العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
حريم الحمى ~
السلام عليييكم ورحمة الله وبركاته
جمعة مباركة عليكم وعالمسلمين اجمعين ان شاءالله اخواني واخواتي في الله طبتم مساءً ~ ********* اعذرروني عاللهجة لكن راح اتكلم بالعامية عشان اخذ راحتي اكثر ^^^^^^^ طبعا عارفين ان يوم الاربعاء والخميس هو يوم الزوارات للاهل ففي هاليوم يجتمعون الاخوات وحريم الاخوان فبعض الاخوات يكونون منحازين لوحدة من زوجات الاخ ومااقول يفضلونها عليهم لكن يبان هالشيئ يعني فالاكيد ان هالشيئ راح يسبب غيره لبعض الاخوات ~ المهم اللي احب اقوله لاخواتي بالمنتدى كيف علاقتك مع حريم الحموان ؟؟ ولوكنتي تحسين ان في حساسية بينك وبينها وانتي حابة تصلحين العلاقات بينك وبينها كيف تتعاملين ؟؟ بصراحه انا عن نفسي مااشوفهم دوم ولوشففتهم مايكون كلام بيننا السلام ورده فقط الا اذا سوالف عن الصغار وكذا طبعا منهم مو مني مالكم بالسالفه حبيت اخذ رايكم فقط يعني بعض الاحيان تلاقين مرت حماك تحسين انها ضرتك مو مرت حماك وطبعا عارفين سوالف الحريم عندي تعليق بسيط بعض الاحيان نلاقي حتى الاطفال موحيل مع بعض عشان الامهات يعني مثلا مرت خالد ع خلاف مع مرت صالح نلاقي العيال مسويين احزاب حزب مع عيال هذا وحزب مع عيال هذا وهذي مشكلة بصراااحه اوعشانهم مختلفين تبتدي الام تقول لعيالها اذا شفتيها لاتكلمينها ولتسوين لها شيئ ولاتسلمين عليها حتى لدرجة اني مرة من المرات شفت طفلة بعمر 9 سنوات تقريبا كانت جاية بمجلس حريم عشان تبغى من امها حاجة فسلمت ع كل الحريم وخطت " يعني نسعت " زوجة عمها ليش؟؟ عشان امها موزينة معها ليش طيب احنا نربي عيالنا ع السلام عالكبير والصغير بعدين نرجع نقول لها لتسلمين ع هذي ولاتلعبين مع عيال هذي موزيين بصراحه كذا انتي تنشأين فيهم ذرة حقد وبالتالي راح تكبر تكبر لين ماانتي بتتندمين ع هالشيئ ^^^^^^^^ كذلك الرجال احس نفس الشيئ يعني علاقة الزوج مع اخوان الزوجة عال العال لكن علاقته مع اسلافه يعني ازواج خوات زوجته لاتتعدى السلام فقط يعني انا عن نفسي مرة كنت عازمة خواتي وازواجهم عشان زوجي يتعرف عليهم حسيت ان العزيمة كانت لنا بس يعني لما الكل راح لبيته وسألته عنهم قال عادي حليوين بس استحيت اخذ فونهم اخذيهم من خواتك ^^^^^^^^^^^^ في الختااام اتمنى تتفاعلون مع الموضوع لان بصراحه بدا يسوي لي قلق واحب اشوف اراءكم ~ تحياتي ~
|
#2
|
||||
|
||||
اهلييييييييييين مملوحه
موضوعك تقريبا تكلم عن جانبين اولهم تفضيل اخوات الزوج لواحده من حريم اخوانهم وهذي للحين ماجربتها بس من حولي يعتمد على شخصية هالزوجه يعني اذا هي طيوبه وحبوبه ومو معقده ومن النوع اللي الواحد يشيل هم جلستها فاعتقد بتكون مفضله على غيرها ... اما بالنسبه للتربية الام لبنتها على الاحقاد وخلافه فهذي من اخطر شي راح تعاني منه الام بنفسها بمجرد نضج البنت لانها تكون خلاص صارت شريره ..
