العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
جآء العيد قوموا قآمت قيآمة عدوكم ض1
السلآم عليكم ورحمة الله وبركآته <<<~ بآدية تسلم هآليومين
وشبكم وش الي صآر وش الي حدث قبل شهر اشوى شوي كآن فيه نآس تحتسي وعآيشة بس الحين كلش محد حولي مهب هذآ موضوعي موضوعي هو يحتسي في مضمونه عن العيد <<~ لآ تصدقون اني اضحكـ ترآي معلقة على الفيس العيد يآ جمآعة جآء <<~ برضو مهب هذآ موضوعنآ <<~ ابلش به موضوعنآ سلمكم الله انه وشو عيدكم وشلون تعيدون هو صآر كسل مثلنآ مآفي حدث يذكر وونآسة الآ ليلة العيد <<~ قلووب ينبضن الىآ بكرآ شووفوا خل بقولكم عيدنآ وشو اول شي ليلة العيد حفلة عآئلية بشدهـ يعني بس حنآ واخوآني وخوآتي والأحفآد وامي وابوي اي احد يجي زود يطلع برآ <<~ اتسذب قسم الزبدة اننآ بهآلليلة كل ابو شخص لآزم يقوم يطآمر ويطرطع ويسترجع شبآبه اذآ هو تعدى مرحلة الشبآب من ابوي الى ولد اختي التسذوب كـلهم يدهرون من تسع اليين يقضي الطرطعآن وانت قآعد تقهوى عآدي تلقى بفنجآلكـ قُنبلة وعلىآ يمينكـ صآروخ هذي ليلة العيد همن اذآ اذن الفجر صلينآ ورجعنآ نشوف بقآيآ الطرطعآن نكمل عليهن شوي لمين يذن العيد قصدي تجي صلآة العيد همن ننطلق نصلي ونرجع للبيت همن هآلفترة عيد عمآني الصبآحي غآلبآ مآ يروح الآ امي وخوآتي المعرسآت لآنه رسمي بشدهـ همن عآد الي مآ رحنآ ننآم ونقوم المغرب اثر خوآتي جآيآت من المشغل يبيروحن لحمولآتهم نتقهوى الين يذن العشآء همن يروحون هم وحنآ نروح لعيد عمآني المسآئي طبعآ المسآئي مآ يختلف عن الصبآحي وآجد الآ انه اكثر نآس من الصبح..~ همن عآد اذا رجعنآ ننآم ونقوم ثآني العيد = عيد خوآلي خوآلي مآ عندهم قولة نجي ونقعد همن نروح لبيوتنآ منتعشين نوعآ مآ ..~ يحطون اشيآء حلوة مثلآ العآم لعبنآ لعة الطلب وهي انهم يجيبون صندوق فيه اوراق مرقمات كل شخص يآخذ رقم همن عآد الي يطلع له رقم (1) يطلب من الي طلع له رقم (-1) عآد وشي طلبآآتهم قوومي قلدي حليمة حبي رآس امي دوري لي مآء حآمض حولي لي رصيد همزي رجلين امي واذا صآرت ام تقول قومي سوي حليب لبنتي وهكذآ هذآ شي ,, والشيء الثآني لعبة الجوآلآت ..!! يجيبون صندوق فيه ارقآم اسحب رقم وطلع لي مثلآ 16 اروح للأسمآء وانززل الى الاسم رقم 16 وادق عليه عآد يطلع خآلي عمي البنقآلي حق البقآلة لآزم ادق واصرفه اقول اي شي والمكآلمة تصير عندنآ ^ ^ اذكر مرت ولد خآلتي سحبت رقم 40 ومير يطلع له وحدهـ متهآوشة معه ولآ تكلمه من ست شهور دقت عليه وتصآلحو عقب اكـ المرة ,, والشيء الآخر حركة الدفتر الي بآلمدخل <<~ نبي نسويه السنة الدفتر يجون اول مآ تدخلين تمسكين هآلدفتر وتكتبين اي شي كولوا تبن احبكم اكرهكم يآشين عيد هآلسنة يآ سفآب فستآني انكب عليه منآكير وزي تسذآ همن اذآ قضينآ كآتبين تجي القآئمة عليه الي هي خآلتي تآخذهـ وتصكه وتغبيه عندهـ ,, همن اذآ جآ العيد الجآي تجيبه وتقرآهـ علينآ هذآ شيء من عيد هآلسنة عآد مآدري وش البآقي ,, المهم ابقولكم شي اي شخص يمر من هنآ يكتب لنآ وشلون عيدهم واذآ عندهـ افكآر نسويه لآ يسكت جزآهـ الله خير ووبس سبحآنكـ اللهم وبحمدكـ اشهد ان لآ اله الآ انت استغفركـ واتوب اليكـ
|
#2
|
||||
|
||||
موضوع خطنطر
اصبري أدخل من لابتوبي علشان أكتب زين << وش تفرق يعني أقصد خلين أمخمخ وأنتسب لتس اللي عندي هالحين بصراحة فيه بنات هنا حبيتهن من قلبي وهن اطلق أبو كل شي وتراتس منهن مير تسنتس تقرين افكاري << كانت بتكتب عن نفس الموضوع مير أني أحس اننا واحد وانا أختتس <<< قلوب مثل ذولي مسويات قلق فوق راستس تستاهلينهن سي يو
|
#3
|
||||
|
||||
^
^ يآلله انكـ تحييه مآ تدرين امكن مخنآ وآحد اجل نآوية تنزلينهـ قهر يآليتي صآبرهـ عشآن تنزلينه قبلي <<~ مسوية تضحية وإيثآر احتريتس تنتسبين الهذآ وشسمه هنتس تسحبين
|
#4
|
||||
|
||||
وعليكم السلام ورحمة الله وبركاته
جااااااااااااااااااااااااااايتس مطلدزتن الأرض من فخامة الموضوع << اسمحي لي الفخمة أستخدمت الحقوق <<< آآوت والله شوفي من جيتي أنا والمنتدى تسذا يعني مدري وش الدبه والناس وش هم عليه قبلي مير أني اشوف المنتدى متروس ويدهر مايبي من يحركهم لابملعقه ولا بكريك بعد << تحسبين المنتديات مثل منتدانا نيم مابوة الا أنا وأن غيرنا I am العيد أتى والقلب هفا <<< ما يمدين أقول رمضان أتى ................... مير أن البزران يقولون رمضان قضى والقلب هفا <<< هالتسلاب مايستشعرون عظمة ورهبة الشهر يعني وشلون عيدنا <<< العيد له لون؟ <<< بدت الفهاوة مير اصطرين كف خلي ضرس الهبال يطير حنا مالنا طر بطر << أما لو أدري وش معناته <<< طيب وشوله تقولينه؟ مير أني أدري وين هوبه تحط الله يسلمتس كل سنه شكل عندتس العام سلمتس الله طبعا يوم يقول بيان من الديوان الملكي وترى باتسر عيد >> ننطلدز نولم قش العيد وتسذا وأمي تمحطنا وتقول ناموا مير نعجز (يوم العيد) قمنا نصلي الفجر<<< أماكم مانمتوا وعقب ادهرنا اللي بالمطبخ يصلح قهوة << أمي تزينه (وبعض الناس يسبعون << أنا ) واللي تناظر البزران تلبسهم وتسذا << ماي سستر اللي عارفتن له ثم عاد رحنا لعيد خوال أمي <<< ياااااهملالي <<< نروح نموت حر ونجي إلى الساعة وحدة تسذا وبعده رحنا لبيت خوالي نشوفهم زين ونكخر صدز مير لقيناهم نيمين << رايحين الظهر خخخخخ مشينا مسيان منهم وانطلقنا نعايد جدي أبو أبوي بالمزرعة <<< قلوووووب حووووب لأبو محمد يدهرن في سماء صافية أبد ربع ساعه طلعنا ورحنا للبيت أمي وأختي نامن وأنا أحوس بالمطبخ وأولم لعيد باتسر وش نبي مانبي وتسذا <<< شي جديد علينا مير يجيتس العلم لا تلفين قبل العاير العيد سلمتس الله لأول مرة يصير بالرياض << على أني أكره الرياض الا انه تغيير شوي (عيد أهل أبوي كل أبوهم عيال عم أبوي وعم جدي يعني العائلة الكريمة) مير أن بنت عمتي قالت أنه بتروح معنا تقول لاتنامين لين أجي قلت أن شاء الله وأنا أنوووووووود وأنووووووووود وأكلمه متى تجين ؟ يختي نمت قالت نامي وأدق عليتس لامني جيت أوووووووووووومير أخم المخدة بعنف من شينن أوجسه أومير تدق وتقول خلاص أوب رايحة معكم أومير عاد صدز أنام بكل عمق << هين على أول صوت بتقوم (ثاني العيد) يوم صار قبل الفجر بنصف ساعه واسمع الجوال يدهر بنت عمتي الثانية قالت : يوووووووووووه للحين نايمه أنا : يووووووه وش تبين أنتي بعد مالي خلقتس هي: قومي تدرين وش حنا الحين ؟ أنا: اي بالليل <<< تشوف الدنيا سودا هع هي: لا الفجر أنا : طيب وإذا خلين أنام هي : قومي وجع والا ترا والله ماروح لعيد الرياض <<< ماعندي خبر انه بتجي وترا هالجية علشاني أنا : هااااااااااااه لا لا بقوم بقوم <<< خافت ماتجي هي : يالله قومي وروقي على فنجال قهوة وربع ساعه وأدق عليتس بشوف أنتي قمتي والا لا أنا : أصلا وش بيرجعن أنام خلاص طار النوم أنتي ووجهتس ^ ^ سيناريو وحوار وإخراج أنا روح الطفولة <<< فديتن أومير أقوم وعيوني تسذا << بي نووووووووووووم ولقيت أمي وأختي بالصالة يتقهون أومير أقعد معهن << تراي غسلت وجهي يالله وقعدنا نحوس إلى ثمان أومير نمشي ونمحط السريع لين وصلنا عشر <<< دزالبن الطبلون أبوي مدري وراه طول الطريق والسماعات بأذاني يوم جينا نوصل للرياض أومير تشتغل الرابطه انا وأخواني مره طلعنا ومشينا مشوار بسياره لينا <<< فرحين ولجه وأمي ماقالت فغيتوا راسي المهم ونلقالنا وشسمووووووه ونزين القهوة ونلبس ونمشي للإستراحة ويحييوننا هلا بأهل القصيم <<< هالتسذوبين كلنا من القصيم بس هم ساكنين بالرياض وألقى بنت عمتي فديته <<< تخيلن ماجت تسان أمحط به الأرض وعيدنا هو هو قهاوي وفلة حجاج ومسابقات من كل شكل أهم شي أنا شاركت بمسابقة وأبشركم فريقنا هو اللي فاز <<< فرحه وعطون هدية فخمة بعد <<< يختي كل سنه المسابقات علي <<< < لامني قضيت قالوا بالشارة إعداد وتقديم روح الطفولة <<< بعذري لو فرحت بالهدية <<< بزر ماتنتسل أفل أبو كل شي جايبين مهرجة ضافتن كل البزران عنا << يلعبنهم وقطار وحركات ودنيا أول مرة أتقهوى مثل المسلمين بدون ازعاج << والا بالعاده تقهوين مثل الكفار أومير نرجع لشقتنا وننام ونعين من الله خير (ثالث العيد) يوم صار من باتسر رحنا للدرعية حنا وبيت جدي تمشينا وقعدت أصور وتقهوينا أومير نمشي للقصيم بس حنا هم قعدوا والحمد لله على سلامتنا أدري أني مطوله بالحيل بس قلت لك بنزله بموضوع وبقول نفس كلامتس اللي عنده وشسموووووه ينزله مير انتس سبقتين والسابقون أولى بالمعروف وكل عام وأنت بخير قبل الزحمة <<< أخاغ ما أعايدتس والا سبحان الله انتظروني يمكن اقول عيد هالسنة
|
#6
|
||||
|
||||
الحين وشبتس تسذا جاتس ماجان .. ماعرفنا نمسك لتس سالفه كل شوي ماسكه خط جديد
زين انتم تطرطعون ليلة العيد شرهتس على اللي من الحين يطرطعون الناس تصلي وتهجد وهم دووو وبوووم >> اصوات طرطعان وعيدنا زيكم كسلين الصبح نردح وندهر ومن يذن الظهر ندبخه لين المغرب همن نقوم نلقى حريم خوالي جايين ونبدا نتهاوش عند المرايا نزين شوشنا والمكياج وحالتنا حاله ودي مره اطلع بصوره حسنه عند حريم خوالي .. عاد هالسنه قلنا نبي نسوي أكشن ومسابقات وسرقنا من مسابقاتكم وش حيثتس تسرقين فكرة أصابعنا
|
#7
|
||||
|
||||
يوه يوه وراه عديكم كله دجه في السيااااره من بيتآ لبيت ههههههههههههههههههههههههه اما احنا عيدنا مابه احلا منه اذا جاليلة العيد ماتلقين ولا نفر في البيت كلهم هاجين للسوق حتى الي مايبي شي ومخلصين من السوق يطلع ونااااااااااااااسه السوق ليلة العيد كلش يدهر زحمه وطراطيع و وتجريج وكلش وعاد اذا جات الساعه 12 الي في المطبخ يدهر الي يسوي حلا والي يسوي موالح ألخ ألخ والي يجهز البلونات وينفخهن والي يجهز اغراض الحفله والي يلصق في شعره مايونيز وزبااادي المهم اذا جات الساعه 2 يالله تلقينهم صافين طوواااابير على الحمامات وانتو بكرامه يتروشون وبعده يبدا دور الاستشوااار والي يعلق الزينااااات حقت لبيت والبلوناتتت وهيك عاد من يذن الفجر اسمعي صوت الهواش والطقاق على المرايه ومن يروحون اهلي يصلون العيد أنكون لابسين وجاهزين نروووح ركض نجهز اغراض الحفله الهدايا والقتوه والعصيرات المالح والقهوه والشاي كل شي عاد اذا جاو يبدا الهبال والاستهبار والرقص وطبعآ لا زم هذي البوم الي نفتحها تطلع خرابيط قصاصات لو مانحطها مانحس بالعيد << براااا وبعده على الساعه 8 يروحون اهلي للعزيمه حقت العيد واحنا نجلس نكمل هبالنا ليما تجي الساعه 10 بعدين ننااااااااااام لين العصر ونصحى ويبدون عاد الناس يجونا وطبعآ نشغل المسجل ونستهبل واليوم ثاني مادري ناسيه وش يسير فيه بس هذا العيد زواااج اختي ان شاء الله 2 العيد وسلامتكم اي على فكره ان شاء الله راح انزل صور حفلتنا بس بعد العيد ان شاء الله
|
#8
|
|||
|
|||
اهلين بالبزنس نوير .. اختصار حق البرنسيسه
تبين الصرااحه برنامجكم حق العيد قلق وتعب شحططه من مكان الى مكان من يوم قلتي نصلي العيد ونرقد الى المغرب قلت هاذول مساكين ماعندهم برنامج بس عقب ماصحيتو صرتم مثل العفاريت ماخليتوا مكان الا ورحتوله .... نجي لبرنامج العيد طبعا يختلف من سنه الى سنه اذا عيدت في الشرقيه اول مانصلي صلاه العيد اروح للبيت واسلم على عيالي واعطيهم العياده وبعدين المسجد اللي جنبنا محرصين علينا من ليله العيد يقولون كل واحد يجيب معه طبق اكله ونتجمع عند المسجد حاطين كرااسي وحركات وطاولات وكل واحد يحط اكله على الطاووله .. وعقب مانسلم على بعض ونتقهوى نقوم ناكل من الاكل اللي حاطينه على شكل بوفيه وعقب مانخلص عااد اروح اسلم على خوالي اللي في الشرقيه واخواتي الين صلاه الظهر وبعدها طبعا نومه الين بعد العصر وعقب العصر نودي الاهل يسلمون على اهلهم وبعد المغرب عااد البزارين اشناطهم مليانه فلوس كل واحد يبغى يلعب بلفلوسه اوديهم للحكير او الالعاب حتى تخلص فلوسهم وبعدها عااد برنامج عااادي يعني نروح نتعشى برااا واليوم الثاني طبعا يصير احتفالات في كورنيش الدمام او الخبر اذا جاء الامير يعيد على المواطنين والالعااب الناريه والحركات والعرضات والطبول اما اذا تعيدنا براا الدمام نفس النظام بس يختلف شوي واحسن مافيه كل واحد يحط اكله مسويها قدام بيته واللي يمر مع الشارع لازم يوقف وياكل شوي ويروح للصحن الثاني حق الجيراان يعني تحصل في الشارع الواحد يمكن عشره صحوون .. تاكل شوي وتقوم للصحن الثاني بجنبك وطبخات متنوعه وكل واحد يقيم احسن طبخها اكلها عند مين وهااكذا .. مشكوره يانوير على الموضوع وعيدك مبارك |
#9
|
|||
|
|||
هلا هلا بالبرنسيسه نوير عيدنا ما يختلف عن عيدكم ابد
|
#10
|
|||
|
|||
وعليكم السلام ورحمة الله وبركاته ’، حبيبة قلبي نويروو اخبارك مانقدر نشوفك بهالعيد’، مو معقوله لازم نخطط مع بنات المنتدى ونسوي عيد ونحدد مكان اليوم الفلاني كل العضوات البريداويات القصيميات يحضرون>>>وياليت بالباقيات بس خابرينهم مافيه امل>>>>ذذذ يعني فيه امل للقصيميات وقته بستانس بالعيد والله عيدنآآآ شوفي بحطك بالامر الواقع حنا ناس ماشاء الله عآلم حمولتن كبيرهيعني وانا اختك اذا حضرت عيد االإعمآم انفقع راسي عآلموامي لازم سلمي ’’الخ وانا بنتن ماااوطن الزحمه والسلام بالخد كل سنه اكون انا وشينه وخالتو ومرة ببايالربآعي مايتغير سوااا ننام ونحضر عيد الخواللكن الزمن تغير حاليآآ بعد مانقرضت شلة العزابيه ترآآسنا مرة بباي والخاله هن الكبار راحوو يعني صارن الصديقات عندهم حموله وخرابيط عرس فاضيه ومدري وشو فعيدي هالسنه بروح يم يم خوالي وشسمه عند جدتي انا وشيوونتي وننام هنآآك الي يجي يزور جدتي جمع غفير بنتلبس ونترزز ونعايد اما حكاية طلعه للعيد مافيه امل عيدنا ببيتنا واستقبال الضيوف احلى>>>ايه هين لاتدخل جدتي وتلخن بصحن السيف مااستقبل الا الضيوف انا’
ولابد التفحيط في ايام العيد تبداء الاجتماعات الحلوه اهم شي مو مليون نفر ’،
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |