قَلْبْ طْفلَة

[قـلـب جـبـار]

دارت الدنيا وتبيني [ أعذرك] ! نامت عيوني وعينك ..ساهره إنت لي ماضي ومابي ..أذكرك والغلط وياك ... ماني مكرره قلت لك إحذر غرورك يكسرك ومن يحبّك واجب إنت تقَدّره قبل لا تفكّر تهاجر بـ أهجرك وعدّني غيمة حنان .. مهاجره مثل ماجَمّعتك أقدر[ أ ن ث ر ك ] يعني راسك لو رفعته أكسره كنت لك مثل المواني ~ أنطرك لين طاحت من عيوني الباخره لا تظن أبكي عليك وأخسرك إللي مثلك ( لازم ) إني أخسره يا القليل الباقي طاحوا أكثرك ! في بحر - دمع العيون - الطاهره أبقى أكبر شخص مر بـ ناظرك وتبقى أصغر <~ من نويت أكبّره في فراقك ماحزنت آآبشرك وكانت الفرحه معاك مسافره ! كيف ألوّح لك وأجبُر خاطرك وإنت إحساسي مكسّر خاطره أشكر أعدائي كثير ~ وأشكرك من سبايبكم .. فقدت الذاكره .. دارت الدنيا وتبيني [ أذكرك ] !! شفت منّك خير لأجل أتذكره ؟ إكتب الشطر الأخير بـ دفترك ، القلوب البيض .. جداً نادره ! أحمد الصانع

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

البارحه مابين وشلون يمديك في يوم واحد ياحبيبي تغيّرت الليل خلاني وخلا طواريك تلعب بقلبي كل ماداخلي ثرت سويت شين حدني غصب ماجيك والا قبل لاسيّر الليل سيّرت هدمت كل اللي بنيت بتجافيك هدمت لا والله بالعون دمرت خليتني ماقلت لي شلون اخليك ليتك بحالي قبل مارحت ناظرت الله كريم يصبر اشواق مغليك لاقام ينثرني غلاك وتناثرت والله يسامح قلبي اللي مواليك اخذت كل اللي تبي منه وانكرت منهار جيت العام تسبق خطاويك واليوم ماكنك قبل جيت وانهرت في ذمتك لامن تذكرت ماضيك من يطري في بالك اليامن تذكرت ؟ من كثر مافكرت وشلون اراضيك وياك في نفسي ولا يوم فكرت على كثر ماكنت متمسكن فيك وعلى كثر ماحتجتني ماتعذرت جيتك وعندي حاجتن بين اياديك والمشكله تقدر عليها وقصرت رح بشر اللي ملتفت لك يناديك قله تركته لخاطرك ماتأخرت صدقني انها غلطتي يوم اداريك ولا انت لولا غلطتي كان ماصرت كبرتك بعين البعيد وحواليك ابيك تكبر والمصيبه تكبرت حاولت اغيّر فيك من كثر مغليك قدرت لكنك عليّه تغيّرت ثامر شبيب

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

بيدي رميت القلب في وسط نارك وأقفيت يا ظالم وأنا فيك مفتون إنهد حيلي في عذاب انتظارك وأخفيت جرحي مابي الناس يدرون أرمي سلاحي وأعترف بانتصارك أبكيت من يضحك على اللي يحبون متى تخفف لوعتي باعتذارك أشوفكم مره على الحب تبكون أنهيت قصة حبنا باختيارك وين الصبر ياقاسي القلب وشلون يازين قلبي من هواك استجارك حبك عسرني ماطوى القلب بالهون عبدالله العليوي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

ليت لي ذود يدك البيد واحداله لحاله كان ماوالله علي خلاف في نجد العذيه جفت اقلام الغرام وطول المحبوب باله والله اني ماهقيت ان الغضي يقسي عليه وش خطاي الا المحبه وش رجاي الا وصاله وش يبي غير الموده والغلا والمقدريه دللوه اللي ربوه صغير واسرف بي دلاله ليت لي قلب يطيق الصبر وعيون خليه والغضي لو لاعه التحنان وبقلبه عداله ماغذت من دونه القيعان جردٍ جرهديه وان تشره قايد الغزلان ماله بي جماله لعنبو من خان خلانه وجنب عن خويه عن جنوبه والوله والشرق يغنيني شماله صد ياقلب الجفا لاصد وضاح الثنيه ماانت ياالخفاق عبد له ولا انت اصغر عياله انت خفاق الضلوع العوج والخيره خفيه نايف صقر

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

ادري العذر مايكفي رضاك عني انا اللذي ما املك على رضاك سلطان خذني وخذ ماتشتهي اليوم مني حجم الخطا يفرق من انسان لنسان احسنت فيك الظن ولا خاب ظني اعرفك تاويني ولو كنت زعلان كل المشاعر من غلاك احكمني عندك دليل ان الوله خير برهان انظر عيوني يوم جيتك حكني اصفح عسا يفداك يانور الاعيان كلي عذر وان ماكفاك امتحني قلب العما يصفل ولو كان عميان خالد عبدالرحمن