|
#3
|
||||
|
||||
يعتمد
هذا كله بيعتمد على الزوجه نفسها اما تخليهم في انسجام او حرب شاكره لج
|
#4
|
||||
|
||||
اتفق مع داااانه
الي شدني في الموضوع واصبح فوق هامتي علامااات تعجب لاحصر لها كيف الام تقول لبنتها الصغيره لاتسلمين وكذا عشان عداوه بينهم للاسف تسمحي الام الي تعاملها كذا ان عقلك لسى صغير واحتمال عقل بنتك يكون اكبر منك !!!!! لو اتخذ هالطريقه مع اطفالي اولا : راح أحقن العداااوه والبغض والشراسه التي تجري بدمي الى دم اطفالي ثانيا : ليش ادخل الاطفال في متهات ومشاكل بدري عليهم وغير كذا اطفالي شي ضروري اني احافظ ع علاقتهم مع عيال عمومتهم لان هم اهلهم
|
#5
|
||||
|
||||
كل وحده وطريقتها ونيتها في الداخل
اذا كانت نيتها طيبه واخلاقها عاليه ماتجعل بينها وبين اخوات زوجها اي عداوه مهما حدث بينهم والي بقلبها شي هي الي تكون محل الكراهيه والتجنب لغيرها حتى الاحتكاك البسيط معها ينخاف منها موضوع رائع غاليتي
|
#6
|
||||
|
||||
مملوحه
مملوحه لو سمحتي ممكن تاني مره تصغرين خطك الحروف دخلت في خشمي طلعت حرف العين والشين وباقي حرف الكاف منعفط في المريئ يبيله منضار الله يهولك
|
#7
|
||||
|
||||
فعلاً..موضوعك في أغلب البيوت..بس بالنسبه لنا ..معاملتنا مع بعض مثل الاخوات يعني مرت أخوي من تجي وهي أخت لنا موانه لأبعد حد..حتى شغل البيت مافيه مشكله تشارك وتدخل ..
والحمد لله أمورنا تمام...لأننا من البدايه مافيه تكلف ..ويمكن لأننا ما ناخذ الا قرايب لنا ..يعني عارفين طبعها... اشكرك
|
#8
|
||||
|
||||
العلاقة بين بين المرأة وسلفاتها او على قولتك حريم الحموان
تعتمد على الطرفين وطريقة تعاملهم ونفسياتهم يعني ممكن تكوني طيبة بس سلفتك شريرا ^^ وممكن العكس عموما .. خلك ع طبيعتك طيوبة وحبوبة وتعاملي ببساطة ونية طيبة لكن في حال كان الطرف الثاني يقابل طيبتك وتعاملك بالحسنى بإساءة ومكر وخبث فاااا كشري عن انيابك .. مو تصيري شرييرا لكن كيد النساء ينفع في مثل هذه الحالات وكل ماقلت لقاءاتكم كل ماكان افضل سلفتي ساكنة قريب مني وبالشهور ما اشوفها وعلاقتنا كويسة والله تعالى اعلم *
|
#9
|
||||
|
||||
مملووحه موضوعش حلوو بصراحه وحساس
ياربي ليش بعض الحريم كذا وقسم اللي أشوفها كذا ودي أصفقها أخييييه عليها شوفي جد والله وفيه حريم تعلم بناتها مايسلمون على عمتهم مثلا اذا كانت بينها وبينها خلاف وكذا أستغرب من عقليات البعض وفيه نقطه مهمه أن الام اللي تعلم أطفالها على الحقد ولاتسلم على فلانه وفلان وتبدأ تكبر فيه هالامور وهو صغير بيكبر على الحقد والكره وبيجي يوم وينقلب على أمه ويصير لايحب أمه ولايحب أهله ضايع بينهم..وخصوصا اذا أهله طيبين اللي هم مثلا عماته وجدانه وعيالهم ووالخ لانه كان يسمع ويسمع من أمه ولما يروح لهم يشوف العكس بس من حقد الام وحسدها يتصور لها كذا وتعلم أطفالها فبيجي يوم مايدورونها ولايبون يروحون لها ..وبقلوبهم ضايعين بينهم وبين الام الحقوده
|
#10
|
||||
|
||||
كل اللي هالعضوات اللي ردن سبحان الله يستغربن هذه الحرب الدائره بين الزوجه وحمواتها ..ويتحدثن عن الطيبه وحسن التعامل وانها لازم تكون موجوده في الزوجه
لكن في الحقيقه وعلى ارض الواقع ما فيه زوجه ابد تصفي النيه مع الحموات ولا فيه حموات يصفن النيه مع زوجة الاخ او الابن .. طبيعه في المراءه .... خلونا من البكش وفي رواية اخرى اتركونا من الكوذاااااااااااااب
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |