|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#121
20-02-07, 07:05 PM
|
||||
|
||||
دلوعة الحجاز ربي يوفقك وتاخذين اعلى نسبه يارب
شباصة قصيميه يالله حنا بانتظار بقية القصة لاهنتي ومشكووووره قلبي 00 تحيتي
|
|
#122
20-02-07, 09:44 PM
|
||||
|
||||
|
اوف نسيت القصه يالله عاد كمليها
ترا والله بزعل وبنترك القصه حرام عليك والله حرام علقتينا به ورحتي زين قولي لحد يكملها عنك اذا انتي تعبانه او ماتقدرين تدخلين النت..... الي يعرف عن شباصه قصيميه يتكلم وش فيها هذي وين خذتها الدنياء وينها خلوها تكمل القصه وتروح بحاله .... والله طفشناء خلاص
|
|
#123
20-02-07, 09:45 PM
|
||||
|
||||
|
اسفه عاد لاتزعلين تراني والله تنرفزت .....
ماحب الي يخلينا كذا معلقين.....
|
|
#124
21-02-07, 01:29 PM
|
||||
|
||||
|
مشكوره حبيبتي جود القمر الله يطول بعمرك ,شوشو الله يخليك هيا عاد كمليهاحرااااااااااام عليك جاني القولون العصبي بسبة هالقصه
|
|
#125
21-02-07, 04:33 PM
|
||||
|
||||
|
انا اللي انرفز ولا ردود البعض اللي تنرفز ..
الله يسامحكم ..
|
|
#126
21-02-07, 04:41 PM
|
||||
|
||||
|
الجزء السابع عشر
الفصل الاول دخلوا كلهم للبيت .. اول من دخل كان فيصل .. فيصل : تفضلوا ..... حيا الله من جانا .. مشعل : مشاء الله .. رهيييييييييب .. البيت .. نجلاء : الللللللللللللللللللللللللله .. والله فضيع ..خلاص خلونا نقعد هنا .. لا نرجع للرياض .. العنود : اقول بنات بسرعه تعالوا نروح فوق .. فيصل : لحظه وش تقسيم الغرف ... العنود : انتم الشباب في غرفه ... والبنات في غرفه .. وابوي وعمي في غرفه ..وغرفتين عاد للحريم الباقين .. فيصل : ههههههههههههههه .. ما شاء الله مضبطه امورك .. العنود : اكييييييييييييد .. ريم : اقول خلونا نطلع نشوف البحر .. نجلاء : لا خلونا .. نرتب اغراضنا .. بعدين ننزل .. فيصل : مشعل تعال انزل الشناط .. وراحوا مشعل وفيصل ينزلون الشناط .. وهم ينزلون الشناط .. جت سيارة راشد .. اول من نزل كان ابو راشد .. راح فيصل يسلم عليه .. فيصل : عسى ما تعبت في الطريق ... ابو راشد : لا ... انا توني شباب .. شف ابوك .. فيصل : هههههههههههههه .. ماشاء الله اكيد شباب .. راشد نزل وهو شايل ولده احمد .. فيصل : هلا والله بالحامل والمحمول .. راشد : هلا فيك .. ابو راشد : خلونا ندخل .. بنبتل واقفين كذا .. فيصل : تفضل .. يا عمي .. حنا بنزل الشناط وبنجي .. دخل ابو راشد .. وام راشد وعبير .. وام عبير .. وشغاله كانت جايه معهم .. وصلت سيارة فهد .. نزلوا كلهم .. ونزلوا شناطهم .. ما بقى غير فيصل مشعل .. مشعل : اقول .. فيصل .. فيصل : هلا .. مشعل : فواز ومشاري .. تاخروا .. ما جوا .. فيصل : ههههههههههههههههه .. تصدق نسيتهم .. مشعل : اسكت .. بس .. جبنا سيرة القط جانا ينط .. شفهم جوا .. فيصل : ومصدق بنقعد نستقبلهم .. امش خلنا ندخل .. مشعل : ايه .. الله يعينا عليهم .. توهم بيدخلون .. الا فواز .. جايهم يركض .. فيصل : اقول .. اركض يا مشعل .. مشعل : اركض .. وين اروح .. فيصل : وين تروح يعني جوا البيت .. وبسرعه دخلوا جوا البيت ووراهم فواز ومشاري .. فواز يصارخ : ايه انحاشوا يا الذروق .. مشاري : لو انكم قد حركتكم .. ما انحشتوا .. فيصل : والله حنا قد حركتنا بس ما نضمن وش بتسوون فينا .. وضلوا ينحاشون منهم .. ودخلوا جوا البيت .. وكان في الصاله .. ابو فهد وابو راشد ... ابوفهد : فيصل .. مشعل .. منتوب صاحين .. رجاجيل وش طولكم .. وش عرضكم .. تراكضون .. ابو راشد : مشعل ... اعقل لا تشوفك .. بنتك .. فيصل : ما نقدر نقعد .. لحد ما يتعهدون لنا ... انهم .. ما راح يسوون فينا شي .. فواز : استح على وجهك .. بكل جرأه تقولها .. بزر انت تخاف .. مشعل : هههههههههههههههه .. من خاف سلم .. وطلعوا برا .. لحد ما حجروهم .. عند زاويه .. مشاري مسك فيصل .. وفواز مسك مشعل .. فيصل : في بالك انت واياه اني ما اقواكم .. فواز : هههههههههه .. اكيد ما تقوانا .. فيصل : هههههههههههههههههه .. نسيت اني كنت العب كمال اجسام .. مشاري : ههههههههههه .. انت قلتها .. كنت .. مشعل : طيب .. طيب .. كيفكم .. سوا اللي تبون .. بس علمونا .. فواز : طيب انا عن نفسي .. ابنطلك في المسبح .. مشاري : وانا بعد .. فيصل : كيفكم انطلونا .. بس خلونا انطلع جوالاتنا .. وابواكنا .. مشعل : وش ينطلونا .. الحين ليل .. يعني المويه بارده .. فواز من سمع كلام مشعل تحمس : انا بعد لين ثلاثه طلعوا جوالاتكم .. فواز : 1 ....... 2 ......... فيصل وهو يناظر مشعل ويبتسم .. مشعل فهم قصد فيصل .. فواز : يعني وشلون منتوب مطلعين جوالاتكم .. فيصل : هههههههههههههه .. مشاري : ليش الضحك .. فيصل : وهو يناظر مشعل : يله .. مشعل : يله .. فيصل ومشعل وبكل قوتهم .. انطلوهم في المسبح .. فيصل ومشعل : هههههههههههههههههههههههه .. فواز : هين .. هين .. اوريكم .. مشعل : احسن عشان تعرفون تحترمون اخوانكم الكبار .. مشاري : لا تتقطع يا الكبير .. حدك بنت عمرها ثلاث سنين .. فواز : والا الثاني .. حتى شهر .. متزوج ما بعد كمل .. فيصل : اقول مشعل تعال خلنا ندخل .. فواز : لا والله .. مشعل : ايه والله فيصل خلنا ندخل .. وش نقعد هنا نسوي .. دخلوا فيصل ومشعل .. ولحقوهم .. فواز ومشاري .. ابو فهد : حشا .. وش ذا المياه .. بزران انتم .. فواز : والله اسال ولدك .. ابو راشد : روحوا انتم الحين غيروا .. لا تتعبون .. وبعدين تحاسبوا .. ورقوا فواز ومشاري .. غيروا وانزلوا .. مشاري يشهق : نسينا الهندي برا .. فواز: آي سكريم .. معه .. مشاري : امش خلنا نشوفه .. فواز : الصراحه اشتقت له فضيع ذا الهندي .. مشاري : الحين اشتقت له .. وانت متملل منه .. في السياره .. فواز : اقول امش .. بس جالس تتصيد لي .. طلعوا .. ما لقوا الهندي بس لقوا آي سكريم محطوط عند باب البيت .. فواز : والله وفي .. لو انه واحد ثاني خذاه وراح .. مشاري : يله خلنا ندخل .. دخلوا .. ونادوا البنات .. فواز : يله صفوا طابور .. العنود : خير ان شاء الله مدرسه حنا .. فواز : اقول صفي طابور .. والا ما فيه اكل .. العنود : يقطع ابو جد المذله .. مشاري يهمس لفواز: يا اخي حرام عليك .. فواز : اشوف ان الحنيه نازله عليك اليوم .. مشاري : اصلا انا من يومي حنون .. فواز : ايه مره .. انتبه بس لا تتقطع من الحنيه .. مشاري : ههههههههههه .. فواز وهو ياشر على الارض : شف .. شف .. مشاري..وهو يلتفت : وشوووو.. فواز : الحنيه تقطر منك .. نجلاء : اقوول اخلصوا ما صار آي سكريم .. فواز : طيب ....... نجلاء .. توفي .. خذي .. نجلاء : شكرا .. وعطوا كل وحده طلبها .. فواز : باقي توفي .. حق مين .. مشاري : اتوقع حق ريم .. فواز : لا ريم ما جبنا لها شي .. مشاري : الا جايبين .. فواز ينغزه يعني اسكت : لا ما جبنا .. العنود : لا والله وليش ما جبت لها .. فواز : والله هي قالت ما ابي .. وش اسوي يعني احب راسها .. واقولها تكفين خذي .. مشاري : ريم .. تبين خذي حق فيصل .. لانه مهوب ماكل .. مشعل حقه بتاخذه هديل .. ريم وهي واصله حدها من فواز : لا ما ابي شي .. كله انت .. فواز : احسن .. انا باكله .. العنود : لا ما راح تاكله عطه ريم .. فواز : غصب هو .. تقولك ما ابي .. العنود : اقول عطني وبس .. ريم : العنود انا قلت ما ابي .. فواز :قالت ما تبي غصب هو.. فيصل : اقول اخلص وعطها اياه خلنا نخلص .. فواز : لا حقك انا باخذه .. هي بتاخذ حقها .. لاني جايب لها .. العنود : يا اخي من الاول قل .. لا تقعد تستخف دمك .. فواز : اصلا دمي خفيف من دون ما استخفه .. خذا مشاري حق ريم ومده لها .. ريم : منيب ما تفهم انت .. مشاري : يله عاد ريم .. ريم : يا الله قلت ما ابي .. فواز : مشاري .. لا تغصبها .. انا اكله .. ريم .. تكلم نفسها .. اللهم طولك يا روح .. ريم اسكتي .. لا تتكلمين امسكي نفسك .. لو تكلمتي معاد سكتي .. لا تصيحين .. لا تصيحين عشان هالخايس .. ما عليك منه طنشيه .. ذا ما يستاهل دموعك .. مشاري : لا هي بتاكله .. ريم : ......... مشاري : وانت بعد كل واحد باكل حقه وش ذا البطن اللي عندك .. فواز : قل ما شاء الله .. مشاري : ما شاء الله ..( ويلتفت لريم ) يله عاد خذي .. ريم : ......... مشاري : عشان خاطري خذيه .. ريم تاخذه : عشان خاطرك بس .. فواز : وش قصدك .. ريم : ....... رقت فوق خلته .. العنود : تعلم يا فواز .. شف الناس وشلون تتعامل .. مهوب انت .. فواز : والله انا اسلوبي جايزلي .. فيصل : خلاص عطني حقي .. فواز : هههههههههههههههههه .. تحلم نت .. فيصل : لا ما احلم .. الحين حق مشعل بتاكله بنته .. وانا .. من بياكل حقي .. فواز : انـــــــــــــــــــا .. فيصل : ههههههههههههههههه .. اقول عطني اياه .. فواز : لا .. لا .. عشان تعرف وشلووون تروحون عنا .. لا وبعد تنطلونا في المسبح .. تعال مشاري .. خلنا ناكل .. وراحوا وجلسوا على الكنب قدام فيصل .. مشاري : اقوول عطه .. لا ينظلنا .. فواز : ايه والله .. خذ .. وتعلم .. شف وشلون قلوبنا طيبه مهوب انت .. خذا فيصل حقه : اشوا والله اللي تكرمتوا وعطيتوني .. ابو فهد : يا ربيه يا ذا الولد مدري متى بيكبر .. ابو راشد : خلهم يوسعون صدورهم .. والا هم وقت الشده ما فيه احسن منهم .. فواز : بعدي . بعمي والله .. ابو راشد : هههههههههههههه .. جازلك حكيي .. فواز : اكييييييييييد .. وشلون ما يجوزلي .. ابو فهد : فيصل .. فيصل : سم .. ابو فهد : رحوا انت ومشعل جيبوا لنا عشا .. فيصل : ان شاء الله .. مشعل : وين راشد .. مشاري : ليه .. مشعل : عشان ناخذ سيارته .. فواز : هههههههههههههههههههههه .. مشعل : انا ابي اعرف وش قلت شي يضحك .. فواز : هههههههههههههههه .. لا ما قلت شي .. بس انت صدق ما تدري وينه .. مشعل : لا .. مشاري : رقينا تو نغير ملابسنا .. لقيناه هو وفهد .. في سابع نومه .. فيصل : ما شاء الله .. على طول .. فواز : لا وحتى ملابسهم ما غيروها .. ابو فهد : عجزوا عيالنا . . يا ابو راشد .. ابو راشد : الحين انا يا الشياب ما نمنا .. فيصل : عاد انتم من قال انكم شياب .. انتم شباااااب .. مشعل : يله .. فيصل .. فيصل : يله ( ويلتفت على ابوه ) وش تبون .. ابو فهد : رز بخاري .. فواز : والله يبه عليك شهوه .. رز بخاري .. وش طرا .. مشاري يهمس لفواز : اقول فواز قم نجيبه انا وياك بالباص .. فواز : فاضي انت .. مشاري : لا نروح ونتمشى .. بعدين نجيب لنا اكل .. فواز : والله فكره .. بس اخاف يعصبون علينا الشياب .. مشاري : نقول زحمه .. فواز : يبه .. خلاص بنروح انا مشاري نجيب العشاء .. فيصل : وش طرا .. انت وياه .. والله ان وراكم شي .. مشاري يهمس لفواز : هذا دايم فاضحنا .. فواز : انا داري .. الله بالي بخوا ذكي .. مشاري : والله ذكي شويه عليه .. طلعوا فواز ومشاري يجيبون عشا ء.. اول ماطلعوا راحوا يتمشون .. بعدين راحوا لدكتور كيف.. قعدوا هناك .. تقريبا ساعه ونص .. ولا انتبهوا للوقت .. ولا معهم جوالات ..وراحوا جابوا عشاء .. ولمى وصلوا للبيت .. لقوا الانوار مطفيه .. فواز: وين راحوا .. مشاري : مدري شكلهم ناموا .. فواز : لا ما اتوقع .. مشاري : لا والله شكلهم .. ناموا .. فواز : والعشاء .. مشاري : مدري الصراحه .. فواز : تعال فوق .. خلنا نشوف ناموا والا لا .. حطوا العشاء في المطبخ ورقوا .. دخلوا غرفتهم .. لقوهم كلهم نايمين الافيصل مو موجود.. .. فواز : شف .. نايمين .. مشاري : اصلا راشد وفهد نايمين من قبل ما نروح .. .. فواز : ومشعل ... مشاري : هههههههههههههههه .. والعشاء وش نسوي به .. فواز : خلنا ندق على فيصل .. نشوف وينه مختفي فيه .. ودقوا ... على جواله .. بس اسمعوا نغمة جواله .. (فيصل كان في الحمام بس هم ما فكروا يدورونه في الحمام ..) مشاري : شف .. جواله هنا .. فواز : والحل .. مشاري : نقوم مشعل .. فواز وهو يقعد جنب مشعل .. فواز : مشعل ... مشعل .. مشعل : اممممممممم .. مشاري : مشعل قم حلنا .. مشعل : اقول خلوني انوم.. فواز : قم حلنا وش نسوي بالعشاء .. مشعل : ليش انتم جبتوا عشاء .. مشاري : ايه جبنا .. مشعل : لاه .. لاه .. قل قسم انت وياه .. فواز : قسم . مشعل : مشكووورين والله تعبتوا انفسكم.. مشاري : وش فيك .. مشعل : مدري والله عنكم .. كان ما جيتوا احسن .. فواز : طيب هذانا جينا .. وجبنا العشاء وش نسوي فيه .. مشعل : كلوه .. فواز : كثير... وش ناكل وش نخلي .. مشاري : طيب انتم تعشيتوا .. مشعل : ايه .. فواز : لييييه .. مشعل : يعني بنقعد نستناكم .. مشاري : طيب وش تعشيتوا .. مشعل : رحنا انا فيصل جبنا لنا وللبنات شورما .. والشياب جبنا لهم فول وخبز تميس .. فواز : هههههههههههههههههههه .. وش جاب الشورما .. للفول .. مشعل : والله عاد هذا طلبهم .. راشد : الحين ورا ما تسكتوا وتخلونا ننوم .. مشاري يهمس : اقول انا ما فيني النوم .. وش نسوي به .. فواز : خله اذا يبي ينوم .. يروح للشياب .. وقعدوا الثلاثه سوالف وضحك وكل ماله صوتهم يعلا .. قاموا فهد وراشد وخذوا مفارشهم .. فواز : وين .. وين.. راشد : بنروح ننوم . مشاري : وين .. لا يكون عند البحر .. فهد : تنكت انت وخشتك.. مشاري : يعني احاول . فواز : وين بتنومون فيه .. راشد : وين يعني عند ابوي وعمي .. مشاري : لاه .. اجل وانتم طالعين صكوا الباب وراكم .. مشعل وفواز :هههههههههههههههههههههههههه .. على الساعه 11 ونص نزلوا فواز ومشاري تحت .. وجلسوا عند البحر .. الساعه 12 الليل الحقوهم البنات كانوا جالسين على البحر جلسه حلوه وفرفشه مع فواز ومشاري والجو كان رووووووووووعه يعني جلسه حلوه على صوت الموج وضحك وهبال ومقالب اللي ما يخلى منها فواز >>وهل يخفى القمر و نجلاء اللي كانت تتروش وبتلحقهم وتوها طالعه من غرفه البنات الا وفيصل طالع من غرفة الشباب(للمعلوميه غرفه البنات مقابل غرفه الشباب) فيصل : مساء الخير نجلاء : يمه روعتي........... مساء النور فيصل : ههههه ليش روعتك شايفه جني؟؟ نجلاء : لا بس حسبتك فواز .... فيصل : اهاااااا طيب انتي وين رايح في ذا الليل؟؟ نجلاء : البنات كلهم تحت وانا بنزل لهم فيصل : وهم تحت وين ؟ نجلاء : على البحر فيصل : وان شاء الله بطلعين لهم ؟ نجلاء مستغربه : ايه فيصل : وانتي كذا ؟(قصده انك توك متروشه) نجلاء: هههههههههه ترانا في الصيييييييييييييييييف فيصل : طيب؟ انتي بتطلعين على البحر وجو البحر غير نجلاء : يووه عاد فيصل لا تعقدها جلسه بنات فيصل بعناد : لا يعني لا (وجلس في الصاله اللي بين الغرفتين ) نجلاء : يعني وش اجلس اسوي؟ كلهم تحت فيصل : وانا عادي اجلس لحالي يعني هم اولى مني نجلاء : لا .. طيب وش رايك تجي معي وننزل كلنا فيصل : جلسه بنات وش اقط وجهي له ؟ نجلاء : لا مشاري وفواز بعد معنا فيصل : ياربييييييييييه ذا النشب لزقه نجلاء: ههه هاه يله ننزل (بتوسل) تكــــــــــــــــــــــــــفى؟؟ فيصل بعد تفكير : اوووووووووكي يله نجلاء طمرت : يـــــــــــــــس فيصل : ههههههههههههههههههههههههههههههههههه الحمد لله والشكر والله وانهبلت زوجتك يا فيصل نجلاء استحت من حركتها وفيصل كمل عليها فيصل حس بحياها وندم على اللي قاله نزلوا فيصل ونجلاء وراحوا عند البنات فيصل ونجلاء : السلااااااااااااااااااااااااااام الكل : وعليكم السلام فواز : جوكم عصافير الحب غريبه تنزلتوا وجيتوا تجلسون معنا؟ فيصل : مو شغلك بعدين تعال انت واياه (يقصد مشاري) وش قعدكم مع البنات ؟؟ امحق شنبااات فواز: والله عاد هم اللي جو معنا والا هالجلسه انا ومشوري اللي اخترعناها العنود : هيه انت بتذلنا عليها ترا عادي نقوم مو بكل واحد يجي تقول له (الجلسه انا اللي مسويها ) من زينها فواز : انتي بالذات لا اسمع حسك ترا من عرفتك وانا كارهك ومناقرك وراي وراي حتى في السفر والحضر مشاري: ههههههههههههههههههههههههههه السفر والحضر رهيب انت والله ريم : اقول بنات خلونا ندخل والله احس اني مكتومه (تقصد بكلامها فواز) العنود : والله انك صادقه اف كتمه نجلاء : ماشاء الله عليكم يوم جيت قلتوا بنرجع والله ما علي منكم بتجلسووووووووووون العنود : ياعمري نجوول بس على الاقل انتي عند رجلك لو تطلبين عيونه ما بخل فيها عليك لكن انا عندي شوكه في بلعومي عيت تنهضم فواز : عنيـــــــــــــــــــــــده احترمي نفسك العنود : يووووووووووه خلاص مستر فواز عصب يله باي اللي بيجي يلحقي يا بخته فيصل عصب : بس انت واياها والله البزران اعقل منكم قامت العنود بتدخل الفله فيصل معصب : العنووووووووووووووووووووووود العنود واصله حدها : نعم؟؟ فيصل : اذا كلمتك ردي بادب العنود : طيب تبي شي انا بدخل فيصل : اجلسي العنود : ما اقدر فيصل عصب بزيااده : اقول لك اجلسي ولا تناقشين جلست العنود بعد ما خافت من فيصل وهو معصب فيصل : انتم جايين تتهاوشون والا توسعون صدوركم ؟؟؟؟؟؟ العنود : ................ فواز : ................. ريم كانت تلوم نفسها لانها هي السبب في اللي صار ريم : فيصل ...فواز ...انا السبب انا اسفه ( وقامت بتدخل الفله ) فيصل : ريم ؟ ريم : هلا فيصل : اجلسي ريم : فيصل لا تضغط علي انا تعبانه وابي ارتاح فيصل ما حب يضغط عليها بس كان يناظر العنود وفواز بلوم رنا حست شكلها غلط يعني العنود ورغد وفيصل وفواز ونجلاء ومشاري وتقول في نفسها " وش دخلني بينهم اروح لريم اللي فضحتنا احسن " رنا : عن اذنكم بروح لريم اشوف وش فيها نجلاء والعنود : اذنك معاك فيصل : مبسوطين؟؟ فواز : ......(كان خجلان من نفسه) العنود :.....(حاسه بالذنب ) فيصل : سكوتكم ماراح ينفعكم لكن ان كررتوها ما تلومون الاانفسكم ونشوف عاد (وقام واشر لنجلاء انها تقوم معه) ونجلاء استجابت لطلب فيصل وقامت اما مشاري حاس ان شكله غلط مشاري : عن اذنكم ..... بروح اجيب جوالي(يصرف) رغد : وانا بعد وش يقعدني اقوم اصرف قبل لا اشبك في الخط العنود : فواز ........... فواز : نعم العنود : اسفه والله مدري وش كنت اسوي يعني ما نت بوعيي فواز : اصلا اللي صار مو شي جديد بس فيصل مكبر الموضوع العنود : يعني انت مو زعلان ؟ فواز : اصلا فيه احد عنده اخت مثل عنيده ويزعل عليها العنود : يعني يومك بتمدح امدح بشي زين فواز : احمدي ربك اني مدحتك ....والحين يالله اقلبي وجهك وشوفي البنت مرتاعه وقولي لها ما صار شي العنود : ايه والله مسكينه روعها فصيل الدب فواز : لا يسمعك تراه بيقبرك العنود : اروح قبل لا يجي يومي يله باااي فواز : بااي وضحك على العنود وبرائتها بس جد قهرته ريم بالكلام اللي قالته وطنشها والا كان بامكانه انه يدخل بصراع ماله نهايه بس الله ستر نروح لريم اللي جد كانت متضايقه باللي سوته " يعني انا اكرهه طيب ليه ابين له وهو وش يهمه اذا عرف اني اكرهه ... ااااه وش استفدت الحين هذاهم الحين تطاقوا ....يارب ما ايصير والله ماراح اسامح نفسي " دخلت عليها رنا رنا: السلام ريم : وعليكم السلام رنا : مبسوطه؟؟ ريم : رنا والله ماني ناقصه اللي فيني مكفيني رنا : يعني على الاقل حسيتي بالغلطه عشان ما تكررينها وتعقلين ريم : رنا والله ما ادري كيف سويت كذا ... انا كان كل اللي اقصده ابين لفواز اني اكرررررررررررررررررررررررهه رنا : الله وهو وش يهمه اذا تحبينه او تكرهينه ريم : ما ادري بس احس اني ابي اوصل له هالمعلومه باي طريقه رنا : الرجال ما جاب خبرك وانتي تنطلين حكي احترمي انه رجال وانتي حرمه ... انا ترا ضيوف عندهم مو تشلين الكلافه بالمره لا ياماما هم اصحاب البيت وانتي ضيفه عندهم .... ريم : ياربييييييييييه انتي بعد لا تزيديني وشوي دخلت عليهم العنود العنود : اعترفوا من تحشون فيه ؟؟؟؟؟؟؟؟؟؟؟؟ ريم انبسطت لما شافت العنود تضحك : هههههه نحش فيك العنود : افاااااااااااااااااااااااااااااااااا رنا : لا ابد مانحش فيك ولا شي ....... بس ريموه ندمانه على اللي سوته العنود : ههههه ريموه ترا اللي صار يوميا يصير بس فيصل كبر السالفه يعني خليك ايزي ريم : يعني تصالحتوا ؟؟ العنود : شوفي فواز مافيه اطيب من قلبه يعني على كثر مقالبه وهباله وضحكه الا انه يملك قلب ناااادر وجوده بهالزمن ريم كانت تسمع وتحاول تبعد افكار جت في بالها وتحاول انها تبعد فواز من خيالاتها لكن الشي الوحيد اللي ما قدرت عليه (انها تنسى الكلام اللي قالته العنود) رنا : هييييييييه انتي ارحمي عيونك ريم : خير وش فيك العنود : هههههههههه لو تشوفين عيونك تو تموتين ضحك ريم : خير شايفيني مطنزه عندكم انتي واياها العنود : لا لالالالالالا حشى ما عاش من يتطنز عليك ريم : ايه خلك كذا تعجبيني == فيصل ونجلاء يتمشون على الشاطئ والجو كان قمه الروعه فيصل : نجلاء؟ نجلاء التفتت عليه : هلااا فيصل : لو سالتك وقلت لك وش الامنيه اللي للحين ما تحققت؟ نجلاء في قلبها"اتمنى املك قلبك لكن هذا شي مستحيل " فيصل : اشوفك ما رديتي؟ نجلاء:مافيه امنيه معينه فيصل : معقوله ؟ نجلاء: ليش لا؟؟ فيصل : لا يعني معقوله مافي بالك امنيه معينه والا ماتبين تقولي لي؟ نجلاء :................... فيصل : افهم من سكوتك انه فيه امنيه بس ما راح تقولينها صح؟ نجلاء تناظر فيصل بحزن : بيجي اليوم اللي تعرف فيه كل شي فيصل : نجلاء انتي كذا تعيشيني بدوامه ...صارحيني وريحيني وارتاحي .......لكن انك انتي تكتمين وانا تايه ما ادري وش القصه ..هذا اللي ما يرضي احد نجلاء : يا فيصل لا تستعجل .... الظاهر قرب الوقت اللي بتعرف فيه كـــــــل شي فيصل كان يموت ويعرف لكن : مع انه كان ودي اعرف الحين لكن ما ودي اضغط عليك ... براحتك نجلاء : شكرا فيصل فيصل : على ايش؟؟ نجلاء : ما ادري بس احس اني مقصره معاك كزوجه فيصل : الللللللللللله اذا انتي مقصره معاي كزوجه اجل اذا كنتي مو مقصره وش بتسوين نجلاء : فيصل انا جاده ما امزح فيصل : وانا بعد جاد نجلاء : يعني انت مبسوط معاي؟؟؟؟ فيصل : احس انه سؤال غبي لكن معليش اخذك على قد عقلك ...ايه نعم مبسووووووووووووووط بالمره اجل فيه احد عنده جوهره وما يكون مبسوط نجلاء استحت : ...... فيصل : بس فيك عيب واحد وشكله ماله علاج نجلاء خافت : وشو ؟؟ فيصل : اقول لك ماله علااج يعني مستحيل تشفين منه نجلاء : فيصل والله طاح قلبي تكلم وش فيني ؟؟ فيصل يبي يخوفها : اخاف اصدمك وتتعقدين نجلاء جد خافت : فيصل تكفى خوفتني تكلم قول شي فيصل : ............ما ودي اجرحك نجلاء خلاص شوي وتبكي :.......يعني شي خطير ماله علاج ؟؟ يعني بموت ؟؟ فيصل : ههههههههههههه بسم الله عليك من الموت نجلاء نزلت منها دمعه : فيصل لا تعلب باعصابي فيصل : الحين اخاف اقول لك ولا عاد تكلمين وابتلش عاد انا نجلاء : فيصل والله لو ما تتكلم ان ادخل واخليك فيصل : لالالا خلاص بتكلم البلا اللي فيه وماله علاج احم استعدي للقنبله نجلاء من حماسها تجمعت دموعها جاهزه للانهيار فيصل بنظره ساحره ذوبت نجلاء: مدري وش اقول يعني ابدا بـ عيونك اللي ساحرتني .... والا برائتك ....والا خجلك ......والا قلبك .....والا ايش وايش وكلها مالها علاج نجلاء كانت مستعده لصدمه قويه وجاها اللي اقوا منها انهارت دموع نجلاء انهيار اهي نفسها استغربته لكن اللي عرفته ان اول مره فيصل يقول لها كلام مثل كذا يعني يخص فيها شي فيصل : نجلاء ليش الدموع ؟؟ نجلاء : ..................... فيصل : نجلاء ترا جد خوفتيني عليك نجلاء:...........لا ما فيني شي فيصل : يعني بعد ماراح تقولين سبب دموعك وبيجي اليوم الل اعرف فيه صح ؟...................بس انا هالمره ما راح اسمح لك تاجلين بتقولين يعني بتقولين نجلاء : فيصل ..... ما اقدر اقول مااقدر فيصل : ممكن اعرف السبب ؟ ... يعني شي حرام والا عيب انك تصارحين زوجك ؟؟؟ نجلاء : لا يا فيصل لا السالفه مو كذا فيصل : طيب كلي اذان صاغيه ممكن تشرحين لي نجلاء خافت ماتبي تقول له : فيصل ممكن اطلب طلب ؟ فيصل : اامري نجلاء : ابيك تاجل الاجابه الله يخليييييييييييييك فيصل : يا نجلاء انا انسان مليت وانا انتظرك ابي اعرف شي واحد انتي ليش يوم تتغيرين وبعده لا ؟؟ وش السبب؟؟ وهذا شي من حقي اعرفه ... مليييييت وانا انتظر الاجابه وتعبت وانا افكر ....قولي لي وريحيني ...واوعدك ما راح يصير الا اللي يرضيك بس ابي ارتااااااااااااااااااااااااااااااااااااااااااااااا اااااح يا نجلاء ريحيني نجلاء اول مره تشزف فيصل كذا ضعيف وكانه فاقد شي واهو يبيه او يدور عليه "ااااااااه اجل انا مسببه لك تعب ؟؟ يمكن يكون معاك حق ....بس السالفه اكبر من اني اقولها يا فيصل مستحيييييييل " فيصل : نجلاء ؟؟ ردي علي ريحيني على بالك اكون مبسوط لما اشوفك متضايقه ولا تقولين لي ايش اللي مضايقك ؟؟ لا يا نجلاء انا اليوم اللي انتي تكونيفيه متضايقه اتضايق معاك ويشهد الله ان ما اقدر انام اللي افكر فيك واللي مضايقك ...حسي فيني يانجلاء ترا الواحد لصبره حدود وانا خلااص ماعاد لي حدود نجلاء : بس يافيصل بس ...............(تبكي) اللي فيني جرح كبييييييييير كبيييييييييييير يا فيصل وصعب اقوله لك صعب فيصل : لمتى يا نجلاء لمتى ؟؟؟؟؟؟؟؟؟؟؟؟؟؟؟؟؟؟؟ نجلاء : لا تخاف بيجي اليوم اللي تعرف كل شي ويمكن تعذرني على اللي اسويه فيصل : اتمنى لكن ما اعتقد اني باعذرك ؟؟.......لاني متاكد اني على صفحه بيضا ومستحيل شي يشخبط فيها والا وش الشي اللي كاتمته في قلبك الا اكيد انه فيني او عني صح ؟؟ نجلاء: خلااااااااااااص تكفى فيصل والله راسي عورني ما ابي اتكلم في الموضوع مره ثانيه انا جايه انبسط مو اكدر نفسي تكفى اذا تبي سعادتي ؟لاتجيب سيره لهالموضوع واذا جا الوقت اللي اقول لك فيه انا بنفسي بجيك واقول لك كل شي بس تكفى لا تضغط لي فيصل : نجلاء انا عمري ما ضغطت عليك بشي وراحتك وسعادتك اهم شي عندي بالدنيا كلها ....واذا على الموضوع خلاااص انا بحاول انسااه مثلما نسيت اشاء قبله لكن حبيت اقول لك شي فكري يا نجلاء قبل لا تتخذين أي قرار او تفكرين أي تفكير فكري واوزني الامور صح .....ويله ترا الوقت تاخر بس ماراح اتركك الا لما اشوف ابتسامه منك ابتسمت نجلاء ابتسامه غصب فيصل : لا يعني ممكن اشوف اسنانك اذا مفرشه والا لا نجلاء : ههههههه لا بروح افرش الحين ممكن ؟ فيصل : ايه كذا روحي بس هاه مو تلعبين علي وما تفرشين نجلاء : ههههههههههههه ان شاء الله يا بابا فيصل : حرام عليك يالعجوز اذا انا ابوك اجل كم بيصير عمري ؟ كبرتيني وانا توني صغير ..الله يسامحك بس نجلاء : ههههه ولا يهمك انت اصغر شايب وش تبي بعد فيصل : طيب ما كلفتي نفسك وقلتي اصغر شاب وشلتي الياء نجلاء : لالالالا اخاف اقول لك اصغر شاب وتصدق نفسك انك صغير والبنات ميتين عليك واروح انا فيها فيصل : ياقلببببببببببببببببببي على اللي يغارووووووون نجلاء استحت : يله بروح تبي شي ؟ فيصل : سلامتك نجلاء بابتسامه حلوه : تصبح على خير فيصل بابتسامه احلى: وانتي من اهله يتبع يله ابي ردودكم ....... وابي تعليقكم على الجزء .. وش الشي اللي اعجبكم فيه .. والشي اللي ما اعجبكم فيه .. تحياتي .....
|
|
#127
22-02-07, 12:22 AM
|
||||
|
||||
السلام عليكم
الله يعطيك العافيه وتسلم ايدينك. الجزء فيه تشويق وفكاهه جميله جدا تشكرين عليها . متابع دائم لجديدك.
|
|
#128
22-02-07, 01:30 AM
|
||||
|
||||
|
مشكوره حبيبتي أتمنى ما تكوني زعلانه مني
|
|
#129
22-02-07, 09:33 PM
|
||||
|
||||
|
مشكوره ياقلبي ......
ليش ملتطلع حلوه والي كاتبته شباصه قصيميه اسفه ياعمري لاتزعلين مني لانك حيل طولتي ....
|
|
#130
23-02-07, 11:20 PM
|
||||
|
||||
|
الجزء السابع عشر
الفصل الثاني -- ريم : اجل وين نجلاء ؟؟ العنود : يا بختها عندها من يدلعها مالت علينا رغد : سهله تبين تتزوجين ؟؟ الله يرزقك الرجل العجل قولي امين العنود : اااااااااااااااااااااامين رنا : صدق مهبل ريم : خليها توسع صدرها والله ما شفنا من الزواج الا الدلع واكبر دليل نجلاء وفيصل العنود : هييه الله يوفقهم لا ننظلهم الكل : الله يوفقهم وشوي دخلت عليهم نجلاء بابتسامه روعه نجلاء : السلاام الكل : وعليكم السلام العنود : الله الله وش ذا الابتسامه ريم : وش هالحلا رنا : تهبليين اليوم رغد : هييييييه اكلتوا البنت نجلاء : تسلمووون بس قولوا ماشاء الله لا تنضلوني الكل : ما اشاء الله العنود : وش قال لك اعترفي نجلاء : ياشين اللقافه العنود : يعني هو تركنا وهو معصب وشلون غيرتي مزاجه ؟؟ ريم : اذا هي ما غيرت مزاجه من بيغيره رنا : وانتم وش دخلكم ؟؟ بيجي اليوم اللي جا نجلاء وبتعرفون العنود : لا بس مو كل الرجاجيل مثل فيصل نجلاء : يا بختي ريم : ياهوووووووووووووووووووو من قدك نجلاء : هههههه يله عاد فكونا وقولولي وش كنتم تسوون ؟ العنود : تدرين انك طمااعه نجلاء : ليش؟ العنود : تبين تلحقين على كلش خلاص انتي لحقتي على اللي احسن مننا وش تبين بنا لازم تحضرين كلش؟؟؟ نجلاء : وش فيكم علي ؟؟ ماكله حلالكم ؟؟؟؟؟ ريم : لا حشى ما عاش من ياكل حلالنا نجلاء : والا يعني باكله ؟ ريم : والله مدري عنك كل شي تسوينه العنود : ههههههه برافوو ريم نجلاء : الظاهر اني انا بنت خالتك مو هي والا ما مليت عينك ؟ ريم : اوهوووووه زعلت طيب يا بنت خالتي انتي رنا : هذا وامك بعد مرضعتها يعني مفروض تكون من اطباعكم ولو شوي نجلاء : اقول قفلوا السيره ابي انوم وانتم شكلكم ما عندكم نيه تنامون العنود : الا والله بس كنا ننتظرك نجلاء: يله اجل نروح ننوم انا تعباااااااااانه الكل : يله كل وحده راحت لسريرها تستعد للنوم طبعا كل ثنتين في سرير ريم ونجلاء في سرير والعنود ورنا في سرير ورغد في سريرومعهاا نوف اذا جت .. الكل استعد للنوم ما عدا نجلاء اللي كانت تفكر بكلام فيصل ومستغربه من انهياره عليها " يااه يا فيصل والله انك متحملني وانا ما استاهل لكن...من اللي تتصل علي مييييين ؟؟ لحظه تذكره فيصل يوم يقول (لاني متاكد اني على صفحه بيضا ومستحيل شي يشخبط فيها) هل هو فعلا صفحته بيضا ؟؟ ياربيه والله ما ادري ما ادري يارب تبين لي الصدق والكذب يااارب ان كاني ظالمه فيصل يارب توجهني على الطريق الصح يااارب " نامت نجلاء وهي بهالافكار...... فواز : مشاري ؟؟ يادب لا تنوووم مشاري : منيب نايم اصلا انت تخلي الواحد ينوم ؟ فواز : ايه يا بختك فيني بعدين وين فيصلوه ومشعلوه اختفوا مشاري : افـــف فيصل مع نجلاء ومشعل نايم..... بعد فيه اساله ؟؟ فواز : طيب وابوي وابوك وينهم ؟؟ مشاري : انت متاكد انك شايف ساعتك فواز : تبي الصدق ما شفتها (يناظر ساعته 2:30) اللله متى صارت؟ مشاري : ياااااااااااارب الهمني الصبر وش رايك الساعه توقف وتمشي على كيفك ما ودك ؟ فواز : لا بس استغربت .. فواز : اف ملل لا تنوووم مشاري عصب : ياخي ابي انوووووووم ممكن فواز : لا موب ممكن يله قم تخليني لحالي مشاري بلين : فواز الله يخلي لك كل من يعز على قلبك خلني انوم فواز : بشرط مشاري : نعم؟ مد يده فواز (يعني حب يدي) مشاري : مابقى الا ذي فيصل : السلااام عليكم الكل : وعليكم السلام فواز : الله الله وش ذا الوجه المنور الله عليك يا نجلاء غيرتي مزاج اخوي بلمحه بصر (قلت لكم قلبه طيب ويسامح ولا يشيل في خاطره) مشاري : جيت والله جابك تعال فكني من ذا النشبه لا هو اللي نام ولا هو اللي خلانا ننوم فيصل : خير وش عندكم استلمتوني فواز : ياخي طفش مشاري: نم فواز : مافيني مشاري : والله شفت هالفله ؟ فواز : ايه مشاري : كبيره صح؟ فواز : والله من وجة نظري كبيره ومناسبه مشاري : وكم فيها من جدار فواز : اوهوو واااجد لحظه اول نحسب العواميد وبعدين نحسب الجدران مشاري : اذا خلصت حساب وخلصت كلللش يعني شطبت فواز : ايه وش اسوي مشاري : طق راسك فيها كلهااا ونااام فواز : هين يا مشيري منكد عليك مكند الله لا يعوقني بشر فيصل : فواز؟؟؟؟ ابي انوم فواز : وانت بعد فيصل : ايه حرام عليك الوقت متاخر ما يمدينا ننوم فواز : والله كسرتوا خاطري تركهم نايمين وشغل الاب توب يطقطق في النت ويضيع وقته == الصباااااااح الكل قايم والجو جناان و مع هدوء البحر صاير شي رهيب ريم ورنا و العنود ورغد : صباح الخيييير ام راشد وام فهد وام عبير وعبير والهنوف: صباح النور جلسوا يتقهوون وسواليف حريم ام فهد : اجل وين نجلاء ؟ الهنوف انقهرت من سؤال خالتها عن نجلاء (غيره ) العنود : نايمه ام راشد : وش فيها تعبانه ؟؟ العنود : لا بسم الله عليها بس تقول ما نمت بدري وقالت بنوم شوي ام فهد : ايه اشوا روعتيني ..... عبودي: ماما عبير : عيون ماما نعم حبيبي عبودي : وين هديل؟؟ عبير : مدري يمكن تلعب برا عبودي : ما فيه احد دولتها في كل مكاااااااان مالقيت (دولتها = دورتها) ام راشد :هو عبودي وين هديل ؟؟ لاتكذب ترا اللي يكذب ربي يحطه في النار عبودي : والله الادييييييم (الاديم= العظيم) ام راشد : يمه بنيتي رنا كانت تسمع عبود وميته خووف رنا : بقوم ادورها (وقلبها يدق بقووه خايفه عليها بجد ) راحت عند الشغالات : وين هديل ؟؟ اجوبتهم متشابهه الاولى : مافيه شوف الثانيه : اول يلعب بعدين روح ما ادري وين والباقي نفس الشي رنا طلعت تدورها يمكن تلعب بس مالقت احد راحت لريم واخذت جوالها واتصلت بمشعل رنا صوتها رايح وشوي وتبكي : مشعل ؟ مشعل مرتاع : ريم ؟ رنا : لا انا ...انا رنا مشعل : هلا رنا وش فيك رنا تبكي: مشعل مالقيت هدول والله دورتها في كل مكان ما لقيتها تكففى قولي وينها ابي اتطمن بس مشعل : رنا هدي نفسك هديل معي انا وديتها للبقاله والحين جايين رنا : احلف مشعل مشعل : والله العظيم خلااص الحين بجي وبتشوفينها بعينك رنا : والله لو كنت تكذب والله ......سكتت وقالت ..يله مع السلامه مشعل استغرب : مع السلامه رنا ارتاحت وهدت شوي ورجعت عندهم ام راشد : هاه بشري لقيتيها ؟ رنا : ايه اتصلت على مشعل وقال انها معه ام راشد : ومايعرف يدق يقول انها معه بس ياخذها وبس رنا : الحمد لله انها معه والا كان بتنغرف قلوبنا الكل : الحمد لله العنود : يله بنات جوعااانه ابي افطر ريم : وانا بعد رغد : وانا بعد العنود : طيب وش رايكم نفطر على البحر حلو لجو الحين ريم : ايه والله فكره الكل :يله اجل ام فهد : العنود ؟ العنود : هلا يمه ام فهد : وين بتروحون ؟ العنود: بنفطر برا ام فهد : بتفطرون الحين ؟ العنود : ايه يمه ام فهد : استنوا لين تقوم نجلاء وافطرو سوا العنود: لا يمه والله جوعانييييييييين ام فهد : كيفكم طلعوا البنات وهو طالعين الا ويدخلون مشعل وهديل هديل على طول راحت لرنا رنا : هدوول شلونك ؟؟ هديل : تيبه (تيبه=طيبه) مشعل : هاه ارتحتي الحييين رنا استحت : ايه الحمد لله مشعل يا الله يا رنا .. والله امها ما كانت تهتم فيها كذا .. : يله انا استاذن رنا : يله هديل تعالي نفطر هديل :شريت لك حلاوه رنا : هههه شكرا هديل : ثوفي (ثوفي= شوفي) رنا : الله كت كاات احبه هديل : حتى بابا يحبه رنا تاثره بهالكلمه بس سكتت : يله هدول اول ناكل فطور بعدين حلاو هديل : طيب يله بثرعه ناكل رنا : هههه يله كلهم جالسين يفطرون وفله حجاج العنود : الله حلو الجو ريم : تصدقون ما اذكر متى اخر مره جيت للشرقيه العنود : كذاابه يعني ما تجونها كثير ؟ ريم : لا نادرا العنود : ليييه ريم : من يودينا يعني صعبه شوي وانتم ومتى تجونها العنود : كل سنه تقريبا مره او مرتين ريم : امم ما شاء الله هديل : اميمه خلصت فتور ابي حلاوه (فتور= فطور ) رنا : طييييييب وطلعت الكيس هديل : هذا حقك (تقصد الكت كات) ريم : هئئ هديييييييل تشترين لرنا وانا لا؟؟؟ هديل : عسان انا احب اميمه رنا (عسان=عشان) ريم : طيب اصلا انا زعلت العنود : اشتهيت كت كات ابي رنا : اعوذ بالله من عيون الحاسديييين العنود : هئئ انا حاسده رنا :ههه لا بسم الله من الحسد === نجلاء قامت بكسل بعد ما رن جوالها نجلاء بصوت نااعس : الوو فيصل : يالنواامه قومي نجلاء نايمه ما تدري من تكلم : من انت ؟؟ فيصل : بعد من انا لا انتي منتهيه يله بااي نجلاء ماتدري وش يقول اهم شي انها ما تقوم اتصل فيصل على العنود العنود : الوو فيصل : هلا والله يعنودي العنود : لحظه لحظه الشمس مع وين مشرقه اليوم فيصل : هههه بايخه العنود : هات من الاخر فيصل : فيه احد في الغرفه عند نجلاء العنود : لا ليش؟ فيصل : لانها الدجاجه نايمه وابي اقومها العنود : يعني تسهرها ولا تبيها تنوم والله انك طمااع يله رح لها بس ياااويلك ان روعتها فيصل : هههههه طيب يله مع السلامه وسكر الخط فيصل دخل الغرفه اللي فيها نجلاء فيصل بصوت واطي : نجلاء نجلاء نجلا : هممممم فيصل : ( الظاهر ما ينفع معك الا اللي في بالي ) فيصل بصوت عالي : نــــجـــــلاء نـــجــــلاء قومي حريييقه !!! نجلاء مرتاعه : يـــــمـــــــه يــــمـــه حريقه فيصل : بسم الله عليك لا بس كنت ابي اروعك .. نجلاء : ليييييييش .. فيصل : يله قومي نجلاء : ابي انوم فيصل : لالالا مافيه نوم نجلاء :فيصل حرام عليك ابي انوم ما نمت الا متاخر ... فيصل : لالا اقول قومي الحين نجلاء : فيــــــــــــــــــــــــصل تكفى طلبتك فيصل : نو نو نو مستحيييييييل خلاص مافيه امل نجلاء : طيب خلاص اصلا الروعه تخلي الواحد ينوم فيصل : هههههههههه عشان مره ثانيه تقومين بسرعه نجلاء : يصير خير راحت نجلاء الحمام .. وفيصل طلع ينتظرها برا طلعت نجلاء من الغرفه نجلاء : هئئ انت هنا فيصل : ايه اخاف انك تنومين قلت اكون قريب نجلاء : حرام عليك فيصل : ما عندي حرام انا عندي كلش حلال وعلى فكره ترا انا اتلذذ وانا اشوفك مرتاعه نجلاء : ياربييييييييييييه الله يصبرني على ترويعاتك لا تجيني صدمه قلبيه فيصل : لالا عاد ماتوصل لهالدرجه بسم الله عليك ونزلوا فيصل ونجلاء تحت في الصاله نجلاء وفيصل : صبااح الخير الكل : صباح النور ام راشد : نجلاء وش ذا النوم؟؟ مشاءالله عليك وش خليتي للناس نجلاء : والله كنت سهرانه امس (ذكرت من كانت سهرانه معه وناظرة فيصل اللي ابتسم لها) ام راشد : هاه وش استفدتي من السهر ؟؟؟ نجلاء : طيب خلاص معدني ساهره وبعدين كلنا سهرنا شمعنا انا بس اللي مسكتوها علي.؟ فيصل : بكل بساطه لانك نوامه نجلاء : اااه والله ما شبعت نوووم فيصل : بعد ذا كله ما شبعتي؟ نجلاء : لا اله الا الله والله حاسديني على الكم ساعه ام فهد : ماعليك منهم وروحي شوفي فطورك انتي وفيصل معزول في المطبخ نجلاء : ان شاء الله فيصل : يلله عن اذنكم راحت نجلاء تجهز الفطور وفيصل جلس على احد الطاولات اللي على البحر جابت نجلاء الاكل وحطته على الطاوله وسرحت في البحر مقابل فيصل اللي بدا ياكل فيصل : وليش ما تاكلين ؟ نجلاء: يعني ما تعرفني ؟؟ ما احب اكل اول ما اقوم فيصل: يعني عاجبك جسمك يالعصلا كلي واتركي عنك الدلع نجلاء: انا عصلا ؟ انا عاجبني جسمي واحافظ عليه فيصل : الله ياذا الجسم عظاامه وين جسم حلو معه نجلاء : والله ما فهمنا لكم ان سمنا قلتوا سمان وان نحفنا قلتوا عصلان وش نسوي يعني اشق هدومي فيصل: لا انا عندي لك حل (ورفع كم التي شيرت وطلع لها عضلاته) نجلاء : وشو؟ فيصل: العضلات احلى شي طلعي لك عضلات تحافضين على جسمك وتدافعين عن نفسك نجلاء : الظاهر الجوع ماثر فيك ... وش عضلاته؟ فيصل : لا انا اتكلم جد نجلاء : فيصل تستهبل ؟؟ تبيني احمل اثقااال؟؟ فيصل : ليش لا ؟ نجلاء : قل والله اني صادق فيصل : وليش اكذب نجلاء : يعني انا اخاف منك ومن عضلاتك تبيني اروح اسوي مثلك ؟ فيصل : يعني عضلاتي تروع نجلاء : وانت وش رايك؟ فيصل : يعني عاديه ... وانتي ان شاء الله ماراح تطلعين عضلات؟ نجلاء : اكيد لا فيصل : وتبين عيالي يصيرون ضعيفييين ؟ لا يا ماما ابي عيالي يجون مو بس على ابوهم لا عشان ناكدها يصيرون امهم وابوهم نجلاء : احلف انك ما شربت شي اليوم؟ فيصل :ههههههههههههههههه والله ما شربت وش فيك انتي ؟؟ اثقاال قلت لك اثقاال ما قلت سم نجلاء : فيصل غير الموضوع لاني صدع راسي واذا رجعت لعقلك تعال نتناقش فيصل : طيب كلي انتي الحين نجلاء : بشرط فيصل : تدللي نجلاء : ما تفتح هالسالفه مره ثانيه فيصل : هههههه لهالدرجه مسبب لك رعب نجلاء : واكثر فيصل : خلاص انتي كلي الحين ويصير خير نجلاء: نشوف عاد يا انا يا انت قال ايش قال عضلات فيصل : ههههههههههههههههههههههه كلي بس كلي == اما فواز كان اخر واحد نايم وللحين ما قاام ومشاري يصحي فيه وهو لا حياة لمن تنادي مشاري : فوازوووووووه قم ووجع جالس لحالي كني جني فواز : تعرف تنقلع برا ؟؟ مشاري : لا ما اعرف فواز : مشيري والله ان قمت عليك يا ويلك مني مشاري : يله قم ورنا همتك (كان يتحداه عشان يطير النوم منه) فواز : شف انا ما احب احد يتحداني واللي يقهرني انه مو قد التحدي مشاري: حبيبي انا قد التحدي غصب عنك فواز : متاكد ؟ مشاري: يعني وش بتسوي ؟ فواز : مو شغلك قام فواز بيفرش مشاري لكن مشاري تمالك نفسه وانحااااش وفواز يلحقه (طبعا ببجامته ) فواز : قلت لك وقف يا جباان مشاري: منيب موقف واعلى مافي خيلك اركبه فواز : اذا قلت لك انك منت قد التحدي لا تقول لا مشاري : هههههههه ودخلوا الصاله وفواز يلحق مشاري ام راشد : هو وش فيهم ذولا جنوا ام فهد : الله يكمل ولدي بعقله حتى ملابسه ما كلف يغيرها ولا زالوا يتلاحقون مروا من المطبخ عند الشغالات وهم يضحكون عليهم ا ينلامون (الطول طول نخله والعقل عقل سخله) مروا من عند البنات العنود : هيييييييييييه انتم وش ذا الهبااااال فواز : ترا بقلب عليك العنود : طيب غير ملابسك على الاقل فواز توه ينتبه لنفسه ووقف يناظر شكله استحى من نفسه بس ما حب يبين انه مستحي فواز : ليش ما سمعتي باخر موضه العنود : لايكون البجايم صارت موضه فواز :ايه العنود والبنات : ههههههههههههههههههههههههههههههه مشاري : لااااااه اجل اروح اغير فواز : انصحك مشاري : تهقا ؟؟ فواز : على ضمانتي العنود : هييييييييه انت وايااااه فواز ومشاري : نعم العنود : استحوا على وجيهكم وغيروا ملابسكم فواز : مشاري ؟؟؟ مشاري : نعم؟ فواز : انطم ... مشاري: احلف؟ فواز:والله مشاري:والله ان فااااضي فواز : بما اني فاضي ..... خلنا نسوي شي مشاري : وش تبي تسوي وانت ببجامتك قم غير بعدين تعال..... فواز : من قال لك اني بغيرملابسي؟؟؟ مشاري طير عيونه :: اجل ؟؟ فواز : الحين اقول لكم موضه تقولون غيرها ؟؟ مشاري: استح على وجهك انت .......تراك منتب لحالك في البيت فواز: الله واكبر عاد ....كلهم اهلنا مشاري: والله الكلام معك ضايع (وقام) فواز : ويييييييين؟؟ مشاري: اذا تعدلت علمتك وين بروح له فواز: اصلا عرفت وين بتروح خلاص مشاري : لاااااه ويالله يا عبقري زمانك وين بروح فواز بضحكه انتصار : بتروح تلبس بجامتك مشاري هنا كان وده يذبحه : فوييييييييييز انطــــــــم فواز مييت ضحك : خلاااص والله خلااااص تعال مشاري : بشرط ؟ فواز : نعم اشرط تدلل مشاري: تقوم هالحين وتغير هالقرف اللي انت لابسه فواز: مالت عليك هالحين هذا قرف ؟ لا تحدني اروح البس سروال وفنيله مشاري ما قدر يمسك ضحكته : هههههههههههههههههههههه اتحدااك فواز: احسن لك تتراجع لاني بسويها مشاري : هههههه اتحداااااااااااااااااااااااك فواز : طييييييييييييييب يا مشيري بس مو اذا لبستها تجي تقول تكفى غيرها مشاري: ههههههه طيب قام فواز بيروح يلبس مسكه مشاري: تعااااااااااااال انت مصدق فواز: ايه مشاري: هالحين ما تحملتك ببجامتك تجيني بسروال وفنيله ؟؟ فواز: عاد والله محد ضربك على يدك وقال لك تتحداني مشاري: اااااااااااااااااسف خلاص بس اعقل فواز : بشرط مشاري: صبرك يا ايووووب فواز : تقوم الحين على حيلك وتمشي قدامي نروح نسبح مشاري: احلف انت فواز : والله .......... مشاري: ما كفاك يوم فصيل ومشيعل ينطلونا ؟؟ فواز : والله انا كنت ما ودي اطلع بس خفت ما اطلع وينتصرون علينا مشاري : ماااااااااشاااااااااااااءاللللللللللللله فيك الخير والله فواز بفخر : الله مير يسلمك ما عليك زود الله يخليك مشاري: اقول روووووووووووووووووووح مصدق نفسك انت ؟ فواز : والله انك ما تستاهل اللي يجلس معك ماااالت عليك قام فواز بيدخل عند الرجال في الخيمه فواز ببجامته : السلااااااااام عليكم ابو فهد وابو راشد وراشد وفهد وفيصل ومشعل : وعليكم السلام (وهم كاتمين الضحكه) ابو فهد : فوييييييير وش ذا اللبس؟؟ فواز : الموضه طال عمرك ابو فهد : وش موضته كفانا الشر منها قم قم لا تجلس قم فواز : افااااا يا ابو فواز تقومني من مجلسك افا بس افا فيصل : فوازوووووووه قم الله يفظحك فظحتناااااااااا قم غير هاللي انت لابسه فواز : شوفوووووووو انا هاللبس منيب مغيره مريييييح مشعل :الحمد لله على عقولنا ابو فهد: قم ورني عرض اكتافك فواز: يبه ممكن سؤال؟ ابو فهد : هااه اخلص؟ فواز: انت وش تنوم فيه؟ او بعباره اصح وش تلبس اذا جيت تنوم؟ ابو فهد عصب : فوييييييييييييييييييز قم والا ترا ما يجيك خير فواز : ياربيييييييييييييييييييه متى بتتبعون الموضه انتم ؟ ابو راشد : خله يا رجال وش عليك منه بعدين ما عنده اجناب انا اهله فواز : اييييييييييييييه شوفوا التقدم والحضاره الرقي واتباع الموضه ...... مشعل : فويييييييييييييز وجع بالع راديو فواز: اقول انتم هيه ترا لي اسم ابو فهد : بتقوم والا شلون فواز : خلاااص قمت هااه وطلع وهو مسوي نفسه زعلان >>بس قلبه ما طاوعه ان ابوه يكون زعلان عليه رجع فواز وحب راس ابوه وطلع في هالوقت نفسه كان مشاري جالس على البحر لحاله وسرحااااااااان ومعاك كوب نسكافيه (كان لابس نظاره شمسيه .... وكاب اسود ....تي شيرت بيج مخطط باسود ...وبرموده جينز اسود ... وكوتش ااسود وبيج ) كان شكله جذااااااااااااااااااب وهو في قمه سرحانه ......: بوووووووووووووووه اللي ما خذ عقلك يتهناااااااااااا به مشاري : روعتيـــــــــــــني حسبي الله على بليسك ريم : وش اخبارك يا دب مشاري : بخيييير يالعصلا ريم : اقول وش ذا الكشخه اليووووووم وش عندك لا يكون مواعد (وتغمز له) مشاري : يا شين اللي يكلم مراهقيييييييييين ريم : هييه احترم الفاظك ترا عطيتك وجه مشاري : اجل انا اكلم ؟؟ واقابل بعد ؟؟؟ خووووش بنت خاله اقلبي وجهك يله ريم : هذا جزااااي جايه بوسع صدرك مالت عليك وقامت زعلانه مشاري : رييييييييييييييييييييم وجع تعالي ابيك في سالفه ريم لفت عليه : نعـــــــــم اخلص عندي اشغال اهم من خرابيطك ولا تنسى المره الثانيه خذ موعد قبل المقابله مشاري : اقول لا يكثر تعالي ابيك جت ريم ووقفت جنبه مشاري : لا ابيك تجلسين يمكن السالفه تطول وتنكسر رجولك علينا ونبتلش فيك عاد ريم:تفضل مستر مشاري مشاري : احم احم .....اولا: وش اخباركم ؟ ريم : انا بخير مشاري : لا مو انتي لحالك كلكم ؟ ريم: احنا كلنا بخييير وليش هالسؤال؟ مشاري : حرام اسال عن بنات خالتي وبنات عمي ريم : اييييييييييييييييييييه على بالي بعد مشاري : اقول ما ودك بكف كذا حلوو ودافي ريم: لاااا شوووووووووكرا ما تقصر مشاري: اجل اعقلي واصطلبي (وجلس يلعب بجواله يبي يزيل التوتر اللي حس فيه) ريم: هيييييه انت مجلسني هنا عشان تعلب بجوالك؟ يا تعطيني اياه اتفرج عليه والا خلني اروح اصرف لي مشاري: وين تروحين له؟ ريم : عند البنات يعني وين؟ مشاري : وانتم ما مليتوا من بعض؟ من جينا وانتم مع بعض ؟ ريم : والله اذا انت مليت من فواز انا بنمل من بعضنا مشاري ذكر شكل فواز مات ضحك :هههههههههههههههههه فواز هههههه توني متهاوش انا واياه ريم: على اييييييييييييش ؟ مشاري : يستهبل الاخ بيروح يغير بجامته بسروال وفنيله ريم تخليت شكله كذا و..: هههههههههههههههههههههههههههههههههههههههههههههههههه هههههههههه >>مغشي عليها من الضحك اما فواز راح وتروش وغير ملابسه ونزل يدور مشاري وقالت له اشغاله انه برا مع ريم تردد انه يروح والا يجلس قال باتصل عليه واشوف مشاري: اقول انطمي جبنا سيرة القط جانا ينط فواز:الوو مشاري: هلا امداك تشتاق لي؟ فواز: اقول لا يكثر مشاري : والله صادق اللي قال "جبنا سيرة القط جانا ينط" فواز: هئئئئئ تحش فيني هين يا مشيري بس من تحش فين عنده لاتقول عند ابوي (يصرف الرجال عارف انه عند ريم بس يتسغبي) مشاري : لا .......... فواز: اجل عند مين يا دب تكلم مشاري : عند وحده من البنات فواز: كللللللللللهم والا وحده مشاري : ترا عطيتك وجه فواز : انطم بس يله وينك بجيك مشاري : اصبر لا تجي الحين اذا خلصت ناديتك فواز : فاضي لك انا ....................يله جيييت وسكر السماعه مشاري : يله اقلبي وجهك جا فواز ريم: مالت عليك طيب قلها باحترام هذا جزاي اللي جالسه معك ما تستااااااااهل مشاري : اقول هذا هو جا يله بسرعه روحي ريم : ففففففففففففففففففففففف طيب اما فواز كان من بعيد وعارف ان هالبنت هي ريم بس منزل راسه >حركات فواز : سلاااااااااااااااااااااااااااااااام على الغالييييييين مشاري يتلفت ما صدق : تكلمي يالاخو؟ فواز: هههه ليش فيه احد وراك؟ مشاري : لا بس توني متهاوش وياك وش اللي صفى القلوب فواز : ليش انا عمري ما صفيت قلبي مع احد ؟؟ مشاري : اقوووووووول متاكد انك فواز؟؟ اخاف مستنسخ فواز :ههههههههههههه لا فواز بشحمه ولحمه مشاري : أي شحم ولحم وش هالعقل الل يطلع لك من متى؟ فواز: والله انا عاقل بس انتم ما اكتشفتوني الا متاخر يعني مشكلتكم مشاري : اقوول لا يكثر ويالله قدامي على الغداء اكيد حطوه وتراني ميت جوع فواز : ادري بك دب وما يهمك الا بطنك ... خلك رشيق مثلي مشاري : لا حبيبي الرجال مايعيبه جسمه وبعدين من قال لك اني دب انت اللي معصقل عافانا الله فواز : كنك تعديت حدودك يالاخو... مشاري : فوازوووووووووه انا لو اجلس معك اكثر من كذا بينط لي عرق فواز : اف يالله يالله تحرك لا اشوتك الحين مشاري : تستقوي علينا ؟؟ امش قدامي اشوف ما بقى الا العصلان == عند الحريم كانوا يتغدون كلهم ما عدا البنات >>ناوين نيه ام فهد : تعالوا تغدوا العنود: لا يمه شبعانييييييييييييييييييييييين ام فهد : لا تتكلمين عنهم انتي شبعانه لكن هم؟ نجلاء : لا خالتي كلنا تونا مفطرين ام فهد : براحتكم العنود : اقول بنات تعالوا نطلع شوي ... البنات : يله طلعوا البنات وكانوا يخططون وش يتغدون العنود : بنات نبي نروح للمطعم مانبي نطلب نجلاء : ومن الفاضي اللي بيوديك ؟ العنود : حبييييييييييييييييييييبي فصووولي رغد : والا عاد فيصل الحبيب اللي بيوديك العنود : انتي يا نجلاء اللي اقنعيه نجلاء : اجل من هالحين انا اقول لك ما فيه روحه فيصل واعرفه زيييييين العنود: طيب جربي موب ظارك نجلاء: اوكي بس مو تتفاجأون لاني اعلمكم من الحين العنود: انتي كلميه وعطيه كلمتين حلوين وبيوافق ما حست العنود الا بكف (طبعا مزح) العنود: ااااااااااااااااه وجع ان شاء الله خلك رقيقه نجلاء: لايكثر يله بنات تشاااو وراحت تتصل على فيصل اللي كان في الخيمه او مجلس الرجال رن تلفون فيصل وقام بيرد طبعا ما قام الا يوم شاف رقم نجلاء فيصل : هلاا والله نجلاء استحت: اهليييين وش اخبارك؟ فيصل : تمااام التمااام انت اخبارك؟ نجلاء : مبسووطه المهم فيصل انت تغديت؟ فيصل : ايه ليش انتي ما تغديتي؟ نجلاء : ...امم....لا ومو بس انا لحالي لا كلنا فيصل : وليش ما تغديتوا؟ مسوين ريجيييييييم؟ نجلاء : لا الله يخليك أي ريجيم بس .....مشتهين نتغدى برى فيصل : شوفي انا مستعد اوديك انتي لكن هم لاااااااا انا ملزوم فيكي انتي وش علي منهم ؟ نجلاء : لااا فيصل حراام والله كلنا جوعانيييين فيصل : تبيييييييييين اوديك انتي وديتك لكن كلكم لاااااا نجلاء : فيصل تكفى علشااان خاطري فيصل ما حب يكسر خاطرها : طيب شوفي انا باسال فواز ومشاري يمكن يقدرون يودونكم وارد لك خبر نجلاء بحزن : يعني انت ما راح تودينا؟ فيصل : نجلاء ... حبيبتي...(نجلاء هنا انتفضت) انتي تعرفيني ما احب لهالاماكن وانا كثيرين تخيلي شكلي وانا داخل ووراي 6 حريم مو حلوه نجلاء : اوكي خلااااص يله بااااي فيصل : وش بااي وانتي زعلانه ؟ نجلاء :لا مو زعلانه بس باتصل بمشاري اقول له فيصل : نجلاء ..... ما ابيك تزعلين مني لكن اوعدك اوديك بس انتي اصبري ولا تختارين هالاماكن نجلاء : خلااص فيصل انا مو زعلانه بس ودي الحق اتصل على مشاري قبل لا يطلع او ينام فيصل : خلاص يله بااااي نجلاء: بااااي وراحت نجلاء اتصلت بمشاري نجلاء لا زال الحزن في صوتها : الوو مشاري : هلاااا والله بمرت فيصل ( ويناظر فيصل ) نجلاء ما قدرت انها ما تضحك: هههه وش اخبارك؟ مشاري: غزااااااااااال وانتي؟ نجلاء : مييييييييييته جووع مشاري: وليه ما تغديتي؟ نجلاء : لاني مشتيه اطلع مع اخووووي حبيبي ونتغدى كلنا برا مشاري : وكلنا هاذي تعود عليكم يالبنات بشكل عام ؟ نجلاء : براافوووو ناجح في القواعد والنحو هاه تكفى لا تردني؟ مشاري: امممم شوفي انا انسان ما بعد تغديت لكني ما احب اكل هالمطاهم الخرابيط نجلاء : واللللللللله؟ انا اجل اللب باغديك وانت اللي اختار المطعم على كيفك مشاري : امم والله رحمتكم يله البسوا عباياتكم بنروح الحين بس اللي يتاخر ترا بنروح عنه قد اعذر من انذر نجلاء بفرح : اوووووووووووووووكي عطنا دقاااااايق واحنا طيرااان راحت نجلاء وقالت لهم وحذرتهم من التاخير لان لو تاخروا بيروح عنهم مشاري البنات كلهم " هياياااااااااااااااااااااااااااااااااااااااااااااا ا >>فرحانييييين موووت العنود قالت باخذ دش سرييييع على بال ما يلبسون وخلال ما لبسوا كلهم ونزلوا وراحوا لسيارة مشاري (طبعا مشاري اخذ سياره راشد عشان ما يروح بالباص) مشاري كان ينتظرهم وبدا يعصب على تاخيرهم ركبت نجلاء قدام وريم وراها وجنب ريم ركبت رغد ورنا والعنود للحين ما نزلوا جا مشعل يشوف وش عندهم مشعل : على وين ان شاء الله مشاري : بنروح نتغدى ونجي مشعل : ماشااااء الله وانا تملون بطونا برز ولحم وانتم تكشخون في المطاعم ...كان علمتونا ما نتغدى ونروح معكم نجلاء : ولا يهمك بكره دورك واليوم مشاري مشعل : اقول صدق ما تنعطون وجه يالحريييم ريم من ورا: مشعـــــــــــــــــــــــــــــــــل؟ مشعل : وجع اسمعك انا ليش تصارخين ؟ ريم : وش اخبارك؟ من زمان ما شفتك ؟ وش علومك ؟ مشعل راح لها من شباكها : هلاا والله باختي اللي ما ولدتها امي وش لووونك ؟ ريم : هلا بك احم احم اخجلتم تواضعي مشعل : مااااااااالت عليييك يادبى جت رنا تبي تركب بس مشعل واقف واستحت تقوله وخر باركب فتنحنحت رنا : احم .. كح كح >>>تعرف تجلب الانظار مشعل : هلااااااااااااا واللللللللللللله برنا بنت خالتي القاطعه اللي ما تسال رنا استحت : هلا مشعل وش اخبارك؟ مشعل : انا تماااام( ووخر عنها علشان تركب ) ركبت رنا وكل عرق كان ينبض فيها من راسها لين رجولها بس تحاول ما تبين له مشعل حس بارتباكها ........ وحاول يدور تفسير له لكنه قال اكييد انها...........(وسكت ) مشاري : هاااااه ترا باحرك ولا علي من احد نجلاء : لااااااااااا بقى اهم وحده مشاري : افففففففففففففف منهي ذي ؟ نجلاء وهي تدور جوالها : العنود مشاري اختبص : وش تسوي ؟ نجلاء وهي تدور رقمها : كانت تاخذ دش ...الوو العنود بخرشه: هاااااااااه مين ؟ نجلاء : انا نجلاء يله بسرعه ترا بنروح عنك العنود : ياويييييييييييييييييييييييييلكم يلله جيت نجلاء: وش تسوين؟ العنود: جالسه ادور طرحتي(شيلتي) نجلاء : شوفيها جنب سرير رغد عقبك امس يوم ترقصين مصري العنود: ايييه خلااص لقيتها مشاري ماات ضحك : ههههههههههه العنود ترقص مصري نجلاء: هههه لا تتدرب مشاري: وانتي ما تعرفين؟ نجلاء: لا ولا ابي اعرف مشاري: وانتي يالجنيه (يقصد ريم) ريم : ايييييييييه اعرف واعجبك بعد مشاري : والباقيين ؟ رغد : انا اصلا ما احب الرقص خييييير شر رنا : ولا انا مشاري : مالت عليكم وش تحبون اجل ؟؟ طيب من يعرف رقصه البرتقاله ؟ ريم : العنووووووووووووووووووود تظبطها العنود: السلاااااام عليكم الكل :وعليكم السلااااام العنود: ابي اركب مشاري: اركبي احد ماسكك العنود: ما ابي اركب ورا ابي اجلس هنا (تاشر على ريم) ريم: اقوول روحي يا ماما العنود : رغد تكفييييييييين بجلس مكانك تكفيييييين حبيبتي انتي رغد : شوفي برجع بس مو عشانك بس عشاننا تاخرنا راحت العنود وجلست مكان رغد ورغد ركبت ورا مع رنا وحركت السياره نجلاء: وين بتغدينا فيه؟ مشاري: شوفوا عاااد بما اني اول مره اوديكم بوديكم مطعم سنع لكن مره ثانيه حدكم (ماكدونالدز) العنود: هههههههههههههههه رهييييييييييييبه تصدق اني افضله عن كل المطاعم مشاري : لااه اجل اوفر على تفسي مشوار واروح له نجلاء: هييييييه انت واياه وش توفر ووش تخلي رووووح بس ابي مطعم حركات يليق بمستوانا مشاري: يمدحون مطعم هندي فيذا نجلاء: وااااااااااااااااااااو يا رهيييييب انت يله نروح له ريم : هييييييييييه انتي وش هندي تستهبلين ؟ مشوري؟ مشاري: هلا ريم: مشتهيه مطعم بحري مشاري: من ياكل سمك ؟ الكل : كلنااااااااا مشاري: اجل نروح مطعم بحري ريم : يـــــــــــــــس يحيى العدل مشاري: سدي حلقك لا انتفه لك ريم : اففففففففففففففففففف ناظر مشاري من المرايه اللي تعكس وشاف العنود تلعب بجوالها ورفعت راسها وطاحت عيونهم على بعض مشاري ارتبك من الربكه ما حس بالطريق نجلاء تصارخ: مشاااااااااااااااااااااااااااااااااااااااااااري مشاري للحين مرتبك : هاااااه ؟ نجلاء: وجعاااااااه ناظر طريقك بغينا ندخل في العامود مشاري : طيب طيب العنود : ما حست بالروعه يوم بغى يصدم كثر ما ارتاعت لما شافت عيون مشاري اول مره تطيح عيونها في عينه اربكتها هالحركه وما لقت لها تفسير غير انها معجبه بعيونه (لا اكثر ولا اقل) وصلوا للمطعم دخل اول واحد مشاري والباقي كلهم وراه كان يمشي بكبرياء ولافت النظر (والكل يقول يحق له يتكبر ويغتر في نفسه) لكن من طبع مشاري انه يطنش ...يعني اذا مره عند بنات يسمع نغزات حكي وتغزل بس يطنش ولو هو احد غيره كان ما صدق ) انقسموا البنات لكبينتين الاولى فيها ريم ومشاري والثانيه فيها رنا ورغد والعنود ونجلاء العنود كان فيها طاقه ما تدري شلون جتها اول وحده خلصت اكل وبعد ما خلصت اشتغلت حكي وبربره مشاري كان يسمع صوتها بما انهم جنب بعض بس ما يدري وش تقول مشاري: العنووود ؟ العنود :يمه .؟ من ذا اللي يعرفني؟ مشاري: انا مشاري يالخبله العنود : هلااا مشاري؟ وش رايك بالاكل ؟ مشاري: رهيييييب وانتي؟ العنود :رهيييييييب مشاري: ما شاء الله عليك امداك تاكلين ؟ ريم : لا تهمك ذا الدبى اول من ياكل واخر من يخلص العنود : انا يالظالمه نجلاء: خلونا ناكل العنود : اختك هي الدبى بس تبي جو تاكل فيه الله يصبر اخوي عليك نجلاء : الا يا بخته فيني وانطمي خليني ااكل العنود : افف مليت بروح اغسل ايدي من يروح معي؟ رنا: تونا ما بعد خلصنا روحي غسلي انتي وبعدين نجيك راحت العنود لحالها تغسل وكان واحد واقف عند حمامات او مغاسل النساء العنود : لو سمحت ممكن شوي ........: اكيييييييد (بدلع) العنود : استغفر الله ........: شدعوه ؟؟ ما عجبناك؟ العنود : لاا انصحك تبعد عن طريقي ........: واللي ما راح يبعد وش يصير له العنود : اعلمه منهي العنود (قالتها بزله لسان) .......: يا هلا بالعنود معك سعود العنود : والكووووووووووووبه سعود : شدعوه ؟ في هاللحظه كان مشاري بيروح يغسل لكنه سمعها تتجادل مع احد راح ولقا الرجال يتحرش فيها العنود : مشاااري؟ مشاري جاي معصب : نعم ؟ العنود : خله يبعد عن طريقي احسن له يتبع .. س :وش تتوقعوون راح يصير بين مشاري والعنود وسعود ؟؟ س : فيصل ونجلاء وش راح يصير عليهم .؟؟ س: رنا ومشعل .. ؟؟ س: فواز وريم ؟؟ يله ابي اشووووف ردودكم .. وتوقعاتكم .
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