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

في زمانٍ كنّه البرد شبّيت القصيد قلت ابدفا والليالي تموت ببردها في طريقٍ كنّه الموت ولحالي وحيد قلت ابحيا والمنايا تبوح بسدّها أتقارب هقوة العمر لو كانت بعيد واتغنّي بالمقابيل واخطب ودّها لاقديم الجرح يقوى ولاالجرح الجديد يخلف النفس العزيزه عن اللي ودّها والله انّي ما تنازل ولي رايٍ عنيد لين أداعب غرّة الشمس والثم خدّها وانزفي يا وردة الشعر من دم الوريد لا تجفّي في عروقٍ تراجف يدّها يا قصيدي كان الأشعار سادات وعبيد والله انك من بحورغريبٍ جدّها ما تقاود مهرة الحرف للقلب البليد يا قصيدي خذ رسنها وخلّك قدّها في طريقٍ كنّه الخوف سلّيت القصيد قلت ابحيا والليالي تموت ببردها مساعد الرشيدي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

لاتندهش لا بحت لك ذكرياتي شفتك حبيب وماغدر بـ بدوي شوف ماحدٍ عرف قبلك حقيقة حياتي مكشوف شي وشي ماهوب مكشوف كم هاجسٍ يولد ترده شفاتي ويموت ماهو لأقرب الناس معروف لكن معك فجرت خافي سكاتي ملهوف اسولف وانت للـ سمع ملهوف يالغالياً جمل وجودك حياتي وبالحب صرت لـ دمعتي صدر وكفوف خذ دفتري!خذ بوح ذاتي لـ ذاتي وأبصر بـ دمع بـ دم تاريخ وحروف وهناك تفهم ليه اخالف وصاتي لاقلت دوس بـ مبدأك حاجز الخوف خلك جبل في وجه الأيام عاتي وإحذر تكـون إنسان والعالم سيوف !؟ وهناك بس هناك سر أغنياتي حزني ضياعي حيرتي سيرة ظروف وهناك تتفهم حنين إلتفاتي وتحس في معنى الوجع يوم وتروف سليمان المانع

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

في غيابك يعزف الما داخل إعيوني اغاني مايبي مِنِّك حنينك بس يبغى تسمعينه يا كبر هم الغياب إن جيت أدوِّرك إبمكاني ما اشوف إلا رحيل طال وأنتي تتبعينه إرجعي ما عاد فيني حيل لسيوف الثواني يا ثقل دم إنتظاري لا عقد لي حاجبينه اتلحف بالشتات...وداخلي إنسان ثاني حاير مثل أجوديّ نابت إبوجهه حنينه من رحلتي هالمدينة كل ما فيها [ مباني ] ينكسر فيها غروب و تنجبر فيها ضغينة إن شكيتك للطريق إتضيق ارصفت المواني وإن شكيتك للمدينة ..ضاقت أنفاس المدينة لا الفضا بعدك فضاي و لا الزمن هذا زماني إنتهى بي كل شي و لا بقى للحلم عينه علميني .. يا عظيمة كيف أكون بإتزاني كيف أعيش بخير و أنتي هالتلاقي تبعدينه ما جمعني في غيابك غير حزني و إهذياني و ما نثرني يا وجودي غير فرقانا اللعينة إن تذكرتك تحير الكلمة بأطرف لساني وإن سهيتك إشتياقي تعبث بصدري يدينه ابحري بي يا بعيدة .. لآخر إحدود الأماني يمكن إنلاقي بعضنا ( حلم ) أقفت به سنينه و إن سألتي كيف حالي لا تعانقنا ثواني قلت لك من يوم غبتي ..اغلب الأيام [ طينة ] في غيابك شيّ أعظم من أخاف و من اعاني في غيابك حتى وجهي لو عرض لك تجهلينه ناصر حطاب الدهمشي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

يا صاحبي واللي خلق نعمة السمع انك هنا بين المعاليق ثابت ماجيت لك صدفة ولا جيت لي رمع وان غبت عني فرحتي معك غابت غيري عبث في الحب بسياسة القمع لكن لاودت ولا يوم جابت الا محبك من عشق يحسن الجمع ماشاب حبه لو قوافيه شابت والدمع هذا اللي تشوفه ماهو دمع أشعلت عيني لأجل أشوفك وذابت واللي نزل منها على خدي الشمع ارقد مادام الشوق في القلب نابت تـركـي

مشاركة هذا الرد في Google Facebook Twitter Digg

أنت معجب بهذا.

[قـلـب جـبـار]

أنا لانيب لاشاكي .. ولاعتاب كفاني اشطون هواك اللي نثرته لاتعجب لاأنكسر كاسه ترى ما يذبح العاشق مثل دمعٍ بكته اعيون على موت الأمل واللي يحبه هو سبب ياسه حبيبي ما خبرت الدمع يرقا وجنة المشطون ذليل الدمع .. لابد يتحدر لو رفع راسه بقالي عزتي ياللي على اللي ما سواها تمون وأظنك ما سمعت بعاشقٍ قلبه عصى وداسه أنا الحطاب في قاعٍ جرد ما به شجر وغصون حداه البرد والليل الطويل وشب في فاسه البـــدر

مشاركة هذا الرد في Google Facebook Twitter Digg

أنت معجب بهذا.