشكرك اسرني على الموضوع المنخرش مثلك هههههه تسلم ..
|
#4
|
||||
|
||||
عادي كل واحد وله مواقف كثيره أيام الطفوله مافيها شي أذا الواحد قالها نستهبل عليهم ايه الحين عود أنا مشكوره
|
#5
|
||||
|
||||
عليكم السلام
مساء الخيرات هههههههههههههههههههههههههههه من جد أنك فلـــــــــــه الله يسعد أيامك مثل ضحكتـنـــــي ((((((((((( من كان لي في الحب مشاركآ..... تركت الهوى وعشت وحيدآ ))))))))))) وكاتب (( القلب يعشق كل جميل ))) وكاتب (( القلب يشكي . والعين تبكي)) عجبتني الكلمات هذي << أنت اللي كاتبها << فاهمه غلط تحسبك شاعر صايره سيارتي كنها صبوره صبوره مدرسه او صبوره بيت << تنكت يعطيك أأأأأألف عاااااافيه أسسسرني تقبل شحطـــــــــــــــــــــاتي
|
#6
|
||||
|
||||
ههههههههههههههههههههههه
الله يقلع سوالفك يا آسرنـي والله انك فللله خل بنات الناس ياخووووي ههههههههههههههههه تسلم ايدك آسرنـي على الموضوع البططل مثلـك .. |
#8
|
||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||
ربي يعافيك عزو مشكور
|
#9
|
||||
|
||||
ههههههههههههههههههه
عليك مراهقه يا دافع البلاء تقول عن عيال حاره كامله (( حتى صرت البس فنايل علاق عشان يبان الابط)) <<<ابوك يا البلوغ هههههههههههههههه الله يستر لا يطلعون لك عيالك مثل هالطلعات بس عوافي اسرني
|
#10
|
|||||||||||||||||||||||||
|
|||||||||||||||||||||||||
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |